Vegmind

營業中

休息中

平時比較少去西灣河搵食，因為地點對我而言比較遠，今次因為有啲事要出去果頭，見到一個知名嘅私人屋苑附近有間白色外牆為主裝修得幾有風格的餐廳，上OpenRice 搜尋佢個名，見到係素食餐廳，自己比較少食素，但見門口宣傳牌張相幾吸引，完全唔覺係食素餐廳，於是決定在這開餐，內𥚃環境都幾舒服，安排咗我哋喺幾朵大花嘅壁畫牆位置坐，食物叫咗素窩蛋免治牛肉煲仔飯、VMC自家製肉醬意粉、脆炸牛油果配純素牛油果醬，甜品比利時朱古力芝士批，飲品凍美式橙啡及黑芝麻鮮奶. 先上脆炸牛油果，牛油果平時都係就咁食，未試過食炸嘅牛油果，炸漿薄身，上面灑上少少應該係黑胡椒，幾好味，再點埋牛油果醬，牛油果加牛油果醬嘅配搭幾特別，可以一次過試晒兩款牛油果嘅食法. 之後就上VMC自家製肉醬意粉，這個肉醬意粉個醬做得幾出色，佢無平日食肉醬意粉好多時會有嘅油膩感，意粉軟硬適中，即叫即整熱辣辣，真心推介.素窩蛋免治牛肉煲仔飯，這個做到好傳神，一打開蓋香噴噴，素牛肉做到幾迫真，隻蛋吉穿佢流出蛋汁，淋上豉油，啲汁喺度‘炸炸下’好鬼正，味道仲做得不錯. 甜品朱古力芝士批，朱古力味香濃，幾creamy，餅底做得幾好，份量剛剛好.至於果兩杯

港島東居民有福喇‼️ 最近西灣河SOHO附近開左一間veggie cafe，將素食融入日常料理，有多款新穎素菜～少食肉可以減輕身體負擔，而且更sustainable，為保護地球同動物出一分力.ᐟ原來素食都可以咁好味😍 值得一試.ᐟ.ᐟ餐廳環境簡約優雅，座位闊落，使用木系元素令人感覺溫馨❤️ 室外亦有少量座位，歡迎帶埋毛孩一齊享用素食🐶 Menu上標示好每個菜式有冇蛋奶素，好講究👍🏻 晚市都有套餐揀，包左前菜﹑麵包﹑餐湯﹑飲品，定價都係百元左右，幾高性價比✅❝ 前菜 ❞前菜有兩款，「紫薯准山丸子桂花汁」幾有中式甜品感覺🍠，香甜紫薯配上清新桂花汁，甜而不膩，驚喜十足；而「清酒串串茄」既蕃茄仔新鮮爽甜🍅 入口爆汁，帶有清酒香氣🍶❝ 麵包 ❞麵包都係自家出品🥯 口感軟熟富彈性，可以沾湯一齊食，特別滋味😋❝ 餐湯 ❞蘑菇湯質地澀身，味道非常濃郁，充滿菇香🤤🍄‍🟫❝ 𝐕𝐌𝐂招牌素牛肉漢堡 $𝟏𝟓𝟖 ❞必試招牌菜🌟 Burger超豐富，夾有素牛肉﹑菠蘿﹑蕃茄﹑芝士﹑蜜糖芥末醬🍔 素肉扒口感幾似真牛肉，係餐廳以大豆蛋白、紅菜頭﹑百靈菇自家製作，極高質🤤 連麵包都係自家製，酥脆鬆軟，食得出口感同其他burg

✨今日經過鯉景灣蘇豪東，竟然見到vegmind登陸咗喺呢頭，即刻入去搵位～此店主打素食元素，vegmind大部份菜式都親自準備及烹調，師傅話麵包不是外邊訂購，而係自家製，所以我order咗「素牛肉漢堡🍔」。漢堡麵包鬆軟，素牛肉口感彈牙，至鐘意中間夾有1大片菠蘿🍍同牛肉漢堡好夾，使清新又開胃。甜品燕麥香脆蘋果金寶🍎燕麥鬆脆可口配上烤焗甜絲絲嘅蘋果粒，甜度剛剛好，好味到停唔到口。最後享受了一杯香醇的美式咖啡☕️感覺好圓滿。總括來說，店內環境簡約優雅，木質元素與溫暖燈光交相輝映，營造出放鬆愉悅的用餐氛圍，一定會再次光臨。

又到星期中最抑鬱嘅日子，難得西灣河近海旁新開純素食主題文青cafe, 同朋友黎試下同chill下～喺呢個鯉景灣地段黎講，vegmind價錢真心親民，野食份量又大碟，仲會送埋前菜㗎。前菜有紫薯淮山丸子桂花汁、清酒串串茄、南瓜湯、自家製麵包，都係啲健康開胃菜！VMC素牛肉漢堡配法式薯條個包幾軟熟同埋都幾巨！中間嘅素牛肉做得好出色，口感同味道都真係幾似牛，個自家製嘅汁食落口真係同平時嘅牛肉漢堡冇太大分別，好好食幾堆介～黑松露香蒜香辣意粉黑松露、蒜、胡椒辣三款味都好香又好夾～有大量嘅菇舖面，足料好食！法式焦糖燉蛋三重奏有三隻味嘅Cream Brulee,分別係伯爵茶、咖啡、原味，面頭嘅焦糖脆薄而低糖，連甜品都係健康之選焙茶Latte & 黑芝麻Latte比一般cafe甜度較低嘅Latte,更突出左焙茶同黑芝麻嘅香！我地勁鍾意！

素食主題餐廳愈開愈多，中式素食、西式素食等多個地方菜系都有選擇，新派素食演譯了另一種生活態度和年輕人口味，「素人」一定要試試此店走文青風的素食餐廳「Vegmind」，裝修固然有格調，其食物也是相當有特色，自家素肉漢堡也可以有潮流感，餐牌以輕食為主，也有多款的甜品供應另外就算不是「素人」的人，今次芫荽關注成員亦可大飽口福，海量嘅芫荽蒜香意粉必定要食，炸蒜加芫荽味道真係唔需要我多講都諗到係咪好食😎另外一讚係個甜品，燉蛋三重奏，咖啡味、原味、伯爵茶味，雖然質感不似我哋平時食嘅燉蛋咁挺身，但係味道絕對100分👍🏻

屋企附近開左間新派素食餐廳，都試過早餐同午餐，今次試埋佢晚餐。好有驚喜。以前認識素食都係離不開食齋，菜式比較中式。而加都多左好多人食素，素食餐廳既種類就多元化左好多。😋素窩蛋免治牛肉煲仔飯 $168見到西式有煲仔飯好新奇，就叫黎試下。佢既飯係用意大利米，即係Risotto。素食當然唔會有肉啦，佢既肉係用紅菜頭, 大豆, 雜菌, 白露菇加五香粉自家製，如果唔係店員同我講，真係食唔出係用哩d食材整出黎，口感同味道都好似免治牛肉。廚師真係有料到，要做到色香味同埋賣相似都真係應該花左唔少功夫。再配上特製醬汁溝埋一齊食，真係超好味。另外配上一粒賣相好似荔枝既果點，但其實係由紫薯,淮山,桂花蜜糖整成既，又係好新奇既配搭。仲有一碗好似南瓜湯既湯，但其實係甘筍粟子湯，無落奶的。一般全素都比較少用奶製食品或飲品。但飲落去又會有好滑同好香既味道。 😋瑪格麗塔薄餅 $118同一般既瑪格麗塔薄餅都係一樣，有羅勒葉，蕃茄仔，相信芝士就會用無奶芝士做食材。但口感同味道都無乜大分別，薄餅底烘得剛好，好清新既感覺。另外配上一碗磨菇湯，當然都係無落奶，都好好味，同樣都係好香滑。😋素炸魚皮配咸蛋黃醬 $58賣相係扮炸魚皮

對素食餐廳嘅印象都仲係留喺上一個世紀嘅印象，儘管現在已經有唔少餐廳有新嘅素菜演繹方式，我都顯得一知半解。喺元朗起家既素食餐廳「Vegmind」踩入鯉景灣SOHO區，為港島東添加素食新血🤪🩸SOHO區個感覺一向都唔平，但係呢度一個set，大概係百零蚊已經有交易，已經包含咗好出色嘅前菜+飲品👍前菜中「紫薯淮山丸子桂花汁」，桂花用慢煮浸泡，一口下去淡淡既桂花糖香加上紫薯🍠，甜而不膩，建議一啖分開幾次食，係非常有層次嘅前菜！「自家製麵包」🥯，店主話我哋今日唔好彩，今日只係最普通嘅麵包，佢哋會隨着自己嘅Menu，更換為 菠蘿包、紅豆包等等既款式。雖然今日嘅包就係比較普通，但係用料一啲都唔簡單，佢哋係用咗自家製嘅湯種麵包焗製，內里柔軟濕潤，平凡又帶點驚喜🤪「黑松露香蒜香辣意粉」、「純素炸魚薯條 配蜜糖芥末醬」，呢兩個Main各有特色。前者用左黑松露粉加松露烹煮，簡直是味蕾的盛宴，配合炸蒜片提香，菇類爆炒，三者完美結合，每一口都是滿滿的幸福感，絕對值得一試👍後者「純素炸魚」同真嘅魚柳口感分別唔大，我就好好奇問店主，究竟魚柳係用啲咩製造出嚟，點解口感可以咁似？佢同我講係用大豆製造，將食物拆解，合併而成

餐廳採用手機落單，素食款式選擇多🌱🍆🍄‍🟫純雜菜千層麵羽衣甘藍忌廉汁($128) 帶香濃芝士味，每層都鋪上黃綠翠玉瓜、茄子及菇，口感豐富，忌廉汁味道香濃，推介👍🏽 🐟純素炸魚薯條配蜜糖芥末醬($138) 第一次食純素魚柳，口感跟素雞類近，外層粉漿唔厚，薯條十分香脆🍟🍫比利時朱古力芝士批($78)有驚喜！批底係黑朱古力Brownie，表面鋪上忌廉望落好邪惡，但食落唔會太甜，黑朱古力芝士亦唔會好膩滯，推介👍🏽🥑脆炸牛油果配純素牛油果醬($78)比較少見，一於試吓😆 外層十分香口，並加上鹽調味，好滋味晚市主食都有跟餐小食及飲品 🍠紫薯准山丸子桂花汁，紫薯帶淡淡甜味，配上桂花汁，味道清香；🍅清酒串串茄帶少量酒味，蕃茄仔爽甜；🎃餐湯係南瓜忌廉湯，十分香甜😋 自家製麵包由餐廳工場製作，分別為燕麥扭紋包及餐包，餐包口感較軟熟，扭紋包則較實淨🥖🥯 ☕️飲品轉為黑芝麻燕麥奶(+$30)，黑芝麻味濃，仲有少少燕麥口感，另一杯飲品轉為丸久小山園焙茶鮮奶(+$25)，焙茶味濃厚餐廳座位闊落舒適，店員態度親切，門外亦有兩個座位，可以帶埋毛孩一齊去🐶，食飽仲可以去海濱散步😆

我暫時食過最正嘅素食餐廳❤️有別於傳統嘅素菜，呢間餐廳主打自家製無添加，食得到食材嘅原味，菜式變化好新穎，值得一試💕環境設計得好舒服，入到去俾人一種好放鬆嘅感覺，仲有一個區域係pet friendly🐶🐱大家可以帶埋自己嘅小朋友一齊過嚟💕所有set餐都會包前菜+餐湯+飲品如果想轉Cafe嗰啲就+$20/$25佢哋餐湯嘅南瓜湯都非常濃郁，天然無添加🤤主食方面食咗三款都好出色！重點食晒都唔會覺得Heavy😍果然係素食嘅威力🤘🏻💕超級能量碗 $98想讚吓佢哋嘅麵包好好味🤩呢個係配合桃法包🥖焗到外脆內鬆軟，配牛油果/前菜配嘅蛋沙律都超級夾💕仲有營養豐富嘅天貝😍 主成分只有黃豆！可以食到豐富蛋白質同優質嘅胺基酸👍🏻仲有甜甜嘅無花果❤️好滿足～VMC素牛肉漢堡 $118佢哋嘅素牛肉真係值得encore！自家製唔會好鹹！口感又好，係我食過最好味嘅素漢堡扒，下次可以試埋牛肉窩蛋煲仔飯🤘🏻都係呢隻牛肉👍🏻自家製麵包超鬆軟！食完都唔會肚脹👍🏻香辣素意大利腸茄汁蒟蒻麵 $98呢度仲有蒟蒻麵！減醣人士都啱食🤘🏻老闆話呢隻蒟蒻麵係香港製造，所以唔會有鹼水味👍🏻口感都真係唔錯❤️意大利腸都係素食😍真係好特別💕Ps.呢款

星期日中午來試這新開的素食咖啡店，午餐餐牌有幾個選擇都很吸引，最後選了芫荽意粉($88)，上菜發現原來不只有芫荽，還有不少菇，辣辣的加上芫荽和蒜片很清新，好吃。跟餐還有一小碗湯、沙律和前菜，全都好吃。😋餐飲點了Flat white(+$20), 咖啡夠濃，拉花也漂亮。員工都很有禮貌，看到他們對長者很細心，又斟熱水又拉開枱凳方便長者出入，值得一讚！👍🏻整體感覺是用心的小店，價錢又合理，一定會再來。

有驚喜這是我在香港吃過最好味的素牛肉漢堡之一，它外觀誘人的麵包包裹著多汁可口的素牛肉餡,層層堆疊的新鮮蔬菜和芝麻醬相得益彰,營養均衡又美味可口。咬下去,外層酥脆,內餡彈牙軟嫩,完美融合的風味令人食指大動。無肉不歡的朋友也會愛上這款素牛肉漢堡,讓人恨不得一口氣吃個痛快。下次會再幫襯！

西灣河蘇豪東間日本餐廳「味自慢」結業都一段時間，終於有餐廳接手啦，係veggie cafe呀，咖啡店真係岩晒我☺️日本- 丸久小山園 抹茶鮮奶轉了燕奶都有線條明確既拉花，抹茶味香濃，唔錯美式橙啡橙汁同espresso既結合，橙汁唔會過甜，我鍾意純素魚柳漢堡。法式薯條用上自家製既包皮，中間既炸魚柳係素魚柳，我覺得比真魚柳還要飽肚，中間夾住d酸酸地既紫椰菜正好用來解膩，薯條亦都炸得香脆，burger 配薯條真係絕配超級能量碗有天貝、番茄，黑豆、藜麥、粟米、牛油果、無花果 同酸種麵包，醬汁係黑醋另上，健康的味道素有機南瓜天婦羅意大利飯南瓜天婦羅同南瓜意大利飯，份量一d都唔少，鍾意南瓜既朋友就岩晒每個lunch set都配以餐湯、涼拌小食 & 碎蛋沙律，真係非常豐富，食物同飲品都唔錯，環境舒適，呢度仲係寵物友善餐廳，真係一個假日chill下既好地方

以往西灣河無乜純素沙律或能量碗佛陀碗既選擇, 多數要去到太古鰂魚涌, 終於都有一間素食西餐喺呢區出現。Lunch set 試左超級能量碗, 有一塊合桃麥飽, 黑豆, 粟米, 車厘茄, 天貝, 無花果, 藜麥加沙律菜。由於唔多餐廳有得食黑豆, 我應該會繼續encore。材料都幾新鮮, 我無落過 Filter 影出黎就係咁既顏色。由於我成日食Salad bowl/All day breakfast, 材料新鮮都唔係必然, 所以佢既材料值得一讚。Lunch set 仲有一份甘筍湯, 我之後有遇過磨菇湯同埋紅菜頭湯, 可能每日都唔同。前菜有素炸魚皮(我走左蛋沙律), 加兩片蒟蒻。蒟蒻無咩味道, 後來再去已換左紅菜頭。炸魚皮其實係紫菜, 幾好食。一場黎到都試下menu 上唯一既純素甜品Vegan Tiramisu, 同大家既食評一樣味道一般, 第一口食到酒味, 之後就沒有了。佢既Vegan tiramisu 對我黎講甜左d, 不過因為我另外點左Irish coffee, 落少少Irish coffee酒味提升左又好食左wor。要讚下佢既Irish coffee, 宜家唔係好多地方有得飲, 佢真係

行過見到裝修好靚嘅一間素食餐廳，決定試試佢❤️打開Menu相信最吸引嘅都係見到有兩個煲仔飯嘅選擇😍所以天氣熱辣辣都忍唔住要揀一個黎trytry🤣嚟到真係熱辣辣出晒煙，仲有少少飯焦，免治牛肉都好足料，好正呀！！另外跟住餐嘅前菜都好出色，個麵包好軟熟，桂花蜜紫薯唔會好甜🫶🏻雖然價錢唔算特別抵食，但係勝在有特色餐點，會再encore❤️❤️❤️

本身响元朗嘅 Vegmind 而家响西灣河嘅蘇豪東 B 期地下開咗分店喎，等我去睇下有咩食先。👁️👁️其實元朗嘅分店我係冇去過嘅，因為感覺好似好遠，但我諗實際車程去西灣河都唔係近好多。🤭估唔到作為一間素食餐廳，附近又有咁多其他嘢食，Vegmind 都坐得幾滿喎。真漢子叫咗以下嘢食：🐮素窩蛋免治牛肉煲仔飯 $118呢個係午餐嚟嘅，由 11:00 至 14:45 供應，送餐湯，前菜同小食。湯係甘筍湯，前菜係麻醬蒟蒻，小食係炸魚皮配蛋沙律。（炸魚皮好食呀，得一塊唔夠喉）。個煲仔飯非常認真，燒到好熱，淋完豉油落去 ja ja 聲，店員提示唔好落哂啲豉油落去，以免太咸。☺️唔好以為純粹將窩蛋牛肉飯變素食版咁簡單，佢有個 twist 就係用咗意大利飯，真漢子都係第一次食有飯焦同中式醬油嘅 risotto ，但係感覺都好夾好好食喎。😃至於塊牛肉餅，以為係用咗現成漢堡扒去做，但食落應該係自己做嘅，因為做到個口感好似中式嘅肉餅。所以呢個煲仔飯還原度都幾高，值得一試。👍🏻☕ 凍美式橙啡 $38（跟餐 $25）加咗橙味嘅凍 Americano ，估唔到橙嘅少少酸同苦澀味，同咖啡混合都幾夾，尤其天氣咁熱，飲咗更加清