Tivoli 意大利餐廳

營業中

休息中

Went there because of the Italian and hopefully it was authentic. the smell of the pizza was lures people in to have a bite.we ordered a four seasons pizza, a bruschetta, a tivoli fettucine. Apart from the base of the pizza being thin, the rest were really ordinary. the pasta was merely a few ham with some vegies and olive. the presentation wasn't inviting at all as well as being slightly salty. the four seasons pizza - tasteless. Bruschetta- nothing but just two pieces of 4 foot bread with some

說了好多次也說來這裡吃意大利菜, 直到今天才有機會品嚐一下, . 去到門口, 看見個亞姐正在撩牙, 還以為去錯了地方又或者已經關門. 我們點了一個辣腸pizza , 一個蜆肉墨魚汁意粉, 一個海鮮湯再加一個酥皮海鮮湯, 兩個湯的味道也好好又足料, pizza 好香口, 意粉就非常不掂, 個汁做得不好, 味道又不夠, 好像和蜆肉撈在一起就算, 比茶記更差. 服務除了年紀比較大那些waiters 之外, 其他也是馬馬虎虎, 特別是在收碟的時候, 好有茶記feel, 全部碟放在一起拿走, 如果真的是意大利餐廳, 應該不會這樣吧!

同朋友一行2人,食左1個頭盆,1個意粉,2個甜品...炒白菌- 味道一般,有雜菜絲係底都幾特別,如果加埋牛油同蒜蓉就更開心(純粹個人喜好)...蜆肉墨魚汁麵- 麵好有咬口,都幾香,唔油... 味道ok,不過唔算得上好好食...呢間餐廳既甜品比以上兩款菜式更為吸引!橙酒煮班戟- 味道ok,粉唔厚夠滑,橙酒汁令班戟充滿香味,不過賣相麻麻,冇一般班戟有既紋(平時食既班戟印象中有架嘛),同埋冇裝飾,我地諗住有新鮮橙片加薄荷葉伴碟架! Cassata - 成餐飯最滿意呢個甜品,真係好好食,滑滑既雪糕加少量乾果,正呀! (呢個甜品我畀5分)如果下次再黎呢度食,都係因為掛住呢個甜品! 至於服務方面,都ok呀,冇咩唔妥當...相片影得麻麻,因為未習慣用部新相機^^""

一心去食正宗意大利,因為有個朋友話OK, 裝修的確幾特別, 重有Candle, 坐底一睇Menu, OK喎! 幾多選擇, 最後order左, onion soup, 牛尾湯, Garlic bread with tomato, 辣汁意粉, 芝士火腿雞扒....當叫個onion soup, 問左個waiter兩次, 係唔係有cheese 係面,然後焗,確定後我先order..因為我非常鐘意onion soup....結果失望, 兩個朋友都係外國回流, 一睇就知原來尼間係茶餐廳......湯上面真的有芝士,但係唔係Mozzarella, 而係普通樽裝芝士粉. 如果鐘意onion soup的人就明白我失望的原因, onion soup最基本的材料都搞錯.湯本身味道麻麻, 唔係好夠味.我朋友飲左個牛尾湯, 佢冇講好唔好飲....到個garlic bread, 我女朋友是對食唔講夠的人(但很懂得西餐), 一見到就話快D食, 食完去飲Wishky...一堆罐頭蕃茄放係一個很大的餐包上, Frech Bread很貴嗎? Herbs很貴嗎? Basil街市都有啦!!!個Pasta, 水同意粉同汁係分開

尋日同個朋友補祝生日,決定book呢度.兩個人都未食過呢間意大利餐廳.早一日book,順利book倒7pm門面就普通一間餐館,入到去原來幾ok喎!幾有外國風情,暗暗底下有燭光.好warm.可以清楚見倒對方個樣,亦可以清楚聽倒對方講乜.我冇特別要求台既位置,去到佢留左張最埋同貼牆既四人台比我地兩個.感覺唔錯自成一各.食物方面,叫左:一個晚餐:1.包括一個餐白湯(唔係忌廉湯但冇寫名,ok,可以再濃d)2.主要係蕃茄同蝦既意粉(ok,蕃茄新鮮)另外再散叫左:3.蜆肉湯(幾好.料好多,味道幾好.飲左佢都飽左三成.不過如果個湯好飲,其實我prefer多湯少渣)4.四季pizza(麻麻la,面層既料用唔平均既方式分佈,即係有兩塊係有火腿,漸進地下兩塊有磨菇,然後又有洋蔥.四個漸進式既用料,就係四季pizza.但個感覺係料同餅底分開左,而餅底都幾硬)大致上既感覺都幾好.對我黎講,兩個人食飯環境都幾重要因為一路食會一路傾計.環境好都開心d.而食物就冇覺得好好味想食多次~anyway我都覺得係聚舊推介.最後服務都幾好.主動加水.食得輕鬆.埋單$306

今日男友生日, 見呢間意大利餐廳既評語幾好, 就book左位同佢去試下, 但係無我想像中咁好:- 因為唔係好識去, 所以去之前打定電話去問點行, 點知聽電話個男人d態度好差, 未講完就cut左你線, service唔多店.- 叫左個焗田螺, 麻麻地好食, d田螺有d"鞋"- 另外叫左個蜜瓜巴馬火腿, 呢個OK.-仲有叫左個魔鬼雞扒, 都係麻麻地, 雞都係有D"鞋"(P.S. MENU裡面大部份都係牛扒)-仲有叫左個公司PIZZA, 呢個OK, 不過餅底太脆. 鍾意TOMATO既朋友可以試試, 因為蕃茄味都幾重. (材料大部份都係SEAFOOD)最後叫左個DESSERT, 一件TIRAMISU 同一件TARTUFO, 我覺得件TIRAMISU一般啦, 無想像中咁好食, 個TARTUFO (CHO. CAKE) 好食D, 個WAITER都介紹我地食, TARTUFO比較多人ORDER.總括來講, D服務麻麻, 食物都可是接受, 有興趣可以去試下~~~~~~~~

好彩有BOOK 位, 8:00PM 入到去嚇親我,(星期一平日) 得返2個位???(仲要係我BOOK 果2個位), 激氣! 下次想食要早D 去!頭盤煙三文魚$75 得3大片, 比先前失色四季PIZZA 又失色了, 偏乾!叫了果牛扒, 有2款果名唔記得了, 只知一個係蒜容只一個係鵝肝醬, 2個同價! 梗係叫鵝肝醬啦還叫了果餐牌冇的波菜石斑(上次黎先知可以幫我地整) 果經理話可能要等耐少少,結果好快十分鐘上到枱了! ..超正! 4樣野埋單$510,抵, 不過今次坐得好唔舒服, 仲有待應叫極都冇人認!

難得嘅浪漫平安夜,想與女朋友共享晚餐, 朋友介紹此餐廳時, 都抱有懷疑態度, 於是在平安夜訂枱一試. 全餐廳都是雙雙對對的情侶, 在燭光下, 溶溶細語, 非常浪漫, 女朋友不知幾開心又甜, (誰說多香港人嘅地方一定嘈吵). 食主菜時, 燒火雞胸配約克火腿, 不錯的配搭, 同時亦點了一瓶生果酒$110, 不錯. 值得一讚是此處員工絕不Hard Sell酒水，免得有些不想多花費的客人尷尬，（之前去過一些餐廳hard sell 酒水飲品，非常煩又尷尬．）

昨晚平安夜，一直希望找一間特色一點的西餐廳和女伴食飯。所以上個星期就來了這找尋幫助。看見這家餐廳的評分也算不錯，於是上星期便make咗reservation。昨晚滿心的期待，卻帶來無比的失望。一, 餐廳是很有情調，但是全餐廳的食客都一言不發，感覺非常奇怪，好像是去了喪禮一樣...非常"特別"的一群食客。二, 只有聖誕套餐一個選擇...本還想試試門外餐牌的其他東西，可能大廚放聖誕假，唔識煮。三, 沒有wine menu? 全程飲水...很簡單，正常外國西餐廳都會先問客人需要的飲料。這裡沒有，直接上菜，有被趕的感覺。四, 火雞太乾了...明明上星期說會用黑肉(大腿肉)，怎料是白肉(雞胸)。好"鞋"。整體來說，笨。不過，忘記了一個大原則: 怎樣的價錢就會得到怎樣的水準。所以當時也沒有抱怨太多。不過，可能是聖誕的特別套餐。相信可能平日不是這樣的，我會自己再去一次，再給予一次的機會。

今晚與友人在此享用晚餐，我特別用了"享用"這二字，是因為我真的很享受今晚豐富的晚餐。1. 殷勤服務當我與友人品嚐燒羊骨時，有個外貌似聖誕老人的經理(因他有一個很大的紅鼻子)走過來跟我們說："小姐，其實這款羊骨的法國切法(雖然有個奇怪位- 這是意大利餐廳a~)，是讓食客用手直接拿來食，這樣才能保存肉汁鮮味，用刀叉切的話，會令肉汁流走，你看看碟上的汁"。往他手指指著的方向，碟水的確有很多血水流走，用刀叉切的話令羊骨內蘊藏的肉汁流走，入口便會很"鞋"。最後我與友人亦不顧儀態，用手拿起羊骨一件件的啃，delicious！！！2. 情調環境餐廳內燈光特別調較得很暗，每張枱上面均有一支紅洋燭，訂枱時特別要求選一個較靜的角落，他們均能做到這點。環境不太嘈雜，很具氣氛~~3. 美味食物今次點了兩款湯：菠菜生蠔湯+ 酥皮湯還有燒羊骨及煙肉蜜瓜最後還點了兩款雪糕甜品由於兩人都感冒，最終點了一支sparkling juice若非生病，我想我胃口可以更大，吃多一點~enjoyable！！埋單找數時630元，略嫌偏貴。不過，有咁好的享受，自然有更高的價錢。我覺得佢值呢個價。總括黎講，tivoli的確是一所不俗的

07年12月4日我男朋友帶左我黎呢到慶祝生日。事前曾經同佢\明示過希望到較有情調,最好有蠟燭既地方慶祝。結果,佢\搵左呢到。一入門口，有點不負所望的感覺。餐\廳氣氛OK,尤其近聖誕節有棵大聖誕樹。燈光暗淡,台上有支長蠟燭。食物方面有Pizza,意粉,沙律,牛扒等,價錢亦合理。我地叫左四季Pizza及意大利雲吞,味道不錯。侍應更細心地待你吃完一道菜再上另一道。唯一美中不足,就是餐\廳略為太多人,有點迫既感覺,侍應亦唔能夠100%招呼到你。餐\後,我地更去第2道再切蛋糕。我非常滿足亦感謝男友既用心安排。

星期六午餐牛柳餐$48 加一服務費餐湯麵包一般貨色牛柳叫七成, 依然幾淋, 但味道一般, 和豉油西餐廳的質素差不多.凍咖啡味道似涼茶總體而言, 服務可以, 食物質素合格但無過人之處

七月天，正自想著應該去邊到食飯﹗行下行下來到呢間野門口﹗知道呢道多年老自號，見門口餐牌唔係貴就入去試下﹗入到去坐低，如果你有去過，你會FEEL到其實都幾迫的﹗因為台與台之間既空間真係好少，不過好在我地兩個坐0係死角位，自成一角﹗點了辣意粉，公司PIZZA及紅酒1/4 L紅酒意大利貨，入口淡身果味重，1/4L岩岩好一人一杯，80蚊，如單叫一杯就45蚊呢﹗辣意粉真係幾辣，茄味好濃好香，份量不多不過兩個人SHARE岩岩好﹗公司PIZZA有海鮮及蘑菇等，好足料，食落應是新鮮海鮮因仲幾爽口，餅邊好脆微焦，餅身沒有PIZZA HUT的誇張芝士，反而帶著點點橄欖油香，應該這叫正宗吧﹗好多人0係度慶祝生日呢﹗我想應該因為呢度每台有支大大紅陽燭，帶點情調而隆重的感覺吧﹗

第一次來吃,已看了食評,知道人多所以已經訂了位,但入座還是要等位.入內環境都頗黑,很像很舊的樣子.我們點了一份四人餐,有餐湯,麵包,四季pizza,硯榖意粉,豬扒,沙律.餐湯必需試羅素湯很入味,但青豆湯中國人飲可能覺得很奇怪的.麵包的牛油是切好一塊塊後用冰水浸著的,很有心思.pizza脆脆的很好而且一個pizza有多種口味,正合我多心的選擇.不過最有趣的是硯榖意粉,一個四人餐的意粉就只有八顆硯榖粉,起初仲以為點解咁少家,但吃起來才發覺都幾飽肚,可能超大顆的關係,很有咬口,味道都不錯.和我一起的朋友說十年前也來吃過,而且水準仍能保持,實是難得.最好吃的還是那個結尾的意大利甜品,一個甜品內已有不同口味的雪糕,內裏有果仁,外面又有朱古力碎,超好吃.TIRAMISU也很有酒香,十分完好的結尾.

朋友請食飯，佢話想去試呢間！咁我地又抱住試菜心情衝左入去！真係正，正，正！首先，服務勁正，所有待應都好勤力倒水，上菜！其中一個manager仲會走黎同我地傾下計，引我地笑；好敬業樂業！正食物，我地叫左蜆肉湯，勁多料！飲完巳飽，但好正！叫左個四季pizza，都好好味，因為有三種味係入邊，但如果唔鐘意洋蔥朋友呢個唔多啱，因為佢有一個季節係全洋蔥，但pizza厚薄適中又唔會好重味！叫左個芝士火腿雞扒，佢地都做得okie，但我同朋友掛住傾計，搞到個扒有點凍左，但口感幾好，同埋佢地配菜既薯仔應該係燴既，勁好味！到左最正個樣係甜品！我同我朋友萬萬都無想到個甜品係最好食！本來好full但因為太好食，我地係完成晒個dessert！我地一人點左個，個名我無抄低(唔好意思)！但係意大利文黎，有圖睇，係雪糕黎！黎到時我同朋友都哇哇聲，因為好靚！食完第一口，哇正啊！好好味！唔會溶得好快，佢幾種雪糕夾埋一齊又唔會好甜，但好夾d味！個manager仲話佢地唔容許同事用d暖碟放雪糕，如果唔係會好快溶！睇下幾咁專業！呢餐係勁抵，因為唔好計價錢，剩係問下個胃，佢都話幾貴都值回票價！我會再去食個甜品！