Turfland Operated by sensory ZERO

營業中

休息中

當日是Happy Friday 來到觀塘這間餐廳，餐廳環境挺寬敞的，不需等侯便可入座了。餐廳是位於馬會樓上一層的，不知道是不是因為與馬會位置相近，餐廳放了很多電視，而電視都正在直播不同的運動比賽項目，很適合喜歡看直播比賽的人來到邊看邊聚餐。當天3人點了：❣️痴_線朱古力朱古力熱飲賣相很吸引，果然與它的名一樣。杯面鋪了滿滿黑白朱古力碎，亦有斟滿瀉的效果；朱古力味道很濃郁，很滑，也不會太甜。本人認為這杯是必點飲品，喜歡朱古力更必需試試。❣️煙三文魚嫩菠菜、忌廉、扁意粉意粉不會煮至太過淋身，亦能掛忌廉汁，菠菜的分量不算多。整體味道不過不失。❣️Parma ham , arugula, pizza本人是不太好火箭菜的，但這款Pizza 中的火箭菜不會太苦，味道亦不算濃烈。Parma Ham 亦鋪滿了Pizza 上，分量則好味道亦挺好吃的。總括來說，這是一間坐得舒適的餐廳，朱古力熱飲是最令人深刻的。整體食物質素都可接受～

馬會都有得食飯！？😨 經過觀塘覺得幾得意，反正自己一個就入去食個lunch啦～.入到馬會要先行上一層樓梯再到餐廳～ 當日有假日精選，揀左 炸雞菠蘿漢堡配薯條 ($98)，大大塊炸雞，不過略嫌乾身同偏鹹～菠蘿烤過就幾甜，薯條都夠脆～.飲品方面，其實係俾呢杯超邪惡既飲品吸引而黎😈 痴_線朱古力咖啡 ($55) 佈滿朱古力碎，非常重朱古力味，所以比較下咖啡味都比較失色，但飲完依然感覺好幸福☺️ .馬會fans仲可以一邊食飯，一邊睇波或者跑馬😂 食完仲可以落返樓下買張六合彩添🤣

🇭🇰 #一粒波食好西如果係under 18既波們唔好意思，你地唔可以黎觀塘呢間分店了😂因為呢間好特別，係馬會範圍內既所以要滿18先可以入去🥸🥸(好似波波咁)童顏得濟就會比人check身份證☺️😌-🥐南乳炸豬扒牛角包 (下午茶餐) $78炸豬扒很乾🥲其他配件正常，不太出色⭐️-🐮澳洲M5+和牛溫泉蛋飯 $168牛肉很軟嫩，牛肉少飯多，少飯比例會更好⭐️⭐️⭐️⭐️-🍫痴_線朱古力 (下午茶加購價)+$25表面超多朱古力碎，打卡一流，但味道沒有想像中濃⭐️⭐️⭐️-💬只能說是一般質素🫢不知道是否只是這間分店問題🤔順帶一提，如果沒有馬會户口的波們，可能吃飯途中會被圍攻…開户口😂會有coupon送～但職員們可留意，麻煩選擇上菜前/吃完才過來好嗎🥹-🚶🏻‍♂️sensory ZERO - Turfland觀塘開源道68號觀塘廣場1樓116號舖馬會投注站12:00 - 21:30 -#一粒波ARollingBall #一粒波碌去觀塘 #hongkongfood #hongkong #觀塘cafe

每次去開觀塘都會經過觀廣馬會。每次都比樓上的招牌吸引。今日剛好到觀廣買電子產品，於是去望一望，原來是一間餐廳。但由於在馬會範圍內，未夠秤的人係不能進入。於是我搵日約左朋友黎食野，順便買下六合彩。由2月1日至2月28日JFOOD0聯同 40幾間餐廳 舉辦日本米饗宴活動以日本米製作多種佳餚，sensory ZERO 是其中之一。餐廳的座位闊落舒服。野食的選擇都非常邪惡。最後和朋友叫了以下食物1.蒲燒三層鰻魚滑蛋飯（$138）選用日本岩手縣優質軟糯的日本米。配上嫩滑的日本炒蛋。同惹味的三層厚切鰻魚。肥美滿足！2.豬扒大滿足早餐（ $158 ）豐富可愛的喵喵多士。配上自家製果醬的AlldayBreakfast。豐富的餡料，包括燒菠蘿｜煙肉｜薯餅｜乾果麥片乾骼｜雙份日本炒蛋｜茄汁焗豆，豐富滿足！3.Crazy chocolate($50) 必試痴_線朱古力，勁勁勁勁邪惡！！4.Crazy Mocha ($55)勁朱古力的咖啡，打卡增肥之選！！

馬會重新裝修完, 新開既露營風咖啡店，同Sensory Zero合作開既餐廳可遇不可求紅咖喱南乳豬扒飯$138紅咖喱唔辣，岩晒d 唔食辣既朋友，飯係日本米。環境幾靚，但價錢偏貴

Turfland地址: 觀塘開源道68號觀塘廣場1樓116號舖馬會投注站#yauyau_觀塘呢間餐廳喺觀塘廣場馬會入邊嘅，要年滿十八歲先可以入去食。未夠歲數嘅話就要話下次先啦。🍗🍗南乳炸豬扒 兩件$58估唔到呢個中式調味料，可以出乎意料之外咁好食，南乳味超香，可以令個炸豬扒食落去冇咁覺得油。直頭一啖接着一啖咁食。🍔🍔吉列魚柳漢堡 $98個漢堡包整得好有心機，包皮有烘到脆卜卜，魚柳炸得好好，唔會過熟，魚味濃郁，而且上面他他醬都好均勻，酸酸微微好開胃口。另外薯條都好香脆。🍝🍖燉和牛肉扁意粉 $92牛肉燉得好淋好入味，我覺得佢應該係用咗封門柳嚟整，好重牛肉味，而且個意粉汁都整得唔錯，又用返啲意粉水嚟收汁，啲扁意粉質素都唔錯，可以掛到唔少牛肉汁。如果再嚟多次間餐廳可以食多次。味道: 4/5服務: 4/5環境: 4/5番兜: 3.8/5

觀塘賽馬會裝修完開左間由Sensory Zero經營嘅餐廳之前已經一直好想試佢杯朱古力今次終於有機會一試啦餐廳🍴裝修好特別係以露營🏕️為主題環境好靚之餘食物飲品都好靚但要注意一點係餐廳只限年滿18歲人仕進入Pama Ham Pizza算幾抵食（$78)大大份一個人食唔晒Ham嘅份量都算好多入口唔會太鹹鹹鹹香香又夠薄脆幾好食🧀不過其他主食就比較貴至於朋友就食咗一份炸雞菠蘿🍍漢堡（ $98 ）好大份而且賣相唔錯薯條份量好多不過味道就中規中矩唔算突出杯痴_線朱古力🍫真係好正（$50)沖得好靚連隻匙羹都好特別打卡真係一流不過雖然好似用咗好多朱古力但味道就唔算特別濃郁朱古力味唔夠香整體而言餐廳裝修唔錯食物賣相都好好不過價錢稍貴而且味道比較平凡

位於觀塘鬧市的呢間西式餐廳成日都經過，新年好多餐廳都未開，於是試下呢間餐廳。餐廳內空間好大，座位唔多，食客坐得好闊落。 等左大約十分鐘就有位。掃code落單，叫左一個all day breakfast, 飼主叫左一個叫漢堡包餐，另外加左一杯野飲。唔係講笑，上餐後見到個份量真係影到爆晒mon咁，大大份，價錢偏貴，但覺得對得住個價錢。All day breakfast （南乳豬扒）好多野食，個茄汁豆唔係少少一更🥄咁冇誠意，波羅係一條咁上，男仔食都絕對夠食。最等意係佢有一塊喵喵造型既多士，配上佢自家制既果jam(個人認為偏水左d,不過個果肉就都多，滿意），yoghurt 好酸好raw，可惜成個餐都有d凍，如果唔係一定滿分💯。漢堡包餐都好食，薯條熱上的，好味。環境方面，可能係同馬會有關係，餐廳內放左幾個monitor 都係講賠率，又有馬會巴士（glamping主題）仲有許願樹又馬會主題咁幾得意。侍應服務都好好。總括黎講得明會encore。

知道而家馬會好多間都裝修到好豪華咁，之前見過北角嗰間，今次嚟到觀塘。因為農曆新年關係附近好多食肆都未開，所以造就左我哋今次嚟試吓。其實我本人覺得呢個位置如果佢聯✖️嘅係一間茶餐廳可能會比較貼切一啲，因為隔離就係觀塘廣場，比較貼地同平民一啲 ！又會唔會係因為佢諗住啲人贏咗馬仔就可以上嚟食得好啲食豪啲？新春期間每人最低消費$120，都係嗰句「有啲唔係幾貼地」如果淨係飲嘢嘅話真係唔會夠$120 見隔籬枱就係因為呢個原因，食唔到咁多嘢，所以決定離開！我同朋友兩個人分別叫咗一個南瓜大蝦意大利飯、一個南乳豬扒藜麥沙律、first Kiss同埋piccolo! 南瓜大蝦意大利飯味道不錯，不過成百幾蚊，至於個沙律又係要成百幾蚊，真係有點貴！講真又唔係超特別好食嘅～piccolo 都係一貫做法冇乜特別，反而佢嗰杯first kiss , 有啲似係焦糖鮮奶咖啡。一個lunch就食咗Over $400 ，真心有啲奢侈呢個環境呢個價錢，有啲格格不入

一直都好想試呢間cafe, 上星期終於約到同事一齊去試下雖然係馬會入面，但一d都唔嘈，要用手機落單，比較少人手服務呢杯叫做邪惡BB 痴_線朱古力，唔好睇佢個樣以為好漏，其實一d都唔漏，飲完仲想飲多野，不過價錢較貴，冇得跟衰叫，一杯要$45另外叫左兩個主食，味道都唔錯，會想再黎多次

同老豆行街買嘢，係官塘廣場行吓行吓見到賽馬會竟然有餐廳🍴！我哋見都兩點幾 食返個下午茶 叉叉電先啦。我哋叫了三個套歺，三杯咖啡有驚喜，拉花靚又夠油脂又香👍🏾👍🏾👍🏾😋😋值得再去試吓其他款式柚子雞 正 肉質嫩滑🥰🍴甜品美味 下午茶價錢唔貴 值得再去 我三個tea set 加埋加一也不過$242！👍🏾👍🏾抵呢

觀塘廣場投注站樓上嘅cafe開左好一段日子，一直想試，終於比我搵到機會由地下入口行上兩層樓梯就到，舖頭兩面牆都係大玻璃，光線充足座位亦十分舒服，非常推薦同朋友嚟依到chill下傾下計除左裝修非常打卡able之外，食物嘅賣相都非常吸引，食物一上枱，無論幾肚餓都一定要相機食先！痴_線朱古力 $55賣相非常痴_線，打卡一流！飲落好香滑，朱古力味好濃喵喵法式西多士 配乳酪及楓糖糖漿 $68喵喵型嘅法式西多士真係非常可愛唔會太濕，恰到好處，而且下面塊菠蘿燒到好香，好味

平時去觀塘除左行APM，都會去下觀塘廣場🤪 見馬會裝修完，仲有間餐廳🤩 所以就好奇試下🧐 環境幾靚同舒服，仲有打卡位📸 （不過係食飯時間就難啲去打卡🤏）整體環境同食物質素都幾好👍所以我哋都分左幾次去🤣🤣==============================🍽全日贏▪大滿足早餐 💲228食物種類都幾豐富，包括: 澳洲A5+和牛🥩、燒菠蘿🍍、薯餅🍟、煙肉🥓、炒蛋🍳、茄汁豆、沙律菜🥗、多士🍞、乳酪🍧 🍞多士係🐱造型幾特別😍 仲可以有四款果醬🍯選擇，我哋叫左「法國無花果 · 有機伯爵茶果醬」食落既多士🍞唔太特別🧐而果醬偏甜🤏，但好香伯爵茶味👍 和牛🥩食落都幾腍同鮮嫩👍 燒菠蘿唔太甜🤏 而乳酪配有乾果脆片🥄食落味道偏淡🤏 其他款既食物都係正常水準👌 🍝燉和牛肉▪扁意粉 💲92依款意粉食落好驚喜😍👍 牛肉係燉得好腍👍👍而且份量都幾多😍🤩個汁都偏向濃郁😋配埋意粉係好好食👍而且仲有蕃茄仔🍅洋蔥做配搭係令到成碟增加色彩同口味🤩 🍕無肉素薄餅 (8'') 💲78 Pizza 似係薄pie 🤏  咬落既口感正常👌 但味道方面都幾濃👍用上mozzarella cheese  🧀 而且芝士🧀同菇🍄既份量都

行過覲塘廣場，見到馬會竟然開左間cafe,睇到個餐牌和環境都幾吸引，就入去試下,我哋2人order左3樣野1. 慢煮雞胸肉藜麥沙律2. 女友話唔肚餓但想食少少野無錯，呢個係小食個名🤣，個名好攪笑，因為朋友點的，初時冇留意，見到張單時以為打錯，睇返menu原來係真。裡面係有炸雞扒，雞粒2件，雞翼2隻，炸蕃薯條，仲有兩件炸左嘅午餐肉，午餐肉食得多，但炸都係第一次食，呢個拼盤好豐富，好好味。3. 日本豬軟骨溫泉蛋飯，豬軟骨夠林身，加埋啲汁好入味。餐廳環境舒適闊落，食物質素高，有驚奇嘅cafe👍

估唔到觀塘廣場呢個舊商場，有一間特別餐廳，開頭唔知係乜名餐廳，上到去先知係賽馬會嘅餐廳。是日叫咗一個沙律，一個飯，一個薄餅，價錢算偏貴，當時只諗住搵間有位坐又唔係太多人既餐廳，所以就入咗去。環境方面，坐椅夠闊，夠光猛，但經常有賽馬會嘅資訊廣播比較煩。至於食物方面，無論豬扒飯及雞沙律，份量都比較大，粉紅咖哩汁豬扒飯值得推介，粉紅咖哩味道特別，而豬扒炸得不太乾身，雞肉沙律味道啱曬時下怕肥女士，巴馬火腿薄餅味道都可以一試。