URBAN Cafe (駱駝漆大廈第一座)

營業中

休息中

觀塘有驚喜既cafe 觀塘搵食可以話係花多眼亂，因為我食過有質食店通常都會係工廈，今次幫襯呢間就係喺駱駝漆大廈環境：一貫cafe風格，坐得舒適，環境乾淨，位與位之間闊落，重點有咁多猫猫都唔覺有味食物：四重芝士沙律沙律菜新鮮，份量夠，芝士粒好惹味，同平時出去食既硬身芝士唔同，配埋黑醋菠蘿粒食好清新水牛城雞翼：新鮮炸出黎好香即時食，好香口，雞翼夠大隻，醬汁掛汁好豐富，食落好惹味，食唔停口，好快就清哂番薯條：番薯條上面掛汁係楓糖醬，呢個食法第一次，平時食開嘅係薯條，今次用既番薯條，配埋楓糖漿一齊食好好食，番薯加糖漿好好既配搭，同雞翼一樣食唔停口安格斯牛：牛份量好大，好重牛味，不過我叫咗七成熟，都略嫌有啲生，最欣賞係佢嘅配菜炸薯格，佢扭扭粉形狀，觀感上食慾大增，好脆入邊啲薯蓉都好足料西班牙海鮮燉飯：賣相十足，大大隻青口同埋蝦，食落都新鮮，配埋好多隻蜆，飯粒粒分明，唔會太林太硬雪山心太軟：個心太軟份量岩岩好，因為食到甜品環節已經好飽，抹茶味心太軟好香抹茶味，配埋雪糕食好正總結：urban cafe唔單止係一間玩猫既cafe，食物都已經有一定水準，睇得出老闆係食物方面落左好多心機，值得推薦

朋友今日下午得閒過左黎觀塘同我食午餐，搵到呢間cafe 食午餐，之前係旺角食過一次罰食不錯😂 同成間有貓貓🐱玩，可以輕鬆下😄宜家叫野食改用掃code 下單，好方便，午餐選擇意大利飯，意大利粉，沙律，扒類，而飲品選擇都好多，花茶，咖啡等等～～前菜有湯，好好飲，牛油多士條，好夾～西班牙紅蝦蟹肉南瓜忌廉意大利飯 南瓜忌廉湯好濃南瓜味，入口啲米唔會太軟，口感不錯。～辣根燒汁 牛肉眼扒 配薯菜 塊牛肉眼扒好大塊好厚，不過食到好到根位，差少少🤏～薄荷朱古力🍫 飲口好濃薄荷味，好清新。～500 玫瑰咖啡飲到陣陣玫瑰味，咖啡好濃。～仲有甜品 柚子芝士餅再芝麻雪糕 柚子芝士食到柚子，芝麻好香。

呢間擼貓店價錢好合理，雖然話 90 分鐘，但實際冇限。不過d 貓好高傲，環境好好，唔會污糟/有貓毛個d。味道幾好食，雞翼好juicy,個mexico 卷都好味，皮好煙韌

Urban Cafe係我每次經過觀塘都想食既一間cafe，今次終於黎到。依間Cafe既地方非常之大，坐落相當舒適。午市套餐都幾抵食，包餐湯同嘢飲。餐湯係羅宋湯，相當濃郁，配上脆卜卜既牛油多士，作為前菜，真係一流。焦化洋蔥燒汁盤牛肉眼扒肉眼扒非常大塊，成塊面咁大，最啱我呢啲食肉獸，牛扒好冇肉味，同特制既洋蔥燒汁分常襯。除左Set lunch，依度仲有好多好好味既小食楓糖漿蕃薯條新鮮炸起既蕃薯條，熱辣辣甜甜地，食完一條又一條😋西班牙香酥雞翼雞翼外脆內嫩，食落非常juicy，絕對係必食之一。400次手打咖啡玫瑰花茶食飽飲杯茶消化下啱晒依度既食物真係有大又抵食，下次都一定要再黎！

今日晚餐去咗觀塘搵食, 喺 app 搵到喱間評價相當唔錯嘅貓貓 cafe, 就嚟試吓。店家開設於樓上工廈, 喺門口放咗兩部機俾客人用膠袋 "lup" 住對鞋, 可以 keep 住店内清潔, 唔會影響到貓貓。 一入到店入面, 當然要消毒雙手, 同登記個人資料啦! 做完喱啲例行公事, 店員為我同 P San 安排坐位, 帶我哋到一張有隻貓貓喺度瞓緊覺嘅枱度坐低咗, 淨係諗食乜都已經諗咗將近 15 分鐘, 因為我哋太唔小心啦, 俾喺我哋張枱隻 "春卷" 吸引咗我哋嘅注意力 😆 "春卷" 好懶咁唔多郁, 但又唔怕人, 仲任我哋摸。         終於諗到食乜啦, 我哋決定唔叫餐, 點咗個惹味羊肉手工竹炭漢堡配脆薯, 同埋一個濃厚芝士肉醬千層麵, 另外, 飲品方面, 我哋點咗一杯 400 次薄荷咖啡同一杯 400 次玫瑰咖啡。首先嚟嘅係飲品, 店員放低咗飲品, 都唔會趕走 "春卷", 貓貓繼續留喺度同我哋影相同玩。 400 次玫瑰咖啡表面有幾片乾玫瑰花瓣, 中層就係香滑嘅 400 次咖啡, 最底層係淺粉紅色玫瑰味奶, 聞落已經有淡淡玫瑰同咖啡味, 一飲落去, 咖啡同玫瑰味好平衡, 玫瑰味唔會俾

夏威夷風情拉絲水牛芝士手工薄餅好味指數：👍🏻👍🏻👍🏻👍🏻👍🏻 面頭有超級厚嘅芝士，一切開就會拉絲。配料有火腿同埋香甜嘅菠蘿，配上鬆軟嘅薄餅皮，令人忍唔住食完一舊又一舊。即磨芝士黑松露菠菜大啡菇忌廉意大利飯好味指數：👍🏻👍🏻👍🏻👍🏻每一粒飯都沾滿左香濃嘅忌廉汁，食落口會有淡淡的黑松露味。而大啡菇就增加咗少少彈牙嘅口感，菠菜就令到碟飯更加清新健康。藍花伯爵荔枝紅茶$58好味指數：👍🏻👍🏻👍🏻👍🏻👍🏻 首先賣相已經非常吸引，用玻璃茶壺裝住，下面有小型蠟燭keep住加熱，超級有文清feel。查嘅面頭有好多花瓣，加入左大大粒荔枝，同時亦都加咗蜜糖。問起嚟有陣陣嘅花香，飲落去會飲到清甜嘅荔枝味，後勁會帶有蜜糖味。唔想飲凍嘢，但係又想飲啲特別野嘅朋友仔可以試吓。蜂蜜柚子茶$45好味指數：👍🏻👍🏻👍🏻👍🏻非常清甜，有香濃嘅柚子味，清涼解渴。沙律同忌廉湯好味指數：👍🏻👍🏻👍🏻👍🏻👍🏻沙律加咗我最鍾意食嘅胡麻醬，仲有香甜嘅菠蘿同埋新鮮嘅蔬菜。忌廉湯非常濃郁，有一粒粒嘅粟米同埋菇類增加咬口。🪑環境：環境相當闊落，適合一至六人入座。以下係餐牌俾大家參考一下：

今日收工同女朋友嚟到位於觀塘嘅urban cafe，知道佢喺觀塘區都好出名所以就上嚟食下啦，咁佢嘅環境衛生都好乾淨仲會比鞋套你着以免整污糟地下，尤其係疫情嘅底下依種服務真係會令人好安心，咁首先我哋就叫咗個三文魚牛油果沙律，作為頭盤來講佢都好清新，而且份量適中都幾適合兩個人食，而且醬汁唔會特別多，都覺得幾健康。之後就叫咗個火腿水牛芝士薄餅，佢嘅薄餅真係好好食，芝士味夠濃，而且料都好厚，食落真係好滋味，比起一般平時食開嘅Pizza我覺得佢更加吸引，因為唔會份量太大搞到食唔落其他嘢。到主菜方面，我哋就叫咗一個三文魚扒同埋一個千層麵，先講三文魚扒佢嘅三文魚扒煎得好香好脆，配上佢嘅蜜糖芥茉醬，真係好好食好開胃，食落真係外脆內軟，之後就講吓千層麵，佢嘅千層麵有濃厚嘅芝士味，而且焗得好香麵都夠冧，而且份量唔會太多識落唔會太油膩。總括而言，我覺得佢出名係好應該嘅因為食物嘅質素真係好好令人會一試難忘。我覺得來得觀塘都應該來試吓

HAPPY THU緊係搵好野食啦近排去左觀塘做野, 就約左朋友去好多野食駱駝漆大廈朋友就話D間URBAN CAFE食物正, 又好玩, 一於跟埋佢食好野D間餐廳好著重衛生, 每位客人入去都要著返個鞋套我地叫二人SET, 好多選擇, 價錢都好合理係用APP落單的, 簡單方便首先黎左就係沙律同湯, 沙律係菜底再加D水果, 感覺好清新開胃, 而個湯係幾CREAMY, 飲落好順口三重芝士肉醬意粉, 芝士控一定會因為佢個芝士味而鐘意, 而肉醬既醬夠味黎黎我覺得又有少少肉汁, 係咁意撈兩下, 芝士加肉醬完美咁掛係每條意粉度, 美味竹炭漢堡, 黑色既外表已經夠搶眼同呃LIKE啦, 食落都係正, 肉夠肉汁, 而且料好多, 口感多層次, 而脆薯又夠香口加多$18就有個奶凍, 我地揀左抹茶味, 都夠濃抹茶, 我好鐘意食飽當然要搵貓貓玩兩下啦, 好可愛呀, 我要尖叫呀總結又好食又好玩, 我好鐘意URBAN CAFE AH!!!

觀塘分店佔地好大，所以連啲貓貓都有好多😻基本上每行幾步就已經會有幾隻貓貓係你附近出沒⚠️而且呢到嘅貓貓唔怕人，任摸唔嬲😽仲有啲瞓得勁舒服😆食食下又會有主子係到巡下睇下大家有冇乖乖地咁食哂啲野食😼今次去見到好多小朋友同啲貓貓玩得勁開心，佢地真係好鍾意同貓貓玩，又會係咁追住佢地影同摸😆食完飯之後仲可以向店員買罐罐同零食餵貓貓食😋買左之後店員就會敲響罐罐，隔左一陣就會有大量貓貓去到你張枱圍住你🥰見到有好多小朋友都餵得好開心🥣是日餐湯今日係粟米忌廉蘑菇湯，個湯好濃稠好creamy，粟米同蘑菇都好多😋🥨牛油多士條呢個係炸麵包條面頭仲有啲砂糖，脆卜卜又甜甜地好好味！就咁食已經好好味，浸埋啲湯仲淋淋地咸咸地😋🍗露絲瑪莉燒汁伴香草燒春雞配薯菜（半隻）$88原本以為薯菜係薯條，點知原來係薯蓉＋炸雜菜，薯蓉當中仲夾雜啲煙肉😋燒雞燒得好香，一上菜就已經聞到香噴噴😋肉質都算嫩滑，但係略嫌唔夠多sauce，令到薯蓉同雞食落有啲dry😿🍝特濃蒜香辣椒熱拌雞軟骨扁意粉 $91意粉軟熟彈牙唔會過淋啱啱好，雞軟骨好脆好足料，配埋惹味醬汁好快已經食哂😋🍹玫瑰蘋果醋梳打呢排試緊蘋果醋減肥法，見到都即刻嗌左嚟飲😆酸甜度啱啱好！

Been to both their cafes. Food is okay, not brilliant but definitely not bad but hey you go for the cats rather than the food. The cats are sooo cute and they are not scared of hooman at all. They couldn't care less. So lucky to have one called egg tart on our table taking a power nap throughout the meal. You can stroke and pet all your want, she just couldnt care less😂😂There are others wandering around giving you the usual despise look XD 🤪which is absolutely priceless. Ordered the 400X mint ch

好味指數😋😋😋回頭指數 ⭐️⭐️⭐️⭐️開心指數🤗🤗🤗🤗好多人都鍾意養寵物，我就鍾意玩人哋嘅多過養啦，皆因我連自己都養唔掂😂之前都有去過貓 cafe，通常店內有幾隻貓咁！今次揀咗呢間貓貓 cafe試下先！呢間店有限時90分鐘，入去之前要用藍色膠套封好對鞋！由於木地板嘅關係，其實都幾跣嘅，真係要好小心行！一入到去，真係勁多貓呀🤩 檯面，地上，真係數唔到有幾多隻！好開心呀！店員帶我哋入座，我張櫈下面有一隻，我哋張檯都有一隻坐響檯面！最攪笑係… 隻貓坐住咗個 menu！🤣叫咗一個二人餐（$328）🍴餐湯 + 沙律個餐湯係蘑菇湯，都幾 creamy 同滑，蘑菇味濃郁，幾好味！沙律就普通一D，正常發揮！🍴滋味二人小食拼盤（+$28）有紐西蘭魚寶、爆谷雞塊、脆薯，份量都okay，明顯係雪藏食品再炸返，整體炸得唔係十分香脆，味道都係一般，尤其係紐西蘭魚寶，唔太食得出有任何魚味，好幼好細條！🍴挪威煙三文魚溫泉蛋黃金卡邦尼扁意粉呢個意粉好好味！溫泉蛋整得啱啱好，一下切開見到蛋汁流出嚟係好治癒，扁意粉煮到 al dente，醬汁濃厚又夠多，可以包到每一條意粉，正！🍴西班牙燒烤醬烤大豬肋骨有三大條豬肋骨，都幾大份！

🍔成日諗唔到做乜好都會去駱駝漆周圍行下，好多有趣嘅小店😁～早兩日行到攰就入咗間Cafe，二人餐埋單唔洗$400，食物水準都算對得住個價，仲要好多得意貓貓同你玩！🍔套餐就係餐湯沙律，加兩份主食，加飲品咁～飲品就跟返個價睇下洗唔洗再加錢😋今次試咗個蘑菇湯好夠濃郁，高質！主菜就要咗煙三文魚黃金卡邦尼扁意粉同安格斯牛肉竹炭漢堡，前者撈晒蛋黃汁咁食夠晒邪惡，水準不俗👍🏻後者大大份牛肉都幾juicy，飽到差啲食唔晒😋🍔飲品加咗錢要咗啲特別啲嘅款式，百香果梳打唔會過甜，控制得啱啱好～另一杯係奶蓋伯爵茶，堂食奶蓋茶嘅好處係可以直接飲到層芝士奶蓋，所以個體驗仲正過平時😆

難食到想寫我第1個食評，除左猫猫🐱 🐱 外，唔想影野食相，影來都浪費我memory！今日叫左個2人餐～沙律唔係好新鮮，餐湯就麻麻，男朋友果碗係連粉都未溝溶哂。連凍檸茶&凍咖啡咁基本既野，都係唔好飲！三重芝士肉醬意大利麵係超鹹&些少蕃茄味都冇，而巴馬火腿拉絲水牛芝士手工Pizza係唯一正常既。環境方面，食食下有隻蟲出現係我枱🙄🙄但猫猫係cute 既！可以自由自在咁周圍走，所以猫毛會飄來飄去，食食下野從天而降！埋單連加一要$360幾！只可以講可一不可再！依個價錢係極唔低

近排成日見人係荃灣打卡，皆因有隻大黃貓貓🐱出沒，但假的點及真的得意又生動😄，於是趁星期六的晚上，我就到左觀塘駱駝漆工業中心一座，搵下貓咪🐱影下相，順便食個飯啊😜。保障貓咪同客人，進門前一定要消毒雙手同穿鞋套，衞生乾淨。 點食物是用QR落單，簡單又快捷， 而食物都多元化的😊。🥙挪威煙三文魚牛油果柑桔醬田園沙律，正常水準，沙律蔬菜幾新鮮，配埋微酸嘅柑桔味沙律醬，嘅清新又開胃。 🥘東瀛蟹籽芝士咖喱牛肋條飯，日式咖哩甜汁完全唔辣，圍住了蟹籽同牛肋肉粒，配菜有薯仔🥔同紅蘿白，2人分享剛剛好。 🧆慢煮紅酒燴羊後膝，煮得熟成度剛好，食落有羊味，又不會很so,肉質夠淋亦不會韌，配上雜菜同薯蓉，薯蓉夠creamy 好滑口， 點上附帶的醬汁令我更開胃。貓貓可愛又唔惡， 很親人又乖巧，很開心的又過了一個晚上🌃。 

如果喜歡貓既你又想一邊同貓貓玩一邊享受美味嘅食物觀塘Urban Cafe我同朋友叫咗個二人餐頭盤係 滋味二人小食拼盤金黃色既炸物 睇見都流口水而且有唔同款式小食配上沙律醬番茄醬 真係好滋味主食有幾款選擇東瀛蟹子芝士咖喱牛肋條飯香濃嘅咖喱汁 仲有軟綿嘅牛肋條加上少少蟹子嘅點綴無論外型上面定係味道方面都滿分夏威夷風情拉絲水牛芝士手工薄餅厚度啱啱好 整出嚟嘅時候一定要熱食咁佢個薄餅底先至會更加脆口加上腸仔 菠蘿 肉粒等等 完全有夏威夷嘅風味飲品當然唔少得 梳打系列百香果蜂蜜梳打 菠蘿乳酸梳打係夏日必點既飲品平時同朋友嚟同貓貓玩再嘆埋個好味嘅晚餐 真係玩到樂而忘返