Wingman (閣麟街)

營業中

休息中

係#中環 行街突然好想食雞🐣又唔想食KFC個d😭突然比我搵到呢間#wingman 佢有#雞翼放題 食😱乜原來#雞翼 都可以有放題嫁係中環地鐵站行過嚟左約10分鐘左右就到👍🏻👍🏻👍🏻方便我呢d係中環返工既人🫣講一講呢個個環境先上到去地方唔算好大，但都可以容納到30人左右既，如果你唔係繁忙時間上去，應該可以上去打下卡，坐位都好舒服👍🏻食物方面：今次我就揀左18隻雞翼任食90分鐘，90分鐘其實足夠我地食到飽🤗有18隻味，可以比我地慢慢品嘗😋佢呢個餐除左有雞翼係任食之外，都有小食係任食既薯條🍟係炸得岩岩好，唔會好乾👍🏻👍🏻推介必食😋有指定既酒同汽水🥤都係任飲嫁👍🏻👍🏻👍🏻服務方面：員工都好好👍🏻佢地一見到d雞骨滿曬就好快幫我地清好👍🏻推薦：⭐️⭐️⭐️⭐️⭐️價錢：⭐️⭐️⭐️⭐️服務：⭐️⭐️⭐️⭐️⭐️佢除左中環有之外，旺角都有嫁👍🏻想食既朋友仔可以去試下啦🤗WingMan📍 中環閣麟街37-43號祥興商業大廈6樓📍 旺角彌敦道594-596號旺角新城17樓

話說#雞翼放題 我一直都好想去食今日終於搵到朋友去食啦！要食梗係食多啲口味啦所以我哋就揀咗18隻口味嘅雞翼放題 平日$260/人雞翼種類有好多每次落單只可以六種味道🫣每種味道四隻🤗叫完第一輪，我哋都飽咗一半😂食完第二輪，飽到想死🥹建議如果去食，最好多啲人一齊去因為兩個人去食嘅話，兩日已經會好飽😂😂除咗雞翼，佢地仲有其他小食😋😋個薯條🍟都幾好食喎👍🏻👍🏻👍🏻不過兩個人真係會食唔晒😂😂佢嘢飲仲係任飲👍🏻👍🏻👍🏻呢度簡直啱晒 #雞翼控 值得推介👍🏻👍🏻👍🏻👍🏻同埋呢度有個位可以俾我哋打卡㗎🤗我既評分（5⭐️為滿分）環境：⭐️⭐️⭐️⭐️⭐️食物：⭐️⭐️⭐️⭐️⭐️服務態度：⭐️⭐️⭐️⭐️⭐️推薦：⭐️⭐️⭐️⭐️⭐️WingMan📍地址：中環閣麟街37-43號祥興商業大廈6樓📍地址：旺角彌敦道594-596號旺角新城17樓

前幾日朋友話好想食雞翼，於是我地就一齊去左中環呢間Wingman食雞翼放題。我地揀左$260可以任食全部雞翼嘅餐，有18隻口味嘅雞翼、五款小食任食，仲有啤酒汽水任飲，我地就加左$10要埋任飲iced lemon tea。雞翼方面每次最多可以揀六款，每款最多四隻，不過我地三個人，所以每款我地都淨係要三隻，有幾款係辣嘅，分別係特製水牛城醬、死神醬、四川甜辣醬、加勒比海香辣雞同埋新加坡辣蟹味，因為朋友唔食辣，所以有幾款我地就淨係要左一隻比我自己食。最後十八款雞翼入面，每款我都有食起碼一隻，發現原來真係唔可以低估自己嘅食量。喺等緊雞翼嘅時候，我地叫左啲小食先。我覺得比較正嘅係Truffle Mac & cheese同埋薯條。薯條竟然有得揀番薯條，正，食落香脆又香甜。雞翼方面我地比較鍾意嘅味道係食落甜甜地嘅黑芝麻海鮮蜂蜜、充滿蒜香嘅巴馬臣芝士蒜蓉味、感覺有啲似sour cream味嘅田園風味、 自家製鹹蛋黃、甜中帶點wasabi味嘅日本蜂蜜芥辣同埋泰式甜辣醬。呢幾款我地都有encore。至於辣嘅雞翼我就最鍾意四川甜辣醬，有啲似食緊雞煲嘅感覺。

最近有朋友推薦這家wingman，對於雞翅愛好者的我來說肯定不能錯過，於是約朋友lunch time來品嚐一下。我們點了兩份WingSet，各額外多加了2個雞翅，雞翅本身炸的比較脆口，似乎個人口味可選擇乾身vs濕身。這次吃的是两款乾身口味（黑椒檸檬+蒙古燒烤）香氣十足；濕身口味（新加坡辣蟹+四川酸辣）醬汁惹味，尤其是店員推介的新口味 - 四川酸辣 - 非常獨特充分刺激味蕾！特別推介這家的薯條，炸的很香脆，加上蕃薯的香甜，吃唔停口個人認為套餐份量適中，但如果是雞翅深度愛好者，絕對可以嘗試放題，多試試多款口味！

Lords O' Birds（$398）- 24隻雞翼、4種口味、2個配菜呢個雞翼餐唔包飲品，所以飲品需另叫。如果大食嘅朋友，不妨試下佢哋嘅任食雞翼套餐。Dry Wings: 🍗巴馬臣芝士蒜蓉味 - 見到舖係面頭嘅芝士都已經覺得好吸引，原來蒜蓉味都咁重。🍗印度唐杜里烤雞 - 平時鐘意仺印度菜嘅就一定鐘意食呢個，加埋爽口嘅洋蔥同芫茜好fresh好有口感。Wet Wings: 🍗泰式甜辣醬 - 呢個好惹味，一啲都唔辣🍗四川酸辣醬 - 未算太辣，但四川酸辣都好好食配菜：🍟松露醬薯條 - 原來係幼薯條，不過同松露醬好夾，仲可以叫佢提供茄汁，有2個口味。🥑火燒牛油果 - 燒過嘅牛油果原來好香，個黑色嘅醬油就有啲鹹。

自從上次同朋友嚟過後一直都想再食，襯放假就過嚟食個豐富嘅lunch喇。我哋2個人就叫咗Lords O' Birds，包24隻雞翼，可揀4種口味、和嗌2個配菜（$398）雞翼：巴馬臣芝士蒜蓉味 - 如果鐘意芝士嘅就一定鐘意呢個，仲有好香蒜蓉味。印度唐杜里烤雞 - 呢個真得好乾身，加上香料、洋蔥同芫茜，好有印度風味好正。泰式甜辣醬四川酸辣醬 - 唔算太辣，同泰式甜辣醬有啲似配菜：松露醬薯條 - 即叫即炸又熱又脆口，真係好好味，個松露醬都好濃郁。火燒牛油果 - 個醬油食落有啲似豉油😝，都係就咁食個牛油果加青檸汁已經好夾。凍檸茶（$30）

今日放工同朋友去咗中環叫雞，「Wingman」呢度啲雞翼種類非常多！選擇太多，唔知點揀好，所以我哋都叫咗雞翼放題。($260+10%)，另外我地加飲品就再加多$11。呢個餐除咗18款雞翼，仲可以叫幾款小食：薯條、椰菜花沙律、捲心菜、香炒毛豆、Mac and cheese。我哋試咗番薯條同Mac and Cheese，薯條炸得好脆，Mac and cheese好香黑松露味。好味。詳情可以睇返餐牌。雞翼款式太多，有濕又有乾。我介紹我最鍾意食嗰六款啦。一食落口覺得個皮好脆，雞肉又好多汁好軟，滋味無窮。餐單話一次上四隻，但原來我地三個人食每次上三隻都可以，咁就可以試多啲味。Lemon Pepper 乾身，有成舊檸檬喺到，好夠酸。Mongolian 有啲似譚仔嘅雞翼，好惹味。Thai 甜酸醬唔會伏！酸酸地幾開胃；Cali 多重口味，有芝士又有蒜同埋香草。Tandoori 印度風味，香口。Singapore Zing 呢隻比較辣，仲有蒜蓉同辣椒粒，中意辣必食。飲品有汽水啤酒同埋檸檬茶。我飲咗Promo Beer、Coke Zero同埋檸檬茶。抵。烤蒜龍蒿大啡菇$75除咗本身有嘅小食，朋友想食大啡菇

Wingman 放題雞翼款式夠多，有成18款, 有辣有唔辣， 睇見個menu已經好吸引 🥰 放題除咗有雞翼，仲有得任食其他小食， 番薯條， truffle mac and cheese ，捲心菜等！所有雞翼都係即時煮，所以皮脆熱辣辣！ 以下都係我比較鍾意嘅味🥰 黑芝麻海鮮蜜糖雞翼 (Hoisin)甜甜嘅海鮮醬汁令雞翼更加易入口，同埋冇咁熱氣！ 田園風味雞翼 (Ranch)朋友特別鍾意呢個，因為係sour cream 嘅味道， 又唔會過鹹！ 👍🏻 日本蜜糖芥辣雞翼 (Honey wasabi)蜜糖味甜甜哋，wasabi 係分開嘅，方便自己想落幾多都得！ 日本吉列咖哩味雞翼  (Japanese Katsu)用了日本咖哩所以唔會辣, 都幾惹味！ 咖啡香味雞翼 (Espresso BBQ)咖啡粉幾香濃，皮好香脆😩 自家製鹹蛋黃雞翼 (Salted egg yolk) 非常邪惡， 有好多鹹蛋碎喺雞翼面， 又唔會太膩😋 番薯條即炸脆卜卜， 夠大條又份量多！

召喚雞翼控！中環呢間隱世雞翼店提供超過18款口味嘅雞翼🐔有睇開我post嘅朋友應該知道我食過好多次，呢間真係強烈推介！🕐今次叫咗$208 90分鐘放題，包10款口味黑椒檸檬🍋黑芝麻海鮮蜂蜜🍯巴馬臣芝士蒜蓉🧀泰式甜辣🌶咖啡香味☕️水牛城醬🌶🌶新奧紐良😛蒙古燒烤🍗死神醬🌶🌶🌶田園風味🥗及汽水任飲加$10仲可以任飲凍檸茶🍹💡小攻略1. 減少選擇含有醬汁/芝士口味的雞翼，呢類食物會增加飽滯感2. 避免有氣飲料3. 雞翼製作需時，第一輪食物食到6/7成就要叫定下一輪4. 凍飲少冰，太凍嘅飲品無辦法飲得快5. 建議飲凍檸茶，檸檬開胃而且飲茶可消滯6. 放題前，要留肚啊！📣最後，咪做大晒鬼，食得晒先好叫啊！

好鐘意食雞翼既我要去朝聖一下雞翼buffet🤩Wingman雞翼隻隻都外脆內軟！而且好多口味選擇，岩曬選擇困難既我了🥹不過我自己就偏愛buffalo 同honey多啲，如果地址可以易搵啲，咁會更加好🐷

同愛人  #一齊叫雞 係好開心㗎 😋 講緊嘅係雞翼放題！  有18款雞翼任君選擇，個人比較鍾意鹹蛋黃同雞煲！唔敢食死神醬，我驚第二日返返下工人體爆炸 🤯 整體嚟講滿足咗我耐唔耐就想暴食雞翼嘅慾望 🤤 btw 幾鐘意佢啲壁畫，開心！

作為中環的上班一族，最苦惱的就是每天lunch要吃什麼，在朋友的推薦下，去了這間位於不太顯眼的大廈內的小餐廳。-配合西式快餐的主題，全部staff都是外籍人士。餐廳不算大，座位也不多，跟隔離枱的距離比較近。-點了兩個lunch set，跟餐會有沙律和汽水。分別叫了脆雞漢堡和雙拼雞翼，可跟餐要普通薯條或甜薯條。十分推薦甜薯條，剛炸起很脆口、很香，甜甜的，是女孩子都會喜歡的口味🍟雞翼有很多口味選擇，分別有兩大類別，覺得有醬汁的雞翼較好食，另一款較為乾身。🍖我反而比較喜歡漢堡，雞肉很香脆，不會乾身。🍔-

晚市嘅話有得散叫雞翼，雞翼拼盤或者係雞翼放題，而雞翼放題就分左3個set，分別係任食3種口味，10種口味同埋18種口味。我地諗住試多幾款，所以揀左任食18種口味，亦都係唯一一個有free flow小食嘅set，包括係任食薯條，沙律，Mac & cheese 等等。以下係我地覺得做得比較出色嘅雞翼：泰式甜辣醬：果然泰式甜辣醬配雞翼係冇得輸。味道甜甜酸酸，帶點微辣嘅後勁，食落幾開胃😄黑芝麻海鮮蜂蜜：海鮮醬嘅味道似係平時食乳豬/ 北京填鴨時候會點嘅醬，味道帶甜幾濃郁，估唔到同雞翼又幾夾喎死神醬：真係冇改錯名雞如其名😂，係咁多款雞翼入面最辣嗰款🥵，辣得幾過癮，如果食得辣嘅朋友仔可以挑戰下日本蜂蜜芥辣：蜂蜜味係遠遠大過芥辣味，芥辣嘅味道係黎自於放係雞翼旁邊嘅一粒wasabi，而唔係將芥辣醬查喺雞翼上面。不過雞翼鋪滿左蜂蜜味道甜甜地其實已經夠好食😛食到第二輪其實已經飽飽地，結論係如果唔係特別大食嘅話其實可以唔揀放題，就咁揀佢哋其他雞翼set😂

中環這間雞翼專門店開業已經接近三年，一直都想專程探索，無奈每次都未能成行。今個週末，決定扚起心肝摸上門。雖然已經有地址，又有 Google Map；但餐廳實在不好找，大廈外牆又沒有招牌。結果，雖然原來一直在餐廳所隱身的大廈樓下徘徊，也花了5分鐘才找到入口。「Wingman」位於這楝只有10多層樓的舊式商業大廈6樓。大廈入口唔顯眼，樓下又沒有餐廳招牌；唔熟架步真的很難找到。摸上6樓，餐廳門口沒有明顯招牌。室內映入眼簾的第一個景象是一堵紅色底油牆身，上面用白色油漆寫滿了模仿香港名人九龍皇帝的墨寶字體（編按：九龍皇帝是何許人？90後未必知道，上網查一下吧！）。充滿本土風情。室內面積細小，同70年代非常流行的商住兩用舊式樓宇的佈局很相似。小店最入處、靠近廁所旁邊的這句標語很抵死。發展到今天，共有16款不同口味的秘製雞翼，分為乾身、濕身兩大類別，單點劃一價 $69（6隻）；另有3款稍為貴一點的特制口味。午市雞翼套餐（$88）最抵食，包括8隻雞翼（任揀兩種標準口味）、炸番薯條 / 炸薯條一份及飲品一杯；週末及假期同樣適用。胃納超級大的朋友可揀任食套餐。以任食任飲10 款雞翼口味套餐（限時90分鐘）

The chicken wings were nice but the decoration sign hanging on the wall is offensive 😔 “一齊叫雞”， means order chicken together and go whoring together at the same time. And the “雞” means chicken but also a discriminative word to describe female sex worker in cantonese, the double entendre is not funny at all. really hope that the restaurant could remove it.