the vege lab (已結業)

Vegan Hojicha Black Sesame Cake蛋糕造型簡單得來好靚 顏色襯托得亦好 match 食落好有驚喜，好食同唔甜，Good ar 👍🏻French Lemon Tart with Vegan Meringue造型好靚 食落比較酸，但感覺清新嘅，食完口中仍留下清新的檸檬味，好天然的感覺

由於有屋企人對奶類敏感，索性搵間純素蛋糕，一定可以食，唔敏感。.🔸 French Lemon Tart with Vegan Meringue($270/6吋)分數: (7.5/10)望落好靚，蛋白霜用火槍燒過，睇落有花紋，仲有金箔係上面點綴。蛋白霜用植物性蛋白打發，唔係用雞蛋。一放入口已經食到好清香既檸檬味，撻皮乾脆，餡入口順滑，原來個餡係用鮮檸檬汁，豆乳去整，啱哂鐘意食酸既朋友。不過個撻底食落我同屋企人都覺有少少燶味，扣啲分。.+Message Plate ($15)買撻既話，完全不適合加配塊字牌。糖皮再係上面手寫字，配枝好長既棍，個撻餡薄又軟滑，完全承受唔到咁長既棍，要係後面切開糖皮拎枝棍出黎，塊牌就咁擺前面。

事源屋企人有奶類敏感，適逢佢生日將至，我就搜尋不含奶製品嘅生日蛋糕。經過一輪篩選後決定訂呢間。預約星期日1:00取餅。提取地點真係要搵，不過都算容易就腳。上到去嘅感覺舒服溫馨，幽幽焗蛋糕嘅香氣，好香好吸引。店內有塊大玻璃可以清楚睇到餅房製作。不過所有糕餅製品都只限網上先行訂購，預約取貨，不設門市現售。攞到蛋糕時，服務員/老闆小姐溫柔提示，如果即日食，可以唔需要雪入雪櫃，室溫下享用更美味。當日食完晚飯大概7:30，切餅儀式開始，一輪生日歌同許願後，大家一齊食呢個純素朱古力橙味蛋糕，網上列明蛋糕內容清晰，解釋用經典的香橙朱古力配搭，選用法國Valrhona朱古力粉及無麩質麵粉製作，而且朱古力蛋糕加入了自製糖橙片烘焙，蛋糕用原糖製作，不含精製白糖。朱古力海棉蛋糕可可味香濃，蛋糕面同裡面都充滿純天然橙片同橙肉連皮，橙香十足，連橙皮食都唔會食到苦澀味，海棉蛋糕質感香滑綿密，口感有啲似Brownie。朱古力夾上橙簡直係絕配，雖然我哋個個都係第一次食純素甜點，但係都一致認為可以同傳統蛋糕比下去。而且食落冇咁膩，感覺健康。