The Stonegrill (已結業)

上個星期同父親在此慶祝生日。先來麵包籃，有法包及意大利包，質素一般啦。頭盤點了酥皮田螺，個忌廉汁好香濃，酥皮鬆脆，上面仲有好多菇菇添。跟住來沙律，蔬菜都幾新鮮。忌廉湯夠香濃，不錯。主菜有Super Prime, Ribeye, 同埋劍魚柳。Super Prime 肉質真係一流，係牛柳極品，好淋，一Ｄ渣都冇。而Ribeye 肉味好香，脂肪比例較多，所以味道亦較濃，好正！至於劍魚腩真的好滑，好高脂肪，吃完有點漏。來到這裏都係食牛扒會穩陣Ｄ。埋單$1800 都好貴，過食物有番咁上下質素。環顧四周都幾滿座，客人真的捨得食。

大好星期天，竟然連天大雨，令所有預計了的戶外活動都打住了，認真掃興！6個失望的中年人，經一輪商議，決定唔去玩都出來食野。記得尋日老婆同同學在這裡吃了個自助tea set，所以我們又來吃吃。臨急決定，驚訂不到位，故由有力人士出馬，訂位時才知呢個自助tea set只做埋今日。吃的時間由3點至5點，佔店內中間的長檯，左右隔離的位都是在吃石燒，香味四溢。自助tea set不算很多野食，有幾款鹹點如春卷、咖哩角、燒賣、小籠包及幾款細細件的三文治；亦有幾款甜品如panna cotta、朱古力餅及芒果慕絲，最後就是三款生果，西瓜、蜜爪及哈蜜瓜。因為食物不算多，味道只不過不失，沒有搶吃的情況。加四十蚊還有石燒雞扒及豬扒，但我們都沒多大興趣。還包西瓜汁一杯及餐後的咖啡或茶，埋單位位90蚊，中等價錢。隔離吃的石燒西冷真係幾香，要搵次同老婆來吃至得。

兩個人原本諗住食瑞士菜, 位都訂埋! 但因為要去CitySuper買朱古力薯片, 唔想行番轉頭, 又因朋友話佢係德國都食過Stonegrill, 話好正, 所以是晚就入呢間.無idea食d咩, 不過實會試石頭燒, 侍仔推介個2人餐, 差唔多成九百蚊. 好! 唔駛諗, 就呢個啦!個餐有2款湯, 我地要番茄什菜湯. 番茄味濃, 蓋過什菜味.頭盤有Caesar Salad, 賣相不俗, 仲有三文魚tim!到個Main course喇, 全線都係未煮熟既肉類, 一盤上, 除牛柳外, 全部都有兩件, 每人有三文魚一塊, 大蝦一隻, 羊架一支, 半舊牛柳, 侍仔會幫你分同放係個滾熱石頭上, 跟住就自己黎….一路燒一路食, 我覺得幾麻煩, 魚、蝦都幾新鮮, 但羊架有好多筋, 難切. 最後係食牛柳, 好嫩, 就算燒得熟d都okay, 我唔落任何調味料就燒, 雖然係冇咩味, 但都好正. 最值回票價都係佢!!甜品只有一碟, 有件blueberry cheese cake 同合桃朱古力餅. Blueberry cheese cake 可以, 個朱古力餅唔算好甜, 不過熱食會好味d.除咖啡/ 茶之外, 仲有杯

今次去食又係用個生日優惠食野.....食既野同上次一樣係lobster tail 同super prime 不過個super prime就加大為10安士...一樣咁正,牛夠'林',龍蝦亦夠鮮....而配菜係椰菜同薯仔,d椰菜幾好,食咁多肉,d菜可以中和下。今次個沙律都好過上次,起碼d菜唔苦,d蕃茄都幾新鮮......而湯就有忌廉蘑菇同匈牙利牛肉什菜,前者好有蘑菇味,唔同出面用罐頭,而後者好濃蕃茄味,酸酸地幾好味。而個經理幾好人,我同朋友影相,個經理都主動問使唔使幫我地影,真係幾好......今餐食左四百幾......

食物幾好幾新鮮!仲好好玩但係個menu如果係中英對照會好d囉睇住個meun都唔知食咩,淨係知道呢頁係牛個頁係seafood望住牛個頁都唔知揀咩最後唯有揀waitress介紹既set dinner不過好貴呀.一個set dinner for 2 pax要955!!!

雖然好貴...但係感覺到佢既質素同味道。比起一般出面既stonegrill真係有番唔同既水準，d services極好，地方環境一流，你感覺到高級同價錢不菲。d肉自己燒既感覺好好，d肉既質素又好一流...份量俾得幾好，慢慢食...有種剛剛飽既感覺。食set din，兩個人8xx....

好老實, 真係麻麻...book 左9:30, 最後9:45 先入席. 一坐低, menu 都無本, 水都無杯. 叫左個waiter 拎黎都無左影...d 檯好迫, 直頭伸隻手就可以拮到隔離檯既野食...環境一d 都唔舒適!d waiter 同waitress 做到踢晒腳, 頻頻咁整跌d 刀刀叉叉, 放0係reception 個電話又起勢咁響... 至於d 野食, 只可以講話不過不失. 比較深印象既舊石..... 但... d 煙都幾犀利, 我地坐非吸煙區同坐吸煙區都無咩分別, 走左後成身煙味...當日最平應該都要$955 (連加一) 一個情人節套餐... 咁既價錢咁既質素好似唔同及格囉...下次再去的話, 真係要諗諗~

今晚嚟食咗個$298選三既石燒揀咗白鱈魚、紐西蘭羊架、安格斯牛柳麵包既foccacia都ok的，應該係by non-industrial supplier湯係minestroni之類，當然唔會好飲舊魚好新鮮，但真係一啲味都無，落啲啲salt同pepper會好好多羊架同牛柳都不錯side dish過份地cheap，比以前仲cheap因為呢度咖啡係入唔度口既，所以叫凍檸茶service都叫ok今晚都唔係好多人，但個場都油煙到爆仲有就係佢舊火山石其實一啲都唔耐熱0架，食過石嬈幾次，發現佢舊石燒咗十分鐘就熱力大減，唔係所講咁耐熱，喜歡慢慢歎既就唔太適宜啦

去過這裡，試過叫兩份海鮮石頭燒烤，個waitress好好禮貌問食過味，就算以前我食過都話未啦，如果唔係點可以睇下D service 掂唔掂。又幾ok 喎！簡單得清楚。好了，到自己燒了，D 海鮮好新鮮，最正就係隻蝦，燒到差唔多熟的時候，D汁由個蝦頭漏出來，成舊石都係，好正。可以彈下就係，由於舊石頭唔可以熱太耐，你就會好似要好快的食。所以頭頭尾尾我想只須用半個鐘都燒晒D野食。價錢方面，真係幾貴，要成$350一人。值唔值就真係見人見智，我試過一次就夠了。

昨晚同成班朋友去咗Stonegrill慶祝生日,好正!因為個到有間Party房, 食d嘢好特色, 大家一齊玩烹飪,最正就係我從來都未食過咁大隻的珍寶帯子(重要係好新鮮喎),d dessert 同紅酒都好正.係呢到真係要多謝d friend 送一個咁難忘的生日俾我. Thank you very much!

之前同朋友去stonegrill 食飯......叫左一個安格斯牛排同龍蝦......連湯,麵包,沙律,餐飲個日湯有南瓜湯和什麼'算'容薯仔湯,我要左個南瓜湯,甜甜地,有d南瓜容..都幾杰.幾特別...我個朋友就要左另一款..我試左幾啖,有'算'容味,我覺得呢個好味過南瓜湯.......個沙律勁難食,d菜苦苦地,我地食左一啖就無食..到主菜,牛排好'林'好正....任自己燒到幾多成熟....個龍蝦連殼上,好細隻,燒時有些麻煩,但肉質好爽,只落小小鹽已好好味,亦好鮮....好正.....d侍應都幾好人....係上牛排同龍蝦時會下你有無食過,如果無就會教你點燒.我著條圍裙時有d論準,個侍應姐姐都會協助我.....幾好....但價錢真的很貴,好彩之前食壹壹燒時,apply 左張卡,生日時去任何一間分店食野都有食一送一優惠,所以今餐3百幾蚊。如果無呢個優惠,呢餐起碼5,6百蚊。

1. We have booked for smoking area, however, they have given us non smoking area and have to move back to smoking area at last. 2. Ventilation is not enough, restaurant is full of smoke from those grill king prawn. 3. Fish for grill have no favor at all. I think it should be marinated as they are not fresh enough. 4. Angus beef is perfect. 5. Too expensive! $1900 for 5 ppl. 6. They have offered us VIP card. Can earn $100 E cash after spending $1000.

我去過一次係同d同事食lunch,果日食果餐都唔平呀,每人都要幾舊水,但係d野就唔係咁好食,服務態度又唔好,d waiter好似借左聾耳陳隻耳咁!間野d抽風系統又唔好喎,結果俍完個lunch之後攪到成身油煙味,幾咁臭呀!

當晚我都有去幫襯，亦有相同遭遇，對你的評語深感支持，間野服務真係差到無論，以後執到錢都唔再去。

以前去過一次, 覺得間?廳都幾特別, 所以平安夜特登同班朋友去食大餐。book左7:30食飯, 由7:30開始話張檯埋緊單, 到7:45話已經拍緊2張檯俾我地, 點知等到8點至真正有檯, 期間個waitress仲唔係幾好老脾, 面黑黑對住D客人。後來個captain向我地say sorry 話之前book 6點o個班客食過左時間, 話會補番半個鐘俾我地,即係可以食到9:30。o個晚每人最低消費要$300, 於是個個都點左X'mas set, 另外每人叫左杯drinks。唔使一陣就見到waiter推住部載住好多碟salad既餐車出o黎開始派salad, o個一刻以為自己去左快餐店食常餐。Salad 未食完就有waiter o黎放低個湯, 個湯未飲完就放低個main course, 個main course 未食完就放低個dessert, 之後馬上迫你要tea or coffee, 然後叫你埋單, 因為第三輪晚餐已經o向9點開始左。最好笑係食食o下有個廚師走出o黎鬧班waiter整唔左餐車上面張單, 大吵大鬧又講粗口, 完全唔似一間高級餐廳。即係呢, 想平安夜做多D生意都要顧住食客o既感受