Turfland Operated by sensory ZERO

營業中

休息中

上菜極慢，叫左個burger 要等45分鐘，但又唔係繁忙時間！拿左個burger 出黎，點知成個包係凍架，入面塊牛肉漢堡又乾又硬！面包皮仲有臭味！本身中意食牛油果，但牛油果竟然係面包入面係凍架！又凍又硬完全唔知點食。個面包仲要冇醬，好差！最後係收左我$158＋10％＝170蚊！！！！仲要冇野飲！！！！！！水要叫兩次先有人加！！！！成200蚊食左人生最差既burger!!!! 送我我唔會再去！之後行過apm ，心諗點解唔去食five guys

馬會內的一間餐廳， 地方大，又坐得舒服，咁岩我用餐時人不多，只有幾枱客，舒服方便客人觀賞球賽，又可即時落注我點左個南乳豬扒全日早餐，個果醬好好食，沙律新鮮，豬扒好香脆下次黎會試下咖啡唯一一個小問題係個落單系統，送出的單消失了，要搵店員再落單

今晚同朋友去咗sensory zero食dinner不過今次就冇飲佢嘅crazy chocolate見dinner set其實唔係平好多只係如果加order其他例如飲品或甜品先會平少少所以我地今次決定order一個pizza同燒雞上到黎份量都幾大碟兩個人食其實都幾飽pizza好香脆而且都夠熱燒雞就相對有少少比下去煮得有點過熟而且好難切但雞皮燒返好香脆唔知係咪煮熟咗雞先燒而唔係原隻燒而且食物都唔太夠熱有一大半蕃薯條放咗喺雞嘅下面變相淋咗有點失望甜品我地order咗個紫薯蛋卷又可惜嘅係連少少紫薯嘅味道都冇……

喵西多🐱🐱配乳酪餐🥛🥟貓咪造型🐱的西多十分可愛❤️製作得精美又用心👍一齊送上嘅仲有一片大菠蘿、一樽仔乳酪連殼物、少量雜莓同埋糖漿，整體感觀還好啦🥴食入口，喵西多蛋香唔錯，入口又軟又嫩，棉棉地幾水潤，落埋甜甜地的糖漿一齊食，都幾惹味😋乳酪味道就好淡🥲唔加其他配料就淡過白粥☹️一定要留返d 糖漿生果黎送🙈依間餐廳係同馬會合作營辦既，上層係餐廳，下層就馬會黎，超級特別😯餐廳週邊都有唔少以馬會作為主題的飾品公仔🐴，打卡一流唔可以錯過❤️餐廳其他位置則採用不少自然主題裝飾，有綠油油的大樹和整片宜人的草地，氣氛令人放鬆又舒適，十分適合聚會聊天。

第二次黎觀塘馬會入面嘅Turfland 食，貪佢環境夠寬敞，坐得舒服😌 大概七點幾由馬會入上樓梯上到去，由一位女職員帶路經過餐廳去到另一邊樓梯，跟住佢乜都無講就擰轉身想走，我問佢係要拎飛定點，佢好惡咁鬧我話：係依度排隊（指住拉起咗排隊繩後嘅位置），係依度呀！！！由頭到尾都無俾過指示我哋，無啦啦俾人鬧都唔知發生咩事😧可能當晚係星期五，等咗九個字先有嘢食，仲要漏咗杯飲品，叫咗煎三文魚，但唔知點解可以咁細舊，係平常嘅一半份量，煎到過哂火，又乾又鹹，同上一次黎水準差好遠😵‍💫

一個人放 lunch 想搵個靜少少嘅地方，喺公司行行下就去到觀廣。諗住行下樓上啲 game 舖，去到二樓見到呢間見到唔係好多人，於是就入咗去食。Lunch 嚟講唔算平，樣樣嘢都要加錢，加加下就過 $150。但係算係好食嘅，炸嘢夠脆，啲飯幾好食。碗湯就還好，唔加都 OK。如果會有啲唔使加咁多錢嘅嘢飲會抵食好多。可能因為唔平，所以唔多人，可以靜靜地食個飯，又唔使同人逼，又唔會人提你交枱，三兩個人嚟食傾下計應該都 OK～

尋晚同朋友係觀塘玩完VR就打算附近搵食朋友話見到馬會個到有餐廳想試下一行4人就出發過去我地企左係門口好耐都冇人理..咁自己望下Menus啦其中一位朋友覺暈我地就叫佢坐低先正當我地打算拎個Menus埋位研究下有位職員唔知邊到衝出黎問我地幾位我地話4位，朋友已經坐低左就諗住拎埋Menus行入去點知職員即時黑面話你放低個Menus等我安排座位比你好冇（即時呆左呆）我地點左三文魚扒，黑毛豬鞍，慢煮雞胸雜菌日本米意大利飯，和牛牛油果漢堡野飲就點左寶寶泡沫牛奶同痴_線朱古力個痴_線朱古力香滑濃！真心好飲日本飯可以煮到意大制飯嘅口感有驚喜三文魚扒煮得好滑和牛漢堡同豬鞍就中規中矩

成日經過見到呢間同馬會連住既西餐廳睇裝潢都幾靚 樓下一層仲有個空間比人休息今次叫左個all day breakfast試下🥓🍳🍞食物上台賣相品錯 好多食材好豐富 份量幾多而且全部食物都仲熱辣辣 好好👍🏻另配有素食材料乳酪同醬汁點黎食薯餅新鮮炸起 咬落仲係熱面層脆香😍炒蛋好滑溜 唔會炒得老 睇到隻色好靚 岩岩好菠蘿都好好味 咬落有汁嫁🍍超水準 要讚👍🏻最好味係條芝士腸仔 個樣已經煎得好靚外皮好脆 但入面d肉好林而且好香✨同出面平時買既腸仔唔同 下次會再食呢間🤍呢到食野價錢都唔貴 以食物水準幾高所以性價比算高不過夜晚比較早閂門 之前8點半上去食已經話last order左了要食就要早d黎啦🤩

位於觀塘地鐵站b 出口的一間cafe 地點非常就腳 一出地鐵站 5分鐘就到Lunch menu 都算多選擇 價錢中上飲品需要另右$25 變成set食物質素都ok Order左lunch set pizza 鰻魚滑蛋飯Pizza 比想像中大個好多一定要share 食鰻魚飯份量都ok 2個女生share 食 都岩岩好整體環境都舒服

食完Lunch要等人，見呢度冇乜人，所以想入嚟飲杯咖啡hea一hea先。QR Code落單後幾分鐘，先有店員過嚟通知需要$90最低消費，結果我外賣takeaway杯咖啡，仲要俾10% service charge。如果有minimum charge，點解唔寫清寫楚，或者落單前通知一聲？

喵西多配乳酪餐賣相：🐧🐧🐧味道：🐧🐧🐧🐧貓咪造型西多十分特別用心，配搭一片大菠蘿和少量雜莓伴碟，整體賣相一般。乳酪另外小瓶分開送上，表面有少量殼物片。味道方面，喵西多蛋香十足，入口軟嫩綿潤，配搭糖漿食用，甘甜味美。乳酪口味較清淡，配搭糖漿或水果調味效果較佳。流心鬆餅蛋糕（朱古力）賣相：🐧🐧🐧🐧味道：🐧🐧🐧🐧🐧鬆餅蛋糕比一般鬆餅尺吋大，表面可見滿滿的流心朱古力漿，非常誘人。味道方面，鬆餅呈上前經預先烘熱，入口微溫，朱古力香味四溢，口感外脆內軟，甜度適中，流心溫熱的香濃朱古力漿令鬆餅更為出色，推薦之選。我唔係肉鬆其實係芝士咖啡（跟餐+$25)賣相：🐧🐧🐧🐧味道：🐧🐧咖啡設計獨特，底部咖啡層與上層芝士奶蓋層次分明，頂端潵上大量的肉鬆碎，附上小馬造型餅乾伴碟，新鮮感十足。味道方面，芝士、肉鬆的鹹香與咖啡的甘苦味混合，個人認為效果欠佳，不太合拍，令飲品整體感覺有點怪，不太推薦。法國朱古力牛奶（跟餐+$25)賣相：🐧🐧味道：🐧🐧🐧朱古力牛奶以普通透明玻璃杯呈上，無特別裝飾設計，感覺一般。味道方面，飲品中的朱古力味不算特別濃厚，奶香還好，入口順滑，整體不過不失。輪候入座時間：🐧🐧🐧🐧🐧在平日下午2點

冇諗過馬會會開咗一間咁高質既餐廳, 雖然呢到既主題係可以俾人一路睇波睇馬即場落注, 感覺好似鼓吹賭風咁, 正常啲阿叔阿伯都寧願去茶記今日特登走過嚟試食, 呢到好似有得訂位既, 但如果有賽事就冇得訂要WALKIN, LUNCH都多人嚟食, 大多係上班族, 加上呢到又係手機落單香煎帶子蘆薈筍配羅勒醬忌廉汁日本米意大利飯 - 賣相好吸引, 味道亦不錯, 帶子好新鮮蟹肉青蘋果雜菜沙律配花生芝士醬加炸豬扒 - 豬扒都幾好食, 沙律菜都好新鮮鮮奶咖啡 - 味道都唔差, 但唔夠熱凍朱古力咖啡 - 有點兒失色巴馬火腿火箭菜薄餅 - 巴馬火腿份量都唔少, 薄餅餅底都好好食, 厚薄適中肉腸配蕃茄汁扁意粉 - 有啲辣, 但賣相就一般四式芝士薄餅 - 呢款薄餅都係一般, 雖然好濃芝士, 但感覺好似缺少咗啲野煙三文魚沙律 - 呢款沙律菜有啲苦甘味, 我鍾意食凱撒沙律多啲紐西蘭肉眼牛扒 - 手機落單最衰係冇得叫幾成熟, 一切開, 嘩.....3-4成, 真係咬都咬唔開總結: 呢到質素唔差, 午餐價錢都算合理, 雖然係有啲中高價, 但咁既價錢咁既食物, 都叫做合理

路過一心投注六合彩，順道到樓上餐廳享用晚餐，感覺有一個特別的驚喜，簡約的裝修，烹調食物的位置，用運送馬匹的馬車做廚房，侍應服務周到，座位寬闊，食物選擇多元化，尤其是雙層和牛煙肉蛋漢堡，份量十足，飲品花心思冲調，價錢合理。

呢間Sensory zero已食過好幾次，每次試食唔同既野都覺得有驚喜。今日食左 - 無肉。大滿足早餐。個餐一上枱，顏色超吸引，雖然無肉，但內容好豐富，食完好飽。早餐內容有：1. 喵喵多士：》件多士喵喵形，超級可愛。塊多士全塊烤得非常香脆，單獨塗上牛油食，超正。2. 芝士焗椰菜花：》椰菜花焗到十分軟林，好易切開。芝士鋪面焗到少少焦香，好味。3. 燒菠蘿：》烤過既菠蘿帶點點焦香味，香甜，多汁，無渣，好味。4. 乾果麥片乳酪：》乳酪細細杯，酸酸的，完全唔甜，似係希臘乳酪，甜味只靠提子乾，食完開胃都ok既。5. 薯餅：》舊薯餅細細件，我放到最後食，仲以為放涼左變林，點知意外地係超級香脆，而且完全唔油膩，炸得好！6. 雙份日本炒蛋：》佢既炒蛋係炒滑蛋，炒得滑溜濕潤，隻蛋應該無乜調味，連鹽味都唔係好食得出，但蛋味既香濃已經夠殺，好味。7. 茄汁焗豆：》呢個無乜特別，係罐頭茄汁豆味，只不過有整熱少少🤏無乜特別好講。8. 眼睛亮晶晶茶》呢個茶係加25蚊另叫，見個名咁得意就試下，點知一試就伏左，成陣藥水味，下次咪攪。差d唔記得, 個All day breakfast 有配一小碗沙律，沙律菜份量少少，但

見到呢間餐廳咁特別，環境幾好一於上去試吓。可以一邊食嘢一邊投注。豬扒大滿足早餐 $158喵喵多士、南乳豬扒、燒菠蘿、煙肉、沙律、乾果麥片乳酪、薯餅、雙份日本炒蛋及茄汁焗豆 。食材嚴選來自法國士多啤梨、無花果、嘢妹再配合不同系列拼配紅茶。採用低糖及天然無添加防腐劑配方、營養價值豐富。喵喵多士是採用日本神戶天王星 昭和 高筋麵粉。麵粉是由日本一級小麥磨成，窒息是不需添加任何化學添加劑，也可以做出細緻柔滑的產品。- 蒲燒三層鰻魚滑蛋飯$138店只採用日本米及日本雞蛋🥚。好大塊亦都冇骨。燒得好靚，食完超滿足。熱痴_線朱古力咖啡 $55朱古力和咖啡味都好濃🥰熱痴_線朱古力$50滿到瀉的朱古力，好濃烈，好好飲。