WM Café & Bar (啟岸)

營業中

休息中

WM cafe（土瓜灣）日本帶子巴馬火腿卡邦尼煙肉pasta $98帶子大粒厚實，煎得岩岩好😗巴馬火腿都好大塊，仲有非常多嘅醬汁，落足料啊。.芝士薯條配黑松露醬$79中意佢呢隻芝士唔會太【漏】芝士味又濃，黑松露醬都好好食，呢兩樣野簡直絕配！.呢到嘅加配套餐好抵，有餐湯+吉列炸蠔/吉列墨魚/沙律仲有餐飲，都只係加$38，加埋個意粉都係百幾蚊一個dinner set，吉列墨魚都幾好食唔會好多炸粉，墨魚餡料都幾多，餐湯都好夠味真材實料，真係唔錯嘅晚餐選擇啊~除左pasta都有好多其他唔同種類嘅野食。

土瓜灣同紅磡中間位置開左間幾靚又坐得舒服嘅嘅西餐，食物質素都唔錯佢地嘅升級套餐都幾抵，加38蚊就有一個前菜、湯同飲品。當日嘅湯係番茄湯，味道濃郁，唔會太酸👍🏻前菜揀左沙律，唔係淨係沙律菜而係有巴馬火腿，都幾好~佢加左柚子醋，健康得黎又開胃！紐西蘭鑽石蜆蒜片欖油意粉$98蜆肉肥美多汁，個人覺得比一般鑽石蜆大粒，值得稱讚系冇沙，洗得好乾淨，都有好多隻，對得住呢個價錢😳 佢嘅蒜片炒得好香，意粉唔會淋得濟好彈牙，辣辣地亦都好入味，令我有驚係嘅真係佢嘅意粉，估唔到水準都唔錯！！

因為朋友住土瓜灣而且而家又有地鐵直達所以因利成便就過黎搵食土瓜灣屬於舊區比較幽靜商舖以街坊小店居多要同朋友促膝詳談嘅地方真係好罕見好彩朋友係地膽知道有好地方啟岸係較新落𢦓大廈鄰近地鐵D1 出口行幾步就到向地下馬路都已經好清楚見到WM cafe 向一樓Cafe 空間感強座位濶落卡位更有落地玻璃景觀開揚店內播住音樂 節奏感強攰住放工過黎都會覺得好chill 好relax豬仔骨拼西柚沙律 是日炸薯勁厚肉 食肉獸岩曬西柚沙律中和炸薯條熱氣是有心思的配搭蕃茄肉醬太陽蛋意大利長通粉份量足夠合理水準 長通粉有咬口葡萄柚蜂蜜茶清新微甜配方減肥人士之選黑牛兒時最愛充滿童年回憶

今日跟朋友去WM Café & Bar 位於土瓜灣(啟岸)分店來一個late lunch …啟岸分店裝修簡潔，有大梳化位和落地玻璃…所以感覺很舒服🥰 安格斯牛肉雙層芝士漢堡跟炸薯，炸薯其實也是薯條🤪雙層牛肉夠肉汁，牛味重！除了牛肉漢堡雙層，蕃茄也是雙層😝 蕃茄肉醬溫泉蛋意大利長通粉⋯⋯醬汁夠豐富蕃茄肉醬足蕃茄味很濃，再加埋隻溫泉蛋，不錯👻 長通粉軟硬適中！另外加咗一個小食檸檬炸雞鎚4🥶 Cappuccino,泡沫都夠豐富唔錯！

隨著屯馬線開通，土瓜灣食肆都相對越開越多，而且價錢親民又高質。今日lunch就試咗依間係啟岸一樓嘅WM CAFE & BAR。店內裝修明亮寛敞，座位舒適。嘢食都有唔少選擇，有意粉類，飯類，pizza ，甜品和飲品⋯lunch 時段仲有lunch set, 價錢大衆化。WM海鮮龍蝦汁意大利捲粉：濃郁嘅龍蝦汁好突出，分佈均勻，被每條意大利捲粉捲住，鮮味十足。柚子海鹽蜜糖燒雞配墨西哥莎莎薯條：燒雞上枱時香氣撲鼻，沙律薯條伴碟，燒雞皮燒到脆一脆，但雞肉又唔會太乾，雞肉實又夠味，又香又好食。飲品同樣高質，芝士奶蓋焦糖爆谷拿鐵：賣相吸引又滿足。檸檬柚子沙沙：真材實料，飲落fresh又開胃。店員都好有禮貌和貼心。

WM Cafe & Bar（土瓜灣）📍土瓜灣馬頭圍道63號啟岸1樓13號舖同朋友嚟到土瓜灣最近好Hit嘅日本巷子打卡原來有好多嘢食揀咗呢間性價比幾高嘅Cafe🐥意式雞翼$68一客有六隻 外皮炸得香脆用上好多嘅香草雞翼入面亦都保持肉汁juicy 好惹味西班牙蕃茄莎莎海鮮薄餅🍕啱啱上枱 因為焗得好香脆所以令人食指大動薄餅嘅底用咗酸酸甜甜嘅蕃茄醬同埋芝士熱嘅時候可以拉絲餅面放咗唔同嘅海鮮 🦞有大蝦 小八爪魚🐙等等柚子海鹽蜜糖燒雞配墨西哥莎莎薯條$128🍗咁岩得到雞髀嘅位置雞肉燒得好嫩滑 啱啱好 調味都好入味薯條炸得好香脆 同朋友都忍唔住清晒😋

WM Café & Bar (啟岸) (土瓜灣)土瓜灣馬頭圍道63號啟岸1樓13號舖今日去土瓜灣朋友屋企探佢隻寵物，去之前先去附近嘅餐廳醫一醫肚先😊發現喺呢個新盤—啟岸樓下的商場巿唔少食肆， 見到呢間叫WM Café & Bar 的餐廳裝修唔錯，望落去新淨企理又衛生😻再睇下果餐牌，有我最鐘意食既烤豬手呀😊😊梗係立刻入去攞位啦😍😍我地兩個人叫咗W M泰式紅咖喱烤豬手配酸青瓜薯條 $228- 豬手烤得好好味，好有肉汁😊薯條有落鹽調味！酸青瓜生菜沙律都好fresh 呀😎😎焗芝士三文魚牛油果意大利飯$108- 嘩！呢客焗意大利飯正呀！有好香的牛油果味！😎😎三文魚原來係三文魚扒咁上，餐廳好大方😍😍 又飽肚又好味！熱檸檬柑橘蜜$24- 天氣有啲凍，飲杯熱飲☕️潤一潤😍😍

侍應質素好失望。今日午餐去飲左杯咖啡，由於味道好苦，我成杯都無飲到。食完打算同收銀反應下，點知佢就咁話‘’無其他人投訴過喎‘’。後來佢解釋佢地用深培義式咖啡，我明白，但餐牌又無寫。呢個態度令人覺比意見你進步就唔係客？好聽既意見先係客？而且我唔係投訴只想佢同廚房表達下有人係覺得苦。侍應既態度完全想話走你。本身我問樓面可否轉杯熱檸水比我，佢話‘’下你而家先講？"轉身走左無應過我……我唔係想要啲乜。喂，食個set lunch你想點先？但呢度環境幾好，同感覺客人不被尊重既感覺落差太大。希望公司好好請一啲用心待人既員工。唔好比啲將簡單嘢都處理唔到既人做爛鋪。提外話，門口貼左水蛇春可以收錢既方式。例如八達通visa....。點知只可以收現金。我唔夠現金，佢要收左我張信用卡做抵押……

自從屯馬線開通之後土瓜灣同九龍城一帶就變得方達易達因而成為我新嘅探索之處😍～第一站 就係去充滿和式風情嘅啟岸商場打卡兼食好西！去完標誌性嘅日本巷子影靚相📸之後就梗係要搵好嘢食填飽下個肚啦🤤經過一番比較之後 我哋揀時咗價格相宜嘅WM Café & Bar歎返個舒服嘅晚餐🍽️一入座 媽媽已經對餐廳環境有讚無彈地方大之餘 又坐得舒服😚牛油果醬大蝦雞肉薄餅 $138 +$38 轉套餐（是日餐湯 + 小食: 吉列炸蠔 + 飲品:熱咖啡）Pizza🍕一向畀我好滯好膩嘅感覺 但見到呢度嘅Homemade Pizza有牛油果🥑 所以就忍唔住叫嚟試下薄而脆嘅Pizza上有牛油果醬同大蝦🍤食落唔油膩但亦十分飽肚唯一覺得係 如果有雙拼Pizza就好 咁就兩個人都可以試多隻味😆 是日餐湯係番茄湯 酸酸甜甜幾開胃小食就揀咗吉列炸蠔 炸得好香脆好食WM精選拼盤 $185 +$12 加配龍蝦蟹肉湯 拼盤擺得好精緻 有巴馬火腿、煙燻三文魚、檸檬海鹽烤吞拿魚、芝士蟹籽多士、烤日本帶子、雞尾酒大蝦我最鍾意嘅係芝士蟹籽多士 味道濃郁之餘食到粒粒蟹籽 口感好豐富！烤日本帶子都好唔錯～額外加咗個龍蝦蟹肉湯 味道不過不失

職員侍應服務超差，食物質量不太好例如牛 同 朱 ，如果要比多貴30%的價錢，與茶餐廳差不多。唯獨咖啡OK ，但要加收费用。卡位有位，唔俾人坐結果個半鐘都冇人坐，直到我埋單走人都冇人坐，多張卡坐，要求我們坐在門口。真正的多餘。……………………………………………………………………………….

土瓜環啟岸地下商場以日式懷舊風裝修，尤如置身舊日本🇯🇵街頭，而位於1/F既 WM cafe以西式餐飲為主，價錢大眾化✨，食品種類多元化，意粉🍝、薄餅🍕、burger 🍔等等，好味又抵食。櫻桃茄馬蘇里拉薄餅🍕$108厚薄適中既薄餅，簡單既配料加上櫻桃茄，十分好味，底層夠曬香脆。👏🏻珍寶日本帶子巴馬火腿卡邦尼煙肉意粉🍝$98刺身級珍寶帶子🦪，又厚又大粒，熟既程度剛剛好，彈牙有口感👏🏻，而巴馬火腿+煙肉粒有層次感，juicy既卡邦尼意粉非常回味。黑松露大啡菇牛肝菌野菌意大利飯$98濃濃既黑松露醬意大利飯簡單又好味😋，香氣滿滿，大啡菇夠厚有彈性，配搭野菌，非常好味。WM土司新地🥪$58飯後甜品🍮WM土司配雪糕🍦，芒果味及碎朱古力🍫雪糕冰凍可口，一粒粒脆土司沾滿雪糕，口感非常好👍🏻。

年尾工作量大增，真係好辛苦，有food Therapy既時候啦！呢間餐廳喺屋企附近，見到好多人推薦都話幾好味，所以就過嚟試吓！果然真係唔錯wor！WM泰式紅咖哩手撕豬薄餅🍕呢個係佢哋出名嘅薄餅，用紅咖喱豬肉薄餅嘅呢個搭配好新鮮，但係又出奇地好味喎！紅咖喱有少少鹹鹹地，手撕豬肉好嫩，上面覆蓋着一層滿滿嘅芝士，雖然邪惡但係好滿足！餅底就係比較薄身同脆口，食落去脆卜卜！聰明之處係佢上面會點綴燒咗嘅菠蘿，令到個Pizza有少少酸酸地，不至於太漏！WM豬仔骨配西友沙律及薯條🥩牛仔骨肉質好嫩滑，上面嘅漲了鹹鹹地，又帶點酸甜味，好惹味！薯條都係好新鮮熱辣辣，好味！WM精選拼盤🥓🍤🥪呢個擺盤都好靚，而且又係好大份各種食物都不錯，最喜歡嘅係佢嘅芝士蟹籽多士同雞尾酒大蝦！上面係新鮮既芝士蟹籽，下面係鬆脆既多士！好正！雞尾酒大蝦既蝦肉鮮甜彈牙！而且隻蝦都幾大隻！滿足！餐廳嘅裝修都好靚，落地玻璃可以見到外面嘅街景，一邊食飯一邊欣賞外面嘅車水馬龍其實係幾chill㗎 ！

位於土瓜灣啟岸二層嘅WM Cafe & Bar 餐廳環境舒適開陽 自然光由大大塊落地玻璃照入餐廳 令到餐廳裏面格外光猛 坐喺玻璃旁邊 可以望到土瓜灣舊區嘅繁忙街道 同餐廳裏面休閒嘅感覺截然不同 餐廳亦以綠草點綴 設計清新帶點優雅 感覺好舒服-🍲是日餐湯 加$38是日餐湯係蕃茄湯 味道稍為有啲淡 但感覺蕃茄係新鮮嘅 唔係用一般蕃茄膏煲嘅湯-🍝珍寶日本帶子巴馬火腿卡邦尼煙肉意大利粉 $98鹹鹹地嘅巴馬火腿同creamy嘅卡邦尼醬形成強烈嘅對比 但同時亦都襯托出卡邦尼意粉淡淡嘅忌廉味 意粉食落去幾彈口 大大粒嘅日本帶子亦都幾新鮮-🍔泰式紅咖哩烤焗手撕豬意大利包配菠蘿炸薯 $128呢個泰式同西式fusion嘅burger 味道幾有趣 以泰式紅咖喱烤焗嘅手撕豬肉 比普通豬肉更加惹味 如果覺得太辣嘅朋友仔 可以食返啖菠蘿解辣 記得要即刻食脆卜卜嘅扭扭薯條 因為好快凍-🥧三重撻 $42甜品賣相好似一幅畫作 以三種唔同味道嘅撻組成 有檸檬撻 蘋果撻 同埋朱古力撻 建議由比較酸嘅檸檬撻開始食 再食中甜嘅蘋果撻 然後都比較甜嘅朱古力撻 一個甜品有三重口感同味道 食完之後好滿足 非常推介依度甜品

同友人來土瓜灣準備happy hour前搵野食，點知搵到馬頭圍道開咗個新商場「啟岸巷子」。巷子入面佈置掛住好多日式燈籠，夜晚開燈嘅時候非常靚，非常有feel，好似去咗日本咁～ 而呢個商場都開咗好多唔同形式嘅餐廳&cafe，最後同友人揀左去WM Cafe試試。🌱WM 季節海鮮拼盤 $268波士頓龍蝦1/2隻 —- 龍蝦肉爽身冇雪味，加埋隻大蟹鉗同埋有好多蟹膏虎蝦4隻 —- 蝦肉爽身磯燒鮑魚2隻 —- 鮑魚處理得好淋，而且好味法國生蠔2隻 —- 超驚喜！處理得好乾淨但同時保留到海水味，蠔身好creamy，好正北海道刺身帶子2隻 —- 大大粒，甜美爽口🌱珍寶日本帶子巴馬火腿卡邦尼煙肉意大利粉醬汁包住晒所有意粉，加上煙肉鹹香，上面仲鋪咗好多配料大包圍🤣 乜都有，火腿同埋一大粒帶子，味道唔錯，正常發揮～ 其實可以另外加$38，就可以加餐湯、3選1小食，同埋飲品，真係幾抵食

聖誕前跟友一聚, 上OR看到這間在啟岸的WM, 相片中餐廳環境看來很不錯, 就來一試幸運的被安排坐到露台旁的位置, 可以享受到陽光的照拂, 冬日的一點暖午餐set lunch都有不少選擇, 價錢可以接受龍蝦湯只是帶暖 .... 還是當天太凍?點了的煎魚柳意大利茄茸飯....... 是不是假日太忙的關係? 大X樂水準還好像比這個好; 飯底沒有特別調味, 飯香也不覺;  魚柳偏乾..... 茄茸也沒有什麼香味.... 真的被這個飯驚訝了我, 跟餐廳的格調完全不吻合朋友的黑豚蕃茄焗飯稍好, 只是朋友吃來也說沒甚香味飯底額濕潤, 只是好像有點點 over了. 環境很好, 空間也夠, 只是幫襯當天中午也見滿座, 卻只有2位waiter(兼任收銀), 有點應付不來; 不知道經過忙碌的聖誕後, 會不會有改善