URBAN Café Commune (MOKO新世紀廣場)

營業中

休息中

其實係第二次去食飯了，第一次去食機本兩個人會叫半隻燒雞，FISH＆CHOPS 好過癮的FEEL。第二次去今次朋友ORDER了個意粉，本人ORDER個SLOW COOK 牛肉，味道好好。下次再去TRY其他餐

同男朋友行新世紀，肚餓就搵野食，見到唔洗排隊就硬係衝入去啦！一坐低佢話腿90分鐘立刻叫野食先！叫完後龍蝦湯就送上黎，好濃味，開頭幾淡都幾好，但愈飲愈咸！我覺得可以細碗d同埋加麵包咁就應該會好好多我同男朋友麵唔食牛，所以只好食雞。雞皮超脆！肉好嫩！其實好好食！加埋薯條不得了！但太太太飽了........男朋友叫左卡邦尼有兩隻蛋一整整爛隻蛋成碟變到超黃！太多蛋，一papa.......最後食唔晒！下次頭試下個魚！

每次到新世紀廣場都想食哩間但每次都因為有條人龍係度而打消念頭，今日難得條人龍咁短😀佢晚餐選擇唔多，得幾個餐揀。我地都揀左桃茶，桃味都幾重，加上淡淡紅茶味，最重要係杯茶唔會帶苦龍蝦湯 - 好香龍蝦味，唔會太稠都唔會太稀，入面仲有幾塊龍蝦肉，貨真價實龍蝦湯？慢煮美式牛肉-哩個我地揀左全熟，但煮出黎既牛肉都依然好嫰，一d都唔會老配既係偏甜既甜醋汁，總係覺得牛應該係咸食，配上偏甜既甜醋汁有小小怪怪地🙈三文魚配西洋菜汁意大利飯 - 雖則佢係西洋菜汁意大利飯，但係完全食唔到有西洋菜味🤔趕好個汁都唔係難食，就係一兜冇咩味既汁。三文魚煎得好好味，表面煎得好脆，入面好滑👏🏻而上面果個菜就好睇個人口味，係好多法式沙律入面都會有哩隻菜，佢味道好特殊也都算好濃烈。接受到既人會覺得好正，例如我；接受唔到既人會覺得好難食，例如同行友人🌝食物總體黎講唔算特別驚喜，價錢方面覺得偏貴。但最值得讚既係佢既服務，waiter幫我地落單時，見到我唔可以飲凍野同食生野，好主動咁問我杯野飲洗唔洗走冰，牛肉要唔要全熟

昨晚下班後與男友在旺角新世紀逛街，見肚餓就行入呢間餐廳食dinner~大概夜晚8:45係度⋯等待時間都算短了，相比起simple life or ruby Tuesday！等到大約9:00，我地終於可坐下望menu了～Menu上提供不同dinner選擇，可以因應不同客人需要，我本身想食店內照牌的烤雞，但男友想吃漢堡就算了～鵝肝我就無食～讓給男友，但只看漢堡外表已十分吸引^_^大大件！只是吃下去,對我而言,感覺太膩口，吃了幾口，就有飽感了～第二項菜式就選了all day breakfast!有火箭菜，口感清新些，而炒蛋好滑，食出牛油味，唔錯！👍🏻我最喜歡就吃佢的牛角包，外脆內軟，食出啖啖的牛油香味，正😋呢碗係龍蝦湯～配合幾粒龍蝦肉，幾香濃又唔咸，味道剛好！因我最怕飲好咸又重味的龍蝦湯，而呢個正合我意😊總括來說，這餐不過不失～下次我會揀烤雞試下😁

我相信大家都知呢間餐廳出名排長長長長龍ga la ...所以我一直都未有機會試過, 難得得閒, 今日終於可以試下啦~我估我大概8點幾到...最後要成9點先有得坐... 餓死朕啦...好...睇下個menu, 勁多野想食, 唔洗講, 一定要試既當然係呢到既燒雞啦 !!另外我地再order 左個burger with kimchi 茄汁果個 ! 餐會有餐湯同野飲包, 餐湯今日係龍蝦湯, 感覺好高級呢龍蝦湯都幾好飲, 入面仲有幾粒果d小紅色龍蝦仔既肉 ! 好快就比我呢個餓鬼KO了味道都香濃, 係罐頭龍蝦湯味, 不過我覺得都好OK ! 到主菜, 呢個burger都係令到我比BAD既原因...so sad ..... so sad ....個牛肉....我冇食錯, 係超級極之咸 !!! 勁勁勁咸 !  我叫老公幫我試下, 係咪我自己問題, 佢都覺得咸到頂唔順, 叫我唔好食, 所以我都忍唔住問左個waiter一下, 請問你地既牛肉係呢到調味 or 出面整好送過黎, well ...好明顯係後者啦... 但好奇怪地, 我一問, 佢地就即刻話換另一個main course 比我, 唔通..好多人com

窩夫與蝦子餅為慶祝結婚31個月紀念，走到旺角新世紀廣場吃晚飯和看電影。之前每次晚飯時間經過都URBAN Cafe Commune都見到等位的人龍，這晚有時間，排隊等位吧！ 窩夫與蝦子餅晚上七時左右到達，七時半左右便可入座，三十分鐘的等候時間還可以接受。晚餐有九款選擇，現場所見，A餐和B餐最受歡迎，窩夫與蝦子餅也選了這兩款。花過心思的餐巾。晚餐的餐飲可選凍桃茶或汽水，改咖啡或茶的話要加15元，窩夫與蝦子餅都點了凍桃茶，比較常喝的凍檸茶有新鮮感，凍桃茶的味道不會太甜，可以一試。是日餐湯為龍蝦湯，龍蝦湯充滿鮮味，味道香濃，稀杰適中，有幾件小龍蝦肉，水準之作。B餐來了，卜卜脆炸魚薯條配URBAN橄欖醬和沙律菜，份量不小呢。炸魚真的做到卜卜脆的效果，魚柳厚肉而且嫩滑多汁，連皮的薯條也非常好吃。由等位開始期待的URBAN 3小時慢烤法國肥雞(半隻)上桌了，用上大量香料醃製，香氣撲鼻，烤好的法國肥雞一點也不肥，肉汁得以保留著，招牌菜當之無愧。加38元追加了招牌蛋糕之一的SUPERMANGO，起初發現蛋糕一件芒果也沒有時有點失望，但吃過後發覺蛋糕的芒果味非常香濃，而且是很自然的芒果味，應該是用新鮮芒果

假日去到moko 好似度度都要排隊咁 邊度都要排, 所以小妹就簡左呢間『URBAN Cafe Commune』呢間餐廳位置比較開揚, 感覺就有D似外國茶座咁, 雖然價錢一啲都唔平，不過睇食評都請到幾好食, 所以就試下好令小妹覺得黎得呢d大商場既外國茶座食野就好似好high咁, 覺得自己好似即刻高貴左咁!! 不過咁樣等一等就足足等左近40分鐘先入到坐..URBAN 3小時慢烤法國肥雞(1/2) $178半隻雞, 仲有薯條同沙律菜, 份量都幾多一上枱好吸引到我個雞名叫慢煮3小時 好明顯記係要煮三小時喇(好似講緊廢話) 肉唔會好乾好hi而且都幾入味下，好好食感覺係同個賣相一樣都好吸睛 性價比我比幾高分佢 Big Boner Breakfast (晨光第一炮)$118 點解個中文名叫晨光第一炮 alldaybreakfast 咩都有, 其實唔大食既人真係可以叫呢個黎食煙肉整到好干身, 一食落去好香脆可口,『URBAN Cafe Commune』除左個雞出名之前, 牛角包都係幾岀色嫁!食落口好香牛油味, 真係好香 而且佢地有焗爐係格離一路都會有牛角包同雞出爐, 令到成件事加晒分 Lu

今日男友生日，本身想食另一間cafe，但係排長龍，於是醒起成日行過都想試嘅呢間cafe其實都要排隊，不過條隊得十個人以內，就等下啦。入座時幾驚喜嘅係，我地兩個人佢都照比四人卡位（雖然有限90分鐘用餐時間，但都合理）我地叫咗一個韓式漢堡，一個慢煮烤雞。兩個午餐都包餐湯同飲品，今個餐湯係龍蝦湯，個湯好濃味同鮮甜，仲有幾舊小龍蝦肉，飲完即時開胃晒今日特飲係桃茶，我地兩個人都叫咗桃茶，唔太甜，好有桃味好解渴。韓式漢堡塊漢堡肉好厚又多肉汁，配埋脆口煙肉、蕃茄同鬆軟嘅包口感非常好慢煮烤雞我用叉一篤落去佢就有雞油同肉汁標出嚟，雞肉非常嫩滑，配香菜同加少少黑椒一齊食好香！而且連雞皮都脆脆地又入味。薯條本來就炸得好脆，加上沾到d雞油，再點茄汁之後一齊食特別好味！有湯有飲品食物又ok嚟講，價錢算合理！

今日下午放假，一個人hea下hea下，行街去到MOKO 就坐低食tea，見到店舖係開放式，感覺很開揚、舒服，不過一坐低，店員就告知用膳時間為90分鐘，但我一個人，90分鐘夠哂啦！香辣熱狗。薯條白芝麻熱狗包，麵包微熱，外層少少脆，一條脆皮腸，味道不會太鹹，面層舖滿微辣肉醬及芝士，味道惹味，吃完整個熱狗都不會覺得很膩！凍桃茶我點了少甜，味道都可以的，頗清新開胃！整體這個下午茶都不錯，份量適中，是一個可以 hea 的好地方！

之前黎食過牛角酥都好好味,今次就同fd黎食晚飯,可能去到都九點幾,所以都唔洗點等位就有得入,之前晏就黎食tea都要排左一陣先有得入,跟餐龍蝦湯,幾香滑,有d小龍蝦肉,平時既龍蝦湯都會苦苦地呢到唔會有苦果種既感覺,朋友餐飲轉左金菊茶,但我個人覺得有d唔抵,好似要加十幾蚊,我果杯係蜜桃茶,茶味較濃,燒肥雞,都幾大份,不過好彩唔係好肥,好香,幾入味,不過切既時候有d煩,因為切雞時候,d薯條同菜一路切,一路跌,薯條唔夠脆, 雞肉幾滑,菜酸酸地,可以中和下,無甘飽肚,但因為太大份,最後都食唔哂,朋友叫左個龍蝦飯,我食左一啖,味道幾creamy,龍蝦肉爽口,唔錯,幾好味,

下午茶後段來，五時就坐，侍應生說供應牛角酥和飲品蛋糕。還要5:30pm交枱。沒有牛角酥menu，侍應生好像亦不清楚有甚麼款式的牛角酥，雞同鴨講。雖然我已清楚表明我要甚麼，但她仍堅持沒有我所選擇的，最後由入錯單還跟我說我所點的已賣光。後來由另一位較senior的更正並把我所選的給我帶來。牛角酥並沒有加熱（Brie cheese沒有溶），口感韌、味道一般。咖啡（Flat White & Cappuccino）第一啖還可以，及後變得很酸，完全蓋過原本已很淡的咖啡味。坐卡位，背面拱型裝飾全是塵！結論是不會再來！

每次黎條龍都好長，但想試好耐，呢日終於排隊試，叫左一個fish and chip同燒春雞，魚啲肉幾厚實，個炸粉都做得唔錯，唔會甩哂出黎，薯條係比較厚身唔脆果種，薯仔味出啲，個燒春雞肉汁好豐富，好味

新世紀廣場...應該係Moko, 實在太唔慣個新名, 除了個新名叫唔慣外, 商場既全新店鋪我早已習慣, 我梗係target餐廳喇. 這餐廳係全商場最開揚, 食乜都被人望到, 亦都係我見到人人食大大隻燒雞先引咗我去食.  一向幫襯開這店在朗豪坊超市內既麵包counter, 佢既牛角包新鮮出爐時真係又脆又邪惡.  反而這裡不是專做麵包, 牛角包既質素較遜色.  幸好有燒雞補位, 每次經過見到玻璃烤爐內掛滿滴汁既肥雞勁流口水, 有次仲要俾我望到又聞到有龍蝦湯, 嘩, 真係唔試唔得囉.  眼見人龍不絕, 好在不是見首不見尾, 只排了約20分鐘."龍蝦湯"份量幾夠, 內有龍蝦肉, 雖則是急凍貨色不爽口, 勝在味濃. 提議餐廳能配一件小牛角包就更吸引 幾乎每枱必食"香草燒雞", 由落單至上枱速度極快, 因為烤箱內不停烤雞, 排隊時見廚師不停摩打手咁砌碟, 沙律菜, 薯條+醬汁.   烤雞用了大量香草醃製, 烤烘後同金啡色雞皮變成非洲燒雞, 但十分香口熱辣辣, 肉質嬾滑入味, 唯一不足係撕開時肉汁滴落薯條弄軟了.套餐還有Carbonara意粉選擇, 滿佈芝士碎啱晒我, 弄穿溫泉蛋後醬汁掛滿意粉, 但

本來去植樹，點知天氣唔好被迫取消…咁惟有出返市區搵食啦平時每次黎到都排好耐隊所以冇試，今日早到等佢開午市十一點前都有開，不過就只係提供簡單包點同飲品點左個炸魚薯條同卡邦尼意粉，跟餐仲有湯同飲品添餐湯賣相唔錯，味道都可以，有淡淡嘅龍蝦味，不過如果個湯可以再“傑”身啲會更好炸魚薯條：嘩，好大份下，有沙律菜平衡返炸魚嘅邪惡(心理上)炸魚有前臂咁長，炸粉份量剛好，入面嘅魚就好嫩滑，佢仲有個特别嘅橄欖醬添。卡邦尼意粉：望落去都已經好吸引喇，溫泉蛋再加大量芝士碎係面將蛋同麵混埋之後成個麵更加creamy!每一啖嘅意粉都有厚厚嘅醬同蛋汁包住，好好味。不過食唔夠幾啖就有啲滯嘅感覺飲品揀左清新嘅蜜桃茶，清返之前嘅油膩感滿足的一餐

經常行過呢間望落好似幾好, 終有幸一起坐低品嚐.坐位環境不錯, 本來想試意粉與雞, 但最终我與伴侶都是喜愛烤雞之人, 最終點了兩份不用爭食.先上的是一碗橙色的龍蝦湯, 整體較茶記例湯好, 湯有一隻小龍蝦(不是龍蝦, 兩者是不同品種的) , 味道不是難喝, 就如金寶湯一樣, 就是很味精. 再來的是桃茶...唔...預制的化學品還是別喝了. 諗起港式凍檸茶,有新鮮檸檬有現制的手工沖茶味道... 唉...然後主菜烤雞到了, 賣相好像不錯, 一刀下去肉質柔軟, 很輕易就可以解剖分食. 誰知第一口連皮進食後, 心感不妙, 口內充斥焦炭的苦味, 原來是烤煮過程中的熱力已將雞表面的香草炭化, 苦味久久未能散去, 只有少量香草味夾雜其中. 住下細嚼, 雞腿肉軟而不滑更肉質散亂, 雞胸粗糙但沒有預期的濃郁雞味. 完全不是法國雞的味道. 不過可幸烤雞伴碟的薯條, 外脆內軟, 鹽度適中,炸得不錯, 取回10分中的0.5分...唉, 在商場的狼虎貴租的魔掌霸權底下, 實不應期望有什麼美味, 旺角太子隨處也是美食, 自己偏偏跑進來實屬自找的不幸, 望向遠處排隊的人龍, 我與另一半吃第一口早已相視而苦笑.