URBAN Cafe (彌敦道)

營業中

休息中

We were welcomed by a bunch of lovely cats when we walked in! They were so welcoming and cute!!!! We were distracted for quite a bit before we started looking at the menu! We were surprised to find that the food is actually very affordable! No wonder people are lining up during lunch hours!The food are really good especially the sweet potatoes fries! It was friend with cramalised maple syrup on top! We almost ordered another dish!

放工同朋友搵野食諗住去cafe可以坐得耐d~同傾下計見呢新開去試下，喜歡試新店🤣入到去見新裝修，感覺都幾乾淨！地方好寬闊，坐得都舒服！職員比我地自由揀位～之後我地點左個二人套餐，有餐湯同沙拉送，南瓜湯都幾濃味！好飲😋😋之後黎左pizza pizza味道都ok個蜆肉意粉有驚喜，蜆肉食得出新鮮，同埋都好多隻！個汁都match~ 👍🏿👍🏿👍🏿推介我揀左薰衣草latte 味道清淡 夜晚飲有助睡眠🤣Cafe黎講呢間都算好食👍🏿👍🏿

今日第一次係呢間旺角既樓上cafe食 原本都冇咩期待點知啲食物都幾有驚喜 質素唔錯除左有得單叫都有二人餐同四人餐 我同朋友就叫左二人餐 包餐湯同沙津 價錢$268套餐可以加錢叫埋小食拼盤同心太軟 但怕食唔哂就冇叫到主菜叫左巴馬火腿拉絲水牛芝士薄餅同温泉蛋煙肉野菌配黃金卡邦尼意粉 意粉方面 麵質幾好幾彈牙 好creamy 仲有隻溫泉蛋係面 熟度剛剛好 可以撈哂成個意粉薄餅除左賣相好吸引之外 仲有佢既濃濃芝士香 好鬆脆 野飲方面 原來好少人推薦沙冰 冇諗過水蜜桃沙冰幾有驚喜 沙冰飲到應該係加左乳酪 味道好清爽 又好有奶味 之後仲叫多左杯柑桔提子沙冰 不過柑桔提子味唔係好出 但沙冰都好好飲另外叫左Oreo脆脆特濃朱古力 偏甜同好濃既朱古力味整體食物都係有驚喜 好食喎！私心要推薦水蜜桃沙冰 真係好鍾意 最後都要提多次！

一進去餐廳前有一次性鞋套，不需要換鞋子，進去後也有消毒液噴手，很乾淨清潔。裡面裝修是淺色系，空間感十足。我是午餐時間去的，客人不少，不過店員仍然面帶笑容耐心推薦菜色！Set lunch：「燒紐西蘭牛肉眼扒」配沙律和薯角，我選了蜜糖甜酒燒汁，扒的肉質鮮嫩，很juicy!薯角份量也很多，不怕吃不飽😌Set lunch：「芝士肉醬義大利麵」配沙律🥗，另外加了一份「椒鹽雞翼」。意大利麵有足夠的肉醬可以拌著吃，鹹淡適中！雞翼有驚喜位，炸之前有醃過，肉質很嫩。「水蜜桃沙冰」甜度適中，果味很香🍑「oreo脆脆朱古力冰沙」偏甜，不過朱古力味很濃另外這家Cafe的貓貓全部都很得意 而且會跟人玩好可愛啊😚😚😚😚😚

又黎到旺角呢間urban cafe😍放鬆傾計既好地方🐱已經係第二次黎，所以一去到門口，自動自覺著左鞋套先推門入去😉有其他客人未著就已經開門入去，都俾侍應提醒要著左鞋套先，我早佢一步睇貓貓啦😂呢間cafe越黎越受歡迎，人頭湧湧好多客人。除左貓貓可愛之餘，食物keep得住水準先留到客人呀😉👍酥炸墨魚筒墨汁意大利粉大大件墨魚筒❤️墨魚爽口彈牙，入面仲有全融芝士🧀芝味感覺好正。再加上墨魚筒炸過，面頭薄薄的炸粉脆卜卜👍墨汁意粉質地正常，又食到成口黑色😂伴碟仲有蟹籽添海膽明太子忌廉長通粉明太子忌廉超香😍😍海膽份量唔多，不過都鮮甜唔會太腥。比起墨汁意大利粉，我更鍾意呢個。士多啤梨朱古力多士伴雪糕兩層脆身多士，塗上滿滿的朱古力醬🍫加上double曲奇雪糕，同伴碟的士多啤梨粒👍冷熱交融，甜度適中😋荔枝花茶浸耐d會更加入味，唔夠甜的話可以請侍應幫手加蜜糖。不過建議侍應俾蜜糖我自己加會更好，每個人對甜既要求都唔同嘛。留意返花茶唔可以加水架。歡迎摸下貓貓🐱不過我就摸親佢地都避開😂cafe內有好多隻貓，基本上你唔嚇走佢既話，每枱附近都有隻俾你玩下架。店內得2/3名侍應，所以上菜速度比較慢。不過佢地都好有禮貌👍又好

在旺角想同友人搵間cafe 坐下傾下計，就決定試下呢間urban cafe 。Urban cafe 有午市套餐提供，套餐包括一個沙律，主菜及飲品。 如果要加餐湯，加HK$8就有是日餐湯。當日的餐湯是南瓜忌廉濃湯，湯很creamy , 南瓜味重，飲落很有飽肚感。Order 了一個意瓜野菌香草忌廉意大利飯 (HK$52)。整體來說，很creamy 很香口，而且意大利飯粒粒分明，𣎴會太淋，煮得剛剛好。另外order 燒紐西蘭牛肉眼扒配牛肝菌燒汁 (HK$69)。 牛肉眼扒燒得很香口，而且軟硬程度剛好，咬落也不會太嚡口。而薯菜份量多，薯皇香脆，性價比高。蘋果醋荔枝伯爵茶，伯爵菜味重，加上蘋果醋酸酸的，十分開胃。朱古力冰沙，在冰沙上加上cream，令整杯朱古力冰沙更加香滑。

餐廳：Urban Café (旺角)地址：旺角彌敦道566-568A號僑建大廈2樓仲記得有一次係僑建大廈食飯見到2樓有間Urban Café都幾多人幫襯😳，果陣就已經同友人講下次一定要黎試下😎，今日終於有機會點左個二人套餐($268)，兩個大男人驚唔夠飽👱🏼‍♂️👱🏼‍♂️，所以用超抵價😍加多個二人小食拼盤同雪山心太軟巴馬火腿拉絲水牛芝士手工薄餅除左有濃郁嘅芝士香，每咬一啖都真係有拉絲效果🤤薄餅邊仲要好鬆脆，超多餡料🍕好有芝味忌廉意大利飯一向都係食西餐常叫嘅飯，呢到嘅即磨芝士黑松露野菌大啡菇忌廉意大利飯除左夠多芝士🧀之外，黑松露同忌廉味都幾均等，食落唔膩小食拼盤有薯角🥔、法蘭克福腸同炸雞件，加$28就有咁多嘅份量👍🏾，真係幾抵叫最後上枱嘅心太定係🍫朱古力流心底架😍，雪糕係朱古力曲奇🍨🍪，加上糖霜，真係有啲似雪山🏔️XD係一間好relax好開心嘅cafe，每個黎到都會好滿足笑住咁離開，黎到你就會知點解Haha

對呢間貓cafe 非常不滿。一去到門口見到部包鞋底嘅膠套機，雖然係為咗貓貓嘅健康著想衛生啲，但做法極之唔環保。之後入到去比我嘅第一個感覺係環境極局促，周圍都係人。然後見到一堆人不斷去強行抱貓追貓。令人感覺啲貓貓好慘都唔忍心再去騷擾佢地。到靜落嚟坐低，就見到啲貓貓不停搵啲無人坐嘅檯底匿埋，無奈其他客人唔心息繼續伸手去玩貓。而且亦睇到唔少次當有人去摸貓貓嗰陣，啲貓係會以一個唔常見嘅形態壓底自己身體行走或縮開去逃避想摸佢地啲手。此外店內嘅衛生嘅驚訝地差，地下有唔少食物碎屑同垃圾，見到啲貓貓去行去聞，真係好擔心佢地會食落肚。而且廁所環境亦唔算理想，加埋著住膠鞋套入完去踩完啲水又行番出嚟貓貓會活動嘅地方，感覺對貓貓衛生極差。總括而言，食物算ok除咗比較多油。但對愛貓之人嚟講，呢間cafe 絕對唔推薦。

以為樓上Cafe冇好嘢？錯啦～ 以為一定好貴？都錯啦～如果你唔怕貓同對動物冇敏感，呢度一定滿足到你 👍🏻 貓貓嘅數量係多都可以用貓海黎形容，而且啲食物睇得又好食，價錢亦都唔貴，喺呢度hea返幾個鐘都唔錯㗎～呢度啲貓貓好多，多到可以每枱有一兩隻，互動度都幾高，至於佢坐唔坐係你身上就睇彩數啦我分別嚟咗兩次，一次係lunch，一次係dinner。Lunch有個人set選擇，份量都幾大，而且比較多貓貓同佢哋比較活躍，人流比較少再加埋日光照入嚟，影相唔錯～dinner就比較多人，貓貓少啲而且冇咁活躍，最細既set要叫二人餐～講返食物先，個人覺得佢嘅pasta係最好食嘅，其次飲品亦都唔錯。特別要讚明太子長通粉，醬汁夠creamy，海膽未夠濃～ Pizza亦做得唔錯。紐西蘭肉眼扒有驚喜，幾chewy，配埋酸酸甜甜嘅醬汁好開胃。炸魚略嫌稍為遜色，渣漿交口而且沒有特別調味。班尼迪蛋弄得不錯，只是略嫌包不夠軟熱～ 飲品基本上整體都不錯，就像是外面飲品店買的Menu: 日式海膽煙肉特濃芝士明太子長通粉挪威煙三文魚拉絲水牛芝士手工薄餅華都夫野菜沙律（跟餐）燒紐西蘭牛肉眼扒（薯菜）美式炸魚配他他醬（薯菜）班尼迪

今日同朋友去咗一間樓上cafe，門口有鞋套比客人套住隻腳保持衛生，入到餐廳亦都用消毒洗手液消毒餐牌選擇都幾多，同朋友一齊食揀咗個二人套餐套餐包左兩個沙律、兩個餐湯同埋兩個主菜，另外加$28 有小食拼盤忌廉蘿蔔湯 飲落好香蘿蔔味 有啲似日本嘅粟米忌廉湯咁濃小食拼盤有香腸炸雞薯角 份量都幾多薯角唔算油膩 炸雞都好嫩滑主菜我哋揀咗巴馬火腿拉絲水牛芝士手工薄餅同埋溫泉蛋煙肉野菌配黃金卡邦尼扁意粉意粉好Creamy 意粉份量好多 溫泉蛋煮得啱啱好Pizza係新鮮焗出嚟，配料嘅配撘幾好，係個皮略嫌厚咗啲雖然有好多貓貓 個餐廳環境都好乾淨企理 完全無異味 餐廳仲好貼心 提供除塵轆俾你轆走啲貓毛先走總括嚟講，餐廳食物質素好好，環境亦都舒服，會再嚟食!

一般嚟講，樓上cafe都設最低消費但嘢食麻麻，而呢間cafe就唔覺有設最低消貴二人餐(基本價$268)，包是日餐湯*2、沙律*2、主菜*2及$38以下嘅飲品*2🍲餐湯及沙律是日餐湯喺超濃郁嘅南瓜忌廉湯，質感好滑打得好均勻，帶點泡沫感，南瓜同忌廉味超濃又唔會蓋過對方，仲好香香草味🌿沙律就普普通通🍟小食拼盤（+$28）只係加$28就有勁大盤嘅小食拼盤，超抵！有腸仔、炸雞、薯角，食完都有5成飽😂🍝西班牙黑毛豬助骨配意大利麵意大利麵條幾有咬口，唔係果啲平價面條🧐豬肋骨非常驚喜，味道同Ruby Tuesday嘅經典豬肋骨個醬一樣味，酸酸甜甜非常開胃，肉質雖則未去到非常鬆化，但都好滑嫩，份量又多！🍚即磨芝士黑松露野菌大啡菇忌廉意大利飯呢個飯我比99分🤣真係係我食過咁多次意大利飯中最好味嘅一個！芝士係薄片唔會溶果隻，味道夠咸香而唔膩，黑松露味道略帶甜聞落好香😍落左好多菇菌類同忌廉所以成個飯juicy得嚟又唔會好濕🤤重點係呢個飯落咗好多生洋蔥😍😍勁惹味又勁香口！唯一扣分嘅係食完生洋蔥會有啲口氣🤣但咁好食就是但啦🥤檸檬薄荷梳打(+$21)味道清新好解膩，天口熱飲下幾消暑❄️🥤Oreo脆脆朱古力沙冰(+$2

星期五晚約咗朋友想食個飯傾吓計，但係唔知邊度有傾到計嘅地方，朋友推薦你呢一間，話啲嘢都幾好食。有少少怕左旺角嘅Cafe因為通常嘢飲都好貴，同埋嘢食會唔係幾好食，不過呢間Cafe原來好有水準，打破咗我一向對Cafe嘅理解。叫咗一個二人套餐，個餐有沙律同埋湯，沙律都整得幾靚。主菜叫咗一個青蟹子蜆肉意粉，初初見到青色嘅蟹子覺得幾新奇，不過食落其實同普通孩子都冇乜分別，意粉口感彈牙，而且幾香。另外一份主菜叫咗豬仔骨，豬仔骨好入味，而且肉質幾淋，容易入口。飲品我哋叫咗兩壺花茶，有蠟燭保溫，所以我哋坐咗好耐啲茶都夠熱。

餐廳好乾淨 進入之前要穿上鞋套再用酒精搓手液捽手先🙏🏻不過作為貓貓餐廳就難免會有貓毛係空中飄下飄下架啦 如果撞正有人拍貓貓patpat成個環境即刻變得好...浪漫(?!)🌬店內有好多貓貓 無奈同朋友都係被貓貓拒絕既體質 佢地走過黎望兩望就竄走左啦🙈於是成餐飯都好專心食野👐🏻叫左四樣野食:1. 日式青蟹籽大蜆芥末扁意粉(8/10)份量偏少 太肚餓既話推薦叫burger! 本身怕芥末味太重所以麻煩店員幫忙 最後走左撈落意粉入面既芥末 只留芥末蟹籽 整體係好食既!2. 惹味雞排手工竹炭漢堡 配薯角(8/10)朋友表示超級飽要分比我食 塊雞排好大塊 唔乾而且醃料足 味道好夠 3. 白酒煮紐西蘭青口(7/10)不過不失既白酒煮青口 青口好大隻 啖啖肉4. 台式鹽酥雞搥 (2隻) (9/10)本來以為係連住雞翼個部分既小雞搥 因為平時去店台式餐廳主要都係小雞搥為主 所以碟雞搥一上真係嚇親 大過係KFC食個啲 而且好滑好滑 咬第一啖好多油嗶出黎 加上上面撒滿孜然粉(?!) 好正!另外叫左杯朱古力冰沙 但濃郁既朱古力 飲到最後都仲係好有朱古力味~總括而言 可能本身對貓貓cafe既食物冇咩期待 呢間ca

今日lunch time 同朋友第一次去urban cafe, 之前已經聽過這間餐廳價錢又抵又好食一入到去店主標明為貓貓健康著想，在門外有部鞋套機丶顧客要先潔手，店主真細心👍🏻食物方面好多選擇，價錢合理。講下泰式冬陰公豬柳粒野菌忌廉長通粉， 冬陰公味道唔算太辣，但係香料味好夠，好岩炎炎夏日天氣去食，非常開胃。另外仲叫左東瀛蟹籽卡邦尼煙肉扁意粉，忌廉汁好香，條條意粉都沾到醬料，好惹味。連埋餐前沙律及飮品，有咁多貓貓陪你玩仲免加一，埋單只收＄111😱，係邊到搵？贊贊贊👍🏻👍🏻👍🏻

係旺角有好多樓上cafe 但相信大家都中過好多次伏 一係就食物好難食 一係就環境好差好嘈又坐得迫 但估唔到竟然俾我塭到呢間高質cafe我同朋友叫左杯凍咖啡 同凍檸茶走甜 飲品係用外賣杯裝住 飲唔哂拎走都好方便我地叫左個卡邦尼意粉 西冷牛扒 同一客水牛城雞翼卡邦尼意粉好creamy 每一啖都係滿足 上面仲有隻半熟蛋 俾你自己撈黎食 賣相一流西冷牛扒配左薯角 薯角入面好多薯蓉 炸到好香脆而水牛城雞翼酸酸辣辣 食到停唔到口食物高質 食得到係用心之作 同朋友係到坐到唔願走呀