影片
更多
2023-01-01
3420 瀏覽
📌 Vista 📍 尖沙咀北京道1號29-30樓 ☎️ 27783255★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*之前同朋友傾開先知原來北京道1號頂樓嘅Aqua 搬咗。早於個幾月前已變身為同Group 嘅Vista。大時大節梗係要搵間儀式感重嘅餐廳食飯啦。所以就決定去呢間新餐廳試下啦。節日關係，餐廳有cancellation policy，要預早俾credit card guarantee 嘅，疫情咁嚴重嘅依家，我同朋友都好好咁保重身體，好驚中咗食唔到又俾餐廳扣錢，真係食餐飯都好大壓力。😅即使之前去過Aqua，但入到餐廳依舊會被整個維港醉人景色吸引，落地大玻璃，居高臨下一覽無遺。落booking 果陣講明坐近窗，去到被安排坐近窗後一排嘅梳化位，雖然唔係貼窗睇夜景，不過坐得舒服，張枱又大好多，所以我地都無要求換番窗邊位。節日又無話被迫食略水套餐，不過見套餐其實幾吸引，揀嚟揀去最尾都係食佢嘅Tasting Menu $988 / 人。餐前先送上暖暖嘅麵包。【Cicchetti】三款開胃小菜，份量一啲都唔少。💫烤八爪魚配萵苣、煙肉
📍 尖沙咀北京道1號29-30樓
☎️ 27783255
★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*
之前同朋友傾開先知原來北京道1號頂樓嘅Aqua 搬咗。早於個幾月前已變身為同Group 嘅Vista。大時大節梗係要搵間儀式感重嘅餐廳食飯啦。所以就決定去呢間新餐廳試下啦。
節日關係，餐廳有cancellation policy，要預早俾credit card guarantee 嘅，疫情咁嚴重嘅依家，我同朋友都好好咁保重身體，好驚中咗食唔到又俾餐廳扣錢，真係食餐飯都好大壓力。😅
即使之前去過Aqua，但入到餐廳依舊會被整個維港醉人景色吸引，落地大玻璃，居高臨下一覽無遺。落booking 果陣講明坐近窗，去到被安排坐近窗後一排嘅梳化位，雖然唔係貼窗睇夜景，不過坐得舒服，張枱又大好多，所以我地都無要求換番窗邊位。
節日又無話被迫食略水套餐，不過見套餐其實幾吸引，揀嚟揀去最尾都係食佢嘅Tasting Menu $988 / 人。
餐前先送上暖暖嘅麵包。
【Cicchetti】
三款開胃小菜，份量一啲都唔少。
💫烤八爪魚配萵苣、煙肉、油封薯仔
八爪魚好爽有嚼勁，萵苣鮮嫩脆口，仲有煙肉粒同薯仔粒，口感十分豐富。
💫 水牛芝士配意大利火腿及自家製蕃茄醬
流心嘅Burrata 搭配火腿嘅咸香，薄薄火腿肉質油潤，水牛芝士淡而不酥。捨棄意大利醋汁，餐廳好有誠意用上自家製蕃茄醬，甜甜嘅醬汁令整道菜味道提升。
💫手撕豬肉意大利包
上枱時經理將醬汁淋上手撕豬肉，麵包乾爽，咬下去包嘅質感軟綿，手撕豬肉絲肉質幼嫩，入口爆汁juicy，味濃而不咸。美中不足係用餐當日可能太多客，經理未等我影相就快速淋上醬汁，我影番相果陣佢話「oh too late」。係我too late 定佢too fast 呢？🥹
【Pasta】
💫辣八爪魚短通粉
短通粉有咬口唔會過腍，八爪魚嫩而不韌，有條辣椒仔鋪面嚇人，以為會好辣，不過其實唔係，調味適中，唔好辣嘅朋友都可以試。
💫龍蝦青檸意大利扁麵（+$180）
龍蝦鮮甜爽口，意大利麵煙靭彈牙有蛋香，配埋味道酸甜嘅醬汁，加$180都值嘅！
【Portate Principali】
💫蕃茄薑汁烤熏雞
半隻雞置於木盒內烤熏，店員在食客面前打開木盒，煙由盒內湧出嚟刺激嗅覺，充滿儀式感。雞皮香脆，帶有清香煙熏味，雞肉口感嫩滑入味。
💫意大利烤海鮮拼盤（+$298）
海鮮拼盤入面有龍蝦、魷魚、大蝦、帶子、八爪魚。材料豐富，可能我本身鍾意蝦類，最impressive嘅都係大蝦同龍蝦，入口甘甜好有蝦香。
【Contorni】
💫黑松露薯蓉
黑松露唔係磨粉打成蓉，或用黑松露醬，而係真係喺薯蓉上刨咗幾片黑松露，薯蓉好滑，份量都唔少。呢個時候已經飽到上心口。
💫意大利車厘茄紅蔥頭沙律
車厘茄好清甜，正好為之前幾道菜減膩。
【Dessert】
💫意大利芝士蛋糕
另一道好有儀式感嘅甜品，店員會喺食客面前即場製作Tiramisu，將咖啡酒淋上預先舖好嘅手指餅，再抹上打至柔滑嘅忌廉芝士，最後撒上可可粉及裝飾物。口感細滑，可可味同咖啡酒嘅甘苦與微甜嘅忌廉芝士味交錯，味道有層次。
💫士多啤梨白朱古力撻
賣相精緻，士多啤梨味香濃，帶埋白朱古力味嘅甜，食落充滿幸福感。
餐廳環境昏暗，彌漫浪漫氣息。店員服務大多誠懇熱情，上菜速度拿捏準確。一個可飽覽全維港景嘅餐廳都係千零一位，性價比實屬不錯。
張貼
