URBAN Cafe (彌敦道)

營業中

休息中

今晚去了一間以貓貓café 為主題的餐廳, 做一晚貓奴 為了保持衛生, 門口準備了2部電子機給客人用來包鞋套讓大家可以放心跟貓玩 貓咪都很乖及不怕生, 會跟客人打招呼, 整晚都很enjoy2人套餐 (餐湯, 沙律, 頭盤, 主食, 飲品) - $368 餐湯 – 南瓜忌廉湯 這個湯也幾有誠意, 把南瓜打碎成蓉, 加入香草, 令忌廉湯香滑有口感 沙律 – 有很甜的菠蘿, 沙律菜, 蕃茄, 加上日式沙律醬  滋味2人小食拼盤(+$28)有炸雞, 司華力腸跟薯條. 都幾大碟 即磨芝士黑松露野菌大啡菇忌廉意大利飯要讚這個意大利飯, 芝士控必食, 有大量芝士在面, 而意大利飯煮得剛好有口感, 黑松露野菌大啡菇也永遠是絕配, 也用了黑椒調味巴馬火腿拉絲水牛芝士手工薄餅餅底就不過不失, 面的水牛芝士跟蕃茄醬好多!, 加上香菇, 巴馬火腿及香草, 都ok! M4 美國豬鞍扒配 檸檬蘋果醬($148)豬鞍質量ok, 切下去十分容易, 而且juicy , 配上檸檬蘋果醬令味道層次更豐富M3香煎紅鯛魚柳 配 香草荷蘭汁($138)大廚應比較愛用黑椒調味, 主菜也配上黑椒在面, 把紅鯛魚的魚腥味去除更配用黑椒

我哋今日一家人嚟呢間旺角貓咪cafe 諗住放鬆下 一去到店員已經安排得唔好 我哋係外面等咗一陣 以為填完表格就可以入去坐低 點知入到去仲要等 而且佢哋入去前要著膠鞋套 超唔環保囉 嘢食先唔講貴 上菜速度好慢 仲有佢個湯好難飲 意粉又少又難食 啲貓貓睇落去好唔開心 又唔比人摸 然後有個貓貓休息區 唔可以影相 我都有錯 影咗幾張相 咁呢有位員工就冇端端走過嚟話唔可以係嗰度再影相 我都話好囉下次唔影 點知隔咗一陣間又過嚟 話要del咗張相 我都有照del 咁樣都可以接受 但係佢仲要叫我喺最近刪除度再del 我心諗使唔使做到咁絕 我最後都有del到因為我的確有做錯 然後我一直好唔開心咁過埋個半個鐘頭。下次絕對唔會去呢間貓咪cafe！

約左朋友係旺角食晚餐，老實講真係好小係旺角食飯無咩心水，好彩朋友仔話有好介紹就帶左我去urban cafe 一開始以為係普通cafe ，原來係有貓貓相伴，所以餐廳衛生標準都好高，鞋套機和消毒機都好專業食物方面，都係一般cafe提供的西餐選擇但勝在性價比高▫️即磨芝士黑松露野菌忌廉意大利飯意大利飯唔會煮到粥仔咁，芝士不會過膩，調味剛剛好，但記得趁熱食因凍左口感就有點乾▫️西班牙燒烤醬黑毛豬肋骨豬肋骨一咬已經骨肉分離，份量十足，相信4個人食都無問題▫️水牛城雞翼其實都唔係水牛城雞翼😂 可以叫辣味蕃茄雞翼就比較適合，但味道唔錯的食物質素不錯又有貓咪陪食，食完心情都覺得治癒了

朋友話呢間好似好多好評今次試下，餐廳門口唔算起眼，但入到去竟然差不多全場滿坐！晚餐7點時間keep 住有人入，坐得都幾逼，但可以同貓貓好近。餐牌好多選擇主要西餐，叫左小食川味麻辣雞槌，食得辣既朋友可以試，惹味香噴噴，辣度小辣，雞髀🍗肉滑潤，外脆內軟。主菜香煎豬鞍扒配蘋果醬，🍎豬同蘋果醬都幾夾，豬扒肉好淋完全無筋，配埋簡單調製蘋果醬，唔錯。三文魚pizza 4塊二人分剛剛好，加埋芝士菠蘿🍍好健康，邊皮熱辣辣食仲脆卜卜。甜品心太軟🍫特飲菠蘿檸檬茶🍋

返完教會就同表妹一齊去睇貓貓食好西呢間Cafe限時食90分鐘 記得一定要提前預約 因為日日都非常之full 同埋準時到唔係就冇左個位 入門前要先套上鞋套保護貓貓健康叫咗個抵食人套餐 ($298 未計加一)包兩個餐湯沙律兩個main dish 同埋嘢飲沙律好Fresh忌廉湯非常之濃郁有好重煙肉同埋香草味 好飲 飲品系用外賣杯裝 雖然唔係咁環保♻️ 不過就方便飲唔曬拎走食物方面款色好多 有pizza 意粉 義大利飯 漢堡同豬肋骨揀我地叫左個豬肋骨配薯條同一個青蟹籽蜆肉芥末意粉🐷🍝 （1）豬肋骨好夠味 味道有小小似一田個隻醃好嘅豬肋骨 都多肉又juicy同好大塊 薯條份量都好足 個餐好豐富 (2) 青蟹籽蜆肉芥末意粉 系用扁意粉 好彈牙唔會煮到淋曬 個樣望落好清 不過味道都夠又夠汁 唔會好乾 擺盆都幾靚打卡一流 旺角分店比起觀塘細不過都有好多貓貓 全部都好乖好可愛 不過要小心貓貓食左我地個食物 佢地食左會病哦貓cafe黎講做得真係唔錯 高質黃店 燈光明亮 乾淨衛生 亦有播良心片段 真係一個好治癒心靈嘅地方

最鐘意同朋友周圍搵食，但經過URBAN CAFE又好想再食多次，最終都係選擇上黎URBAN CAFE呢到嘅食物係真心好好食套餐仲有埋餐湯，好飲又creamy【安格斯牛肉手工竹炭漢堡配薯角】漢堡用竹炭整成，非常特別重點係佢塊安格斯牛肉真係好嫩口多汁而且又厚又足料配埋塊車打芝士真係突顯哂牛肉香味【三重芝士肉醬意大利麵】用三種不同的芝士鋪滿意粉面上賣相吸食食落仲好濃郁嘅芝士香份量剛剛好意粉軟硬適中【滋味四人小食拼盤】內有>雞翼>法蘭克福腸>唐揚雞塊>薯角今次唐揚雞塊轉戚麥樂雞都一樣好食每款小食都金金黃黃非常脆卜卜又香口佢個雞翼超有風味而且外脆內軟咬開熱辣辣仲好多汁，勁有水準「巴馬火腿拉絲水牛芝士手工薄餅」濃濃芝士拉起有絲超正超吸引加埋鹹香巴馬火腿一齊食超有層次又美味！

帶埋女女同埋同學仔一齊出黎俾佢地放下電、嘆下美食兼傾下計聚下舊所以我地媽媽們都一致揀左齊黎旺角「URBAN CAFE」呢到有大人小朋友都鐘意嘅美食有餐點有單點仲有好多特式飲品選擇添一黎到我地就揀左個四人餐包括4份是日餐湯及是日沙律呢個南瓜湯女女就好鐘意南瓜軟爛易入口，飲落好鮮甜另外仲加左$48要一份「滋味4人小食拼盤」包括:雞翼、法蘭克福腸、雞塊及薯條呢個香口組合真係岩哂小朋友呀尤其是個雞翼真係又香脆又多汁「三重芝士肉醬意大利麵」香濃濃郁芝士勁好味勁正芝士控一定要食加上有嗇多香甜肉醬啖啖芝士啖啖肉醬，無得彈「日式青蟹籽大蜆大蔥忌廉扁意粉」日式青蟹籽非常特別而且食落仲好鮮甜大蜆配上大蔥一齊味道非常特出又鮮味「巴馬火腿拉絲水牛芝士手工薄餅」餅底非常香脆玩上香軟又香濃的水牛芝士無得彈再加片肉質柔軟的巴馬火腿淡淡咸香味整體味道非常夾「安格斯牛肉手工竹炭漢堡配薯條」呢個漢堡真心一定要點黎食黑黑的竹炭漢堡夾住多汁嫩口的安格斯牛肉上面仲配上車打芝士及牛肝菌燒汁味道非常有層啖啖肉超滿足~

呢度2人套餐超抵食，唔單止有前菜餐湯同埋嘢飲，仲有幾款主菜可以選擇。樣樣食物都係熱辣辣，即叫即整好好食。主菜方面黑松露野菌大啡菇忌廉意大利飯，仲有好多手磨芝士係面，熱辣辣嘅意大利飯加上半溶嘅芝士簡直就係邪惡嘅組合。另外仲叫咗西班牙黑毛豬肋骨，份量好多，每人可以食到幾條，薯條酥脆外脆內軟。另外仲可以加埋甜品，有綠茶或朱古力心太軟，配上一大球雪糕，毫不吝嗇，略嫌雪糕仲有啲冰粒解凍唔夠，但心太軟十分之流心～

今次和朋友們想和貓貓一起玩，所以選了這間cafe。我們叫了一個二人餐。先上了兩份餐湯及兩份沙律，餐湯夠熱，沙律新鮮，感覺不錯。主食叫了意式辣肉腸拉絲水牛芝士手工薄餅，薄餅厚度適中，水牛芝士十分香濃，而且真的有拉絲的效果，十分抵讚!而意式辣肉腸發揮正常，不會太入味，為薄餅增加一份特色。另一個主食是即磨芝士黑松露野菌大啡菇忌廉意大利飯，黑松露野菌的味道十分香，特別的香氣令人難以忘懷，即磨芝士十分配合這個忌廉意大利飯，大啡菇十分有驚喜，菇味足，份量大，有芝士配合，十分易入口，正!最後還叫了兩杯飲品，雜莓梳打和特濃鮮奶朱古力，雜莓梳打十分清新，酸酸甜甜。而特濃鮮奶朱古力，朱古力超級濃，大力推薦!

6:30pm去到已經有好多人係門口等入，入門前要穿上鞋套，因為cafe有貓要keep clean。用餐90mins，座位都算多，唔係話好闊落。上菜速度好快，味道唔錯，不過食物唔夠熱。佢地projector長期播放立場💛✨味道70，環境85分，服務70分。.🔷二人套餐($298).🔸是日餐湯x2南瓜忌廉湯好足料，好多南瓜蓉甜甜哋，但唔夠熱。.🔸是日沙律x2沙律菜，車釐茄，罐頭菠蘿，沙律汁多，較鹹。.🔸滋味2人小食拼盤(+$28)炸物配茄汁，有薯條，麥樂雞，法蘭克福腸，都係唔夠熱。.🔸即磨芝士黑松露野菌大啡菇忌廉意大利飯有胡椒香，微辣調味，芝士味都夠濃郁，黑松露味都好出，幾足料，多菇。.🔸意式辣肉腸拉絲水牛芝士手工薄餅⭐️芝士落得夠厚，上面有幾片辣肉腸，整體夠惹味。.🔸雪糕棉花糖朱古力(+$21)⭐️推介⭐️朱古力味好濃，唔會太甜，上面有球cookie & cream雪糕，加埋好正！.🔸熱檸茶檸檬兩片，茶底夠濃。.🔸雪山心太軟(+$25)心太軟味道ok，好流心，朱古力味濃，但唔熱。跟一球cookie & cream 雪糕球。

之前都有去過其他動物主題cafe,今次朋友提議到呢間cafe, 可能有啲先入為主同同事及家人上到2樓雖已book枱，不過要等一陣，明白執枱需時，但大堂地方細，又無冷氣，都幾焗，人好多，好逼，入場時有啲亂，不過睇得出店員已盡力做好人流控制等安排人均消費算合理，不過用餐時間不長，不太適合大班朋友眾會地方唔算大，人多，貓多，其實不太合適用餐，對貓貓或客人其實都好annoying雖然店員服務及食物都不錯，但真心講，不太推薦

今日難得放半晏，梗係要搵間decent既cafe 去食下lunch, chill下啦. 朋友話推薦一間尚幾出名，位於旺角既樓上cafe,　話上網評價都幾好，就等我去試下啦一去到，職員話要先著鞋套，原來因為依間cafe係有貓貓既 　坐下後睇餐牌，有好多元化既lunch options,有意粉，意大利飯，沙律，肉排類等等 最後，我叫了一個 燒紐西蘭牛肉眼排，配黑松露燒汁，及薯菜~* 　（前）而朋友則點了一個法式芥末籽豬排，配百里香燒汁，及薯菜　（後）我地兩個都分別跟餐，配埋一客是日餐湯　及一杯$38既飲品(飲品價錢多左要補價)我自己叫左一杯 Oreo脆脆朱古力沙冰，朋友點了雜莓梳打Oreo沙冰好濃好香，打得十分滑~朱古力味好實在～　雜莓梳打亦調配得好好，超級refreshing，唔會太甜～讚！食物方面，餐湯係煮得十分高質！是日餐湯是南瓜湯，牛油味十足！入口超香，好飲到想再encore! 沙律亦都唔輸蝕，名為柑橘醬車厘茄麵包粒野菜沙律，非常清新，麵包粒(croutons) 更是香脆，味道十分高級！主食方面，朋友及我的評價一樣很好我既燒紐西蘭肉眼排煮得十分tender，肉汁完完全全鎖住，入口係

星期六朋友為我慶祝生日飯，因為本人也有養貓嘅關係….所以揀咗呢間貓主題餐廳去食，book左7:30pm 7:20去到門口已經好多人係度等….場面一片混亂！之後再著一次性鞋套先可以進入…一入門口已經見到好多隻貓，有啲仲係客人張檯上面瞓咗係度，第一刻係開心的因為目的都係想睇貓貓🐱但之後唔知點解覺得啲貓咪用作招客用途好似有啲慘咁，仲要發現啲貓咪都幾肚餓🥲 好似好耐冇食過野咁….有一隻仲上咗去客人張檯偷食咗一啖，個職員都很緊張用針筒畀水佢飲。最重要嘅一點係啲服務員態度唔係幾好咁囉…咁上得去大部份都會係鍾意貓先上去吧，當然也想跟貓咪多些接觸/拍照📷 又話呢樣唔得咁樣唔得…地方又細喎！出去影貓咪時阻到佢叫我借借態度都唔係幾好咁，話晒我都係客人啊唔係冇光顧🤔 總結唔會再幫襯👋🏻完

今日平日下午 同朋友經open rice 預約左但去到見到full house 真係好多人 建議大家記住book位食物方面 lunch set 選擇好多 有意大利粉 意大利飯 扒 pizza 等等餐牌每兩星期轉一次包沙律 + 飲品 一般奶茶檸檬茶 其他特色飲品補差價（果茶 花茶 梳打 沙冰）我哋就轉左朱古力咖啡沙冰野飲一d都唔hea 飲到一粒粒朱古力碎唔會太甜 咖啡味好香重點飲到最後唔會變成淡茂茂嘅冰水依然有朱古力咖啡味食物揀咗泰式冬陰功意大利飯好香濃 酸酸辣辣 依個組合好特別 貓咪方面 真係勁熱情 唔怕人只要有位 佢地就會坐你旁邊食完晒所有嘢 就可以加錢買零食餵貓咪佢哋一啲都唔怕羞 沖曬過嚟同大家玩

前菜叫左水牛城雞翼，雞翼都幾大隻🤩啖啖肉，醬汁酸甜中帶點微辣，刺激下味蕾，都幾開胃架😋前菜必點呀👍🏻主菜叫左菲力牛柳🐮配上我至愛嘅黑椒汁😆雖然賣相係平民嘅牛扒，但食落口係一d都唔平民😳牛柳好有厚度，肉質嫩滑，外面煎到有微微焦香，內裡嘅肉質腍滑，肉味香濃，水準都幾高😍食食下有d口渴，想飲滋潤生津嘅花茶🌷花茶款式幾吸引，所以就order左草莓荔枝紅莓乾花茶 🍓花茶溫暖左我嘅心靈同埋滋潤左我嘅喉嚨，加d蜜糖落花茶度，清清甜甜☺️享用完主菜後飲番啖花茶可以消下濟。最後當然唔少得甜品啦🥰每次見到有心太軟都會毫不猶豫必點，不過今次我決定轉下口味🤣唔食朱古力心太軟，試下抹茶味嘅雪山心太軟🍵其實都有d驚抹茶味會好假，但出奇地係果種帶點苦澀嘅抹茶香味，抹茶粉嘅份量放得好夠😚中間嘅流心絲滑香濃，好欣賞呢個心太軟，仲有雪糕同埋大大舊忌廉做伴碟🍨對於係忌廉控嘅我，呢個心太軟係我嘅大愛💚💚