WM Café & Bar (雅濤居購物商場)

營業中

休息中

雙層芝士安格斯牛肉漢堡配薯條：招牌菜式！牛肉分量十足，厚度且雙層關係，非一般人可以大啖咬到全部，而且牛肉有咬口又多汁，好滋味！除了配合番茄、洋蔥和生菜之外，最重要是面和底的麵包鬆脆非常，佈滿芝麻更香口。巴馬臣芝士溫泉蛋卡邦尼意粉：溫泉蛋蛋香濃郁，流心蛋黃連煙韌意粉入口簡直一流！最緊要外賣都仍然熱騰騰，不會令意粉變硬變杰！蕃茄肉醬意粉：蕃茄味特濃，味道偏酸！相信番茄控一定欣賞。肉醬份量頗多，這個意粉足夠二人份量。是日精選蛋糕：檸檬芝士蛋糕微微酸，芝士味濃厚，底部曲奇碎脆卜卜。這間餐廳的蛋糕一向自家製有保證！疫情關係，今次晚餐唯有外賣。平日堂食，餐廳都乾淨衞生企理，外賣都包裝得妥妥當當，不錯！

情人節梗係唔想煮飯，無得堂食唯有外賣，諗住幫襯WM食西餐，之前嚟過，鍾意佢款式都幾多而且價錢都抵，整體衛生情況幾好，招呼都不錯，只係計漏咗佢特別日子無哂平時既晚餐，只有散叫和情人節餐，慳家的我當然散叫🤣🤣結果我哋選擇咗「雙層安格斯芝士漢堡配薯條」（ $99 ）同埋「美式BBQ手撕豬漢堡配薯條」（ 89 ），仲有「煙三文魚千島薄餅」（ $89 ）。由於都幾多人幫襯，我就靜靜地坐低一角等外賣。Burger用紙盒裝好，另外薯條分開裝，粗身曲薯條新鮮炸好好味，burger都己有驚喜，安格斯牛漢堡包面有好多香噴噴芝麻，兩塊安格斯牛加上洋蔥、蕃茄、芝士和菜，安格斯雖然唔算爆汁juicy，不過都係幾好味㗎！另一個手撕豬漢堡亦都相當特別，未聽過亦都未食過手撕豬，真係見到一條條絲，撈左BBQ醬，食落去好濕潤一啲都唔乾，仲有一圈菠蘿，芝士和生菜，所以食落去都有汁，甜甜地。至於煙三文魚pizza, 係切成嘅薄批，中間鋪咗芝士，每一塊上面都有一塊煙三文魚同埋蟹子，批邊夠脆，煙三文魚和芝士都夾，加油蟹子卜卜聲係加分的！簡簡單單又一餐！😁

最近疫情嚴重 甚少外出趁去旁邊超市入貨前先去點個外賣大概20分鐘就可以取 都幾有效率不想吃正餐 所以點了幾款小食邊煲劇邊吃小食拼盤好豐富呀 一份已經有齊六款小食茄汁肉丸 南方雞翼 炸雞塊 豬肉腸 豬仔骨 粗薯條最好吃的是肉丸 首先醬汁超香濃蕃茄味 味道微甜肉丸充滿肉汁 比連鎖店出色十萬倍豬仔骨都非常惹味 而且肉質軟滑不會乾爭爭玫瑰蜜糖雞翼這個有股淡淡的玫瑰清香 甜甜的 女生最愛炸雞籃炸雞籃裡除了炸雞薯條外還有炸豬扒 這個超好吃 有一點點辣吃厭了連鎖店的炸雞可以試試換個口味

成日話馬鞍山係美食沙漠其實當中都有好食嘅餐廳係你搵唔搵到啫呢間近酒店嘅西餐我之前都食過 又抵又好味 最近冇得晚市唯有外賣番屋企嘆蟹皇千島薄餅佢嘅批底好似餅乾咁面頭鋪滿吞拿魚蟹柳同蟹子食落脆卜卜 口感豐富加33蚊可以升級做餐 跟一個小食 餐湯同餐飲小食我地揀左炸蠔 好酥脆又唔腥餐湯蕃茄湯超濃郁 真係好多蕃茄茸意式肉醬千層麵薯茸勁保溫 外賣番到屋企仲係熱辣辣芝士同肉醬都好足料 啖啖都食到中間仲夾左啲薯茸 成個口感好幼滑美式BBQ手撕豬漢堡配薯條手撕豬我本身以為係一絲絲嘅豬肉但呢度用左比較厚身嘅腩肉仲有層皮 食落係彈牙又唔油膩 幾好薯條係勁粗身嗰種 一樣咁正整體嚟講真係好食又抵食唔怪得晚市外賣都咁多人叫

本身都好中意呢間餐廳，幫襯過好多次，但每次個水準都唔同，而且有時喺可以用差黎形容。平時叫啲意粉，有時就有味，有時就好淡味，水準保持唔到，要睇你好唔好運。有一次叫咗個$168三層甜品塔。。。🥴鹹點部分都還好，甜點真喺有幾樣嘢難食到食唔落口。個鬆餅喺好硬，精選蛋糕兩款都好難食，然後最頂擺咗兩塊曲奇完全唔夾。千祈唔好信佢張相，如果唔喺你會好失望😂兩個人食都飽嘅，因為你會甜都滯咗🤢員工質素越黎越差，而某部分員工更加當番工喺玩咁。兩個女員工喺客人面前大聲傾計，講私人嘢，之後喺後台位置多次差啲跣親就大聲講粗口。番得飲食，著防滑鞋喺好基本，經理好有需要教下。再講，最令我覺得唔恰當喺佢地番工時間喺咁偷食嘢😑而家疫情底下更加唔應該，除下個口罩食一兩舊就戴番然後傳菜，好有問題。麻煩喺你落場時間先食嘢。呢兩個員工大聲講大聲笑，仲偷食嘢，見到其他員工對住佢兩個都好無奈，影響餐廳質素。

🔸小食拼盤🔸茄汁肉丸🍅🍅南方雞翼🐤🐤炸洋蔥圈🧅🧅芝士車打薯皮🥔🥔早餐豬肉腸🐷🐷BBQ烤豬仔骨🐽🐽完全估唔到一個小食拼盤，可以有6樣野食，啱晒一班朋友一齊食，而且款款都好啱分黎飯，好方便，而且仲好正🤤🤤🔸脆炸雞翼🔸一共有6隻檸檬🍋🍋海鹽蜜糖🍯🍯雞翼，炸到金黃色💛💛個皮仲有少少焦🤏🏻🤏🏻味道啱啱好，好好味🤤🤤🔸芝士四重奏薄餅🔸入邊包含咗四款芝士，車打芝士，籃芝士，2款水牛芝士🧀🧀🧀🧀x4個餅底🍕🍕香脆可口，咬落去仲卜卜脆，好吸引😍😍仲可以做到拉絲效果，真係平靚正🤤🤤

見到之前食評，本來諗住帶家人嚟嘗試呢度既龍蝦湯同威靈頓牛柳，點知：—由於臨近除夕／新年，佢地只有平時既 Menu 同新年大餐，但就抽走左威靈頓牛柳—上面呢個唔怪佢，自己無問清楚就走入去，就揀左兩個 set dinner 嚟食，因為想試下佢個龍蝦湯—龍蝦湯入口，好似溝左好多水咁，完全失去左應有既味道—飲完湯，個女侍應開始上其它菜時，唔知點解死都唔收已飲完既湯，去到最後我要「啤一啤」佢先識得話收湯同埋其它碟—個吉列蠔又細舊又唔新鮮—肉醬意粉，好淡味，唔知係咪個廚唔記得落鹽—跟住嚟左個經典既「黑松露牛肝茵大啡菇意大利飯」，啲黑松露好似消失左，意大利飯既味唔知係咪落錯左芝士變左好奇怪既味。最離譜既係，個大啡菇食落係生既，叫個經理嚟反映下，算佢有少少良心之後過嚟認話個芯係生既（咁但係又點解可以上菜呢？）—上餐茶，要一杯熱奶茶，可以就咁比杯熱紅茶，同個女侍應講我要熱奶茶，佢先至識得攞啲奶精嚟咁既服務態度加食物質素，區內好多西餐廳，有更加平既價錢，都好食過同好招呼過呢間嘢多多聲。呢間絕對係美食沙漠中既沙漠。

作為一個輕量版嘅晚餐呢間餐廳幾抵食平均$100內都有得交易味道都唔錯而且賣相都唔差座位都坐得舒服今日嗌咗魚扒食，份量唔算太大蛋糕盒但煎得都好脆口下次有機會經開附近都可以選擇呢一度開餐

我同朋友喺馬鞍山住，想搵間西餐食個dinner, 朋友建議試吓昵一間🍕🍹．原來間餐廳好大，坐位寛敞，吾錯吾錯🤣🤣．忌廉蟹肉龍蝦湯味道濃郁，好有龍蝦味😊餐包係黑糖餐包，熱熱的，好軟身．前菜係個炸生蠔🦪, 脆卜卜，好juicy 💕．我哋叫咗個意大利肉腸批🍕, 個批薄薄地，芝士分佈平均，口感吾錯．橄欖油蜆肉炒意粉，都幾大碟，有吾少蜆肉，有層次感🍝．凍檸茶又大杯，可以慢慢飲．呢餐廳價錢幾大眾化，吾煮飯可以落嚟食個晩飯😊😊

大啡菇牛油果蕃茄漢堡配薯條🥑鍾意食大啡菇 佢整得好Juice😋 仲要配上牛油果 佢既牛油果係原塊上勁大舊 而且仲有d牛油果蓉超級好食!!!! 10分推介仲有粗薯條 🍟🍟炸得好香脆又有口感意大利香草墨魚仔蒜香墨汁意粉墨汁加香蒜 令到意粉好入味👻而且唔會太濃 係岩岩好~雞扒飯 雖然外表普普通通但整體黎講都不錯的😮‍💨Waiter 好好service 好有禮貌四周環境非常寬躺 好舒服住喺馬鞍山嘅福利 價錢優惠😍😍

又食WM cafe啦！第一次都係食mos既，貪佢附近有得泊車又唔係太貴。餐廳衛生狀況又算良好新淨！12月xmas月食下二人餐開心下，都幾多嘢食，係冇甜品~加甜品要另外加$38 ，佢另外都有啲配菜可以加$。63度溫泉蛋凱撒沙律Caesar salad with soft boiled egg本身凱撒沙律就比較清淡，但係加咗溫泉蛋之後啲蛋咋令到成個沙律升咗一個層次！特別係蛋黃嗰啲汁，好嫩又有光澤係沙律菜上面唔會太乾！本身凱撒沙律就覺得比較乾身，有蛋就正d！WM招牌龍蝦湯WM signature lobster bisque佢都可以揀是日餐湯，佢今日是日餐湯係蕃茄湯。咁應該龍蝦湯抵食d既！麥包配埋食！今次湯咸度剛好！意式肉丸肉醬意大利粉Spaghetti bolognese with meatballs意大利粉份量幾多，唔會太林爛。幾好，有時覺得肉醬一多汁就意粉唔好食。肉丸一開二，份量ok既！美國殼飼安格斯肉眼牛扒 九安士USA grain-fed Angus Ribeye steak 9oz肥肉係尾尾多左少少。但整體個安格斯肉眼牛扒都係軟嫩，唔成熟啱啱好！夠肉味，雖然佢得九安士，但係兩人食

今晚係馬鞍山晚餐，呢間餐廳好食又唔貴，兩個人叫左個2人餐，$288二人餐，包兩個湯、一個前菜、兩個主菜同飲品。.前菜擇左「WM 炸雞沙律」炸雞配生菜同蕃茄仔，加上清新沙律汁，酸酸地好開胃。「WM 招牌龍蝦湯」跟餐有得擇龍蝦湯好正，龍蝦湯濃味又唔會太咸，加埋麵包一齊食岩岩好。.主菜叫左「白酒蒜香蜆肉意粉」同「香煎西班牙卡真澳洲豬胺」，意粉彈牙又好香蒜味，亦好足料。澳洲豬胺好出色，大大舊煎得岩岩好，裡面熟得黎係好淋身，一啲都唔會硬👍🏻.飲品如果唔加錢，可以擇英式熱茶/凍西柚紅茶，個人比較鍾意凍西柚紅茶，酸酸地又甜甜地咁。

位於馬鞍山站步行約8分鐘，雅濤居商場地下位置WM Café & Bar，餐廳裝修格局有氣氛，如果晚餐都係一個好選擇，餐廳座位舒適，店員服務敏捷有禮，我哋今次係食早餐，一行2人，平日早上不用等位，我哋叫咗兩份早餐，一共都係$68，包飲品，叫咗兩杯熱咖啡，炒蛋香滑，餐包&牛油酥多士都係熱辣辣，好味。沙嗲牛肉公仔麵，公仔麵煮到口感啱啱好，湯底唔喊但好味。成份早餐感覺唔係求其俾你，性價比高吧，大型快餐店都要呢個價錢啦！

又是馬鞍山，朋友住在此，她話WM晚餐可以一試，一於相信地頭蟲嚟幫襯。看見餐牌有很多選擇，意粉丶飯丶薄餅及扒，應有盡有，而套餐價錢是$68起，包餐湯及飲，唔貴！我們揀了一個香辣蕃茄醬肉丸意粉（$78）及慢煮三文魚扒香草意大利焗飯（$128）。餐湯是其特色龍蝦湯，還有熱辣辣小麥圓麵包。龍蝦湯味濃，稀稠度剛好，入口香醇，配埋麵包，一流。👍🏻👍🏻👍🏻煙三文魚扒望落有點乾，食落卻ok。意大利飯煮得啱啱好，彈牙有口感。飯每粒都包有忌廉，份量不過多，配埋香草，又滑又香。以這個價錢，絕對超值。😋😋😋肉丸意粉望落好似有點凌亂，其實是因我心急攞咗D。☺️☺️ 這個扁意粉炒得啱啱好，好彈牙！肉丸亦大粒（比IKEA嘅大咗一個碼），醬汁有鮮蕃茄及少少辣，好味。佢雖然樣子平凡，但絕對是水準之作。👍🏻👍🏻👍🏻咖啡亦十分正宗，香濃有啡味。WM晚飯，令我有驚喜。

嚟開馬鞍山，見到呢間西餐廳餐牌，平日星期一至五晚有dinner set,價錢都幾大眾化。晚餐配忌廉蟹肉龍蝦湯/是日餐湯你冇睇錯，龍蝦湯係餐湯，不用另外加錢，一般西餐廳餐湯只有忌廉湯或羅宋湯之選。龍蝦湯都幾滑溜，味道濃郁，勝在不會像罐頭湯咁䶢，配上暖暖嘅麥味小餐包，絕對是意外驚喜。烤西班牙伊比利亞法式有骨黑毛豬扒配檸檬胡椒蘋果蓉 $188西班牙伊比利亞黑毛豬扒出名肉質 鬆化、肉味香濃，豬扒煎得肉嫩多汁，口感味道都遠勝一般豬扒，配以檸檬胡椒蘋果蓉，甜甜酸酸的，平衡番肉類的油膩感，好清新！WM 馬賽虎蝦海鮮湯配燴意大利飯 $158第一次食用湯墊底嘅risotto,感覺新鮮特別，香濃番茄海鮮湯底配以大量海鮮，有大大隻爽口彈牙嘅虎蝦、帶子魚塊、青口、蜆等等。晚餐追加薯菜 （+$8）薯條上枱熱辣辣，形狀是粗條形，炸得又香又脆😋另外，晚餐可配茶/咖啡 或 甜品（朱古力香蕉忌廉薄餅）餐廳座位闊落舒適，當晚亦目測不少兩口子拍拖來共晉晚餐。