WM Café & Bar (雅濤居購物商場)

營業中

休息中

以前賠樣位置都係一間唔錯既西餐，改頭換面轉埋名，行過就想試一試。雖然係cafe n bar..但一啲bar既feel都無，入內環境都幾舒服😌全份餐牌既價位都算中偏平價，我地就點左兩份最貴價既...飲品menu都整得好繽紛😂裡面環境都乾淨舒適，真係唔似酒吧！龍蝦🦞湯的確唔太濃稠，但都算夠味，一般。包似乎係自家製的，好薄，但見到有少少果乾，無咩口感都無咩味，適合沾湯食。較深色一點點個啲就係我提及的果乾，相信係紅莓乾。正餐終於出現，真係好特別，一度以為自己點錯餐/上錯菜😂威靈頓牛柳配上酥皮，好特別，都幾驚人，確實係整得幾好睇好食架！想讚一讚呢度既薯菜都整得幾好，薯蓉夠香滑，連普通既西蘭花🥦配菜都整得清甜可口！之後就係黑豚西冷配帶子蘋果絲，老實講見到咁特別嘅名都想試吓！肉質好香軟，帶子都新鮮，搭上青蘋果絲，夠晒清甜好好味😋最後配番杯凍檸茶，完美作結。

去開馬鞍山，見到呢間餐廳嘅裝修幾靚，價錢都相宜，就諗住入去食個晏晝飯～叫左兩個set lunch, 我哋揀咗龍蝦湯，味道都唔錯，有龍蝦味配埋兩片烘包～叫咗個安格斯漢堡，塊漢堡雖然有啲overcooked,但幾有牛肉味，配埋其他配菜都唔錯。薯條唔係脆個種，有茶餐廳風味，不過相對就冇咁熱氣啦另外仲叫左個雞扒拼豬扒～ 配左個燒汁，好似喺茶餐廳會食到嘅鐵板餐，幾有風味 份量比較細，比較岩女仔食！餐飲就點左凍檸茶同埋凍奶茶～～

其實今次專登開個户口寫食評因為好嬲，好想講吓野，因已經唔係第一次嚟呢間食，外表睇以為唔係一般西餐廳，今次同男友去食係絕對失望，而且唔係一般西餐廳做倒!㗎！食到全程了都好冇feel，前菜係一塊好乾麵包．配个好咸既龍蝦汤其實个汤份量係超大！建議細食嘅朋友可以先忍口，饮一半已經可以放棄改饮水，留肚食主菜威靈顿牛柳，oh..簡简單單配菜嘅材料，係少得可憐，已經好失落)同埋有冇好好照顧顧客大家嘅食量?如果唔夠食，可唔可以加个饭?！不過除咗配菜款式少同份量之外，其實仲可以-講/汁又少又咸，个牛柳竟是像个鷄包仔?128元真有驚喜！叫八乘熟切落去，仲有好多血出，叫侍應講牛柳生喎，点知厨房原個係叮番出黎!128.元食番叮威靈頓牛柳真係令我印象好深刻，个皮又唔脆，又乾又鞋，殘酷一叮!大失所望。!

見佢店舖四四正正，出面見個餐牌又唔係太贵，咪入去试吓當日坐底落完order，想先去個厕洗個手，侍應生話要在水吧扲鎖匙，經過厨房見個入面廚房佬，都冇戴口罩，仲咁啱佢又去廁所，去完見佢都冇洗手，感覺好污糟。我明白佢哋都要去厠所，但非常時期，個人衛生最基本野啦。我黎幫襯只係見間餐廳装修得幾企理，相信佢先入黎，再這，唔搏啦，都是在家食安全d。唔好諗住高高吓既西餐食肆會好d，呢店完全冇對食客嘅健康負責任，我作為客人對抱住出街食野，冇咁唔好彩中招嘅心態，不過後悔到依家😓 埋單時同店員反映廚房員工應戴上口罩，佢竟然話我們的員工好健康冇問題，喂你係煮野果個呀先生，竟然全冇衛生防疫意識😡 佢有回應話會改善嘅，之後有冇改善，就有待大家觀察喇。其實唔係特別好食，就無謂為咗個晚餐驚14日!!

真係未試過食野食到咁嬲，去到餐廳個陣，個侍應勁大聲咁喝話等陣都已經唔知咩料。我仲要咁黑仔坐緊廚房既位，d碗碟聲嘈到我都躁埋，好心就閂返個門先。呢d都算，d野食仲要等左勁耐先送到，而且又勁難食。Wow本身睇個名以為好吸引，點知伏到喊。。。又話海鹽烤雞，sorry塊雞扒只係普通燒汁味。個黑毛豬仲衰，唔好加個鹿兒島就扮上菜啦，食落直情係茶餐廳既黑椒牛扒，真係唔講都唔知食緊豬。一句講哂，好難食！完全係勁差既食飯體驗，好心冇心做就唔好做啦。

母親大人話帶過老豆黎呢度撐枱腳食晚餐覺得好抵所以就帶我黎呢度食個晏🙂Lunch Set有18個選擇 大部分都好吸引啊🤤仲跟龍蝦湯🦞添 湯入面真係有d龍蝦肉架 蒜蓉包好香脆～因為我鍾意食明太子 所以最後揀左 荷蘭明太子貝柱蟹籽意粉($52)好好奇日本🇯🇵既明太子同荷蘭🇳🇱既有咩分別🤣🤣🤣但係食完發現應該係「荷蘭汁/荷蘭醬明太子⋯⋯」而唔係荷蘭既明太子😂意粉🍝韌度唔錯👍🏽我覺得荷蘭汁似係light版既白汁可能因為有檸檬汁🍋同輕微既辣 所以食完成碟都唔覺得好膩😋而媽媽就叫左 米蘭黑豚豬鮮茄飯($54)店員溫馨提示話焗飯要等15-20分鐘但最後淨係等左大概10分鐘就有喇～一見到面頭有兩種芝士🧀就好興奮蕃茄偏酸但開胃 黑豚豬好軟稔 好食啊👍🏽最後仲加左$12配蛋糕🍰做甜品阿華田芝士餅阿華田粉及醬、忌廉芝士、阿華田味忌廉芝士配阿華田蛋糕碎(?)、消化餅餅底四層既配搭令到呢件蛋糕口感好豐富😀午市唔洗加一 的確幾抵食 值得再去～

最近媽媽提早下班，但回到家已晚上八點半，再煮晚餐要等九點多才能吃今天我媽說工作很累，我就建議直接到附近餐廳吃晚餐。想起靠近雅濤居這邊有一家WM西餐廳，就直接過來食物：4/5▪️鹿兒島黑豚西冷配檸檬帶子青蘋果絲黑豚西冷厚但肉質不韌，容易咀嚼，豚肉味濃但不會臊(我對豬肉臊味很敏感，也接受得到)。 青蘋果絲酸甜，開胃解膩。▪️烤石班魚柳配芥末籽燒汁石班魚柳表皮煎得香脆，魚肉嫩滑。▪️龍蝦湯帶鮮味但不稠這裡價格合宜，馬友經過可以來嚐一下！

已經變成美食綠洲嘅馬鞍山！多左好多選擇👏🏼👏🏼唔想煮飯仔落樓下就有嘢食...今晚去食西餐😜之前有幫襯過，記得佢哋SET DINNER好多款式𠺝！上次想叫威靈頓牛柳但係一早就賣哂！今次好彩...即叫！另外再揀個鹽烤帆立貝海膽醬意粉🍝鍾意呢度嘅餐包熱烘烘好軟熟☺️配龍蝦湯好美味😋威靈頓牛柳果然正！酥皮夠脆口！牛柳肉味濃👍🏻一啲都唔韌，好好味💗餐飲加$18可以配特飲，叫咗杯荔枝蜜桃梳打🍹同熱情果菠蘿梳打🍹夠哂大杯！真心覺得好抵食👍🏽下次再黎要留肚試埋佢哋嘅甜品🍮🤤🤤

又係出外覓食嘅時候，呢間WM係一間氣氛浪漫嘅西餐廳，今日被安排坐卡位，地方寬闊，晚餐選擇有10個，由$68至$128不等。點餐後就送上餐包和餐湯，餐包配牛油不過不失，龍蝦湯相當濃味。另外我加$8叫咗個廚師沙律，除咗沙律菜仲有兩塊煙三文魚同埋好多芝士粉，本身已加咗沙律醋，味道酸酸地幾開胃清新。主菜來了，先食個「龍蝦汁海蝦蟹肉意粉」（ $82 ），他有幾隻，唔算好大啫，爽口，蟹肉一堆，加埋啲紅椒青椒、菇和蟹籽等，味道都幾好。「威靈頓牛柳」（ $128 ）新鮮焗好送上，麵包外皮啡啡的，裡面索晒牛肉汁，牛肉都幾腍，keep到 Juicy嘅感覺，肉質幾好，仲有好多薯菜伴碟添！餐飲方面可以加錢轉特飲，我哋要咗一個朱古力咖啡，味道好濃甜度啱啱好，相當好味。另外一杯Pussy Foot，粉紅色賣相都幾靚，味道有啲似雜果賓治，唔會太甜！其實晚餐仲可以加甜品，不過今次無加，見佢個甜品櫃都有幾款選擇，下次有機會再試。

上次來食過晚餐覺得唔錯，今日再嚟encore，叫咗一個「吉列漢堡牛肝菌醬扁意粉」（$78 ），味道不錯，漢堡份量都幾大，個面唔會覺得好熱氣，一咬即開，幾啱小朋友食。另外叫咗個「鹿兒島黑豚西冷配檸檬帶子青蘋果絲」（ $98 ），帶子得一粒同埋乾身左少少，但係個黑豚西冷就好好味，好腍，配埋青蘋果絲，感覺清新，加埋薯菜伴碟，薯蓉都好多，抵食。晚餐本身已經包左龍蝦湯或者蕃茄湯，味道OK。餐茶我哋就加$18升級做特飲，叫左兩杯「雪糕忌廉梳打」，除咗雪糕之外，面頭有忌廉加上彩色粒粒，賣相好吸引，小朋友都飲得好開心。為咗滿足小朋友嘅要求，我另外在加咗$8要個薯菜，基本上就係薯條加一舊西蘭花，薯條熱辣辣，點埋茄汁就最好味啦！$100左右一個晚餐，有齊咁多樣嘢，性價比都唔錯！而且服務OK，我相信我會再來的。

今日去了馬鞍山海濱長廊曬曬☀️太陽，吹吹風，再對住個大海🌊大嗌幾聲，當堂鬱結全消！然後就行返去雅濤居食 WM cafe......呢度好近海邊，而且性價比又高！假日full set lunch 都係$60~70, 有忌廉🦞湯龍蝦,有main course 🥩,有嘢飲🥤, 質素仲唔錯TIM!叫咗黑豚西冷🐷配烤雞🐔配薯條， 黑豚肉夠份量，肉質幾嫩； 個烤雞簡單用海鹽🧂配，質感更好！我最鍾意係杯”黑牛”, 好耐冇飲過了， 將朱古力雪糕浸落可樂度，然後大啖大啖食🐒好快樂的童年回憶！呢度加$12有埋homemade 蛋糕🍰,咁我就唔執輸加個Tiramisu … …個質地比較鬆軟，味道較為淡，唔係好肥嗰D cake, 但係就好新鮮！ 舒舒服服食咗一餐，然後又去海邊玩過了！

今日同朋友喺馬鞍山食晚飯啲人成日話馬鞍山冇乜嘢好食但係其實用心啲搵都會搵到啲驚喜原本諗住喺新港城食嘢但係最後朋友推介嚟咗呢一間餐廳呢間餐廳係一間酒吧餐廳但係有別於其他酒吧餐廳，呢間嘅座位超寛敞， 兩個人坐張大卡位， 勁舒服食物嘅價錢又唔貴， Set dinner都係100頭叫咗兩個set每個set都有餐湯同嘢飲，餐湯係忌廉龍蝦湯，味道都唔錯鹿兒島黑豚西冷配檸檬帶子青蘋果絲：一上枱已經覺得賣相幾吸引，豚肉煮得啱啱好，豚肉味都幾濃烤石斑魚柳配芥末籽燒汁：魚柳外皮烤得幾香脆， 入面嘅魚肉都幾亂嫩，加埋佢嘅芥末籽燒汁， 幾酸甜開胃呢個嘅價錢， 無論環境同食物既性價比都好高

龍蝦湯好好味，仲有龍蝦肉喺裏面，真材實料，好豐富！我點了龍蝦汁海蝦蟹肉意粉，剛喝完龍蝦湯再吃這個龍蝦汁意粉，延續龍蝦的味道，整個口腔充滿龍蝦味道，龍蝦控一定要試。意粉內的大蝦爽甜，值得推介👍🏻另鹿兒島黑豚肉西冷配檸檬帶子青蘋果絲，黑豚豬煮得一D都唔韌，黑豚豬肉好容易切但仍有咬口！👍🏻火喉控制到恰到好處！還有大大隻嘅的香煎帶子，帶子有淡淡牛油香味。簡直一流😋😋晚餐又有餐包和餐飲，現在還有八折快閃優惠，非常抵食！即使非常時期也要共渡時艱！

前两日去朋友馬鞍山屋企，谂住落樓吓一齊個西餐dinner, 用電話上open rice 睇有咩好評多既餐廳，見呢間有唔錯評语咪去试吓，点知中哂伏，又贵又把鬼，忌廉龍虾汤，冇龍虾味又冇肉，好似饮緊糊仔咁，食件肉眼牛扒叫五乘熟，竟然又乾又鞋，九乘都黎!朋友個卡邦尼意粉仲惨，煙肉完全唔香，意粉又乾又碎!!隻溫泉蛋仲要係凍，都唔知食咗D乜，飲品都唔掂，凍咖啡談到奶水咁，两人咁就六百幾蚊出門口！一定冇下次law,

今晚同朋友想去海傍行下.就近近地去左馬鞍山👍🏻記得附近有間高質抵食cafe.店舖很大.環境舒服.很適合朋友聚會慢慢坐👍🏻價錢正常.🤣但威靈頓牛柳十分平.被吸引來黎食👍🏻⭐️⭐️⭐️十級推薦甜品⭐️⭐️⭐️🎂自家制意式奶凍配橄欖油 💰28佢唔係普通奶凍啫喱.係好creamy.似Cream cheese口感.散發淡啖奶酪香味.配上橄欖油.成個甜品變得好fresh👍🏻 完全不會甜. 好特別.一定要試🥰🥣龍蝦湯餐包⭐️加分位加分⭐️龍蝦湯味十分濃郁.很少西餐廳的餐湯會免費提供龍蝦湯🥰🥢鵝肝鴨肉意大利飯 💰88⭐️推薦鴨鴨迷⭐️只係鵝肝都值回票價🤣滿足.鵝肝要煎得靚真係好考技巧同功夫👍🏻再配上好香濃鴨肉汁味（好重鴨味！）入哂意大利飯.每啖意大利飯都配有鴨肉絲同雜菌👍🏻鍾意食鴨唔好錯過🐥‼️份量好多同好飽.記得要同朋友share食😆🍴WM威靈頓牛柳 💰128睇完個價值無理由唔叫🥳未見過甘平.香脆酥皮包著焗到香嫩滑溜牛柳👍🏻牛柳肉汁鎖在其中加埋濃厚醬汁🥺配大量薯蓉.非常好味抵食.睇下肉質重保留到半生熟.真係少d功夫都唔得🥳🥤忌廉黑牛梳打 💰32成日聽人講黑牛都未試過.見到有就試下.🥳原來係可樂溝朱古力雪糕🥳滿足.又飲到又