URBAN Cafe (彌敦道)

營業中

休息中

之前都嚟過就叫咗套餐，今次就單點試吓佢哋嘅食物，香煎紅鯛魚柳配香草荷蘭汁配薯菜，魚肉都算大塊薯條係粗薯條🍟，美國豬鞍扒配檸檬蘋果醬配意粉，豬鞍扒幾好食，配上檸檬蘋果醬酸酸甜甜，食落比較開胃，另外意粉本身覺得佢平平無奇，但原來去蒜香味做得幾出，都幾好食。 避風塘香酥雞翼，超大量炸蒜，超香口，黎都值得叫呢個小食另外飲品叫咗水蜜桃沙冰，柑桔提子沙冰，水蜜桃沙冰，唔會淨係飲到糖水味，有少少清清地嘅感覺所以都幾好飲。另外呢度有好多貓貓🐱，一路食飯嗰時都有好多貓貓喺鄧腳到周圍走，有啲仲會跳上枱面添🤣成餐飯嘅用餐感覺都好開心！如果想食建議大家可以預早book定位，因為真係太多人Walk in未必食到🤣

襯住暑假就嚟完結，出嚟食餐開心快樂嘅晚餐。餐廳環境乾淨衛生，每位食客入座前都穿著鞋套。Menu有2人/4人套餐選擇，跟主菜．餐湯．沙律．飲品，仲可以額外追加小食拼盤。「菲力牛柳 配 香草荷蘭汁」超厚牛柳，肉質好淋，完全無筋唔會靭。「即磨芝士黑松露野菌大啡菇忌廉意大利飯」香濃忌廉味，意大利飯嘅口感做得好好。「芒果薄荷沙冰」「水蜜桃沙冰」凍冰冰，面層忌廉好creamy, 打出嚟嘅冰好滑，唔會一舊舊食物方面全部即叫即製，滿意又滿足。

假日經常都會出外用膳，有時好喜歡去cafe ，感覺更輕鬆，有時間又可以來了。溫泉蛋煙肉野菌黃金卡邦尼扁意粉溫泉蛋拮穿一刻好治癒，與扁意粉搞勻，蛋黃掛麵好滑溜，卡邦尼汁忌廉味濃，煙肉共食更鹹香。雜果柑橘醬沙律有多款新鮮水果，沙律醋酸味開胃，夾上蟹籽食更爽脆，配溫泉蛋食更順喉。香煎紅鯛魚柳 配香草荷蘭汁紅鯛魚柳長身，厚身魚肉嫩滑，醬汁滿滿黑椒好惹味，薯條外脆內軟，配椰菜花。雪糕棉花糖朱古力雪糕可揀朱古力或雲尼拿味，朱古力雪糕配朱古力，雙倍朱古力味好香甜，加埋棉花糖更邪惡。蜂蜜柑桔檸檬梳打 柑桔味酸甜醒胃，檸檬味解膩。水牛醬雞翼醬汁辣辣地好惹味

作為一個貓奴，梗係要去朝聖呢一間餐廳啦。坐低叫杯嘢飲嘆吓休息吓都不失為一個好選擇。 我就叫咗杯蜂蜜柑桔檸檬梳打，飲落去都幾清新，唔會好甜，飲兩啖仲gur過返淡氣真係好爽女朋友最鍾意啲邪惡飲品， Oreo脆脆特濃朱古力，呢一杯飲品一上枱就即刻嘩咗一聲，滿滿既Oreo 碎鋪面，有部份仲依然好脆口，朱古力味濃，就算啲冰融左都唔會影響成個口感，唔錯唔錯！叫左兩杯飲品緊係要有款小食爽一爽，避風塘香酥雞翼果然出色，避風塘嘅風味完全做到出嚟，滿滿嘅炸蒜粒同蔥花鋪面，雞翼亦都有預先炸過，非常好味，咸香脆口！

最鍾意啲有二人餐，唔使諗食咩嘅餐廳，呢間嘅名氣一早已經聽說過（好彩6:00就已經入座，嚟咗嘅時候已經有滿滿嘅一條人龍）二人套餐包咗餐湯、沙律、小食拼盤、意粉、薄餅、飲品。滋味二人小食拼盤包左薯條、法蘭克福腸、唐楊雞塊，三款小食嘅份量唔算話好多，拼盤賣相一般但都炸得鬆脆，點配茄汁可以中和油膩感。溫泉蛋煙肉野菌黃金卡邦尼扁意粉溫泉蛋煮得唔錯，有爆蛋汁，煙肉香口，醬汁creamy 不過會有少少黏口同杰身。意式辣肉腸拉絲水牛芝士手工薄餅食落去味道都幾清新，酸酸甜甜，少少辣，拉絲效果都明顯，批底唔係好厚，而且都好鬆軟！雪山心太軟套餐加$25就可以多一份甜品，梗係要叫啦！心太軟都有明顯嘅流心效果，有朱古力味同抹茶味揀，個人鍾意朱古力味更多。不過成餐飯食得有少少趕，但係呢個價錢來講，套餐性價比真係好高！明顯餐廳真係儲咗一班舊客仔，客人入到黎啲貓貓叫咩名都嗌得出！

今次同朋友黎到呢間位於旺角既Urban Cafe～～朋友之前黎過，話呢間既野食都唔錯，仲有貓貓玩😍😍有得食有得玩就最啱我✌🏻✌🏻-👫🏻2人套餐 $298✨📍是日餐湯、沙律🥗是日餐湯係忌廉南瓜湯，口感好creamy！！每一啖都食到一絲絲南瓜蓉，甜甜地幾開胃😋😋沙律都好沙鮮，唔錯～～📍意式辣肉腸拉絲水牛芝士手工薄餅🍕pizza咬落好鬆脆，係厚批黎～～面頭有辣肉腸同拉絲芝士，十分惹味🤤🤤同朋友share食就最啱❤️❤️📍即磨芝士黑松露野菌大啡菇忌廉意大利飯🍲食落有好香既黑松露味，裡面仲有好多切片既大啡菇，好足料！！意大利飯口感適中，好味👍🏻👍🏻📍雪山心太軟(+$25)🍮最後要叫埋個甜品先夠滿足～～心太軟有流心效果，朱古力味濃郁😋😋旁邊仲有雪糕同忌廉，一齊食就最正～～飲品方面，我地叫左朱古力咖啡沙冰(+$20)同柑桔提子沙冰(+$20)～～兩杯賣相都唔錯！朱古力咖啡沙冰一開始飲到朱古力既甜味，然後慢慢係咖啡既香味🤤🤤柑桔提子沙冰口感清新，味道會比較甜，但都好解渴❤️❤️

上星期去完觀塘店Urban Cafe, 朋友念念不忘, 要我今日再陪佢去旺角店。旺角店環境方面唔算大，但係坐嘅空間都算剛剛好, 如果坐沙發或者窗台嗰邊會闊落啲。睇咗一輪餐牌 我哋覺得2人套餐係最抵食, $318已經有餐湯沙律 意粉主菜 同飲品, 經濟實惠是日餐湯-芝士南瓜濃湯,好濃郁南瓜味, 飲到啖啖南瓜肉, 好creamy柚子醋沙律 沙律唔係得菜, 仲有菠蘿蕃茄,真係夠晒FᎡᎬᏚᎻ好開胃😋青蟹籽大蜆大蔥忌廉扁意粉朋友特別鍾意扁意粉, 好有口感，好好味。蜆唔算好大但都幾新鮮西班牙黑毛豬肋骨配薯菜豬肋骨肉質嫩滑, 醬汁好入味唔會太酸,味道都不錯包$38或以下嘅餐飲 或者補差價呢間店 應該都有二十幾隻貓？

前幾日同朋友喺旺角行街，上網見到有間叫Urban cafe 出名啲嘢食高質，而且個二人套餐都幾吸引，就Book咗喇~.2人套餐 $278是日餐湯及沙律南瓜忌廉湯嘅南瓜打得好綿，又配上南瓜絲， 增加口感，熱辣辣，忌廉夠晒creamy，味道甜甜哋好好飲。沙律菜配沙律醬係一流，酸酸哋，仲有車厘茄同菠蘿粒，呢個配搭好開胃。即磨芝士黑松露野菌大啡菇忌廉意大利飯 芝士味同黑松露味都好香濃，雖然係忌廉但係又唔會好漏～上枱已經聞到香噴噴嘅蘑菇味，賣相也不錯，擺盤精緻。黑松露同菇味好濃，質感creamy，飯比較淋，食落有芝士嘅鹹香味。配料仲有車厘茄、切粒青椒，令Risotto加添一點色彩。安格斯牛肉手工竹炭漢堡 配 薯角 竹炭包做到外脆內軟，夠軟熟。夾住嘅安格斯牛肉好厚切，肉汁飽滿，肉質細嫩，配上濃濃嘅cheese加持，令burger更添美味。薯角脆卜卜，炸到金黃色，味道唔會太咸。蘋果芝士蛋糕配雪糕最後配埋蘋果芝士蛋糕同雪糕，面頭係蘋果啫喱，芝士味濃，個雪糕入面仲有啲碎餅。蜂蜜柑桔檸檬梳打及芒果荔枝梳打（另加$4）味道清淡，微甜夠fresh，透心涼。

曾經養過兩隻貓貓，都先後因病而離開，離別時嘅傷痛，直到現在都唔敢再收養貓貓，但曾經為貓奴嘅我，愛貓之心並未有磨滅。🔥因為愛貓所以揀呢一間Cafe, 入坐前做好消毒同穿好鞋套，埸內的貓貓比我預期數量多，目測應該有廿幾隻，不同品種嘅貓咪，但同樣好友善，任摸唔出抓。驚喜係食物質素都好好，而且價錢合理，絕對滿足到我3個願望: 1.緩解我戀貓之心;2.食物&飲品都好味;3.價格合理。🍔安格斯牛肉手工竹炭漢堡 配 薯條 $92炭灰色漢堡外型超cool, 味道同口感都一流呢，咬落去有爆漿口感，豐富牛肉汁連芝士澎湃湧出來，對於芝士控嘅我，每一啖都有幸福感覺。🐟🍟美式炸魚拼薯條 $58Perfect match 組合，魚肉外脆內滑，薯條炸得夠乾身夠脆口，食得出係啱啱炸起。🍕挪威煙三文魚拉絲水牛芝士手工簿餅 $108認得做芝士控，緊係會order埋呢個邪惡嘅芝士簿餅，芝士量絕對唔少，配以煙三文魚，如果唔係怕肥，食完一個之後，會再叫多一個嚟食。🐥避風塘香酥雞翼 $58非常香口，雞翼外皮卜卜脆，但雞肉仲係好嫩滑好juicy。蒜末做到惹味不搶味。🫖草莓荔枝紅莓乾綠茶(壺) $69溫暖的鮮果花茶，微微酸酸甜甜最適

之前同女朋友食cafe Chiba，見到隔離間Cafe排晒長龍，係誇張長龍，今日咁啱又出旺角，決定一試，店舖好講究衛生，門口擺咗部機係用膠袋包住隻鞋，一入去，座無虛席，更驚喜嘅，原來有好多貓店長🥰兩個超肚餓嘅人，叫咗三份主食一客甜品，前菜有吞拿魚沙律菜，味道唔錯，一路食，我同女朋友都覺得自己好似變咗隻貓🐱率先上菜係紅咖喱蜆肉意大利飯，推介俾嗜甜嗜辣嘅朋友，每啖都好開胃，個汁係勁好味，兩個喺度爭食😂之後係熱辣辣Pizza，真係新鮮熱辣，切開d芝士係拉絲狀態，茄膏味道自然，感覺very fresh，係全場爆滿狀態下，上菜快而且保持到質素都好唔簡單👍🏻主菜最後係日式鹽燒鯖魚，唔知關唔關啲貓店長先， size相對細啲，但味道唔錯，皮燒得脆，魚味濃，合格有餘👍🏻飲埋個花茶，嘆最後嘅心太軟，心太軟最驚個心唔識流，呢個會留心之餘，朱古力味好濃，唔係死甜嗰種，係真係有朱古力香味嗰種，呢個都好推介，雪糕又好食總結，可以再幫襯😊

因為而家邊度都冇得去一直都同朋友搵緊一間樓上Cafe可以坐得幾舒服嘢食又好食的cafe有同事介紹呢一間油麻地嘅urban cafe 一於去試下 食物整體唔算太大份但係因為咁可以使好多款唔同嘅嘢食💛黑松露芝士薯條唔會俾啲黑松露味蓋過個薯條本身啲薯仔味好好食如果我今日好似飲凍野我自己一個可以食晒成碟😂避風塘雞翼隻隻雞翼都好大隻忌廉蜆肉意粉 , 可以每一啖意粉都食到一粒蜆肉😆個人覺得呢個墨魚汁大蝦意粉好食過蜆肉意粉因為佢好夠味三文魚餅正正常常入邊係煙三文魚出邊係印度薄餅推介推介推介冬陰功青口！！好惹味！！最後再搵個心太軟軟雪糕收尾😆滿足！！！

假日來放鬆，樓上 Café好坐芒果荔枝梳打芒果味突出，荔枝味淡，梳打少少氣，好解渴。蜂蜜柑桔檸檬梳打柑桔味突出，淡淡檸檬味開胃，解膩。東瀛蟹籽溫泉蛋鮮雜果柑橘醬沙律新鮮爽甜沙律菜、配上新鮮士多啤梨、藍莓、菠蘿，酸味沙律醋，爽脆蟹籽，滑溜溫泉蛋，開胃。滋味小食拼盤雞翼非常酥脆、唐揚炸雞金黃肉嫩、法蘭克福腸、脆口薯條，惹味。三重芝士肉醬意大利麵肉醬蕃茄味濃，酸酸甜甜，半溶芝士，加上芝士片更芝味，意大利麵彈牙。

平時cafe d食嘢都一般般，但啲間係旺角嘅cafe d嘢食好高質又多款👍🏻黑松露芝士薯條🍟超多芝士，好滑口👍🏻Oreo脆脆朱古力🍫蜜糖紅棗茶除咗咖啡同紅茶 ，仲有好多出邊冇嘅特別款。朱古力超濃，配Oreo啲餅碎味道好夾蜜糖紅棗茶都唔錯，可以滋潤下個喉嚨避風塘炸雞翼黎都仲係熱辣辣，應該係即叫即炸，超脆香蒜青蟹子蜆肉炒意粉🍝好香蒜味，配蜆肉當然無得輸紅蝦蟹子墨魚汁意大利麵兩隻蝦都煎得好香，仲要好大隻 墨魚汁味道啱啱好，唔會太鹹挪威煙三文魚芝士墨西哥餅我本身都鍾意食煙三文魚，原來夾芝士仲好食份量啱啱好，作為小食唔錯冬陰功忌廉煮青口超好食，佢有冬陰功嘅香料味，但一啲都唔辣青口都好新鮮朱古力心太軟熱辣辣朱古力流晒出嚟🤤配埋雪糕，係一個完美嘅甜品

再次嚟到呢間位於旺角嘅貓貓cafe urban cafe。佢哋呢度嘅二人餐都算抵食，入面有湯，沙律，可以再加多28蚊有小食拼盤，兩個主食，同埋兩杯價值38蚊嘅飲品添。湯：今日係忌廉南瓜湯，用料十足。沙律：夠哂清新。小食拼盤：入面有薯條，唐揚雞，切片嘅司華力腸，佢哋即叫即炸，所以熱辣辣脆卜卜，最欣賞係唐揚雞，保留滿滿嘅肉汁。日式青蟹籽大蜆大蔥忌廉意大利粉：賣相吸引，用左好搶眼球嘅青蟹籽均勻咁圍住碟邊，意粉中好多蔥粒，仲有三色椒粒，令口感更豐富，入面蜆肉份量都好足料，意粉嘅軟硬度適中。安格斯牛肉手工竹炭漢堡配薯條：黑色嘅漢堡幾特別，影相打卡都好適合，佢哋嘅麵包係手工製嘅關係，食起嚟特別鬆軟，而入面嘅牛肉漢堡牛味好濃，肉汁滿滿，加埋佢哋嘅肝菌燒汁，就更juicy。黑糖拉鐵：呢個係無咖啡因嘅拉鐵，唔怕夜晚會瞓唔到。洛神紅莓荔枝梳打：夠哂清爽，果味香甜，好啱夏天嘅時候飲。

先前去完觀塘嘅urban cafe分店一不離二今次去埋旺角分店位於僑建大廈2樓一上到去轉右就見到㗎啦今次除咗探下小動物之外當然仲要食下佢哋嘅二人套餐啦有餐湯沙律頭盤主食意大利飯或者麵 仲有飲品今日我哋加咗一份滋味二人小食拼盤分量剛剛好主食有溫泉蛋煙肉野菌黃金卡邦尼扁意粉我哋仲揀咗安格斯牛肉手工竹炭漢堡冇諗過佢哋肉質同埋味道係超乎我哋預期：）最後餐飲就揀咗奶茶同埋梳打港式奶茶嘅正宗味道果然無得輸一整頓晚餐都瀰漫着一股快樂愉快嘅氣氛每次嚟到都好開心宜家諗起都好想再去