The Story Cafe and Bakery

營業中

休息中

IMO worst latte art ever in a nice british tea cup. I am not an expert to recognise where do the coffee beans come from, but the flavour was not strong and nth special. You are still recommended to come here for a cup of caffein intake if you dont want the boring chained coffee shops and if you dont mind the quality of coffee but just a refreshment break in the middle of shopping. Here costs you even lesser than in those green and red chained coffee shops !

今日遠赴青衣城，睇住個水牌都唔知食乜好 ，好多都係連鎖店，間間食過，想試下啲新意思，就揀咗呢一間喇~呢度環境以海洋為主題，其實好舒服，環境唔錯， 不過嘢食選擇唔多，甜品同主菜比例，幾乎係甜品壓倒性勝出~ 唯一唔好嘅地方 ，就係我哋等餐等咗好耐，睇得出呢度唔夠人手， 加多位啦唔該門口嘅甜品櫃入面 ，有好多款好靚嘅甜品 ，呢個價錢都合情合理~我哋點咗兩個晚餐 都係簡餐湯 今晚餐湯係磨菇湯，好濃郁嘅磨菇味，唔錯。我就點咗all day breadfast ,有黑松露炒蛋、 芝士焗大啡菇 、一片仔嘅 pama ham、 煙肉、腸仔同蕃茄， 炒蛋夠滑， 大啡菇亦都係我鍾意食嘅 ，不過最驚喜嘅 ，其實係煎蕃茄 ，有整得唔錯喎!拉到絲㗎~老公叫咗個流心蛋漢堡， 佢身為一個漢堡包愛好者，評定呢個漢堡值回票價 ，因為漢堡扒非常厚身而且唔係流流地 ，食得出係廚房自家製加埋隻流心蛋 ，佢居然食唔曬!側面就睇得出漢堡包非常厚切開嘅生熟度中啱啱好 ，俾個讚佢!

之前就聽聞the story cafe味道及造型不錯，是日全家出動青衣城嚐鮮！ 餐廳近期與Dustykid聯乘，店內可發現許多Dustykid蹤跡，感覺療癒：）也多了許多Dustykid的聯乘菜式，樣樣都好吸引啊！飲品-南極，果然好有南極feel，好清爽。粉紅玫瑰（$35），其實就係玫瑰牛奶，有淡淡玫瑰味，正！ Dusty Kid造型蛋糕，士多啤梨味，唔太甜飯後食岩岩好！香蒜輕辣煮蜆意大利粉 （$98），好足料。安格斯牛肉眼（$168），好正好厚實！避風塘魷魚酥（$45），炸得好好味，魷魚好大塊！跟餐嘅沙律&麵包總歸一句，食物質素唔錯，會再來！

今日去了青衣 The Story Cafe 食聖誕大餐，188蚊羊架套餐。睇已經好靚好想食。美國傳統火雞沙律配紅莓汁~火雞肉是先烤過鎖住水份，再放入焗爐焗熟。而沙律菜配了紅莓汁帶少少酸甜味。烤甘筍茴香湯~湯是把甘筍打碎，格渣後再煮成湯，所以甘筍味濃郁又滑，再加少少茴香碎把味道帶出來。慢煮紐西蘭羊配芥末子汁~羊架是經過慢煮，再把表面燒烤到香口，所以食時，外脆內嫩，仲有肉汁。醬汁是燒烤汁加了芥末子，非常野味。聖誕甜品~是紅色的jelly 加了一些綠色聖誕樹形糖果裝飾。咖啡香濃一杯。

上星期去了青衣城行街shopping，之後便到了一間以「阿塵」為主題的cafe坐底食dinner, 餐廳以海洋為主題的佈置大小朋友見到都特別開心。 Ceebee好鍾意「阿塵」要同佢影張相先！我們看過餐牌後，就選擇了以下食物：天空飛塵船:內容很豐富,有炸薯格, 星星多士, 三角芝士餅, 同醬汁魷魚鬚。味道很好，大小朋友都食得好開心美國一級安格斯牛肉眼配香草牛油汁: 牛肉很嫩滑 好好味道，食到唔停到口 ，跟餐配是日餐湯 和餐包。東享千代咖哩吉列豚肉飯: 雖然看似普通,但真係唔係度度都整得好味,吉列豚肉炸外脆內軟，整得好好味，再配埋柚子抹茶 感覺好滿足彩虹塵蛋糕(藍莓味): 天藍色的外表，可愛又吸引，味道不太甜，啖啖都有很濃的藍莓味~ 囡囡最愛，下次要再試埋其他味道

✿╮❤╭✿ ✿雜感女生 好味日記✿ ˚*•✰。The Story Cafe．海洋小店。✰•*˚ ✿✿舌尖上的青衣✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ The Story Cafe 是朋友推介的可愛小店 位置在青衣城，裝潢頗有海洋風 適合一家大小與情侶檔在此細味時光 晚餐的set dinner價格親民 每份套餐包括沙律或餐湯，餐包，主菜，飲品 和朋友各點一份set，再點了一份小食就開餐了 餐湯&餐包： 麵包幾可口，暖暖的，配上忌廉湯，味道不錯 小食：天空飛慶船Dusty Flying Ship 可愛的帆船設計 小食款式多多，炸多士很脆卜卜，薯格很香脆 魷魚爪入味一流，好吃 主菜：全日早餐 有香噴噴的松露炒蛋和芝士蘑菇，味道不俗 再加上酥脆的牛角酥，香口的豬肉腸，非常提神飽肚的焗豆 很是合意 主菜：美國安格斯牛肉眼配香草牛油汁 安格斯牛肉眼夠份量，肉質頗嫩滑 入口也是肉汁多多的 飲品：有特色的杯子設計，見店主的心思 嵗這杯咖啡，味道香濃 上台的杯碟都是一SET的，設好的擺位 朋友追加了一道

在青衣城，如果要食個全日早餐，The Story是你的首選，其中火腿香脆好味，炒蛋細嫰，至於茄汁豆，粒粒可口，除了牛角包不脆口之外，其他都不錯。整個餐再配上一杯淡香的咖啡，令人精神百倍。

今日去咗青衣城呢間以海洋為主題嘅餐廳，The Story Cafe and Bakery, 見佢裝修好得意，好啱小朋友(雖然我冇), 但係都畀佢嘅環境吸引咗。見門口嘅餐牌都唔係太貴，一於入去撐枱腳先。點咗一個晚餐：美國一級安格斯牛肉眼配香草牛油汁$168,可以跟餐加$18配是日精選蛋糕，另一個餐係東京千代咖哩吉列豚肉飯$68。餐飲有英式紅茶同埋抹茶，我哋都揀熱飲，因為天寒地凍飲杯熱茶最啱！覺得英式紅茶好啱食紅肉時喝，可以消滯不油膩，如果唔飲得濃茶的話就不要選擇了，因為我平時都飲開英式紅茶，知道茶味是超濃超香的。柚子抹茶一上桌，就聞到好香柚子味，要用小匙羹攪拌先好飲，因為柚子蜜沉在杯底，與綠茶的香味混合後，感覺非常特別，有柚子清香，有綠茶的清新，吃吉列豬扒怕油膩熱氣，喝一口，消滯又滋潤。跟餐還有餐包和是日餐湯，今日是蕃茄忌廉湯，灑上香草， 蕃茄湯酸酸的很開胃，creamy 口感 也不會覺得油膩，麵包很鬆軟，和著番茄湯一起吃，熱熱的又軟棉棉的，是西餐最捧的東西！東京千代咖哩吉列豚肉飯， 吉列豬扒非常大塊，日式咖哩汁鋪在碟底，不會令吉列豬扒浸淋。吉列豬扒炸得很乾身，外面的麵包糠很脆，而且不覺

上次吃過The story cafe的流心蛋漢堡後念念不忘，今天和友人在青衣城逛街後再來開餐。餐湯是蘑菇湯，水準一般，餐包偏乾。青紅椰菜沙律夠新鮮，淋上芝麻醬伴吃。主菜我點了烤美國極黑毛豬配蘋果酒汁 $128豬扒煎太過肉質稍韌，沒有肉汁，幸有蘋果酒汁搭夠，增添鮮果味 。友人的是 美國一級安格斯牛肉眼配香草牛油汁 $168切開一看，牛扒是五成熟以上，跟友人order的三成熟不符，大概是我們跟新上班的年輕侍應溝通上有誤會，餐廳也很樂意替我們更換，服務不錯友人說牛味也足夠，合格之作。其中一杯餐飲 +$20升級為 雲抹（抹茶牛奶）玻璃杯側面透出漸變綠色，抹茶甘香，甜度適中另一杯餐杯則加 $38轉做綠茶芭菲賣相吸睛，層次豐富，有綠茶沙冰、粟米脆片、忌廉、綠茶雪糕和士多啤梨。略嫌底下綠茶味不足，冰太多沖淡了綠茶味。最後再點多個甜品 黑塵蛋糕 Black dusty cake $48 作結。面頭黑色部分類似是oreo餅碎，中間紫色部分是紫薯味mousse, 紫薯味突出，天然不做作，有驚喜對比上一次用餐經驗，主菜部分稍為失色，扒類食物可以做得更好，甜品及飲品也不俗，可以一試。

認識「塵」的人，一定知佢係本地作家陳塵所創的漫畫角色Dustykid「阿塵」，當中有很多漫畫和勵志金句，很能感動人心。就像在藍天碧海塵芭菲故事中出現的，「每一個晴朗天，就會想起和你踫杯」，「迷途者的燈塔」，看似簡單的句子，但當你了解故事的內容，又會有另一番感受。今次「麈爸」就聯乘青衣城的「THE STORY CAFE」製作幾款造型可愛的Dustykid「阿塵」甜點及飲品，（供應日期至2018年3月31日），塵粉們想一親偶像就不要錯過這個機會了。當中有五款塵特製美食，包括：- 天空飛塵船（小食拼盤）- 塵望•海鹽朱古力 - 藍天碧海塵芭菲 (2人分量）- 塵梳乎厘班戟- 彩虹塵蛋糕 (有五種口味）藍天碧海，生猛的魚兒在網上不停躍動，活力十足。一到門口，就看到這個兩尺高，用玻璃纖維做成的海員塵公仔，想當然是打卡焦點。一旁的麵包及甜品Corner ，更有一些塵造型的食品可供選擇。現凡惠顧指定Dustykid食品，更可用優惠價換購Dustykid特別版塵海員白瓷咖啡杯禮盒，仲有限量塵海員水松杯墊。加HKD25可以換任何兩款 Dustykid 水松杯墊，或加HKD68會有Dusty 白瓷咖啡杯及

The Story可以稱得上是間親子餐廳，以藍色海洋為主題，室內裝修、餐單設計和食物擺盤都充滿著海洋特色，不單止是小朋友，就連大人也會被也可愛清新的設計迷倒門面收銀處旁放置了一些法包、磅蛋糕、muffins和蛋糕售賣，價錢合理。我點餐時剛好過了lunch time 2:30pm，店方也願意通融讓我點選lunch set menu今天的餐湯是南瓜湯，南瓜味不特出，勝在湯夠熱。餐包味道正常，反而欣賞餐廳用焗爐烘熱餐包，外脆包身鬆軟點了這裡的皇牌 車打芝士煙肉流心蛋牛肉漢堡配薯條$108藍色的漢堡包很特別! 吸睛程度爆燈麵包尚算鬆軟但冇特別味道，但最下層的那塊麵包被壓得扁扁，亦被醬汁沾濕變淋。這漢堡稱得上是巨無霸，有紅酒醋炒洋蔥、兩大片煙肉，煙肉煎得香脆，不是只有死鹹的那種貨色牛肉做成bagel的水泡形狀，中間放著一顆流心蛋，一切開半熟蛋黃，蛋黃汁傾瀉而出流心效果滿分! !牛肉也做得出色切開是鮮嫩的粉紅色，沒有太多調味，只有淡淡黑椒香味，免得與煙肉芝士同吃時太鹹由於這漢堡包實在太邪惡，所以order了少薯條多沙律。薯條一定要趁熱吃，炸得香脆不油膩，面頭灑上香辣粉格外惹味雙色椰菜沙律配黑松露味

cafe 裝修以海洋為題好美美✨weekend 無 tea set 供應, 部分主食連飲品, 可加$20 轉飲其他 $40 內特飲, 但 over $40 既特飲就唔可以補差額轉飲, 有點奇怪🤔特飲賣相超美, 影相一流👍🏻咖啡味濃帶酒香~all day breakfast 幾豐富, 黑松露炒蛋好香滑, 蕃茄煎過後好鮮甜.fish & chips 都幾大份, 但薯條炸得好硬, 魚就炸得香脆又夠熱, 沙律仲有柚子點綴好 fresh.甜品蟹仔造型 waffle 好可愛, 味道仲唔錯, waffle 唔太硬係我喜愛既口感😍 雪糕味道都好特別似波子氣水, 好好味😋 但貝殼粒口感怪怪的, 如改用 jelly 會加討好😝😅雖然員工無乜表情同笑容, 但都有問必答, 服務都可接受丫.

位於青衣的The Story Cafe and Bakery，是一間海洋主題餐廳。男朋友說過想吃疏孚厘班戟，今晩便來到青衣嚐嚐吧。晩市的選擇不多，只有一頁的餐牌可選。每份套餐包括: 沙律或餐湯，餐包，主菜，飲品。餐湯是菠菜忌廉湯，稀薄味淡。餐包預先預熱，抹上牛油，香噴噴阿。全日早餐$108很久沒吃全日早餐，今天便選擇一份吧。全日早餐，包括: 黑松露炒蛋，芝士烤蘑菇，牛角酥，茄汁焗豆，豬肉腸，烤蕃茄。炒蛋充滿黑松露的香氣，令人食指大動。炒蛋炒得過散，有點過油，但味道不錯。蘑菇鹹香惹味，滿有汁水。選擇早餐的原因是有牛角酥，牛角酥輕型軟熟，空氣感較重。豬肉腸肥美粗大，質素不錯。粉紅芭菲$78餐廳的甜品，是吸引我光顧的原因之一。非常漂亮的粉紅芭菲阿，堆切著片片紅噹噹的草莓，少女心即時爆發。上層是草莓，大量忌廉，內藏一球草莓雪糕，粟米片，曲奇碎，下層是草莓沙冰，整體味道不錯，甜蜜蜜的感覺，令人滿腹又滿足。彩虹麈蛋糕$48印有公仔圖案的蛋糕，小小一個，我獨食一個也沒問題。竹炭蛋糕質感軟身，內裡紫薯蓉被雪櫃抽乾水份，蛋糕和蓉都偏乾，可能放太久啦。

造型可愛的Dustykid cross over The Story Cafe，試問小朋友見到看板公仔，如何會放過媽媽呢？（笑）本來以為主題餐廳會很貴，但望過晚市餐牌，價錢實屬合理，好啦好啦就來吃一頓吧（其實媽媽內心也是很想過來打咭的啦～）晚餐約百多元，包餐包、餐湯或沙律和飲品，有味道又有賣相，怪不得挺受歡迎的，客人也不是全部是有小朋友的家庭呢。小朋友最愛，一定是漢堡包！這款漢堡包加入了Dustykid的元素在內，包是天空色的，非常吸睛。內涵亦很豐富，紅洋蔥，兩片煙肉，芝士，溫泉蛋，手打牛肉，青瓜和生蕃茄生菜，重量級份量，大朋友都夠飽！老實說我本來對主題餐廳的食物是沒太大期望，但發現蠻驚喜的！漢堡牛肉調味非常不錯，juicy啖啖肉汁。如果拿著漢堡來吃會有點狼狽，因為溫泉蛋好流心，小朋友吃可能會弄髒衣服啦，媽媽們先切細份一點就OK啦！媽媽點了一杯抹茶latte，抹茶味超級濃，讓我喜出望外！主題餐廳出品竟然如此精緻，餐具也不馬虎，這杯latte比起對面星字頭的更好味唷！好啦反正一場來到，追加了一份限定期間的梳乎厘班戟。Dustykid造型，充滿海洋的氣氛，下面是波子汽水味啫喱和貝殼形的白朱

臨近聖誕, 同朋友去左青衣城shopping揀聖誕禮物, 逛到差不多晚飯時段, 經過呢間以淺藍色裝修同埋一可愛既灰色公仔做主題既餐廳, 門外更放了dinner set menu, 價錢亦不算貴, 所以我地就決定入呢間食dinner。仔細一看menu, 原來呢間為一間以"塵"做卡通主題既餐廳, 仲有部份甜品都以呢個公仔做主角tim, 呢度既裝修佈置都很有孩子氣, 就連我呢個大朋友都很喜歡!我同朋友各自order左個dinner set, 每個set都跟餐湯、麥包同埋coffee/tea既餐飲。更可以額外加錢升級餐飲等美食。朋友order左個【The Story - All Day Breakfast】 HK$108松露炒嫩蛋, 蛋可見到佈滿左松露去炒, 食落蛋非常滑溜和有濃濃既松露香味。蘑菇很juicy, 上層芝士可微微做到拉絲效果; 風乾火腿香口, 配埋沙律食, 絕不單調。牛角酥大大個, 一切刀可以感受到外層脆, 內裡鬆軟, 牛角酥完全唔油。全日早餐當然唔少得煙肉, 豬肉腸, 茄汁焗豆及烤蕃茄，每款也很美味。是完美的早餐！特飲 +HK$20藍天即是藍蝶花紅豆牛奶，外觀由白藍到紅, 賣相