URBAN Cafe (駱駝漆大廈第一座)

營業中

休息中

今日同老婆中午去咗觀塘行街，行多餓餓哋，就去咗呢間好多推介嘅餐廳度食午餐。入到去先知道依家係貓Cafe，真係估唔到原來有咁多貓，有成10幾隻貓。本身我都怕貓嘅，但係估唔到啲貓咁乖，冇亂咁周圍走，仲肯坐喺客人嘅大髀上面！一啲都唔怕陌生！講返啲嘢食先，我叫咗份牛扒餐，啲薯角同牛扒份量好夠，杯奶蓋都好好飲，不過略嫌唔夠滑。個餐湯同埋個牛油條好正！好有南瓜味，同埋睇得出好重料，但如果個湯下次熱啲就會更加好！我地仲食咗心太軟同埋焦糖布甸，好味！

朋友是貓控，約我到呢度吸貓貓一開始都淆，因為自己好少接觸貓，驚唔識同佢地相處。入到去，原來好大，有幾十張枱。入門前，要先着鞋套，有部機自動出鞋套，都好方便，唔洗烏低身。然後探熱、消毒，當然係必須啦，防疫措施好齊全，都係自動化電子嘢，方便快捷。就連點嘢食都係電子自動化，掃QR code上網自己點，佢就會送餐嚟，都唔洗舉手嗌侍應。點左個2人套餐，包餐湯、沙律，正餐點左煙三文魚水煮蛋卡邦尼扁意粉，同埋安格斯牛肉手工竹炭漢堡配脆薯，另包$38以下嘢飲，點左凍薄荷咖啡。首先嚟南瓜忌廉湯😍😍😍my favourite!忌廉好濃厚好高質，唔會稀身或者油膩，入邊仲夾雜南瓜絲，甜甜地暖暖地咁。杯薄荷咖啡嗌左少甜，味道岩岩好，唔係薄荷雪糕個種好甜好假嘅味，而係真係有薄荷冰涼感，甜味岩岩好！跟住嚟煙三文魚水煮蛋卡邦尼扁意粉，配料可接受，望上去偏細舊，但卡邦尼意粉做得幾好，好creamy,意粉又有少少硬身，唔會煮過龍，整體唔錯嘅~最後係竹炭漢堡，咬落竹炭包皮好鬆軟，裏面包住安格斯牛肉，車打芝士同番茄，餐牌話有黑松露燒汁，但又唔係好試到，整體味道ok，唔會太差。最後最後，梗係要介紹下啲貓，佢地都好胃食，我地嘢食

餐廳：URBAN Cafe (觀塘)地址：觀塘開源道62號駱駝漆大廈第1座6樓第二次嚟觀塘呢間URBAN Cafe，最主要係太掛住啲貓貓所以返嚟探吓佢地😻，加上地方又大，真係坐得舒服，同貓貓們都玩得輕鬆自在😽嚟呢到例牌叫開二人套餐($298)，真係值得一提同一讚嘅係佢哋嘅南瓜忌廉湯，每一匙都有南瓜蓉同南瓜絲係當中🎃，好鍾意果種香濃綿滑嘅texture😋主食方面，上次試咗意大利飯同埋豬肋骨，今次就叫咗日式青蟹籽藍青口芥末忌廉扁意粉同夏威夷風情拉絲水牛芝士手工薄餅🍕。扁意粉用咗忌廉汁去煮，食落唔會好膩，或許加咗芥末汁係當中，唔會搶喉得嚟仲帶出芥末過癮嘅味道，中和咗忌廉嘅油膩感覺，加上青色嘅蟹籽同兩隻大青口，點綴咗成碟意粉嘅顏色👍；薄餅有羅勒番茄醬、水牛芝士🧀、煙肉🥓、菠蘿🍍同埋車厘茄，一開四再拎起果然有拉絲效果🤤，真係未食都知好味，薄餅邊唔會太過燶脆熱氣，烘烤時間掌握得啱啱好🔥另外加$18叫咗兩份香滑奶凍，一個抹茶味一個朱古力味，我食嘅喺朱古力味，奶凍滑溜唔會起沙，朱古力味突出而唔會過濃，鍾意嘅仲可以加埋啲cream一齊食🥄飲品就叫咗杯伯爵茶拿鐵同埋茉莉綠茶拿鐵☕️，除此之外仲有多款飲品，例

每日返工都要諗Lunch食乜好今日終於唔洗諗到頭都爆啦因為同事帶左我黎觀塘駱駝漆搵食呢到原來有間貓貓Cafe 入餐廳前需要帶返個套先可進入架係鞋套同消毒雙手，確保個人衛生同貓貓嘅健康呢到落單掃個QR Code就可以自肋落單，超方便又簡單！呢到嘅set餐都好多選擇今次我就揀左「西班牙紅蝦野菌青醬忌廉意大利飯」$119紅蝦大大隻啖啖肉，意大利飯口感煙韌，配埋青醬忌廉口感又滑又creamy！套餐跟是日餐湯+牛油多士條+餐飲南瓜忌廉湯，湯內一絲絲南瓜蓉好有口感之餘仲好香濃好飲！而牛油多士條十分有驚喜多士條上灑滿砂糖，愛甜人士必愛飲品我就叫左杯「Oreo脆脆特濃朱古力」表面鋪滿滿滿的Oreo加上朱古力香濃幼滑，超滿足觀超返工嘅朋友都可以上去撚下貓貓點個小食或甜唔傾下計都唔錯

其實呢間餐廳已經幫襯過N次，一直都係我嘅私心收藏，今次終於忍唔住要將好餐廳分享出嚟俾大家知。我哋嗌左個二人餐，前菜有沙律同忌廉南瓜湯。《忌廉南瓜湯🎃》好Creamy，小編覺得忌廉味比南瓜味突出，味道較甜，每啖湯都食到南瓜蓉，感覺真材實料，而且夠熱，作為頭盤表現唔錯。至於個《沙律🥗》，就係日式芝麻醬沙律，有菠蘿粒、番茄仔同埋沙律菜，簡單清新又美觀。《挪威煙三文魚水煮蛋黃金卡邦尼扁意粉🐟🍳》淨係睇個名，都知道呢味菜一啲都唔簡單，不愧為推介之選。煙三文魚嘅煙熏味都幾重，一食就知唔係一般貨式，咬落去係有口感，而唔係一咬就散晒。水煮蛋本身就已經係多功夫嘅菜式，小編都非常喜歡，最鍾意就係將半熟嘅蛋汁撈埋啲意粉一齊食，可以增加卡邦尼意粉蛋香味同埋令成個意粉更Creamy。煙肉粒冇炒到過熟或過脆。至於意粉除咗彈牙外，佢嘅份量都唔少，男仔都唔怕上到Café會唔夠飽。《安格斯牛肉手工竹炭漢堡配脆薯》好少可以食到竹炭漢堡🍔，黑蚊蚊嘅外表非常型格同吸睛，打卡一流。除咗外表吸引外，味道都幾有水準，漢堡扒非常厚身，肉質肥瘦比例均衡，咬落去彈牙而非常多肉汁，入口亦唔會過硬或散開。加上兩塊半熔嘅車打芝士🧀同埋兩大片蕃

呢間餐廳嘅防疫清潔做得好好，首先入門口前要先穿上鞋套， 行入門口再有2部消毒機噴手，安心曬食物價錢性價比高午餐配有南瓜忌廉湯，啖啖飲得出嘅足料， 仲配咗牛油多士條，香脆可口主食我點咗辣根燒汁伴牛肉眼扒配薯菜，一端上嚟我忍唔住「哇」一聲， 好大份呀 燒汁真係好惹味，薯角香脆，食完大大份嘅牛扒，再食下配菜， 平衡下味蕾飲品係草莓荔枝紅莓乾花茶，又靚又養生。 聞落有紅莓嘅甜甜嘅清香，飲落去係玫瑰紅莓味， 味道好夾，又唔澀。 壺茶下面有蠟燭暖住，係呢個寒冷嘅冬日，倍添溫暖食完當然要食個甜品，嚟個完美ending 甜品我選咗朱古力心太軟，真係有流心朱古力餐廳環境乾淨舒適，食物味道可口，服務態度又好，值得推薦

今日相約朋友黎e間人氣咖啡店食午餐，餐廳消毒都做得好足，有鞋套同消毒液等。店內裝修簡潔又寬躺。🥰餐廳用QR code 落單😌自己揀唔怕會漏單😎餐點方面，有套餐或單點可以揀，飲品有超多選擇🥰我地揀左2人餐😆有餐湯，沙律，+28蚊小食拼盤，巴馬火腿拉絲水牛芝士手工簿餅，即磨芝士黑松露菠菜大啡菇忌廉意大利飯。飲品方面揀左意大利朱古力咖啡，400次抺茶。餐湯&沙律🥗餐湯係忌廉南瓜湯☺️湯飲落啖啖南瓜溶，好滑女香🥰飲完暖笠笠😍沙津都好fresh❤️小食拼盤裡面有魚寶，脆薯角同雞塊😍小食控必點😋食落熱辣辣，又脆卜卜🤤巴馬火腿拉絲水牛芝士手工簿餅，簿餅上面都好多巴馬火腿同滿滿嘅芝士，睇下真係拉到絲出黎🤓即磨芝士黑松露菠菜大啡菇忌廉意大利飯，e個飯比較特別，因為通常餐廳都好少有即磨芝士，建議大家趁熱食，拌一拌，咁就可以食意大飯嘅時候，同時食到芝士同黑松露味道🥰意大利朱古力咖啡，拌勻前飲一飲佢嘅咖啡真係好香濃，拌埋朱古力一齊又係另一個層次😋400次抺茶，第一層係滿滿嘅抺茶，配上鮮奶底，抺茶好滑😌

Have been wanting to try out and visit the famous cat cafe for a while now. We made a reservation beforehand and  went straight in.There was a machine at the door that facilitated customers to wear plastic bags on their foot, which was very hygienic and thoughtful.Food were to be ordered via the QR code provided on the receipt, which was quite convenient. They arrived shortly but you can surely admire or play with the kitties at the meantime!Angus Beef Burger with charcoal bread🍔 It's simply the

幾個月沒有來了，今次星期日來到原來真係會多D人，不過仍然覺得舒適，不會太迫。由於星期日的氣溫比較凍，很多貓貓都喜歡痴住人，今次我也不例外，坐低不久已經有貓貓上大脾睡覺了，令我也感覺得溫暖!星期日來到沒有了lunch set，也有二人套餐。套餐除了有主食，也有沙律、湯和飲品。沙律，沙律菜拌上芝麻醬，還有菠蘿粒和車厘茄，感覺很fresh而且很開胃!餐湯為南瓜湯，湯內有很多南瓜蓉，湯的味道較甜，口感豐富!三重芝士肉醬意大利麵，每次見到人食的時候都想試試，今次終於都點了!這裡的肉醬意粉用上三款不同的芝士，食落好香芝士的味道，而且還有芝士碎在面頭，特別有口感!肉醬味道剛剛好，不會太甜太酸，而意粉軟硬度適中，十分美味!夏威夷風情拉絲水牛芝士手工薄餅，薄餅是厚批，餅底都幾鬆化!用上煙肉、菠蘿、車厘茄、蕃茄醬和水牛芝士製成，芝士能夠做到拉絲效果，而且pizza不會有種好膩的感覺!水牛城雞翼，這裡的水牛城雞翼真的不錯，水牛城醬份量剛剛好，不會太酸太辣，而且雞肉嫩滑juicy，好惹味呀!玫瑰蘋果醋梳打，有好香的玫瑰味，帶有少少蘋果醋的酸味，加上用了梳打，令飲品很fresh!藍花皇家伯爵荔枝紅茶，用上茶壺和

疫情下又想去Cafe但係又怕小店好多人，有朋友提議不如去觀塘呢間空間大啲，唔怕人貼人，又好趕時間食嘢咁。見到Menu有好多嘢都想試但係就覺得二人餐比較抵，所以就嗌左。有埋餐湯同沙律另外再加配左兩杯嘢飲。我哋叫咗芝士肉醬意大利麵，豬助骨。肉醬意粉基本上食過咁多間餐廳都冇伏。醬汁好濃，同埋加上有芝士，所以幾惹味。另外豬助骨就嫌佢有啲硬同埋乾身。如果可以個主食可以叫第二樣：）另外叫咗杯朱古力咖啡，超級大杯同埋都幾重朱古力味，如果唔係太飲得咖啡既都可以試吓。梳打同埋小食拼盤都唔錯👍🏻

觀塘新開左一間貓cafe，近近地決定帶小魔鬼去朝聖下。一入門口已經feel到入邊人頭湧湧，餐廳人氣真心爆棚，到處都係打卡影相的人。而餐廳係用手機點餐形式，非常方便。慢烤美國嫩雞胸 慢烤係為左保持雞胸既鮮嫩，外皮烤得微脆，仲有大量薯蓉，入口香滑，相當不錯。日式青蟹子藍青口芥末扁意粉日式青蟹子藍青口芥末扁意粉，配料豐富，成碟都係蟹子，口感超正，青口新鮮而且超大隻。菠蘿乳酸蘇打小朋友最愛飲酸酸甜甜既飲品，成杯佢自己KO晒，可見佢有幾愛。400次咖啡在家整唔到400次咖啡，出到黎梗係要試下人地架啦，味道唔錯，咖啡味香濃。

今日觀塘友又帶左我搵好嘢食，地點是在駱駝漆工業中心一座，非常之方便，進門前指定動作清毒，仲要穿鞋套，原來是間貓cafe, 我見到貓咪就己經心心眼😍，餐廳空間感都幾大，雖然有咁多貓，但都沒有異味，同埋乾淨企理。 講番食物先，用QR落單，方便又快捷， 選擇都多元化啊🥳。午餐我選了百里香牛油伴牛肉眼扒, 搭配薯菜, 牛扒煎得很靚，食落帶牛香, 肉質滑嫩, 配搭的薯格, 炸得香脆夠味，附帶的醬汁帶點辣, 令我加倍開胃。 叫套餐均送是日餐湯跟飲品,今日的餐湯是南瓜湯, 湯微暖的很易入口, 有南瓜蓉在內, 很Creamy~牛油多士條有糖粒, 甜甜的很脆口, 條形好似食緊薯條咁。 叫了首次嘗試的400次咖啡, 咖啡味香濃綿密, 拌勻後飲落很滑, 很不錯啊！甜點我叫了美式熱香餅配雪糕，冷熱交替好過引，個人覺得比較甜，但都食晒佢🤣。觀塘友叫了挪威三文魚尼迪拼盤，擺盤睇落唔錯，而且隻蛋仲係流心架😍，見佢都食得好滋味，好快就清盤了。飲品叫了400次薄荷朱古力，而甜品叫了抹茶奶凍，說香滑又濃啊。貓咪親人又可愛🥳🥳。

-🔸挪威煙三文魚班尼迪拼盤 $88🔸麻辣燒汁伴川香麻辣燒春雞 $88🔸法式紅酒栗子燉雞肉飯 $88🔸法式焦糖燉蛋 $48-朋友好想睇貓貓，所以帶咗佢一齊嚟Urban Cafe食lunch，除咗有好多隻得意嘅貓貓之外，食物都有一定水準，而且仲係良心食店呢！我叫咗份燒春雞，上枱熱辣辣睇得出係即點即製，切開肉質鮮嫩仲爆晒肉汁，勁正！朋友就食咗紅酒燉雞肉飯，份量夠晒多而且有原粒栗子，佢超鍾意啊～另外叫咗份benedict蛋，一切流心嘅蛋黃好療癒啊！

觀塘工廈都好多野食 今次簡左駱駝漆大廈1座的urban cafe， 餐廳地方好大， 光猛整潔， 落單掃 QRcode， 但都會放本menu喺枱面， 方便同朋友兩個一齊睇一齊揀嘢食。 兩個人就揀咗佢個二人套餐$298， 見大部分客人都係食呢個餐， 有湯有沙律加兩個主食及飲品，如果怕唔夠喉仲可以用優惠價加小食同甜品。是日餐湯係南瓜湯好creamy入面仲有一絲絲南瓜肉， 個湯有驚喜， 雜菜沙律都好新鮮。挪威三文魚水煮蛋黃金卡邦尼扁意粉卡邦尼汁好濃郁， 中間仲有個水煮蛋，蛋汁同卡邦尼汁撈埋一齊真係絕配， 扁意粉口感夠彈性，好味。安格斯牛肉手工竹炭漢堡配脆薯漢堡上菜嘅時候，同朋友第一個反應係真係好大份， 個漢堡俾某連鎖快餐店真係大好多好多， 而且個竹炭漢堡外型夠型格， 面包口感鬆軟，而安格斯牛肉亦都好厚好滑， 最怕食到漢堡牛肉係鞋十十， 非常推介。雙層朱古力蜜糖吐司配是日蛋糕店員同我哋講今日冇朱古力醬轉奶酥醬， 絕對冇問題，哩到cafe點可以唔叫甜品，厚切吐司外脆內軟，加埋甜甜嘅奶酥醬，仲鋪滿咗棉花糖，真係好邪惡。呢度地點方便，食飽咗仲可以過去apm行下街，食物環境各樣都唔錯

首先 先黎 南瓜湯加 脆脆棒南瓜湯香甜濃郁又有南瓜絲三文魚拼班尼蛋外表唔錯，食落蛋同三文魚都好夾， 而且蛋仲係流心tim😋😍😍，薯格 熱騰騰又香脆。 唔經唔覺好快食哂所有最後食埋 抹茶奶凍 就happy ending抹茶奶凍香滑又濃郁