WM Café & Bar (啟岸)

營業中

休息中

啟岸真係開左好多餐廳, 見到呢間WM CAFE, 印象中有幾間分店, 質素應該OK~上到去餐廳播住音樂, 環境好舒適, 仲可以坐卡位~ MENU有好多選擇, 我地叫左1個龍蝦汁海鮮捲粉, 配左套餐, 同埋半份豬肋骨~套餐會有餐湯, 沙律, 同埋餐飲,, 餐湯係蕃茄湯, 酸酸甜甜, 沙律有一大片parma ham, 好開胃~龍蝦汁海鮮捲粉口感好彈牙, 比起一般意粉好食, 個醬汁都好香濃, 又唔會太咸~而且海鮮份量都幾多!到豬肋骨上枱, 我地都有d驚訝, 兩個人食黎講半份都幾多, 個bbq醬幾香, 不過個豬助骨好厚, 所以入面d肉略嫌唔夠味, 同埋骨位可以熟多少少~ 不過隔黎既炸薯條好香脆好吃~埋單原來先知原來豬肋骨係全份黎, 不過餐廳話食左無得改單, 所以2人$579~

前幾日，去左土瓜灣探朋友，所以一齊去左食晚飯，佢同我講啟岸有間西餐唔錯，就去左食la，餐廳裝修都唔錯，好舒服，人流8點幾食都叫唔錯，我地好好彩有卡位座，仲可以睇到下外面的景觀，雖然係大馬路，但係因為落地大玻璃窗，感覺好舒服。我地揀左兩個餐，一個西西里海鮮pizza，一個青醬雜菌意大利粉，套餐跟左兩個蕃茄湯，餐杯揀左即磨咖啡，小食一個係墨魚餅同Parma ham沙律。坐左一陣就有餐飲同湯，咖啡自己加奶加糖，甜度同奶香可以自己控制，加上咖啡香濃，係我鍾意的nutty d的咖啡，因為我好怕太fruity的咖啡的，蕃茄湯有酸酸地幾開胃，作為醒神菜係唔錯。Parma ham沙律其實份量都唔細，我初時以為係沙律杯咁，d菜都好新鮮，食d纖維係對身體好好多ga，墨魚餅雖然細細件，但都好有驚喜，佢入面好有口感，而且啖啖墨魚肉，外皮脆口但入面都唔會變到乾爭爭，比心心佢。青醬雜菌意大利粉，個大啡菇有焗過，面烘過但入面juice多汁，意粉硬度適中，青醬比例洽當，唔會太鹹又唔會太搶，所以係幾好的。西西里海鮮pizza要焗一段時間，大約落單後30分鐘左右，睇得出即叫即整，連個皮都係，佢係簿餅底黎ge，脆脆的餅底，

土瓜灣的啟岸見到佢開張新落成，也見到很多新餐廳開張，這間西餐廳WM Cafe & Bar 座落於1/F，今日專程來試下。餐廳裝修新潮，臨近聖誕，也佈置了聖誕裝飾，餐廳也有露台露天座位，可以一邊食一邊飽覽景色，也是可食煙者的最愛。Menu款式都算多。珍寶日本帶子巴馬火腿卡邦尼煙肉意大利粉$98珍寶日本帶子經香煎，口感結實煙韌，頗新鮮，味道鮮甜。巴馬火腿切得較薄，頗大片，味道鹹鹹香香。意粉帶有芝士香，軟熟又有少少煙靭，伴著卡邦尼煙肉及巴馬火腿更是多重滋味，意粉的份量多少少就更好。櫻桃茄馬蘇裡拉薄餅$108 薄餅底不會太厚，餅邊香脆，面上見到焦香的濃芝士已經感覺惹味，芝士還有拉絲，還配有櫻桃蕃茄、香葉……，入口芝香、甜，多重口感， 特色的異國風味。鑽石蜆青口配冬陰公忌廉汁$88鑽石蜆及青口肉雖然不是很大，但是頗鮮甜。裡面還有頗多的洋蔥絲及少少菇類，也見到有冬陰功必備的檸檬葉、香茅……等調味料，湯底帶有鮮冬陰功的特色味道，特別香濃，跟配的面飽，沾著湯汁，香脆及多重味道。最後食個心太軟配朱古力雪糕，很滿足。

.📌#豬西食土瓜灣.呢日去咗土瓜灣啟岸食夜晚 搵左間cafe 覺得不錯不錯😗 等我地介紹下🐷.🐷WM海鮮龍蝦汁意大利捲粉 👅7.5/10 $138都係嗰句 之前見識淺 未食過捲粉😂😂 呢個捲粉幾好食🤤 個龍蝦汁都算係幾濃味 仲有青口、蜆、蝦 份量都算幾多下🤓 大家可以去試下😋.🐷黑松露大啡菇野菌薄餅 👅8/10 $128芝士味同黑松露味都好出 而且都幾多菇🍄 成個pizza都算係幾大 食到我地兩個勁飽😯😯😯.總括而言 呢到啲pasta同pizza似乎都係唔錯🐷大家去開土瓜灣又多個選擇啦😋環境都唔錯 坐落幾舒服😆.味道👅：7.99999/10賣相👀：8/10扺食💰：7.5/10服務🙇🏻‍♀️：8/10

話說昨日小弟請同事食聖誕飯。20人左右。叫同事搵地方。找了這間。人頭費128元一位，免加一。原本餐牌最尾係128的未來牛漢堡。咁大家都諗住食128餐咪最著數囉。點知，去到佢個128餐遮住左。如果要食，加多20蚊。餐牌A至O可以食一款，即價錢由68至98蚊，包湯和飲品一杯，收128一位。咁我問負責人：你咁樣計，咪仲貴過我20人walk in分開坐？ 佢話：我留左位俾你，而且不限時，坐到幾點都得，其實我可以翻枱做兩輪架。如果你要咁做（即係walk in再分散坐），我都無你辦法架。為免令同事掃興和尷尬，我食，仲坐到2點添。我20人嚟幫襯，負責人理直氣壯同我講，話所有嘢之前已經我同事講左，即係願者上釣啦。OK 唔緊要，但你咁做生意，殺雞取卵，無下次啦。BTW, 呢間嘢我日日都經過，午市無見過要排隊，即係翻唔到枱囉。仲同我講話可以做兩輪喎。。。食物質素。。。我個白汁焗意粉，意粉完全無調味。味道係由個白汁來的。其他我無食。不置評。

開啟岸見佢平時都幾多人諗住一定冇死價錢都唔平價位大概$80至$150叫咗美國西冷扒同埋卡邦尼意粉啲扒勁似茶餐廳既黑椒牛扒意粉係凍冰冰既啲煙肉係超市買到果款食左幾啖已經無食無下次

住呢度附近嘅人都有口福呢間真係不錯，環境都係我比較喜歡嘅風格田園風帶點型格紅磚，牆上有大大個電視螢幕播放輕快音樂Lunch set都好抵食，免加一服務費有餐湯及飲品，另外可以加十幾至$22可轉特色飲品，加多少少錢可以叫小食或好似我哋咁加$25叫咗心太軟做午後甜品🍮珍寶帆立貝龍蝦汁海鮮意大利捲粉大大粒帆立貝，心心眼😍捲粉吸收晒好香濃嘅龍蝦汁，口感好特別比較彈牙，不同普通通粉芝士海蝦蟹肉焗意大利粉海蝦都有6-7隻，size 唔細好爽口，蟹肉配上香濃芝士味意大利粉份外滋味✨打咭飲品之選艺士奶蓋焦糖爆谷拿鐵滿滿嘅爆谷係拿鐵上面 芝士奶蓋牛油果沙牛油果味好fresh，唔會太淡超讚✨最後濃濃嘅都朱古力🍫心太軟作午餐嘅完美句號💗

第一次食，嗌咗泰式紅咖哩手撕豬Pizza 跟餐。首先，個Pizza冇咖哩味，有啲怪味。但諗過第一次食可能係咁，所以都大膽嘗試。點解夜晚就精彩喇。我同另一半過咗一陣，我本人就肚痛，另一半就入咗廁所痾水。佢成晚都呼吸困難，之後仲嘔埋！諗住佢嘔咗會好啲，但夜晚佢成晚心跳好快，最後搞到入埋急症。除咗個Pizza，加錢配嘅沙律同餐湯都好有問題。個沙律啲菜極唔新鮮，個幾塊，仲有個餐湯一打開個杯，異味攻出來。價錢唔平，仲搞到人食到腸胃炎，真係冇下次。

黑松露大啡菇野菌薄餅🍕 pizza 嚟講，冇諗到一間位於紅土區咁平凡嘅餐廳，可以整到咁薄身嘅pizza~ 😍 食完，都唔會覺得自己食咗太多澱粉入口😗 Ketoist 都唔洗擔心。而且都幾 cheesy! 芝士份量和溫度都幾足夠，所以一切開塊pizza，就有拉絲嘅感覺😝 黑松露味道適中，野菌亦都幾爽口🍄焗芝士三文魚牛油果意大利飯牛油果應該係牛油果醬～ 撈勻左意大利飯本身～ 再拎去焗～ 溫度非常足夠，一「不起嘅時候、蒸氣霧煙♨️ 三文魚佢應該原本係煙三文魚，所以就完全冇骨的問題～ 可以放心大啖大啖擺入口😌茘枝蜜桃梳打跳得梳打飲品，都幾大杯，而且都有少少果肉🍑 甜度適中～

餐廳🍴裝修好田園風，環境空間亦夠哂大，感覺好舒服😌珍寶日本帶子巴馬火腿卡邦尼煙肉意大利粉 $98勁Creamy😍奶滑程度100分，珍寶帶子大大粒，表面仲煎香左，肉質好嫩滑爽彈，巴馬火腿鹹香味十足，煙肉🥓份量亦好多，令整體味道同口感都更帶層次安格斯牛肉雙層芝士漢堡 $158(車打芝士，煙肉🥓，自家製酸青瓜）配是日炸薯安格斯牛肉牛味濃郁，食落非常結實飽滿，唔會一咬就散，肉汁仲好多，一咬入口會feel到非常juicy，芝士同煙肉仲令牛味更出，味道更豐富，非常好食😋，炸薯係粗薯，外脆內軟，薯味好夠加配 $38是日餐湯 羅宋湯中規中矩，足料味道亦夠濃吉列炸蠔2件炸得非常香脆，蠔肉亦夠大粒肥美凍西柚蜂蜜綠茶整體唔會太甜，柚子既果香同蜂蜜既清甜都互相呼應咁，非常清新自然

今日lunch來到位於啟岸一樓嘅WM Cafe & Bar，見新店開張一於幫襯下。餐廳樓底好高，而且餐廳面積都幾大，仲有埋露台添。裝潢走英倫風格，有啲紅色磚牆，又有啲綠植物牆，餐廳兩邊都係落地玻璃非常光猛開揚，整個感覺都係好舒服，大讚！下午時段有set lunch，價錢由$68-128，有一個主菜，跟一個餐湯同一杯熱飲，亦可以加錢升級飲品和加配小食/甜品。都算幾抵食，而且仲免收加一添！香煎牛柳配紅酒燒汁 （配意粉）$98牛柳點左半成熟，雖然望上去比較生，但完全冇血水，而且係勁淋！個燒汁同牛柳都比較淡口，啱晒我個人口味，意粉都做得唔錯。WM 烤大啡菇牛油果芝士漢堡配炸薯條 $98個漢堡有大啡菇、牛油果、芝士、蕃茄、生菜，配上少許蛋黃醬。整體感覺比較健康，味道合乎預期，好適合素食者或追求健康人士👍🏻餐湯選擇左WM龍蝦蟹肉湯，湯比較濃稠，味道唔錯。另外+$20 點左個巴馬火腿田園沙律，入面除左沙律菜仲有有凱撒醬 、芝士 、脆麵包粒。最後仲+$20 點左個自家製心太軟，味道唔錯，可能因為放耐左，切開時已經冇流心了。總結：餐廳環境非常棒，lunch set免加一幾抵食，下次試吓晚市，夜晚嘅環境應

WM Café & Bar (啟岸) 📍土瓜灣馬頭圍道63號啟岸1樓13號舖🤍啟岸開左好多新餐廳，間間裝修都有特色。🥙WM Cafe 田園風得來又可以變酒吧，牆上有個大電視播MTV，選曲全都係歐美Billboard 熱播，所以成個氛圍都幾chill and relax ☺️ 🕛 我地Lunch 時間去，好在早左到，因為一到12:30 就滿晒LuLunch set 選擇多，包餐湯同飲品。勝在多追加item，可以自由配搭自製4 course 豐富午餐！🫶🥗巴馬火腿田園沙律 +$20Parma Ham 配凱撒沙律，芝士同脆脆麵包粒，Cesar salad 加左檸檬汁，味道更加豐富！👩‍🍳 WM烤大啡菇牛油果芝士漢堡配炸薯條 $98呢個係素食之選，因為一般嘅牛肉漢堡轉咗做大啡菇同牛油果！如果想食清啲嘅女士可以諗諗😉份量適中，醬汁唔多，味道亦都走健康路線，唔濃味！👩‍🍳 香煎牛柳配紅酒燒汁配意粉 $98煎牛柳做得唔錯，非常嫩亦保留到肉汁！意粉軟硬度適中，唔會糊👍🏻🍰心太軟 +$25朱古力味香濃，如果心再軟啲啲就更好🤭🥤Iced Cappuccino +$16咖啡味濃，泡沫豐厚，最緊要係唔洗走甜都唔

收工屋企無飯開，約咗朋友係他屋企附近覓食 ，我地係OpenRice 見到呢間餐廳格調唔錯，同近地鐵站唔使行好遠，於是就揀咗呢間，同埋朋友喺其他地方都試過呢間係唔錯。我地去到之後叫左兩個主食，第一個就係海鮮pizza ，D 芝士啱啱好海鮮又夠多，餅底夠薄 ，食落口都係最緊要係熱辣辣，而且很香口，同朋友都食唔停口，性價比高👍🏻👍第二個就係鵝肝鴨脾意大利飯，鵝肝煎到很脆很香口，有油脂香味溢出嚟，配上一細啖意大利飯啱啱好match ，我比較鍾意食偏軟的意大利飯，呢個飯啱啱好滿足到我要求有滿足感 👏🏻 而且個鴨脾滷得好入味，肉質唔會好鞋。同埋餐廳的feel 幾好，岩哂同朋友飲杯酒同埋傾偈。整體黎講呢間餐廳性價比都高，下次屋企再無飯開 近近地都可以再黎試埋其他菜式。

話說好耐冇食西餐，最近e間西餐開左新分店，緊係要黎試下😆餐廳一貫風格係英倫風嘅裝修，晚上黎別有一番情調☺️睇返餐牌入面有唔少選擇同埋都有dinner set☺️餐湯係龍蝦湯同羅宋湯🌸 吉列炸蠔炸蠔外脆內嫩，滿滿嘅鮮味爆哂汁🤤🌸吉列墨魚餅墨魚餅入面真係有粒粒墨魚😋唔會覺得太炸🌸WM泰式紅咖哩手撕雞豬薄餅平時都有食紅咖哩，但pizza版都係第一次食🤓味道酸酸地帶少少醋味，但又唔太辣👍🏻味道都幾夾😋脆脆嘅餅底😍🌸 WM海鮮龍蝦汁意大利捲粉龍蝦汁意大利捲粉味道好鮮味，入面有鑽石蜆，好鮮甜，仲有大蝦🤩🌸凍西柚蜂蜜綠茶味道有香香嘅蜂蜜味😋帶西柚嘅果香👍🏻🌸凍鮮奶咖啡咖啡香滑同濃🤤

呢日因為要攞啲好朋友寄畀我嘅嘢而來到土瓜灣，咁行行下之間就見到一幢好靚嘅建築，再認真睇下原來之前嚟過㗎，不過當其時只得一間餐廳，而家就有好多選擇。而WM cafe就係我今日嘅選擇。"珍寶日本帶子巴馬火腿卡邦尼煙肉意大利粉"，個名真係好長，而事實佢真係有咁多材料，帶子好大粒，巴馬火腿就两大片，又有煙肉，好creamy好好味。“泰式紅咖喱烤焗手撕豬意大利包配菠蘿炸薯條”就咁睇同漢堡包差唔多個樣，但個餡就幾有特色，紅咖哩豬手有少少辣，令到成個包更加惹味，配備嘅薯條係攣攣地，好鬼cute，仲有我係喜歡嘅燒菠蘿。加38蚊可以有小食，湯和飲品，“吉利炸蠔”和“凍西柚蜂蜜綠茶”都唔錯。