Turfland Operated by sensory ZERO

營業中

休息中

又同朋友四出搵食今次係專誠約朋友到Turfland Operated by sensory Zero因為上網見很多人推介所以被吸引當天是平日下午茶時段店舖闊落 座位也很多 店內都算多人我哋一行三人選擇左一個梳化位置座位與座位距離遠 完全冇壓迫感我哋三個人都點咗同一個餐無肉大滿足早餐 $148 麵包鬆軟再配上無花果自家果醬 實在好好味配有椰菜花，炒蛋，燒菠蘿（好醒胃）沙律菜，薯餅(好香脆）蕃茄仔，焗豆份量好夠 好滿足美式黑咖啡☕️ 加$15好有啡味朱古力咖啡☕️ 加$20朱古力咖啡推介冷泡玫瑰烏龍茶 加$20朋友話好飲，清香佢哋的自家果醬太好味，我另外買咗一樽，帶回家比仔仔明天搽麵包當早餐食加$18📸環境指數🌕🌕🌕🌕🌗🤵🏻‍♀️服務指數🌕🌕🌕🌕🌑👅味道指數🌕🌕🌕🌕🌗💰抵食指數🌕🌕🌕🌕🌑⭐️推薦指數🌕🌕🌕🌕🌗

依間餐廳 LUNCH 真係超多人排隊,如果想食,要早小小去到。之前食過太古個間,都是質素好好既。今次叫了一個好特別既粉紅色咖哩豬排飯、小食雞翼、仲有BURGER、很愛既雪糕咖啡~飯真的不錯,因為有好多豬排,而且好香南乳味,好特別,真係必食呀,仲有雞翼,香脆既外皮,真係食完一隻想再食。咁既叫法,發現BURGER 反而最唔出眾,不過都好味既,不過,我想講,2個人食都可以食到好飽了。最後叫番杯 咖啡....真係回味絛窮。不過佢既出入係有點奇怪的,佢可以係觀塘廣場入、又可以在馬會行上來,如果你發現人多,就最好馬會行上來,因為要排隊的,如果你觀塘廣場入,可能又要再排過....

馬會重開之後一直都好想試.星期五就獎勵下自己💙兩個人.一人叫一個晚市套餐.埋單$300套餐本身包埋沙律.餐湯.主食.飲品.甜品.都幾多野~個沙律又酸又咸.食左兩啖就擺低左.另外我估個湯係周打蜆湯.因為有d腥味.同埋係暖唔係熱燉和牛肉。扁意粉  個份量估唔到甘多.味道不過不失.似係超市買包醬都可以自己煮到.不過個牛肉都幾出色.食得出佢燉左一段時間先有甘淋既肉質全日赢。薄餅都係攞個意頭先試呢個薄餅.即叩即整等左15-20分鐘.面頭好多火箭菜.但係其實下面無咩料~睇落好似好夠味.但係食落去完全冇味.都真係有d失望叫左杯cappuccino配個甜品.其實個甜品就係拆開左既Nestle 甜筒So far唔係有d咩特別好食.幫襯一次就算.職員態度又唔係好.最好係門口個保安.不過可以一路食一路睇番精彩賽事都係一個賣點

賣相=美味-值得一試👍🏼👍🏼👍🏼地點超方便 馬會上2層/觀廣2樓入澳洲🦘和牛沙律牛很好食；紅菜頭粒新鮮；車厘菇好甜；有橙有柚子都好食😋，菜量少左DD 整個沙律 好可以！雞翼新鮮炸出，夠熱好脆蕃薯條其實都好食，但太脆，如外脆內軟，轉紫薯就好啦Crazy chocolate mocha我超鍾意❤️因佢用黑朱古力夠濃賣相好靚 杯用薄身杯 飲時嘴唇同的觸感為朱古力 質感加分 好味！會再翻單去再試其他！整體服務都好好；有暖水提供；座位舒服；有光線充足開揚位；觀塘有好聚點啦！

Sensory Zero同馬會合作，喺觀塘馬會入面開咗間分店叫Turfland。未夠十八歲嘅，可以喺觀塘站B出口旁邊嘅觀塘廣場入，餐廳就喺二樓。喺餐廳食飯賽馬日要預約，今晚冇馬跑，所以晚市行入去都幾多位。餐牌食物都係sensory ZERO嘅菜式，不過唔緊要，佢地嘅菜式都好好食。譬如我點返之前食過嘅和牛溫泉蛋飯，用上澳洲M5+和牛真係好正。飯上面嘅和牛調味好過藜麥沙律裏面嘅和牛。飲品方面我地點咗冇咖啡因嘅南非國寶茶。佢有好似伯爵茶嘅香味，加咗奶之後個Texture好完美。痴__線朱古力表面嘅朱古力泡好邪惡，裏面嘅朱古力可以再濃啲。牛奶南非國寶茶 $50痴__線朱古力 $50澳洲M5+和牛溫泉蛋飯 $168澳洲M5+和牛藜麥沙律 $168

新建餐廳，環境雅致舒適，衛生間企理，餐具香港製造，幾特別。叫了7成熟牛朳（係有無限薯條供應的晚餐），有驚喜，實在太好食啦，牛脂香，肉味濃，好多肉汁，根本連醬汁都可省略了，不要點任何汁料，直接食！信我！而配菜用照燒汁茄子，整體份量足，是日餐湯（要另加10元）係南瓜薑汁湯，飲完暖胃。加分point=因為我一人進膳，點完餐就直接先往洗手間，出到來就發現服務員將先來的餐湯用碟子蓋好，免塵埃飛入，夠衛生又細心，整體服務員及門口保安都主動有禮，難得難得。

我男朋友喺附近返工 佢成日經過見到好想食 因為佢係薯條控 見到任食薯條就心心眼 之後今日happy Friday 所以就放工過嚟食 我哋叫咗一個任食薯條餐 一個迷你漢堡餐 埋單都係三百幾蚊好抵食 下次有機會再嚟

前幾日（3/10/2022）路過觀塘廣場，見之前馬會投注站樓上的快餐店，轉了餐廳，細看下，是可邊食邊投注的餐廳。用餐當天時沒有馬及足球賽事，很安靜。四周環境佈置等別餐廳提無多國食品，真是有選擇困難。選了肉肉薯祭的燒焗澳洲盲曹魚柳配福岡煎茶八女茶薯條好香口，盲曹的魚皮煎得香脆，肉好滑，好味煎茶八女茶，侍應教，用漏斗計時去泡焗煎茶，飲第一杯，覺得太濃，要加水飲澳洲M5+和牛溫泉蛋飯配美式黑咖啡和牛飯都好好味，牛味濃咖啡都可以，隻杯好靚在近商場入口，還有好多精緻甜品。

觀塘馬會餐廳@sensoryzero 特製巴哈馬手工pizza 足料👍🏻批底煙韌有彈力厚切牛扒肉香濃加任食薯條🍟可一加再加🫢🫢🫢黐線特濃朱古力🥴佢個名真係咁㗎👈🏻推薦度（10👍🏻滿）：8.5👍🏻滴汗度（10😅滿）：不適用衞生（10⭐️滿）：8.5⭐️環境（10⭐️滿）：8.5⭐️賣相（10⭐️滿）：8.5⭐️味道（10⭐️滿）：8.5⭐️價錢（10⭐️滿）：8⭐️服務（10⭐️滿）：8.5⭐️地點（10⭐️滿）：8.5⭐️📍觀塘開源道68號觀塘廣場1樓116號舖馬會投注站#lunch #lunchideas #lunchtime #午餐 #午餐時間 #午餐吃什麼 #食飯 #推介 #美食 #美食推薦 #美食日記 ##外賣 #堂食 #takeaway #hkfoodpic #delicious #foodpics #foodies #topcitybiteshk #foodblog #hkblogger #foodhk#foodiegram #instagood #winsomelai

行觀塘見到馬會新裝飾到好靚，仲分咗幾層又有露營佈置好特別，見到二樓仲有餐廳，環境非常舒服闊落，即刻入去試下😂感覺好似好勁咁😜餐牌內容啲名好得意，睇得好開心🤣🤣見好多野都好吸引，但見隔離枱pizza同漢堡都好正，二選一我就揀pizza，Honey 就揀和牛飯，揀咗二杯特式咖啡［自家製薑汁牛奶咖啡］有薑茸茶匙自己加落咖啡到，薑味都適中好飲👍😋［我唔喺肉鬆其實係芝士咖啡］ 好吸睛又香，附送曲奇好味，初時諗住個名得意，以為會唔太好飲，點知好好飲喎😋😋pizza，係我鍾意嘅餅底，薄身又脆又煙un👍👍和牛飯，牛夠嫩滑，加埋溫泉蛋，正😋😋坐得舒服 侍應生有禮貌，食物有驚喜嘅，推介🥰🥰

觀塘馬會翻新完好似幾靚，聽講2樓開左間餐廳，趁Lunch time同同事過黎試下。裝修採用山系裝修，中間有一棵大樹，水吧以馬會巴士形象整成餐車咁，窗邊仲有露營場景，唔同角度都可以見到投注即時資訊。坐低睇一睇個menu，同其他sensory ZERO分店好似差唔多，菜式命名保持一貫趣怪作風，之前去過係黃竹坑店係自助形式，而呢間分店就有人service。痴_線朱古力之前飲過大愛，即刻推介比同事，濃厚既朱古力好有層次，朱古力醬、朱古力粉、朱古力碎、白朱古力碎同中間印有餐廳名既朱古力牌，濃郁得嚟完全唔會死甜，同事都一飲就愛上我唔係肉鬆係芝士咖啡Latte基本上都係奶味比較突出，上面既芝士好似木糠布甸既木糠碎，為Latte多加左份咸味，唔知係咪配合馬會主題，塊餅係馬仔圖案，幾都打卡able蒲燒三層鰻魚滑蛋好夠滑有蛋香，鰻魚夠厚有燒過，鰻魚汁都比得多，珍珠米粒粒都好豐滿有咬口可遇不可求粉紅咖喱.南乳豬扒飯雖然係粉紅色，味道都同普通日式咖喱無異，口味偏甜，豬扒有淡淡南乳味，同樣用左珍珠米人均$180Lunch黎講消費偏高，但可以邊食飯邊落注坐半日都幾開心。

💭呢日行過觀塘廣場見到幾層新裝修既鋪面，依家d馬會幾時裝修到咁Grand 架， 普通投注站竟然都有餐廳係入面既？原來係zensory Zero 既分店黎🌸痴__線朱古力 Crazy Chocolate (HKD 50) 🌟🌟🌟🌟🌟呢杯朱古力齋望到個樣都知道一定好飲，杯面鋪上左朱古力、朱古力絲仲有朱古力粉。以為杯野會好漏好甜啦，原來入面唔係d 朱古力杰撻撻熱朱古力原液風，而係甜度唔過份既朱古力飲品，所以飲曬一杯都唔覺得膩～推薦！🌸豬扒。大滿足早餐 Pork Chop All Day Breakfast (HKD 148) 🌟🌟🌟🌟配：法國無花果。有機伯爵茶果醬All Day Breakfast 通常唔會難食得去邊，呢度個多士係貓貓形狀既，好得意！果醬味道吸引，無花果粒粒切得好大力同埋同伯爵茶味好夾，可以一試！🌸脆炸蕃薯條 Sweet Potato Fries（HKD 48）🌟🌟🌟每次食cafe都會叫小小炸野滿足自己既junk food 胃！炸蕃薯條比起炸薯條感覺無咁guity， 但係熱辣辣炸起黎既炸物真係可以令我好滿足！🌸 燉和牛肉。扁意粉 Braised Wagyu Beef Ling

觀塘馬會近排裝修完，2樓開咗間新餐廳，原來係senory zero, 於是立即去試。一如以往佢嘅食物都有水準，我哋叫咗All day Breakfast 同埋豬扒沙律，加2杯crazy moca。因為呢間餐廳令到馬會質素當堂提升咗😝

其實我真係無乜入過馬會投注站，但呢個改變真係好特別，原來二樓係餐廳，但我估都要18歲至入得🤔？因為可以從樓下投注站直接行上來，又可以直接行落去1樓和地下投注站。食物價錢不算非常貴😏，當然屬於稍高價😑。正餐大約100元未計飲品，漢堡就要約120元，也有 All Day Breakfast，小吃等，有些餐點的中文名很有趣，自行發掘吧🤭。本來想點 pizza, 但可能新開，全部pizza 未有，就咁叫左意大利燴飯，加45元變套餐，包湯，沙律，飲品和甜筒，很化算，因為1杯意式咖啡已經要40元🤭。南瓜湯夠濃厚，合乎我喜歡外國湯的口味😋，如果有塊麵包或餅乾伴湯就一流🙄。飯呢，有8隻蝦，實在不少😁，味道也算不錯，但覺得飯有點掛不了汁🧐，食落就有點淡口。咖啡係 flat white, 睇到係心機之作，應該還有甜筒的，但忘了叫佢上，沒有吃😅。總之，投注站變身，環境不錯，又幾得意嘅🤪，但窗邊位係8人枱，話人少就有機會要搭枱了。

不會再光顧，服務人員無分配好工作，有空坐位不安排入坐。企15分鐘再追先比個一直無客位的位置你坐，為什麼要客白等15分鐘。坐下叫餐，識員叫你自己scan落，問佢樣樣食物都加話要等半個鍾以上。得一個鐘頭lunch咋,位要追，單自己落，咁不如去食大X活啦，零服務，吃完先比杯入水，搞咩，什麼燉牛肉意粉，得三粒骰仔大小牛肉，其實只係汁捞意粉，收人98蚊。無服務，重要加一，做生意都講下良心。未準備好就不要開張，顧客是最重要的，飲業，服務行先，零服務。鐘意比錢受氣可來一試。完