The Story Cafe and Bakery

營業中

休息中

早幾日行過見到青衣城又有新餐廳開幕，見今天男朋友仔放假，一於去八下先☺️禁多魚網同埋天花板的小船⚓️重有藍色調的裝潢，明顯係主打海洋風啦🏝🏝下午三點，唔太肚餓，食咩好呢？⋯太多選擇，好難選丫🙈望左好耐，都係選個sea waffle tea set for two🐳單純係俾佢張相吸到🙈Waffle🐳🦀 係較軟身個種，感覺有啲像食麵包，甜味適中🥞Waffle 底下個片藍色海洋應該係啫哩「碎」，味道有點點古怪😅旁邊個兩件貝殼🐚都係同一產物，不過紅色的味道稍稍好少少，有淡淡的花香，大概係落了花茶去整吧⋯⋯🥞🍰右上角的 pancake 正常，不過夾心的雪糕唔係我杯茶，一邊係藍莓🍇一邊係思樂冰味🍧顏色好岩騙like，但味道真係有待改善跟餐花茶-玫瑰花無花果花茶🌹嗅的時侯味道好清香🍸飲落去唔會太濃味，配甜品不錯蜜桃烏龍茶里個茶味相對濃少少堂食以外，外面有個凍櫃for 大家買走的🍰不過今次的主食waffle 一般，下次我諗都係試熱食好啲吧

等了好耐，終於有新餐廳。諗住早餐終於有多個地方。。。環境幾靚，好有情調。新開幕，人手得三個，有點手忙腳亂。坐位唔多，地方算係闊落。就算坐吧枱張凳都幾舒服。早餐選擇唔多好，容易揀到。主要都係全日早餐，牛角酥配烤雞，烤豬扒，煙三文魚等。賣相都唔錯，都算大份。每份早餐都有茄沙律菜都算有驚喜。咖啡就幾好飲。我見門口都有個麵包櫃。一個鬆餅就10幾蚊。價錢正常啦。不過價錢略貴，所以試吓好了。有機會先試吓晚餐。

行過青衣城見到有間新嘅cafe開幕，所以入咗去睇下，見佢地啲漁網同青綠色，相信餐廳走嘅路線應該會係海洋。入到去已經見到成個甜品櫃，款式都算多，隔住個櫃都感受到嗰種甜味。我夾硬叫朋友坐低，叫咗一杯柚子抹茶，賣相不錯，入口除了酸酸甜甜的柚子味道，抹茶味道亦濃而不澀，可能係心態問題，令我覺得有些放鬆的感覺。這個士多啤梨吉士撻，士多啤梨都好甜，唔會入口覺得俾人呃咗，而且還有一點金箔鋪上面，顯得有點矜貴，而且吉士味道又不會太甜。另外，亦order咗草莓藍蝶花牛奶布甸，這一客有銀箔在表面，特別在中間的藍蝶花啫喱，淡淡的花香，中和了底層牛奶的濃厚味道，味道實在不錯。下次還會再來閒坐一陣了呢~ 反正在青衣城又多了閒hea的選擇~~~~