URBAN Cafe (駱駝漆大廈第一座)

營業中

休息中

難食到想寫我第1個食評，除左猫猫🐱 🐱 外，唔想影野食相，影來都浪費我memory！今日叫左個2人餐～沙律唔係好新鮮，餐湯就麻麻，男朋友果碗係連粉都未溝溶哂。連凍檸茶&凍咖啡咁基本既野，都係唔好飲！三重芝士肉醬意大利麵係超鹹&些少蕃茄味都冇，而巴馬火腿拉絲水牛芝士手工Pizza係唯一正常既。環境方面，食食下有隻蟲出現係我枱🙄🙄但猫猫係cute 既！可以自由自在咁周圍走，所以猫毛會飄來飄去，食食下野從天而降！埋單連加一要$360幾！只可以講可一不可再！依個價錢係極唔低

近排成日見人係荃灣打卡，皆因有隻大黃貓貓🐱出沒，但假的點及真的得意又生動😄，於是趁星期六的晚上，我就到左觀塘駱駝漆工業中心一座，搵下貓咪🐱影下相，順便食個飯啊😜。保障貓咪同客人，進門前一定要消毒雙手同穿鞋套，衞生乾淨。 點食物是用QR落單，簡單又快捷， 而食物都多元化的😊。🥙挪威煙三文魚牛油果柑桔醬田園沙律，正常水準，沙律蔬菜幾新鮮，配埋微酸嘅柑桔味沙律醬，嘅清新又開胃。 🥘東瀛蟹籽芝士咖喱牛肋條飯，日式咖哩甜汁完全唔辣，圍住了蟹籽同牛肋肉粒，配菜有薯仔🥔同紅蘿白，2人分享剛剛好。 🧆慢煮紅酒燴羊後膝，煮得熟成度剛好，食落有羊味，又不會很so,肉質夠淋亦不會韌，配上雜菜同薯蓉，薯蓉夠creamy 好滑口， 點上附帶的醬汁令我更開胃。貓貓可愛又唔惡， 很親人又乖巧，很開心的又過了一個晚上🌃。 

如果喜歡貓既你又想一邊同貓貓玩一邊享受美味嘅食物觀塘Urban Cafe我同朋友叫咗個二人餐頭盤係 滋味二人小食拼盤金黃色既炸物 睇見都流口水而且有唔同款式小食配上沙律醬番茄醬 真係好滋味主食有幾款選擇東瀛蟹子芝士咖喱牛肋條飯香濃嘅咖喱汁 仲有軟綿嘅牛肋條加上少少蟹子嘅點綴無論外型上面定係味道方面都滿分夏威夷風情拉絲水牛芝士手工薄餅厚度啱啱好 整出嚟嘅時候一定要熱食咁佢個薄餅底先至會更加脆口加上腸仔 菠蘿 肉粒等等 完全有夏威夷嘅風味飲品當然唔少得 梳打系列百香果蜂蜜梳打 菠蘿乳酸梳打係夏日必點既飲品平時同朋友嚟同貓貓玩再嘆埋個好味嘅晚餐 真係玩到樂而忘返

去過既貓 Cafe 唔多，唔可以作出 d 咩比較，只係憑個人觀感，都幾鐘意呢間 cafe。首先，覺得佢地好 respect 呢 d 貓貓既空間，睇得出 d 員工都好鍚佢地，照顧得佢地好好。入門口個陣，見到有個鞋套機，畀客人 lup 隻腳落去，唔好帶外面既菌入餐廳，而入到餐廳都感覺地方好乾淨，貓貓仲有個休息區，係客人唔可以打擾既 area~然後野食方面都好用心，畀人感覺有貓貓招徠，都唔會畀頹食人！今日就同我上司叫咗個二人套餐 $328🐱前菜︰南瓜湯 + 沙律南瓜湯好清甜，食到多好多南瓜肉 ^^ 🐱三重芝士肉醬意大利麵好喜歡呢個肉醬意粉，d 芝士香味好濃郁，撥埋碟側邊既芝士去撈，食到溶溶地，好好食，真係食到三重芝士！個粉份量都好足，一定夠食~ 同肉醬既比例都剛好！下次都會黎食呢個！🐱西班牙燒烤醬烤大豬肋骨呢個豬肋骨都係大大力推介！肥瘦適中，冧得黎又唔梅，好入味~ 個汁酸酸地都幾夾，加埋個打到滑滑既薯菜，真係好滿足 ^^配菜都有好好燒過，唔係求其 sap~ 配合返成個燒+焗既 style，好一致！已經好飽飽了 ^^ 去咗同 d 貓貓打招呼，圖附一堆喵~~

返嚟探下啲貓貓✨❤️佢哋真係好可愛，屋企唔俾養，當係呢度養咗隻xd今次食咗個拉絲黑松露炸雞扒😍好好食外脆內juicy🥰好鍾意食佢哋嘅醬燒豬肋骨，所以今次嚟到都叫咗呢一款，不過佢哋肉質偏少，帶骨嘅肉係特別好食😋欣賞佢啲醬汁唔會調味太多，食到豬肉嘅香味！慢煮三文魚扒今次嘅部位就唔係用腩，不過好彩佢用慢煮嘅方式鎖緊肉汁，所以都唔會鞋口，入口依然嫩滑，可惜外皮就唔脆了！😣配菜嘅薯條好新鮮，食得出啱啱炸起❤️

上次朋友介紹黎觀塘呢間cafe 覺得野食環境都好唔錯，今次又再帶男朋友黎多次！佢地個二人餐好抵 $328 有沙律+餐湯+兩款主食+兩杯價值38蚊嘅飲品，補返差價可以揀其他飲品，如果唔夠仲可以加28蚊有個小食拼盤～～沙律細細盤南瓜忌廉湯，食得出用料十足，啖啖都食到南瓜蓉～因為驚男朋友唔飽，所以再加個滋味2人小食拼盤：入面有紐西蘭魚寶，爆谷雞塊，脆薯，佢地啲野即叫即炸，熱辣辣脆卜卜～～東瀛蟹籽芝士咖喱牛肋條飯：咖喱香味好濃，辣度啱啱好，連唔食得辣嘅都接受到，牛肋條份量都幾多，仲有蟹籽可以為咖喱飯增加不同口感。巴馬火腿拉絲水牛芝士手工薄餅：餅底厚薄均勻，軟硬度適中，用料都幾豐富，包括有作為主調嘅番茄醬，可以拉絲嘅水牛芝士，帶有咸香嘅巴馬火腿，為薄餅增加不同味道口感嘅野菌，車厘茄同埋羅勒葉等。至於野飲，我就無加錢要凍檸茶；男朋友就叫左柚子梳打食完野，就同呢度既主角玩喇～～

今日去完apm 購物完好餓，就去urban café。雖然話係工業區，其實係APM連接港貿中心出口去都好近，駱駝漆大廈個邊，都易搵嘅。由於兩個人行到餓，見到有二人餐，所以就嗌咗來食啦。頭盤係兩客龍蝦湯同埋兩客沙律，味道都唔錯。跟住來咗個滋味2人小食拼盤，薯條同炸雞塊都好食。主菜我就叫咗挪威煙三文魚溫泉蛋黃金卡邦尼扁意粉，味道同溫泉蛋好夾，一食就唔停。另外就叫咗個西班牙燒烤醬烤大豬肋骨，個醬同豬肋骨好夾，食慾大增。最後叫咗兩杯飲品，滿足哂。

喺觀塘放工好想去一個relax又食得好嘅地方，呢間就最適合不過！視覺同味覺嘅享受😎好多可愛既主子💝-前菜，南瓜蓉湯，夠濃味又清香🤤另外仲有沙律🥗先食菜再食主食，感覺好健康😂-挪威三文魚水煮蛋黃金卡邦尼扁意粉🍝好正☺️隻蛋煮得好靚，三文魚又多，配埋芝士撈埋一齊食好滿足-巴馬火腿拉絲水牛芝士手工薄餅上面一片薄薄嘅火腿配埋芝士蘑菇一齊食，口感好特別，食到火腿既咸香又食到芝士既重口味👍🏼-百香果蜂蜜梳打即叫即沖嘅特飲特別好味😋飲到百香果嘅果香，再加埋蜂蜜夠晒滋潤喉嚨-菠蘿乳酸梳打我鍾意食菠蘿嘅副產品，包括菠蘿嘅特製飲品，菠蘿加乳酸簡直係天作之合❤️‍🔥

觀塘有一間咖啡店喺駱駝漆上面，長期都好多人，嘢食亦都好有特色，間唔中亦會轉Menu，有一啲新鮮感。今次就揀咗一款比較日式嘅烏冬同埋一款泰式少少嘅冬陰功飯。未食之前就可以飲湯同埋食牛油多士條雜菜湯方面有好多唔同嘅菜，鹹香十足。牛油多士條甜甜地又香脆，好開胃。東瀛酥炸豬扒伴麻醬冷烏冬炸豬扒外皮金黃香脆，裏面都唔算太乾，而且個烏冬裏面真係好平均咁分布左麻醬，味道係唔錯。餐蜂蜜柚子茶（凍）飲品方面就比較小清新。海龍皇野菌冬陰功忌廉意大利飯呢個就比想像中更加濃郁嘅冬陰功味，有啲香辣，飯嘅份量都好多，表面除咗有各款野菌仲有蝦同埋海鮮。菠蘿蘭香子（凍）水果茶底係伯爵茶呢個飲品雖然要加比較多錢，不過都好值得，佢個香味比較清新好真實，加上一粒粒蘭香子其實好有口感，有多款茶底可以選擇。

觀塘呢度Cafe林立 要喺度脫穎而出都唔係容易嘅事 偏偏呢一間餐廳吸引到我今次叫咗三個lunch set我哋叫咗西班牙紅蝦海鮮意大利飯泰式香橙田園野菜沙律 同埋特濃蒜香雞軟骨意粉西班牙紅蝦彈牙又爽口 配上意大利飯 口感棉密而香橙田園野菜沙律 係另一種唔同嘅感覺酸酸甜甜 真係好啱呢啲天氣食至於特濃蒜香雞軟骨意粉 意粉煮到唔會太淋又有咬口每一個餐都配油餐湯同埋牛油蒜蓉包就算好大食嘅朋友都唔使驚會唔夠至於餐飲方面都好有特色叫咗一杯特濃Oreo脆脆朱古力每一啖都好似食緊好多塊Oreo咁雖然好邪惡但係都忍唔住飲晒成杯養生啲嘅話可以揀台式古早冬瓜茶唔會太過甜又好解渴至於意大利薄荷咖啡咖啡香濃配上淡淡的薄荷味感覺好Fresh

今日嚟到觀塘駱駝漆大廈，之前聽同事介紹過一間樓上Cafe，聽聞環境幾舒服，趁呢個機會同朋友一嚐呢間Urban Cafe。(文末有精美彩蛋！)我哋呢一晚直接叫咗個晚市二人套餐！滋味2人小食拼盤小食拼盤份量唔失禮，呢個小食拼盤唔係包埋喺二人套餐裡面，不過只需要額外加$28就食到，個人認為係相當抵食！夏威夷風情拉絲水牛芝士手工薄餅四大塊Pizza，爆量水牛芝士、菠蘿粒、煙肉、茄汁，無得輸嘅Pizza配料組合。餅皮亦唔會太厚，值得一讚。挪威煙三文魚水煮蛋黃金卡邦尼扁意粉超級creamy嘅意粉，食之前記得撈埋隻溫泉蛋落去，令每條意粉都掛上濃濃醬汁，再加上煙三文魚嘅獨有鹹香，成碟意粉食得好滿足！餐湯+沙律鐵觀音拿鐵(凍)＋百香果蜂蜜梳打登登登登！彩蛋就係佢哋喇，食飽之後仲可以同呢班大帝玩下！

鐘意貓貓既應該都知道呢個地方。好多隻貓招呼你，好似成個家族咁，有緣仲會係你身邊陪你食嘢。呢度嘢食選擇都好足，仲有套餐可以share食物。四人套餐 $628首先送上餐湯同沙律，蘑菇湯都幾濃，沙律少少地開開胃。400次玫瑰咖啡賣相夠打咭able，泡沫口感綿滑，咖啡中有奶香。滋味四人小食拼盤 +$48拼盤大大碟，雞翼，紐西蘭魚寶，爆谷雞塊，薯條都幾豐富，都係要食下香口嘢先開心。三重芝士肉醬意大利麵勁多肉醬，仲有三重芝士加持，味道更豐富。巴馬火腿拉絲水牛芝士手工薄餅澎湃水牛芝士造出拉絲效果，加埋巴馬火腿，野菌，車厘茄，羅勒葉風味十足。安格斯牛肉手工竹炭漢堡安格斯牛肉都幾厚，而且有香濃車打芝士，竹炭包柔軟，而且成個包拎住食都冇話散開晒。即磨芝士黑松露菠菜大啡菇忌廉意大利飯黑松露味道香噴噴，意大利飯飯粒分明，頗有口感，配即磨芝士味道更突出。

話說今晚落來觀塘同個舊同事食飯 （因為佢有禮物要俾我🤫），地點由佢決定🤓於是我就跟咗佢黎呢間Urban cafe❣️Cafe地理位置唔錯❗️即使weekend行完工廈、行完apm 過去食都好方便👍🏻入到餐廳，即刻見到好多貓貓😍隻隻都好可愛💕有啲仲企咗喺枱、坐咗喺客人大髀上面添🤣餐廳風格整體以簡單、乾淨為主❣️而且所有客人必須穿上鞋套，確保地下乾淨，令大家都可以係一個衛生嘅環境玩貓貓☺️見Menu有個二人餐，我哋兩個唔鍾意諗嘢嘅人當然揀呢個😎而且見好多人都係嗌呢個餐，一定唔會嗌錯啦😜是日餐湯+沙律各2份忌廉湯濃郁creamy😍湯入面仲有d粟米粒～沙律蔬菜幾新鮮❗️配埋微酸嘅柚子味沙律醬，清新又開胃☺️🍴我哋額外加$28 配埋呢一個 ➡️滋味二人小食拼盤炸雞柳條+魚寶新鮮即炸😍食落香脆可口💕仲有熱辣辣嘅薯條～🍴東瀛蟹籽芝士咖喱牛肋條飯呢個飯用咗完全唔辣嘅日式甜咖哩做汁底❗️飯嘅周邊放咗適量嘅冇骨牛肋條肉➕蟹籽，味道幾特別，其他地方比較少見呢個配搭～份量都唔少，兩個人食好夠飽😆巴馬火腿拉絲水牛芝士手工薄餅即叫即製嘅pizza 熱辣辣好新鮮💕咬落芝士真係可以拉到絲ga🥰 parma ham鹹香，味道濃郁，同芝

早前到訪了觀塘的Cafe，裏面都好多客人，證明嘢食應該都有保證！我哋就揀咗一款飯，一款係包 套餐方面有餐糖同埋牛油多士條，餐湯南瓜忌廉湯味道好濃郁，牛油多士甜香十足，而且口感香脆。L4法式奶油薯仔燉雞肉飯 $98飯是日餐湯+牛油多士條（跟餐）個飯裏面有好多雞肉同埋薯仔，相當豐富，奶油味道濃郁，雞肉雖然唔算好嫩滑，但係至少都唔乾。L11 挪威煙三文魚青醬忌廉班尼迪配墨魚汁包$ 108我就比較鍾意是日餐湯+牛油多士條（跟餐）佢呢款墨魚汁包，表面嘅班尼迪蛋切開即流心，口感特別，配搭墨魚汁包鮮味十足，加上煙三文魚鹹香十足，非常match！Oreo脆脆特濃朱古力（凍）蜂蜜薄荷茶（四季春茶）呢啲兩款飲品各有各特別，前者Oreo脆脆特濃朱古力就比較濃郁，飽肚而且香甜有口感；蜂蜜薄荷茶（四季春茶）味道比較清新，只係簡單少少甜，不錯。Menu環境

人気の猫カフェ😺--🙆🏻‍♀️之前去過兩次旺角店, 聽聞觀塘店闊落好多, 特意過嚟拜訪！有隻貓貓由我哋一開始坐低, 開餐, 到走嗰陣都仲喺度, 所以幅幅食物相都有佢入鏡架😻 Lunch sets includes soup + main + drink. -- 🍴食物方面正常水準, 不過不失～ 佢哋menu都轉得幾密, 每次嚟應該都有新嘢試！有得玩有得食😜--💰平日下午茶時段: 每位最少叫一個餐 💰平日晚餐時段: 每位最低消費HK$100