The Stadium (已結業)

男朋友放假就當然不懼風雨周圍覓食，於觀塘工業區遊走一番後發現一幢新裝潢又時尚的工廈。我倆就誤打誤撞的上到4樓探勘，一步出𨋢就見到小學時代最喜歡的玩意－手動足球機－加上望到環境不錯就決定試試。整間餐廳的佈置以運動為主，有桌球、捧球，飛標等，餐廳內有多部LED電視播放著籃球比賽等體育台；環境超大，門口更擺放著不同款式的酒精類飲品，非常吸晴由於我們用膳時間於下午三點多，所以店內較少人，所以超級方便我們談心和hea足一整個下午！Menu內選擇很多，小食、沙律、三文治、漢堡飽、意粉、主菜、all day breakfast、desserts，甚至飲料分酒精和非酒精都目不暇給，一定會有你心水之選。最後我們點了＄88周打蜆湯，湯𥚃足足有六隻大蜆，去沙功夫做得很好，蜆肉鮮甜。湯內有洋蔥粒和薯仔粒，稀杰度剛好，魚湯、鮮奶、淡忌廉都平衡得宜，用心之作。連跟湯的兩片法包都烘得外脆內軟，配上甜醋，好好味！個人認為一客的份量也不少，二人分享較好，可以留肚食其他～由於跟男朋友都是海鮮怪，意粉選了$168海鮮扁意粉。醬汁以蒜頭和蕃茄為主，海鮮份量合格，有青口、帶子、大蝦、魷魚和魚，絕對比得上價錢，海鮮煮得剛好，不會

今日難得星期日約好姊妹食lunch，我地就揀左呢間，貪佢無時限，可以慢慢食，慢慢傾。係門口見到餐廳裝修好特別，坐位寬敞，播住輕鬆既音樂，感覺好舒適。之不過，侍應帶我地坐底之後，見到其中一張櫈黏上一條條既長髮，見到真係唔敢坐果張櫈，都有少少唔開胃。好彩我地得3個人，果張就變左空櫈啦～我地3個都叫左set lunch 安格斯漢堡，賣相唔錯，份量都大份，好彩有d沙律菜中和一下，至於味道就一般，漢堡有點硬，但薯條有2款醬比你點，沙律菜+沙律汁都好味。唯一要彈既係侍應不停走黎收呢樣，收果樣。好似裝薯條個兜，我倒晒薯條係碟到慢慢食，佢行過一手就拎走左薯條兜，如果可以等客人慢慢食完先收，或者問聲先收，就唔會咁打擾啦～ 希望可以改善下。

約了一班同學聚會，有些同學們帶了一家大細出來見面。這裡地方夠大之餘，而且還有些遊戲可以給小朋友玩樂，不會令到他們覺得沉悶。我認為這真是一個很好的聚會地方。特色炸物拼盤$159賣相很吸引，小朋友至愛火辣脆烤雞翼 $88醬汁很野味，不錯。略嫌得六隻少左啲。特色沙律 $98each沙律菜新鮮茄汁肉丸意粉$128，芝士薯條$68美國烤豬肋骨 半份$178/全份$288美國特級肉眼扒$288，我地叫五成熟，佢地煎出黎都有五成既效果。

呢間餐廳一直好想試但上一次去太多人等位所以放棄左佢係響一座新式既商業中心入面佢好大間 中間放左桌球枱 有飛標機等位既位置足球機比客人打發時間平日夜晚都坐無虛席所以最好都係book左枱先好黎因為佢無限用餐時間所以會叫無book枱既客人留電話我同朋友等左20分鐘左右玩下足球機時間好快過我地叫左黑松露薯條 海鮮扁意粉 特式凱薩沙律佢個memu好多野都好吸引但單點既野食有少少貴所以個海鮮扁意粉係dinner set既其中一個選擇取代左我當日好想食大蝦意粉佢上餐上得幾快 食物既水準都係有質素既本身打算食完飯再搵個地方賣醉不過嗰日好凍 所以費事周圍搵其他地方就出去餐廳既露台嗌杯cocktails飲住訴心事已經唔記得呢杯係咩 淨係記得味道好淡坐室外個感覺放鬆好多 不過冬天咁坐法真係會變冰

九龍東朋友終於約到啦！上次我食過lumch，今次試埋晚飯。呢間夠大，平日夜晚唔駛book位都一定有位。觀塘區餐廳普遍都收得早，通常9點幾10點就last order。呢間收12，last order 10點半（好似咁上下，同朋友傾計，無留意時間）。食物方面，白汁系列偏淡味，我地叫左set dinner嘅白汁扁意粉，材料都算夠味，而白酒煮蜆，蜆無沙，佢白酒個酒唔夠濃，酒味仲差小小。要大讚嘅係黑松露薯條，佢個醬好正，我同我朋友狂食，無停過。而漢堡包就同下午lunch似，都ok。三個人食四碟都係200元有找，無叫酒，同區嘅餐廳嚟已經算平。

難食到形容唔到，尤其是個辣雞亦同個黑毛豬！救命無樣野好食得杯朱古力好飲！我同老婆黎食，首先叫左芝士薯條！再叫 安格斯漢堡！ 之後再叫兩樣野叫完之後係openrice睇下間野d食物，原來個漢堡跟埋薯條！大哥呀，明知有薯條double左你出句聲呀。

星期日下午番左娘家同阿媽食完晏，下午茶就同老公又去觀塘搵食。今次再黎到聖誕黎過既stadium 睇下下午茶有咩食。嘩！一去到都幾多人下，播住relax 既音樂，另一邊又有人打緊snooker，所以感覺正好chill。我同老公叫左《Parma ham 配無花果》$88、《意式香菇手搓粉》$138、《白酒煮蜆》$138。無花果比想像中大，生熟程度剛剛好，再配上佢地既醬汁同Parma ham 一齊食非常夾，老公第一次食無花果就十分喜歡。我地係松露控所以叫左意式香菇手搓粉，加上手搓意粉會比機製有口感同無咁乾身。佢一黎到賣相已紅好好，仲好香菌味，原來佢地既手搓粉係比較短而厚身，松露汁亦好creamy，成個配搭好好，老公好快就KO哂。最後白酒煮蜆黎啦，係比較大隻既蜆，一碟大概廿幾隻（其實都幾多），而且仲好鮮味，d蜆吸哂白酒汁既精華我一個人都食左大半碟。為食總結：食物同餐廳都唔錯，下次同大班朋友黎gathering 先！

晚上同埋老公班兄弟食飯成班男人貪呢度有波睇又有得掉鏢玩嘅嘢都多嘅，原來仲有得督波我就負責食㗎咋 食物都係美式嘢為主，味道就一般啦價錢比普通 cafe 貴啤酒就有好多手工啤我去嗰日點咗兩三款都話無貨 😅結果要問到底有咩係有先成功叫到嘢飲啲侍應都有點生手

放假的日子當然要搵地方放鬆下，嘆下咖啡，不然又怎能應付平日忙碌的工作呢醒起之前係觀塘活化工廈The Wave行手作展時見到的<The Stadium >，立即坐車過去去到樓下的𨋢口就見到搞笑的廣告板上到4/F，地方好大喔！有大量坐位，而且坐得好鬆動。而且仲有桌球枱俾大家隨意玩。蒲坐下，待應便送上水杯，嘩！想不到杯子都是球類造型！我們的是藍球和足球好了，廢話不多説，由於我不太餓，所以點了<脆嫩雞柳~$68> 這個炸物居然有大大塊鮮檸檬！正！食炸野要落檸檬先唔熱氣的嘛！(歪理)結實而不肥膩的雞柳被炸至金黃色，無論配合紅色的<辣椒仔Tabasco混茄檸檬汁>或黃色的<芥末蛋黃醬>都非常match至於老公則點了<烤黑毛豬(全熟)~$138>。其實餐牌建議是medium well的，但老公説只有原始人才不吃全熟的食物(甚麼道理！！)煎至外表微脆的黑毛豬扒內裡非常juicy，肉質亦非常細嫩爽口，好味！配合由多種蔬菜粒煮成的醬汁一起吃，非常健康的感覺至於説好的咖啡，我們選了凍latte(左)和凍mocha(右)。先説説l

去左三次，每次都係門口企一段時先有人黎帶位，但個場唔係旺到個個工作人員無停手，有工作人員行過視而不見。今次去，佢入面個場岩岩完左event , 話要係門口等，執緊場，但眼見出面一半有好多位，問佢，話個d抬會搬就，但就明明整整齊齊排好晒，門口已經有成十幾人係到等緊。我坐係門口吧檯等，想叫一支啤酒先，唔比，叫我等多陣，入去坐低先叫。好，終於入到去，個場仲執緊，佢地係另一邊推返好抬櫈，點個之前係出面帶位個個係到發脾氣，好大氣推抬，好大聲好嘈，仲推櫈，推到跌晒，勁嘈。黎過三次，大部分待應都係呆呆地，有次更問返我點個支啤酒係menu 邊到寫左，比水比細半杯，叫佢倒多d,倒到半杯就走左，加水，三個人加兩杯就完事。除此之外，食物質素不錯，價值合理，上食物都好快，因為咁我一而再再而三幫襯，同本身好鐘意sport bar 。希望服務質素個度可改善一下。

今日同老婆去開觀塘區，中間有幾小時空閒時間，所以希望搵一間舒適既餐廳可以慢慢嘆返個下午茶，見佢環境幾靚所以去試下。果然去到冇失望，成間餐廳地方好大，以運動球賽既主題做裝飾設計，而除左裝飾之外真係有桌球枱，足球機，飛標機，同大量既螢幕播放球賽供客人娛樂，成間感覺好似一個俱樂部，好有放左工同班朋友happy hour落club既感覺，好relax.我地坐既位旁邊岩岩有2個螢幕播放緊丁俊暉2017既World Championship桌球賽，我同老婆都鐘意睇桌球，一路食下野一路傾下場波，都幾享受。由於我地夜晚有野做，所以直接叫多D食埋Dinner啦。特式炸物拼盤有4種Sauce跟，外皮炸得比較輕身，唔會好油同好厚炸粉，雞翼係水牛雞翼，醬汁甜甜辣辣，有芝士棒，栗米波，雞塊，洋蔥圈，魷魚圈，好豐富。意式香菇手搓粉店員介紹手搓粉係佢地既特式菜之一，我地都未食過所以試雨，第一個感覺係好足料，隨手一羹已經係好多好多香菇，醬汁有松露，整得好好味，手搓粉口感煙煙韌韌，結實好咬口，都幾飽肚。特式球迷沙律 衣個沙律用料好特別，有無花果，甜橙，松子等nuts. 就算落得唔多黑醋都唔會覺得淡， 成個好有新鮮感。

今天約了幾個朋友聚會，1個住香港島，1個住九龍，1個住新界，所以選了個中間點"觀塘", 大家都有一程巴士去到👍餐廳的裝修很特別，以sport為主題，蒲入到餐廳已見有一張很大的桌球枱，型!!我們的座位較入，可以看到落地玻璃，透進陽光，很舒服!!我們點了set lunch, 2:30pm竟然還有set lunch叫，為我們慳了些$👏👏磨茹餐湯😋有很細小的磨茹粒粒，有質感，磨菇味濃，🎼🎼 "菇全部都係菇，全部都係茹，全部都係菇"🎤🎤茄醬肉腸扁麵 - 大碟，不只是指隻碟，也指材料，多茄醬，味濃， 麵也多，肉腸也多🤘安格斯牛肉漢堡🐂 🍔 - 漢堡有大塊牛肉，芝士，煙肉等等，醬汁酸酸甜甜，還有少許野菜作沙律，也有即炸薯條，夠熱夠脆。脆烤雞翼 - 6隻雞翼，大隻， 1人兩隻， 份量剛剛好🆗凍檸檬 - 夠大杯。同場加影，餐廳其中一角佈置得好像cinema, 有電影院的座椅，有大燈光，特別!餐廳其他的menu總結 : 似美式餐廳，樣樣東西都大大碟，份量多，味道yummy，還有舒適環境，適合一大班人來。

星期六約左朋友食野聚下，朋友一早book 左位，間野都算易揾，下午一點鐘唔太多人perfect ! 坐低感覺幾好，唔太迫，張枱好大，我地嗌左一個牛扒，一個薯條，一個意粉同三杯野飲。牛扒有d 沙律菜伴住同有兩件薯餅仔，都幾好食，意粉就普普通通，薯條都幾ok ! 我叫左杯hazelnut latte ,好飲！但可惜我個fd 杯西瓜汁就超淡，唔知係溝左水定本身個西瓜mama ! 總括嚟講都坐得幾舒服，我地坐左成3 個鐘，唯一係d 音樂太大聲，傾計會有少少辛苦！另外佢戶外有得坐，但見到有人食煙，所以如果想坐戶外就要諗諗嘞！

觀塘工業區一直都有不少"臥虎藏龍"的餐廳，所以每次到晚上的時段開源道並不會因為大家已下班的關係而沉靜起來。 今次經同事介紹下就來到這間以運動為主的餐廳去享受美式的食物~為方便大家等候時間都可以做運動，老闆特地於等候區設置足球機讓大家較量一番 (順度可以看看邊位朋友要負責今次的Happy Hour吧!)。不論是牆身﹑枱面擺設都有球類運動的感覺，就連菜單都以傳統籃球比賽所用的戰術板托底，以及飲用的水杯都是以球類為設計主題，非常有誠意。短時間的吹水飯局下，與同事們就決定少少的點了以下食物：(不過當晚薄餅未有供應所以未能一嘗)1) The Stadium Salad: 以黑醋為主要修飾對象的牛油果沙律。黑醋味道很香濃，而底下的沙律菜由原本比較單調變成爽而酸甜，味道不錯。2) The Stadium Combo: 以水牛雞翼﹑炸雞塊﹑炸芝士﹑炸墨魚及炸洋蔥圈為主的小食拼盤。炸芝士的外圍是含有紫菜的蛋漿所炸，所以口感上脆而爽。洋蔥圈不算炸得透徹，反而令洋蔥原來的水份不會流失很多。炸墨魚爽口而不油膩。3) Chicken and Mushroom Tagliatelle: 闊條麵份量不算多但味道濃郁

朋友介紹來 The Wave 入面的呢間餐廳，樓下已經好潮的格調！路過好多次，都係第一次黎呢到食！平日都好多人！所以一定要Book左位先黎，唔係有排等。收工啤一啤，左邊係手工啤，普通，可以叫番普通啤酒😂😂大杯啲點了小食拼盤，咩都有d，不過不失呢個係Dinner Set 嘅燒春雞（$168），味道不錯，唔會話好鞋～伴菜的燒番茄都好好味散叫嗌左美國極黑毛豬，睇錯做美極黑毛豬哈哈，超級好食阿！無expect到！個豬好厚肉，但完全唔un，勁淋勁有肉香，配fruit salsa好夾！絕對可以encore ！