WM Café & Bar (雅濤居購物商場)

營業中

休息中

又到週末好去處嘅時候喇今日第一站就去咗馬鞍山先之後就去西貢咁呢馬鞍山呢就比較少去咁就周圍行啦，咁就見到有一間新開嘅西餐廳叫WM Cafe，佢萬聖節裝飾佈置得幾靚又唔太貴，於是就入咗去坐啦。入到去啲燈光有啲暗好似啲酒吧咁樣，都幾有氣氛。其實喺門口已經睇咗要食咩所以我哋都好快就叫啦，咁佢個lunch就由11:30就做到五點嘅都包埋下午茶。於是我哋一行二人就叫左鹿兒島黑豚西冷配北海道檸檬海鹽烤雞再配薯菜。另外就叫咗個安格斯牛肉芝士漢堡。咁佢有餐湯嘅，今日嘅餐湯就係羅宋湯同埋龍蝦湯，咁我哋就叫咗龍蝦湯啦。雖然係星期六，但係我哋嚟嗰陣，都差唔多已經坐滿晒人，好彩咁岩有一張枱比我地所以就唔使等。等左一陣，龍蝦湯同埋餐咁就嚟咗先我哋就叫咗凍檸茶。龍蝦湯好香，唔會濃或者太鹹個味道啱啱好。餐飲方面，基本上我每次食西餐廳或者Cafe都會叫凍檸茶，因為佢哋嘅茶底會清啲，好似西式嘅紅茶咁樣，唔會好似茶餐廳嗰啲咁濃會苦澀。呢杯冇令我失望，啱啱好，好好飲。跟住主菜都嚟咗啦，我就叫咗牛肉芝士漢堡，朋友就叫咗豬扒同雞扒，大家都係配薯條。咁我就試咗自己嗰個先啦，個burger面頭鋪滿晒芝麻。我個口比較大，當然係一啖咬落

Set dinner 配有餐湯 龍蝦湯同餐包同飲品凍朱古力 同埋荔枝蜜桃梳打；梳打飲品做得比較好飲鹿兒島黑豚西冷配檸檬帶子青蘋果絲 98說穿了其實係一塊豬扒！煎得香口醬汁甜甜酸酸，好吸引WM 威靈頓牛柳 128外層是剛剛炸好的酥皮包住入邊是層層嘅牛柳，做法獨特，但非常考功夫，要做到外脆之餘入面嘅牛柳嫩滑多汁；但牛柳有點過熟，若然牛柳生熟程度掌握多一點會更好！鵝肝鴨肉意大利飯 88鵝肝均勻沾滿每粒飯粒，入口有點甜甜的，不錯；但食太多有點漏。小食 脆炸雞翼 檸檬海鹽蜜糖味個汁fresh得泥甜甜蜜味，唯獨入面唔夠味，外層脆脆的！

又到咗Happy Friday🥳上次嚟WM Cafe 食Lunch，今晚一於嚟食Dinner，其實好想嚟食佢嘅威靈頓牛扒，但好可惜已經賣曬😭為有食其他嘢啦😎我們叫咗2個 set Dinner，分別係龍蝦汁海蝦蟹肉意粉和脆炸軟殼蟹墨汁意粉🍝晚餐送忌廉龍蝦湯🦞龍蝦湯好鮮甜👍🏻好味😋晚餐加8元可以有廚師沙律🥗沙律菜份量都幾多和好新鮮，仲有兩塊煙三文魚😻另外我們再加8元配薯菜🍟雖然薯條份量少咗啲，但都好脆卜卜👍🏻龍蝦汁海蝦蟹肉意粉🍝蝦肉好彈牙🦐蟹肉都幾多🦞意粉配上龍蝦汁鮮甜美味😋脆炸軟殼蟹墨汁意粉🍝軟殼蟹好大隻🦀仲要係即炸😻所以超脆🦑墨汁意粉爽口彈牙👍🏻晚餐加12元可以配埋甜品🍰我揀咗藍莓芝士蛋糕和紐約芝士蛋糕😻口感幼滑🧀芝士味香濃超級好食😋另外，飲品我哋叫咗雪糕忌廉梳打🍹雪糕充滿香濃芒果味🥭一邊飲嘢一邊食雪糕☺️一次滿足曬2個願望🥰呢到環境唔錯，坐位好闊落和地方好大，食物價錢合理和有質素👍🏻

馬市再有新CAFE, 梗係要黎會一會呢到原來有早餐, LUNCH SET同DINNER SET而且SET既價錢仲好抵, LUNCH $6X有交易喎叫完SET, 會先送上餐湯, 內有一條氣龍蝦肉, 味道幾好~鹿兒島黑豚西冷配北海道檸檬海鹽烤雞 + 薯菜2件肉都有手甘大塊, 肥瘦適中, 有肉味, 而且幾鬆化~WM安格斯牛肉芝士漢堡一送上黎已經香噴噴啦, 芝麻包好香好脆~安格斯漢堡扒好JUICE, 十分好味仲有大大片芝士同蕃茄夾住薯條十分熱, 外皮香脆, 勁正呀!再配飲品, 茶味夠!環境舒服, 呢到可以再ENCOH呀!

今日買野經過，發現馬鞍山開多咗間西餐廳。 見到裝修都幾靚，所以入咗去試。 set dinner平均$78-128, 價錢都係合理範圍。 我同朋友叫咗個牛肉批配薯蓉， 洋蔥汁香煎鱈魚柳扒， 跟餐有南瓜忌廉湯。南瓜湯味道濃沃唔會過鹹，反而飲落口有甜甜地嘅南瓜味。👍鱈魚柳扒，無雪味食落滑溜，個皮都幾香脆。 個牛肉批睇落非常金黃，但切開發現太生， 要叫佢再整番熟啲先得，不過員工態度好好，都即刻幫我整番👌環境好好坐，覺得下次可以試下午茶

星期日正好到馬鞍山海邊長廊舒展一下！經過雅濤居,發現有新Cafe 開咗！那就先吃飯、後舒展吧！ 🤸🏽‍♀Lunch menu 一點不馬虎⋯⋯A 至R 共有18款，個套餐包忌廉龍蝦湯同飮品！有飯、意粉、Burger 🍔同 Full day breakfast可以選擇! 如要Keep fit 的話，可以選🥗田園沙律！ 但係星期日，絕不減肥！於是我決定大吃一餐，主菜選了‘鹿兒島黑豚🐷配北海道海鹽烤雞🐥‘， 黑豚低脂但肉質細嫩！ 😋加配了，久違了的黑牛梳打 👍！ 朋友仔就選了‘吉列安格斯漢堡🐮‘造型可愛，撈飯啱晒☝🏼! 最後，我們share了一件 🍰Tiramisu, 完美地完成了一個Sunday lunch！P.S. 價錢合理，日日食都得！

對馬鞍山有「美食沙漠」的印象，但得朋友介紹一間新西餐廳，立刻衝去試下。 餐廳既裝修簡約, 座位亦都好闊落舒適！Set dinner 有十款選擇，款式頗多！又「選擇困難症」發作，因為太多想試，最後諗住豪一豪食惠靈頓牛柳和 威靈頓黑豚西冷配帶子青蘋果絲。餐湯揀左龍蝦湯和菜湯。龍蝦湯鮮甜濃郁，有層次感！菜湯也不錯， 勝在菜料多！餸上暖暖軟餐包，正！威靈頓牛柳做法繁複，唔少西餐廳會做，做亦未必做得好食，一定要好有信心先會推出，呢度威靈頓牛柳不比Gordon Ramsay既遜色，中間牛柳呈粉嫩矯人既顏色，味道香濃，食落口感柔軟豐富，係一大經典西餐美食！ 黑豚肉肉質軟嫩，吃下去意外地多汁，配上蘋果絲更能帶出肉的鮮味！

踩完單車去福安商場還車，見到旁邊的雅濤居商場有間西餐廳，好肚餓所以走去試試。週六的下午茶時間，可能已經差不多五點，客人不算多。下午茶餐的菜式都很特別，有全日早餐， 牛角包， 蕃茄湯和龍蝦湯天使麵。。煙三文魚牛油果牛角酥配薯條 ($48)牛角包size 都幾大，餡料 有煙三文魚， 生菜，番茄和牛油果蓉。 還以為牛油果是一片片的，原來是泥狀，少了些口感。不過整體賣相味道都不錯。還有粗薯條，是熱辣辣和脆的。WM 全天候早餐配烤多士 ($78)全天候早餐有太陽蛋，豬肉腸，煙肉，蕃茄，粟米粒，磨菇和茄汁豆。 這份早餐是配太陽蛋，比較奇怪，通常都是配炒蛋的。磨菇應該是雞髀菇，爽脆，不錯。其他材料都普通，沒有什麼特別。 雖然這個早餐材料都算豐富，但沒有什麼驚喜。飲品一般。熱奶茶是茶包奶茶，茶味不夠濃。凍奶茶勁甜，難以入口。要記得叫少甜呀！總結，餐廳坐位寬敞舒適，服務不錯，食物 款式特別，味道都可以。可以一試。

星期六同家人食個靚brunch，聽講雅濤居開咗間新cafe，就去試吓。一人叫咗一個set，平均六十幾蚊一個lunch，唔算貴，有餐湯有餐飲。餐湯可選龍蝦湯或蕃茄湯，我地點咗龍蝦湯。幾濃味，一啲都唔稀，食到濃濃嘅龍蝦味。餐飲就點咗凍檸茶同凍啡。黑豚西冷配檸檬海鹽烤雞薯菜 - 肉質幾嫩滑，美中不足係淋咗啲汁上啲薯條度，搞到啲薯條唔脆。安格斯牛肉芝士漢堡 - burger好大個，好juicy，食完已經好飽。啲薯條好脆，唔錯。

馬鞍山有美食沙漠之稱，我又黎沙漠探秘，路過這家餐廳，見到座位是梳化，感覺舒適，可以試晚餐，我與朋友選擇set dinner餐湯：忌廉龍蝦湯龍蝦味味濃夠杰身，飲完更開胃。餐飲選擇了邪惡度爆燈既朱古力，凍朱古力香濃，面層有好多忌廉，哇，好邪惡鹿兒島黑豚西冷配檸檬帶子青蘋果絲 $98黑豚西冷厚切，肉味濃，肉質軟身，帶子香，配上青蘋果食，酸味解油膩龍蝦汁海蝦蟹肉意粉 $82蝦肉彈牙爽口，頂層有鮮甜蟹肉，意粉熟度剛好，龍蝦汁惹味位置近住宅，環境企理！

馬鞍山早餐又一選擇馬鞍山早餐選擇不多，特色的更少，見有新餐廳開，試試。地點離新港城中心有點遠，行5分鐘。新開，清潔乾淨。早餐menu選擇多煙三文魚牛油果牛角包牛角包鬆軟煙三文魚冇腥味，好牛油果份量少，加多少少就更好此餐女士吃，份量剛好炒蛋火腿熱香餅，用厚切熟火腿，讚炒蛋香熱香饼就一般早餐份量少，男士吃不夠飽咖啡味較甘苦特色早餐，不用吃千篇一律餐蛋麵早餐，不防一試。

馬鞍山係出名嘅美食沙漠，揾好野食一d都唔易，最近開左一間新餐廳，於是同老公去試下。呢到坐得幾舒服，座位之間唔迫，呢個signature wall好eye catching我地叫左兩個晚餐，我飲龍蝦湯，味道無出面嘅濃，老公飲嘅蕃茄湯帶微酸，佢話開胃脆炸軟殼蟹墨汁意粉，軟殼蟹炸得好脆，擺係意粉上面，好似係佢自己爬上去咁😂墨汁意粉無出面嘅咁多汁，我覺得剛剛好，唔會食到個咀污糟邋遢另一個main course係威靈頓牛柳，煮法有少少唔同，係用酥皮成件牛柳而唔係傳統嘅卷狀，起初以為份量咁少，但連埋配菜同薯蓉，份量啱啱好。酥皮一層層好鬆化，唔油膩；牛柳7成熟唔韌無打渣，牛柳本身無調味，夾埋有味嘅酥皮一齊食就啱啱好除左食物，另外值得讚嘅係餐廳侍應，個個都好好笑容，會觀察顧客及主動提供所需，好難得👍🏽

今日返娘家同媽咪食飯，經過間餐廳熟口熟面，原來係喺大埔食過嘅WM分店！ 屋企人話佢係新開嘅～都未食過，就決定係呢度食晚飯啦！叫咗兩個餐，已經包：龍蝦湯、餐包、主菜同一般飲品。另外，可以加錢轉特飲同埋加配甜品。龍蝦湯非常之濃稠，而且加咗cream，所以成個湯都好滑。薄荷青檸梳打 、荔枝香桃梳打～ 一個非常之清爽夠fresh，另一個係美味香甜，各有特式，兩個都好飲。 鹿兒島黑豚西冷檸檬帶子配青蘋果絲～ 青蘋果配肉類，絕對係可以有解膩之用，啱曬女仔口味， 魚香煎帶子亦都好大粒、好有咬口，真係好豐富呀！威靈頓牛柳～ 呢一個菜式，真係好巧廚師功夫， 次次最緊張嗰一刻，都係切開睇下裏面流出來的肉汁， 果然冇令我失望， 真係好靚，而且每層都有唔同嘅口感，真係非常歡喜！甜品(加12蚊) ~blueberry cheesecake 絕對係一個非常之吸引嘅甜品，酸酸甜甜口感夠rich，可以令人有極大滿足感！

早幾日同朋友去左馬鞍山行下，中午想搵下野食就search左呢間，去到發覺原來間野都幾大間，全場都好full。我同朋友簡左一人一個中午餐，分別係荷蘭明太子貝柱意粉和鹿兒島黑豚西冷配北海道檸檬海鹽烤雞飯。荷蘭明太子貝柱意粉意炒同貝柱份量好多，雖然第一眼睇到好似有Ｄ乾身，但其實食落幾creamy同好味，而且意粉好幼身，係我中意食既果種意炒。鹿兒島黑豚西冷配北海道檸檬海鹽烤雞飯顧名思義，即係有黑豚西冷＋烤雞＋飯，肉類十足，大件夾抵食，食完唔怕肚餓，都滿足左唔知想食雞定豬既朋友。我地仲飲左一杯朱古力，好飲唔會太甜！價錢方面其實都OK，平均60幾蚊有一個餐，份量多，有湯有餐飲，仲要係星期六日都有午餐供應。

今晚放工之後要去個朋友屋企拎返啲野，途徑鞍駿街，雅濤居購物商場，附近見到有一間新開既餐廳，叫做【WM Café and Bar】，返正都未食DINNER，一於入去試下。餐廳既裝修偏向英式為主，空間感好足夠，而且座位都很闊落。侍應都很帶禮貌，帶我地坐低之後，亦有向我哋關心冷氣風口的問題，氣溫會否太冷。我哋分別叫左兩個 晚餐套餐；「脆炸軟殻蟹墨汁意粉」、「WM威靈頓牛柳」，我哋＋$8 要左個炸薯條，另外再＋$16分別要左1杯凍柑桔蜜及1杯熱柑桔蜜。「脆炸軟殻蟹墨汁意粉」：脆炸軟殻蟹香脆可口，咸香惹味停不了口，如果軟殻蟹既份量可以多一點會更好。墨汁意粉經由香蒜頭及辣椒片炒香後特別滋味，意粉軟硬適中，恰到好處。「WM威靈頓牛柳」：威靈頓牛排是一道英國菜，將牛排塗上鵝肝醬或鴨肝醬，再蓋上酥皮烤焗而成。這道菜式的名稱相傳是以威靈頓公爵命名。俗稱「酥皮焗牛排」。而呢間餐廳則用牛柳， 侍應表示，由於蓋上酥皮烤焗而成，所以並無一般選擇幾多成熟，劃一是焗至5成熟的。但我個人黎講唔太習慣佢既肉質口感，肉質太散，好不實在。而且還有血水。侍應很好，知道我吃得很不習慣，故提出幫我叫廚房再煮熟一點。不過加熱煮熟後，