The Stadium (已結業)

晏晝同男朋友去左觀塘食野，不過唔想再去APM食喇~ 真係食到厭...所以決定尋好西，估唔到原來呢度除左駱駝漆大廈之外, 仲有呢個新既活化工業大廈！周日下晝呢度不時會有手作市集擺檔, 令到呢個工廈多左人黎行!The Stadium位於上層, 餐廳好大嫁! 成層都係, 位置好闊落唔會好迫好焗束之餘環境都幾舒服另外呢度仲有out door, 適合夜晚飲酒🍺同食煙嘅人士🚬。室內有個吧枱, 仲有波枱比客人玩. 令到成間餐廳個氣氛都好舒服😊❤️唔算太肚餓，所以叫咗一個安格斯牛肉漢堡同一杯Hazelnut Lattle 同男朋友2個人share😁安格斯牛肉漢堡 HK$ 138好在2個人share即~~份量都幾多, 如果唔係好肚餓兩個人share再叫多一份小食已經好足夠。漢堡好大個, 而且配料都好多, 當然有主角-安格斯牛肉🐂, 另外仲有蕃茄🍅, 生菜☘, 芝士🧀, 菇🍄同煙肉🐽牛肉漢堡好厚身唔會整得好熟食落好多汁, 好juicy😍😍😍 而且漢堡既牛香味好濃郁❤️芝士溶左痴住係牛肉上面, 微微既芝士香味但唔會過濃搶左牛肉個香, 認真唔錯！👍🏻👍🏻👍🏻薯條🍟炸得幾脆身, 點下dd酸瓜沙律醬味道酸酸地令人幾開

第一次來依間餐廳，感覺好熱鬧，好似返左去中學年代咁！放工已是晚上9點半，都仲要等位⋯ 因為呢間餐廳，除左食之外，仲有得飲同玩有特別既人工啤，也有普通的檸茶咖哩，適合不同人仕既口味玩既有飛標，桌球⋯⋯難怪咁夜都仲要等位。眼見好多都係後生仔女, 仲有大家贏左時既歡呼聲，好似中學時代既陸運會咁😂佩服店主有此諗法，將食同玩渾合一齊👍🏻👍🏻 以後打桌球，唔使去桌球會！玩飛標唔使去酒吧！最緊要係，唔使被熏到一身煙味食物也不錯墨西哥粟米片，配酒一流黑毛豬賣相同味道都不錯

觀塘區的特色工廈餐廳愈來愈多，今日來到一間球類為主題的餐廳吃個午餐。一開門就看到餐廳的大名，也有供客人玩樂的遊戲。午餐加$15可以要餐湯/沙律。今日餐湯是羅宋湯，鮮紅的羅宋湯，內裡有滿滿的蔬菜，材料好足夠，味道酸甜開胃。大蝦扁意大利粉。一上枱那隻燒得半熟的蕃茄最合我心意，入口多汁鮮甜，水份非常足夠。意粉煮得彈牙爽口，口感非常好，而且掛汁力非常高。醬汁是茄汁底，茄味不太重酸甜味剛好，加上辣肉碎調味，肉粒帶有肉香味道更是香口，大蝦有3隻，爽口彈牙不嚡口，也是令人滿意。⋯環境寬敞舒適，非常適合一大班朋友用餐。

Was looking for somewhere to chat over some beers in east kowloon. found this place, loved it! Lots of choices on the menu. Quite a few draft beers (they have Young Master), and really a lot of craft beers! We ordered a snacks platter, with all the usual stuffs - buffalo wings, mozarella cheese sticks, onion rings, calamari, etc. Frankly it's just soso - the wings were dry, but the sauce was nice. The cheese sticks were good. But the ambiance is really nice, with a strong sports theme - even the

搵個relax 又傾到計既餐廳，搵搵下都係去番觀塘區... 唔想去咁遠 三個女生就叫左兩個tea setToast $88 外脆內軟，表面輕輕塗上醬汁及蒜粒再烘 令包更香脆香口。我再占多多既磨菇白汁忌廉湯 ... 滿足到不能形容 忌廉湯 口感好豐富 香滑 厚身 ， 我將整碗忌廉汁飲晒⋯⋯ 今次真係肥死啦！ Tea set combo for 2ppl $138雞翼是新鮮熱辣 即炸既 又係熱氣到爆燈！ 不過實在忍唔到口... 而且有一隻淡淡既香料 ， 好開胃！三文治表皮先塗上牛油烘過 令包皮更香口脆身甜甜的 夾上大大的蕃茄同ham Cheese cake 有香濃芝士味 餅底威化鬆軟 食物跟環境都係朋友聚腳之選！ 環境燈光音樂令人忘記今天係工作天，悠閒氣氛 ，偷閒前來聚聚。 真心很舒服的餐廳 ，會再來試試晚餐! *唯一不足之處相信是某些店員....

THE STADIUM 位於觀塘THE WAVE型格工廈內。DON’T WORK FOR MONEY, CAN YOU TELL HOW CAN DO IT?足球主題餐廳, 檯檯附設大電視, 球賽不停播, 聯賽、 歐洲杯、世界杯等…..咁大個場一班人邊食、邊飲、邊睇波, 好不熱鬧, 巧有氣氛。我地今晚主要黎飲杯生啤 RELAX 吓, 吹吓水, 20:00 前 HAPPY HOUR 生啤 $48, 抵到無朋友。CAESAR SALAD ($98)脆麵包粒、炸火腿、車呢茄加大量大菜, 乳酪沙律汁上再洒上Parmesan Cheese 粉, 最估唔到係有隻溫泉蛋, 溫泉蛋為沙律菜添蛋黃香, 酸酸甜甜開胃菜。THE STADIUM HAWAIIAN ($158)PIZZA薄低勁脆, 好似食緊薯片咁卜卜脆, 濃杰的蛋黃醬滿佈整個 PIZZA, 酸中帶甜, 理得佢有幾邪惡, 食左先講。食左6樣野及4杯生啤, 埋單每人不用 $200, 聯賽可以再上黎睇波..

觀塘有乜野最多 ? 工廈多, 人多, 食肆多 ! 每次走入觀塘搵食, 我都中意搵唔到餐廳, 發掘一下美食 ! 今次就揀左全新裝修THE WAVE工廈4樓的THE STADIUM. 慶幸係book位有著數, 因為原來坐滿9成, 難怪朋友話試過等半小時都未有位。一坐低環顧周圍, 果然係一間專門運動的主題餐廳, 不論裝修或牆上的大電視, 也是播放著運動比賽項目, 還有飛鏢機等等….觸發你的運動細胞, 實有一款啱你睇 ! 由於朋友未到, 順到去洗手間, 洗手間夠清潔, 坐廁用上電子洗pat pat功能, 果然落重本。睇下menu, 酒類飲品選擇好多, 不時見待應端上大大杯啤酒, 好酒或睇波朋友一定啱啦 ! set dinner 只有4款, 雖然唔多, 但勝在價錢相宜, 我和友人選了 :*安格斯牛肉漢堡*美國極黑毛豬前菜可選精選沙律 或 是日例湯朋友選了是日例湯 – 羅宋湯 (正常味道, 但沒有麵包)我選了精選沙律 (細細碗, 感覺得沙律醬太多, 如改用其他醬更好)終於上菜啦 ! 我選擇安格斯牛肉漢堡完全吸睛, 因為大大個漢堡配上一籃薯條, 再加沙律菜給你中和熱氣. 牛肉好多汁唔覺得好油膩, 食

難得今日賣甩左男朋友同朋友食飯,友人話想搵個有得飲下野既地方, 不過唔想再去TableXX (因為已經食到爛)😂諗一諗就即時諗到呢度了!曾經早幾星期黎過呢度食lunch, 估唔到咁快就會再幫襯,無他既, 呢度個環境確實係幾好❤️等位既area有d小game比大家玩🕴,入到場內中意既可以一邊飲酒一邊玩桌球想坐定定既可以欣賞電視入面既籃球比賽🏀呢度既環境真係令人覺得好relax 可以消磨一個晚上!👍🏻晚上都幾多人幫襯, 不過呢度個area都幾大, 未至於需要排隊等位坐位與坐位之間都幾闊落, 唔會覺得位置好焗束。😊😊😊唔算太肚餓, 所以同友人一人叫左杯啤啤, 2個小食, 實行無飯之夜!😈呢度同時時既酒吧一樣都會有Happy hour時段, 我地叫左2杯Hoegaarden –20:00 前50cl $58/杯🍺,20:00後 50cl $68/杯🍺,價錢比起APM既TableXX 同尖咀平宜得多!Hoegaarden都係大大杯咁上枱, 女仔真係唔可以成日飲咁多, 飲得多真係會有啤酒肚😂😂😂火辣脆烤雞翼(The Stadium Wings) 🐓$886隻雞翼仲有d沙律菜,雞翼個辣辣醬汁真係幾香口

大熱天時，行開觀塘，見到這坐工廈重新建築，大廈門口仍然未有點樣的裝修，但就見到指示有樓上餐廳，好自然咁走入去睇睇，加上仲未食午飯，就走上樓上食返一餐。入到呢間餐廳，嘩！真係好大，餐廳每一區都有不同的娛樂擺設，餐檯座椅擺放都好寬鬆，前檯仲擺放一張桌球檯，另一面有擲標，亦設有露天吸煙區，兩方面都能顧及到需要。坐下，當然唔少得飲品，叫左一杯Hot Latte, 個拉花有點朦朧，咖啡味唔太濃味，但就好滑溜。Fruit Punch, 果味十足，酸酸甜甜，清新好味，已被果汁顏色吸引了。我地叫左兩份茶餐：Principal Toast . 呢份是二人餐，番茄汁配上清新沙律菜，甜酸增加食慾。芝士蛋糕夠軟滑，奶味香濃，入口即溶，雞翼用上薄脆粉即炸，香口脆口，雞肉入味嫰滑，咬落肉汁彈爆出來，一點都油膩。Combo, 沙律菜用上士多啤梨汁伴食，清清地果味，沙律菜清新爽口。多士烤得好脆，用上蒜蓉、牛油烤，香氣飄散，賣相吸明，配上磨菇湯，湯底好稠，濃郁菇菌味，夠creamy, 大大粒磨菇，可以用叉拮黎食，多士黏上湯黎食，口感非常豐富。

同事生日中午去慶祝因為同事好鐘意運動Openrice見到周圍裝潢好sporty 好得意所以就決定去試一上到去就見到個足球機成個裝修都好運動地方好大好舒服4個人叫左4個set lunch 由90起價錢都幾貴仲要無湯無前菜燒雞，好燶........有粉粉苦味但旁邊既火煎菜個汁個特別！好似莓汁。酸酸甜甜Fish & chips 炸漿少少厚，但都好脆幾好食仲有我最愛既薯條！大蝦蕃茄意粉對本人黎講太酸......雞肉黑松露闊條麵幾好食好香，但唔夠熱！所以忌廉好似一pei pei都可以再黎既，始終坐得舒服都好重要！

今日過咗黎官塘搵女朋友食飯，之前同同事黎過飲啤酒，都幾有feel所以今日就帶佢試吓安格斯牛肉漢堡 $138評分：4/5除咗漢堡包仲有薯條同沙律薯條熱辣辣幾脆口個份量都幾大個，我同女朋友share左半個安格斯漢堡扒都幾厚肉，肉質軟林林而且好juicy，雖然冇太多調味但可以食得出牛味，煙肉好脆身，仲有菇。芝士等材料係入面，食完唔會覺得太膩。呢度氣氛的確幾好，場內仲有幾部電視當時播放緊桌球比賽同籃球比賽節目夜晚時間一班男仔黎飲酒睇波係個唔錯嘅選擇！

觀塘工廈餐廳林立，這家以運動為主題的特色餐廳平日夜晚也坐無虛席，我們等了十五分鐘才入座。這裡的陳設更像是一家sports bar，有現場播放球賽、桌球枱、足球機、飛標等玩意，門口設有一張吧枱，只是drink list比較單調，較有趣的是近年興起的本地手造啤酒。食物方面，晚餐 set dinner 只有4個選擇，當中有「烤美國極黑毛豬」，作為黑毛豬的fans，能吃到優質黑毛豬的地方不多，所以躍躍欲試！前菜叫了沙律，材料頗新鮮，沙律菜味道亦配合得不錯。極黑毛豬鞍配雜菜，沒有令我失望，肉身頗厚，口感豐富而頗嫩口，火喉剛好，啖啖肉juicy兼夾著一些香草味，配菜也有幾款蔬菜如茄子、辣椒等，可是配菜份量比肉的份量還多⋯⋯如果黑毛豬份量再多一點便更滿足了由於被它的地道label design 吸引，貪得意叫了樽手造啤酒，喝不出有甚麼特別，一試無妨。總括來說，這家bar restaurants 環境、食物也不差，價格也合理，是輕鬆飯聚的好地方。

我從來未試過寫食評,今次其實也不是食評是「服評」,這間我試業已經來（未有酒牌丶訂座還是一個手提電話的時候),覺得環境好丶食物質素還過得去,於是分別在平日及假期，和同事或家人朋友也光顧了十次八次,也搞過生日聚會。最近一次,因為有成二十幾人，一早打嚟訂枱，點知張枱booking甩咗（二十幾人嘅booking都可以甩!?), 首先電話長期飛去留言而其實side氣，唔會有人覆你然後因為有朋友好想試，我唯有同佢（一位自稱自己是老闆之一的女性）講「咁我早D來walk-in等吧）她竟然用毫無情緖的聲調跟我講「我唔建議你walk-in, 因為二十幾人，我哋唔可能砌到張枱俾你。」我想問：呢D是什麼服務？好像我約二十幾人高高興興到一間餐廳食飯係罪過，係煩到佢間餐廳咁！😡 所以，我同我果二十幾個朋友，以後都唔會去呢間，因為食物其實只是好一般扮美式，服務態度不知所謂，只得環境叫做搭夠，但係若然咁受氣，香港地有千千萬萬選擇，我肯定佢哋係「未紅先嬌」，祝佢哋好運。

由於拍拖週年紀念日~同事就介紹左黎依度食！由於佢個電話打唔通~我地就親身上去等位⋯電梯口有陪足球機正好俾我地一邊打一邊等！結果一等就半個鐘啦😭😭😭 終於入得去啦！！入面環境都好有feel 嫁！有吧台可以俾你睇波吹水坐低左之後我最心急係幾時有得食！！！😭未有得食只好玩住天下天平先結果一等又十幾分鐘⋯不負眾望！真係非常好食！依個fish & chips令我太意外了佢個粗度粗過響鈴外面炸得非常乾身！好鬆脆！裏面既魚肉一d都唔乾重好實肉薯條既乾身程度係凍左都重有脆囗旁邊所配既沙律係已經加左沙律醬調味的另外我地叫左肉眼扒(五成熟)叫我地非常意外既係⋯佢食落竟然有炭火味！醬汁係橙紅色的，味道有d似牛尾湯美食當前當然要配美酒啦！依間手工啤酒都有好多選擇！我就叫左依支士多啤梨味比較重既啤酒味道比較清甜適合女仕總括而言，依餐真係好滿足！好好味呀！😋不過奉勸各位一定要記得位😅

朋友從外國回港旅遊逗留一段時間，相約食晚飯，看見這間新開不久的工廈餐廳，決定book位一試。去到餐廳，整體感覺有點像bar，非常寬敞，比預料中地方更大。去到因為留左位，所以可以即時入席。我地兩個女仔，研究左一輪menu，決定叫小食、主食share。筆記食過一次後，真心認為值得再去，而且有happy hour時段，一班人傾計、看球賽、飲杯野都絕對正!墨西哥風味脆烤雞翼，醬汁濃郁，酸酸甜甜，口感豐富，不過食多會有點「漏」。美國極黑毛豬，超厚身，勁大件。另外，加上多款蔬果作伴碟，有青瓜，蘋果及燈籠椒，好吸引又惹味。不過黑毛豬略為韌，希望下次食再次有改善。香脆薯條，絕對是筆記最愛，黑松露加上芝士粉，味道一流，食完想再食。