Valérie (已搬遷) 新店位置

位於新蒲江的 Valérie，是一間很出名的網上蛋糕店。曾光顧過一次，品嚐過激大金沙蛋糕，賣相和味道勻令人驚喜，使我對它的產品充滿信心。宇治抹茶月餅$148採用京都優質宇治抹茶粉的月餅，不論色澤，賣相，味道，都勻屬高質。深綠色的抹茶月餅，令人胃口大開。綠得迷人的月餅，拆開包裝已聞到濃濃抹茶香。月餅茶香味濃，切開抹茶流心醬溢出，哎呀，好吸引阿。抹茶味道非常濃郁，茶香撲鼻，茶味沖擊口腔，濃苦勻備，回甘回甜，好好吃呢。

中秋近了，又係食月餅的季節。細細個果時好鍾意食傳統月餅，但大個女開始食到厭，就四出搜尋獨特的口味。Valerie做蛋糕一向好出色，今年知道作地在銅鑼灣開左PopUp Store主打月餅，決定要去朝聖。佢地四款口味的月餅都好特別，曼想試下楓糖果仁，但無現貨要預訂。所以我就買左宇治抹茶返屋企過下口癮。賣相已經好靚好Fancy，送禮一流，可以顯出自己的品味。一盒有四個，足夠一家人分享。每個餅上面都印有Valerie的字樣。一口咬開，抹茶味道好濃郁，一D都唔膩。質地都幾緊實，唔易散開，餅心比較軟滑。每一啖入口都有濃濃牛油香同抹茶清香，實在係一種享受。今次初試抹茶味月餅，驚奇又歡喜。一件月餅配一杯花茶，賞月良物。

一年容易又中秋。雖然中秋節只有一天的假期，但對於喜愛團圓共聚的中國人來說，中秋佳節，確是一個賞月談心，怡然自得，大家同享美點的大好日子！ 早前行街時，遇上一間吸引的小店，充滿田園風味，十分雅致。原來是人氣網上餅店 Valérie開設的 Pop Up Store，店內主要出售曲奇餅及近期成行成市的月餅。 月餅口味備有「宇治綠茶」、「楓糖果仁」及「流心奶皇」，並提供四個裝及八個裝，全是迷你 Size。現在做緊推廣，預售價可享八折，於是，BeautySearch 揀選了一盒回家嚐嚐。 簡單的紙盒包裝，用上 BeautySearch 喜愛的 Tiffany Blue 作主調，搭配上優雅的花花圖案，很美！ 盒子背面，清楚列明產品的成份、貯存方法、食用建議等資料，相當詳細。 輕輕推開盒子，月餅是獨立包裝的，非常衛生。餅身呈金黃色，而每個月餅上均刻有 Valérie 字樣，相當精美。 BeautySearch 喜歡把流心奶皇月餅放入微波爐加熱，叮數秒，已聞到甜美的奶香味。 流心效果相當澎湃，加熱數秒，奶皇餡從餅皮爆出，相當吸引！ 迷你 Size 一人獨享也不會感到過膩，咬落外皮相當鬆軟

適逢中秋佳節，定必大肆購買各式各樣的月餅，不論是傳統雙黃白蓮蓉月餅抑或是新派冰皮月餅我都愛不釋手。時移世易，冰皮月餅固然並不再是創新潮流，近年接二連三冒出一系列特式月餅，而Valérie的抹茶月餅正是其中之一，更是好評如潮，一直令我蠢蠢欲動。今年Valérie於銅鑼灣地帶開設pop-up store，推出預訂優惠，雖然距離中秋節尚有一個多月，但優惠價的確相當吸引，反正中秋節畢竟就是個狂吃月餅的藉口，提早享受也不足為怪。Pop-up store裝潢簡約，各款月餅的賣相及價錢都一目了然，店內更有切粒月餅供客人先試味再選擇合乎自己口味的款式，也讓我能淺嚐抹茶月餅的滋味，一止心癮。雖然本來想一試推出以來一直大受好評的抹茶月餅，不過發現今年新推出的流沙奶黃月餅更加引人矚目，決定率先試吃新產品。迷你流沙奶黃月餅 ($198->$158)原價$198的迷你流沙奶黃月餅預售價為$158，相當於整整八折之多，色澤金黃，實而不華地烙上Valérie標誌。根據包裝指示預熱焗爐至150度，然後將月餅焗約6-10分鐘，月餅外層薄而鬆脆，但略嫌油膩；奶黃綿密細膩，帶陣陣奶香；而中間流沙餡鹹蛋黃味濃郁醇厚，

已經第二年支持你一個來自香港本地的小店，今年比以前更加方便，因為喺銅鑼灣地帶有佢哋嘅pop up store ， 唔使再去到新蒲崗咁遠啦。兩位八十後店主都好有心，有包裝，到材料的用法，到製作過程都一絲不苟。望落十分醒神的包裝，一如以往有創新嘅感覺，絕對能夠打低一般傳統嘅月餅。同上年一樣。而且包裝仲好清楚列明左材料，和食用嘅方法，務求將月餅最好嘅味道，帶係大家眼前。而且月餅都冇添加任何防腐劑，所以早買早享受啦。而抹茶味月餅是上年首創，今年翻推證明人氣絕對爆燈。選用優質嘅抹茶粉，淡淡茶香撲鼻，有回甘。而且細件好味得來又唔會太漏。送俾長輩有耳目一新嘅感覺！由於我今次我係早鳥優惠訂購，喺8月25號之前都會平啲。俾咗一個比身邊嘅同事分享，大家都讚好不絕，下年睇嚟要訂多幾盒送俾人啊！聽講仲有流心奶黃月餅，聽落都好吸引！下年中秋節再試！

轉眼間又就到中秋節了 又係時候四出搜尋好味嘅月餅送禮舊年已經好想試某品牌嘅流心月餅今日行街撞到有小店pop up store有得賣當然要行動支持下啦雖然係pop up 不過都有心思裝修架宜架預售價以8折發售 真係早買早享受宇治綠茶口味都好吸引 不過流心係我首選買左四個試下先 其實包裝都唔錯架可能因為係我至愛嘅tiffany blue迷你月餅嘅好處係食一粒唔會太飽岩晒我呢啲口痕友食 咬一口 鬆較嘅外層 包住香濃嘅奶黃 再咬多少少 流心出來了 口感的確一流

去年已經在FB上留意到這間蛋糕店的金莎蛋白糕,後來更發現出了月餅,在機緣巧合下,在銅鑼灣發現了他的POP UP STORE,便藉此機會購入月餅試試。雖然比較想試最新的流心奶皇,當日已經沒有了,FB上有有關訂購事宜,如果大家想試一定要夫留意啊。說回來,這個月餅包裝得體,還有點可愛,送禮也很大體。這一盒有4個迷你月餅,每個獨立包裝,切開後見到厚實的抹茶。首先入口會吃到一陣茶香,入口算滑溜,澀後回甘,留下茶味久久不散。

一年容易又中秋雖然由細到大都唔食傳統月餅😂不過過節點都要食番件月餅既前排係銅鑼灣見到呢間人氣網上餅店開左pop up store除左有奶皇月之外仲有抹茶月餅由於屋企人都鍾意食奶皇月所以就買左迷你4件裝•迷你流心奶皇月/4件 訂購價$158•拆開已經聞到月餅皮好有奶香味而且呈金黃色外觀已經非常吸引😌建議用微波爐叮幾十秒可以做到流心效果叮熱左既奶皇月皮薄而且不斷流出香濃奶皇甜度亦都適中絕對唔差得過有品牌既月餅呢🤗

終於試到人氣網上餅店Valérie喇...其實上年已經想試..但上年知道有呢間既時候已經爆哂QUOTA試唔到了..今次我買左宇治抹茶⽉月餅黎試....超讚好呀..仲知道仍地而家係銅鑼灣開設Pop-up store,,,超方便...唔洗去咁遠呀Valérie以宇治抹茶粉製作抹茶產品，去買時見到佢雖然係網店..但佢真係好專業~連成份都有埋係到..見到個餅有教到焗幾耐....跟住指示焗....一焗完一開個爐..就好大陣抹茶味..再食一啖.....出面脆身入面腍身....個抹茶食完唔會好漿住個口.....同埋唔太口渴~堅係比LIKE佢...仲要每個都係獨立包裝架....等我再買多個迷你流⼼奶⿈月餅試下先....

之前已經有留意 Valerie 網店的蛋糕和很岀名的蝴蝶酥，今年係facebook見到佢地開左pop up store 非常方便黎緊9月親人會去外國讀書，好唔捨得阿...所以就去買了月餅禮盒和家人提早慶中秋。係銅鑼灣地帶二樓，行入啲就見到靚靚的店面有好多款月餅口味，每款都很吸引！Pop up store 好好呢，放了一些月餅和蝴蝶酥給客人試食 最後決定買迷你流心奶黃月餅四個裝試試看～包裝是 Valerie Signature 的款式，送禮非常大方得體盒子也細心的印上食用建議，以品嚐到最佳的風味打開每個都是獨立包裝一打開已經聞到濃郁的奶黃香氣放入焗爐翻熱後再切開就看到幼滑的奶皇流心慢慢的流岀來。一口吃下去果真是皮薄餡靚，外層烤得微脆，配合甘香的咸蛋黃香真的非常好味！！而且迷你size份量剛剛好，甜度適中，真的一試難忘！ 如果唔係好似我咁趕～我見佢預訂9月拎有 early bird 優惠，做到8月25號，仲抵啲

呢間Valerie網上西餅店其實早已聽過大名，今年係銅鑼灣有pop up store，預先同大家慶祝中秋節，咁當然就要預先品嚐月餅嘅滋味。店內所見，有唔同款式嘅月餅禮盒裝，味道都有幾款可選擇，而我揀左呢盒迷你奶黃月餅，因為奶黃口味，人人啱食。月餅盒以湖水綠色月餅盒作主調，賣相擔眼四正，送禮自用皆可。拆開包裝後，已經閒到濃郁嘅香味，外表金黃吸引。為左增添食慾，更加係微波爐返熱十數秒，再切開月餅，見到奶黃流出嘅形態，邪惡非常。再細意品嚐下，餅皮非常薄，餡料好足，有濃濃嘅奶黃味，加上奶香及雞蛋香，甜度又適中，絕對係佳節之選。

仲有兩個月就中秋，好多唔同牌子嘅月餅都已經陸續登場，今年要準備送月餅畀一個好特別既朋友， 所以提早去試一啲小店嘅月餅。我曾經係Valerie到買過蛋糕，出名個樣又靚又好味。今年先知原來佢地中秋都有出月餅，就硬係試下啦! 買左四件裝，同老公係屋企high tea個盒好靚，用左tiffany藍，每個月餅都係獨立包裝連月餅都印左自家logo，好靚後面有招紙，教下焗爐，微波爐整熱所需時間，最緊要香港製造，份外親切老公幫我開焗爐整熱六至七分鐘到配返壺茶，我唔客氣啦靚到唔捨得食，影多兩張先切開1/4, 入面嘅奶皇已經流緊出嚟啦， 試咗小小流心奶黃，好香嘅蛋黃味。 奶皇餡（冇流心果部份）, 質感幼滑，個面頭酥皮焗完好鬆化， 食完成個都唔覺得膩店員話8月25日之前訂嘅都會有預售價，我已經極速買咗一盒8個迷你裝嘅流心奶黃月餅，除番開先30蚊一個，到中秋又可以同朋友食月餅

"Share the sweetness. Taste the love." 母親節將至，卻偏偏於正日已經前往日本旅遊，唯有提早與媽媽慶祝，看到Valerie推出兩款新蛋糕，而其中之一更是我最愛的抹茶味，刻不容緩訂了一個，慶祝母親節同時一飽口福。濃香抹茶蛋糕配糖漬脆蘋果 ($428)蛋糕約有磅半至兩磅重，面層抹茶忌廉輕盈軟滑，夾層抹茶蛋糕和抹茶忌廉濃郁醇厚，帶明確抹茶甘香，絕對能滿足抹茶控。最特別的是蛋糕中間夾著糖漬蘋果肉，配搭新鮮之餘意想不到地配合得天衣無縫，爽口的蘋果肉增加蛋糕層次，甜度控制得宜，不會過份甜膩亦不會搶去抹茶風頭，加上朱古力脆波，更添口感。不論蛋糕份量抑或是蛋糕質素，同樣對得起價錢有餘，相信除了母親節外，以後生日蛋糕又多一個選擇了。

Strawberry Fields Forever 親愛的…$428一開已十分吸引，淺色襯紅色食用花，比相片還吸引，最頂的白色口感似啫喱，幾特別，而切左之後，原來係一層層隔住d色，食落去玫瑰味好濃郁和微莓香，而且一層層夾住好香蛋味的蛋糕佢地係用 士多啤梨 及 紅桑莓果 蓉製造, 入面係 玫瑰 士多啤梨慕絲，間住海綿蛋糕，最頂水果和食用花 。蛋糕大約都有1.5-2磅，岩晒4-5個人食……我3日前在網上預訂蛋糕在鑽石山交收，交貨人非常準時，十分滿意。

濃香抹茶蛋糕配糖漬脆蘋果$428話說母親節快到，作為考順仔考順女的你，想好買什麼蛋糕未呢。曾吃過一次Valerie的金沙蛋糕，覺得質素好好呢。又大又靚又好吃，令我念念不忘阿。今次媽媽節，我選擇Valerie的 濃香抹茶蛋糕。以前媽媽都不吃抹茶，可能跟得我多，漸漸地也成為一個抹茶控，味覺相投呢抹茶蛋糕超級大超級重一個，吃完飯後拿出來，媽媽O晒咀呢。被鮮綠的慕斯包著，感覺滑溜可囗。蛋糕配以糖漬脆蘋果，焦糖融入蘋果粒，撒上後好像天使蛋糕的抹茶版本。蛋糕體鬆軟，富有彈性，軟綿綿，打發得很好呢抹茶蛋糕採用京都宇治優質抹茶粉，抹茶味較濃郁，好好吃好滿足呢