Tivoli 意大利餐廳

營業中

休息中

尋晚同男友黎左呢到慶祝 3 個月紀念 ^ ^ 黎到都見到已經差唔多滿座了! 好彩之前果晚 book 左位﹐大家黎前都記住要book位呢.入面張張檯都有蠟燭點著, 都幾有氣氛 ^ ^ 係我地既第一次candle night dinner 呢, 哈見到晚餐都係牛扒0甘滯, 記得呢度既牛扒麻麻, 決定散叫! 嗌左﹕*蒜蓉包 - 好似比一般的蒜蓉包薄同細, 但係食落真係好香好脆, 外脆內軟! 而且有好香濃既牛油同蒜蓉味! 連麻麻地鍾意蒜蓉包既男友都話好食呢.*四季pizza - 應該係有四種味既pizza? 但係好似淨係食到洋蔥, 火腿, 磨菇同芝士呢幾種料.. 分唔到邊四季呢.. 不過芝士都幾多幾香. 開頭食第一塊覺得批底稔又唔脆, 但食到最尾果塊個邊又好脆.. 唔太平均! 食後感係有 d 失望, 唔覺得特別好食呢.. Pizza hut 好似更好. *燒羊鞍 - 呢個真係幾正! 侍應建議要 7 成熟, d 肉仲係0係好嫩既狀態, 同埋有肉汁. 點埋 d mint sauce 好好食 ^ ^ 而且無我討厭既騷味! 有 6 大舊呢, 食完都好飽了. 拌碟的紅椰菜都唔錯呢! 侍應服務都好好,

以次係大學讀書時，成日來這裡吃午餐，因為好味又好抵。上 星期去開佐敦，強迫男友去試這間正野，點知就食到火都黎，BLACK LIST咗佢。1) 個餐包以前係任FILL既，現在要加$8，不過都食，但係咬落去好硬，又凍，問個WAITER，佢話法包係咁，於是又問個黑衫，佢都係咁講話冇問題。其實佢地係咪當我傻，唔通D飽係咪新鮮我食唔出咩，擺明放在好耐啦，其實好簡單，幫我 BAKE 多一陣咪得囉，不過佢地今時既態度，係冇理會我地，麵包都咁衰，個午餐就更差。2)$78個牛扒餐，午餐來說不算平，但係普通茶餐廳都好食過佢，點解呢?個著蓉又凍又冇味。另一碟係龍利柳意粉，又係冇味既，好明顯個廚又唔同咗。3) 奶茶 - 仲乜扮HOTEL 將奶及茶分開上呢?好難飲，埋單樣衰D都要，一毫子貼士都唔俾。

又唔係咁差啫間餐廳～～ 不過啲牛又真係差啲～ 咁無得比嘅～人地話晒係一間 意大利餐廳，又唔係扒房～ 你challenge佢啲牛扒做咩呢～ 你一餐先食得個幾百蚊～ 人哋啲扒房 (好食果啲) 一件扒仲貴過你成餐，無得比嘅～～不過我唔知有無人知啦～～ 啲食評話啲白包好差我真係唔知～ 因為未試過～ 但係佢地個蒜茸包就真係好好食～～ 係非常好食～～ 不過好似依家好似細件咗～ 不過都好好味～～

同亞妹來食薄餅，唔想去PIZZA HUT ,就來Tivoli。 呢度環境好浪漫，每張枱都點曬蠟燭，同男友來啱D點佐個意大利鹹魚薄餅，系吸引我地來食既主因。 好有意式風味既， 系正宗既薄批，個批邊好香 好脆， 正！鹹味適中，加埋D汁，香滑！大蝦沙律， 大大隻 正！ 系真既海蝦來既，驚喜ING~~~仲有新鮮果肉系入邊。兩個人 平均一百蚊甘，價錢OK 可以接受 最重要既系食得飽飽~~~~~~

系Tivoli食過好多次，中意呢度既環境舒適同埋薄餅。Tivoli既薄餅款式唔多，我覺得算得上特色既有兩款：公司薄餅同埋四季薄餅。呢度既薄餅幾正宗，系傳統既薄批， 批邊十分香脆。四季薄餅既特色系有四種味道，一次滿足曬四種口味，正！公司薄餅因其料多 我點來食既次數都多。有腸、魷魚、蝦、蘑菇、洋蔥、青椒同埋好香滑既芝士，雖然唔系貴嘢，但搭配起來味道好夾。最特色既系薄冰用既茄汁， 唔會太多，故唔會搶曬個薄餅D料既香味，咸酸適中。價錢方面都幾公道，百零蚊，同PIZZA HUT既比，差唔多。

日期: 2008/9/22新朋友得罪了我,為咗彌補佢嘅錯,就約咗我去依間餐廳擺和頭酒,其實今次唔係第一次黎依度,記得十年前,成班同學曾經係依間餐廳gathering,個陣時一行十人,但係食飯時只顧左傾右傾,未有真正留意d野食係咪真係好味,所以十年後嘅今日,陣機再黎試多次!侍應見我地睇咗好耐meau都未order,就主動介紹餐廳嘅set dinner,但朋友仔一心想試d特別嘅菜式,所以就婉拒咗佢,繼續慢慢揀.原本想食意大利雲吞,但賣曬,冇得食!咁最後點了凱撒沙律, 公司Pizza ,鮮茄鮮尤魚意粉,焗雪山.-凱撒沙律味道ok,煙肉碎同d面包糠都幾好食,生菜都幾新鮮-公司Pizza 有d辣肉腸,磨菇,生菜絲咁,薄批底,食落都幾脆,但幾難用刀切開,擺咗一陣仲好似淋咗,有d韌-鮮茄鮮尤魚意粉好香,d蕃茄味好濃,尤魚唔韌,意粉質感都good-焗雪山一客2位用, 發起嘅蛋白裡面包裹著蛋糕,雪糕,同生果(好似有蘋果,菠蘿),侍應會將d酒淋係面,再點火做成很美嘅效果, d火熄後仲有少少酒味, 不會有苦的感覺,朋友仔未食過,所以好開心咁同我享受今次嘅甜品.有蠋光嘅晚餐,氣氛特別好,所以食完我地仲坐咗係到

2007年5月21日晚友人在openrice search到此店,於是一齊來試一試..很喜歡此店的氣氛,燈光暗暗的,枱上又有點點燭光..由於大家都不想諗,於是點了set dinner +焗雪山set dinner的食物味道一般,可能不是招牌反而焗雪山就有驚喜,整到成個蛋糕咁,剛好給我補祝生日,重有人serve我地:點火可見下圖....面頭淋了朱古力槳,外面是焗蛋白,裡面有什果同雪糕,有別於一般的焗雪山總結是餐廳氣氛好過食物質素,有機會可能會再來一試其他為食友介紹的菜式.

今日有點吾開心﹐特意來呢間我最喜歡的餐廳吃飯。照樣點了最喜歡的蜆肉意大利粉﹐朋友叫左份牛牛。平時來會叫生蠔﹐不過家下度度都好像吾係太衛生﹐遲D先啦。最後來件甜品﹐今次叫左橙味的雪巴。好味﹐來緊會再試其他味。

由小時候開始﹐差不多每年生日都會到這一間餐廳來慶生。原因有好多~環境氣氛好﹔食物雖然不是頂級﹐水準也會飄忽﹐但仍不失中上﹔小時候曾經在此喝湯之時把門牙吞掉等等﹐所以每年若果許可﹐都會與家人到此共度。是晚一家六人要了一個四人餐﹐再加Lasagna﹐ 意大利雲吞﹐白酒煮青口﹐蒜茸包兩客﹐再加洋蔥湯和酥皮海鮮湯給父母﹐就是那天的晚餐。先來的紅/白湯無甚特別﹐行貨東西。反而媽媽的酥皮海鮮湯不俗。酥皮湯的外表像雞批﹐湯的海鮮當然不是新鮮貨﹐但熱度夠﹐酥皮也好﹐讚﹗白酒煮青口則無白酒味﹐但有充足的蕃茄。名字改為蕃茄青口才貼題。始終最好的平民白酒忌廉青口是在溫哥華的一法式小店﹐在坐的父母也同意。凱撒雜果沙拉普通貨式﹐不述。再來便是主菜。薄薄的海鮮pizza,口感不俗。雖然沒有提味的小魚或olive,但我反而喜愛。菠菜闊條麵有大量菠菜和煙肉﹐但闊條麵則不過爾爾﹐可惜。反而意大利雲吞和Lasagna比從前好。雲吞內的是菠菜和芝士﹐加上有些雲吞焗得脆口﹐令全家人一吃再吃。另外Lasagna配上肉醬也惹味的很﹐但因為較為漏一些﹐所以最後由姐夫了結~白菌牛柳不是甚麼Prime Grade牛或和牛﹐但肉未不俗﹐

難怪咁多好評。試過你就知~~好野！共有3款SET DINNER：選了~燒牛柳套餐：例排可選飯、意粉、薯菜，包餐飲、牛油餐包、蕃茄湯、蕃茄味濃郁，蕃茄粒粒加添口感，呢個蕃茄湯的蕃茄味道強烈，可見並無偷工減料之嫌！正兩大塊牛柳，7成熟剛好，充滿肉汁，味道可口，肉質毫不乾、硬、un…配菜有紅蘿蔔粒、野菜。。。蕃茄鮮魷意大利粉$88：是店員除蜆肉墨魚汁意粉外的推介，果然無介紹錯，首先，意粉質感彈牙爽口，軟硬情度恰好，另外，眼見橙紅的鮮蕃茄混在意粉內，多條鮮魷鋪面，還可吃到舊舊蕃茄粒…味道剛好，甜酸之味相交適當，份量十足！店內環境較暗，點起洋蠟，很浪漫，談心之選，安靜怡人，使人疲勞盡消，一大享受！

多年前來過... 今晚跟友人晚飯再選了這間. 與老闆言談間, 得知餐廳已開業29年. 無可否認, 它是那種香港舊式西餐廳似的.也正正"舊" 這原因, 我們就以"舊" 的心態懷舊一番.燒羊鞍果然是招牌菜, 煮得洽到好處!還有... 田螺不錯..老闆教我們如何用餘下田螺汁送薯蓉試了 公司Pizza 和 焗雪山公司Pizza 是幾特別, 但未必人人喜歡...焗雪山 (雖說2人用, 4人用也可), 是 軟軟的蛋白裡, 裹了朱古力蛋糕+雪糕; 再+ rum酒做成 "火焰", 火熄後只剩下有rum味, 沒有苦苦的酒味..hee

呢間係我最中意的意大利餐廳時逢大日子都可以考慮在裡面慶祝﹐當你坐落去的時候﹐D餐廳服務員就會為你的臺點蠟燭﹐氣氛好好﹐可能因為裡面環境比較暗﹐不過座位任何方向都可以看到環境佈置很歐式﹐連侍應都穿著整齊的西裝﹐讓人感覺十分專業。食物方面﹐水準都吾錯。蜆肉意大利粉係在下的最愛﹐必食。去親當然吾會係一個人去啦﹐感一份意粉又點夠喔。前菜我會要份生蠔﹐海水味重﹐而且吃完鮮味在口腔裡一浪接一浪﹐正。除了意粉外﹐呢度的pizza都係選擇之一。(其實我一向都吾食pizza的﹐不過呢度D pizza 個底又薄又脆﹐而且吾會吃一件就飽﹐所以我都吃了一件)假如兩個人吃﹐就以上的食物再加件甜品就夠了。不過人多都有其他的選擇﹐例如土匪雞﹐呢碟就非常大份啦。講到呢間餐廳最出名的﹐莫過於他的甜品啦。***我好多姐妹們都因為甜品而冒名而來***至於什麼甜品﹐我就不能公告啦﹐實在太想將他(甜品)私有化喇。不過看看餐牌﹐不難找到自己心愛的甜品。然而價錢並吾算貴﹐兩個人約400-500 啦﹐是乎點什麼菜。我就點上面講的菜喇﹐哈哈400幾﹐抵食。

十數天前,友人想到食意大利菜,所以選了這間.因是初來,有很多食物想試.奈何兩人胃容量有限.所以選了燒羊鞍,焗田螺,公司pizza,意大利雲吞,橙酒煮班戟,Cassata.燒羊鞍果然是招牌菜,煮得洽到好處,不太羶.再配上蜜糖汁,薄荷汁和芥辣.更是相得益彰.令人回味無窮.相對焗田螺在煮功上就較為遜色,味道很淡.其他食品味道尚可,但没什麼特別.可能連日大雨,牆身出現漏水,友人被水浸了腳.這間老餐廳相信也是時候作些補葺了.

第一次吃意大利菜, 不過味道很普通, 很失望.酥皮海鮮湯: 偏淡肉眼扒: 沒有甚麼"牛"味公司簿餅: 偏酸, 最好吃是上面的大蝦, 但只有幾隻.雪糕: 普通服務是不錯的. 環境嘛...張椅麻麻地~

差唔多十年無嚟啦, 上星期再度到訪, 前十年係山林道開工時, 一星期食三四次, 個陣時, 隔離重有間農場餐廳, 真係今時唔同往日, 多人到呢... 下次咪攪我, 出左名就出事, 叫左一個薄餅, 一杯紅酒, 還可以, 但水準肯定差過之前, 一個牛扒, 花園餐廳貨色, 餐湯與大家樂差唔多, 重要迫到前椅撞後椅, 總之一句, 出名累事...