The Right Place (寶勒巷)

營業中

休息中

今日出尖沙咀做野，收工經過寶勒巷見到呢間好靚既酒吧餐廳，有得坐户外又有得坐室內，即刻入去休息一下，放鬆下心情~室內有投影電視，牆上既水槍裝飾非常特別，座位全部都係高腳椅，環境舒服。仲有非常多既擺設，我入酒吧最喜歡欣賞酒櫃，我覺得咁多酒擺放一齊真係非常賞心悅目！凱撒沙律 $98最經典既沙律，無加配菜（可加 煙三文魚 或 鵪鶉蛋 或 烤雞胸 或 伊比利亞黑毛豬火腿 $118）非常滿意既沙律，係我食過既凱撒沙律之中數一數二既好食！非常非常大量既芝士碎佈滿沙律表面，沙律菜新鮮而且麵包粒同煙肉粒都非常脆卜卜，重點既凱撒沙律醬份量剛剛好，不多也不少，剛好每一塊沙律菜都均勻咁佈滿沙律醬，食落每口都有凱撒醬味，又有脆卜卜口感，滿分！帕馬臣芝士香蒜松露油薯條$78用竹籠上既薯條真係第一次見，上面又有勁大量既帕馬臣芝士，大愛芝士既我表示非常滿意~薯條每一條都炸得非常脆而且非常香既松露油既味道，可能用竹籠裝，透氣方面軟好，即使放耐左薯條都唔會淋，非常不錯！避風塘蘿蔔糕$78又一有趣既菜式，蘿蔔糕非常脆皮，炸到熱辣辣咁上枱，上面鋪滿炸蒜粒同脆卜卜薯片，非常特別既避風塘，薯片同蘿蔔糕原來都幾夾，口感不錯！烤智利

同好朋友食飯當然唔想揀錯餐廳，今次同朋友去左The right place，一坐低見到台上有份報紙，望真啲先發現係報紙形式既餐單。餐廳到處散發浪漫嘅氣氛，陰暗嘅燈光，高身椅子同抬，加上周圍都係情侶，令我同朋友不敢懷疑自己係咪嚟錯地方。既然咁有情調，我同朋友叫左mocktail/cocktail。The right melon屬於新產品，以整個西瓜呈上，另外用髮釵將西瓜粒串連一起，別樹一格。Honey beer同vodka既配搭令味道偏甜，易入口。至於Teaco係Mocktail，外形酷似奶蓋烏龍茶，酒精濃度不太高亦唔甜，質感比較濃稠。我同朋友總共叫咗兩個主菜同一個小食。小食係避風塘軟殼蟹。粉漿幾薄，所以唔會覺得好粉。旁邊仲有啲薯片碎，令口感更加豐富。主菜係烤德國鹹豬手，職員好貼心咁幫我地切開埋同去埋骨。味道方面，鹹度適可而止，亦達到皮脆肉嫩嘅境界。另一主菜係龍蝦帶子意大利飯。平時食開嘅意大利飯都係忌廉汁，但餐廳既意大利飯加左玉子豆腐同粟米蓉一齊煮，配搭相當新穎，口感比較濕潤。帶子外皮煎到金黃香脆，亦唔會過熟，龍蝦幾鮮甜。雖然餐廳愛人一對對，令我同朋友有啲尷尬，但對我而言，只要有好食物，

今日終於要返工啦，放工約咗老婆去尖沙咀行一陣街。今日我哋揀咗喺寶勒巷食西餐。呢一間係一間bar&restaurant. 感覺好似返咗英國酒吧食嘢一模一樣.呢一間嘅菜式都好多元化，好fusionSeasonal mock tail and Dr kitty. 兩杯飲品各有特色。seasonal mock tail 用西瓜做主題再加上cranberry juice 加 lime juice. Dr kitty 有pineapple, mango and yogurt. 兩杯飲品都非常解渴同埋好Fresh.嘢食就揀咗一個軟殼蟹芝士漢堡同埋龍蝦味配北海道帶子risotto. 軟殼蟹漢堡非常好味，炸得分香口，配薯條一流。軟殼蟹漢堡裏面嘅醬汁亦都幾特別，用咗芒果粒同紅椒同埋蕃茄。薯條也非常美味，好有薯仔嘅味道。Risotto 也十分美味，龍蝦同帶子十分好食，risotto 更不錯。非常creamy，同平時嘅意大利飯有少少唔同，唔會太咸重大少少甜味。配龍蝦同帶子非常唔錯。最後再追加了一個甜品，香蕉卷配開心果味雪糕。香蕉卷焗得唔錯。

想飲嘢又想食晚餐，真係唔係好多好選擇，但比我搵到一間！呢度夜晚環境唔錯，適合同班朋友一齊黎。依度嘅cocktail and mocktail都好特別，我哋就叫咗一個西瓜嘅mocktail，成個西瓜仔裝住，入邊係西瓜沙冰，帶少少檸檬酸。飲落味道好fresh，好啱夏天飲。另一杯叫咗Teaco，有淡淡的烏龍茶香，仲有啲蘋果汁味。叫咗焗生蠔，揀左蒜蓉牛油味，一份有兩隻，而且生蠔都幾新鮮。食落唔乾，仲有牛油蒜蓉香。海膽蟹肉手扭粉，煙煙靭靭有口感，海膽新鮮蟹肉都幾甜。黑毛豬腩好好食，又香豬味，個邊脆脆，夾埋d配菜，好食呀！

記得上年同一大班朋友黎過呢間，當時叫左成台煎炸食物，覺得佢地presentation同食物味道都不錯。今次帶另一位朋友來試試。頭盤食左阿拉斯加皇帝蟹腳藜麥沙律，有好多蟹肉，芒果，木瓜，藜麥。成個組合非常清新健康，完全適合作為starter，另外蟹肉份量都佔左好多。燒原隻魷魚筒釀蝦膠，魷魚燒得啱啱好，加埋蝦膠同泰式辣汁簡直係絕配，魷魚仲保持嫩滑唔會韌。低溫慢煮烤西班牙黑毛豬鞍，職員問要幾多成熟，原來豬都係可以揀七成（可能本身係慢煮關係）。食落去啲肉好嫩，配埋個汁好好食。朋友都讚呢間的野食，無介紹錯。

又再次黎到尖沙咀傳說中既酒吧街-寶勒巷，我地就揀左間酒吧餐廳"The Right Place"，門口就有個露天坐枱，夜晚都幾有feel咖！室內既設計幾有特色，圍繞香港街景做主題，仲有牆上既壁畫同佈置，加上報紙排版既Menu，更加令成個Fusion概念更加突出，果然the right place is the right choice！👇📌Deep-Fried Chili Salted Squid Tentacle - $88👉雖然外表睇落係好普通既避風塘炒魷魚鬚，但味道一樣咁出陪，要大讚既係入口唔會太硬，反而夠煙韌，幾有口感！📌Mexican Spinach Cheese Tacos - $118👉墨西哥最常見送酒小食，呢到serve得特別大份，一於唔同你客氣，切開入面醬汁爆哂出黎，菠菜同芝士融合令成件事更加好食，卷裡面仲放左洋蔥同蕃茄，好有清新感覺！📌Maine Lobster Tail Hokkaido Scallop Risotto - $238▪ Egg Tofu▪ Green Pea▪ Salted Egg Yolk▫ 意大利飯係必需咖啦！以龍蝦尾同帶子做雙主角，先講賣相已經

尖沙咀寶勒巷新發現，有間裝修幾特別嘅餐廳，今日咁啱經過見到即刻入去試吓，本身想坐出邊，但係太熱，都係留返冬天再encore ！😂😂😂一入去即刻叫兩杯野飲頂下先，一杯係果汁，令一杯係嘅cocktail，杯cocktail有乾橙有陳皮，應該係溝啤酒，啱晒今晚咁熱嘅天氣！叫咗個帶子龍蝦鹹蛋黃risotto，開頭以為好膩，原來佢入面加咗一塊塊細既豆腐，令到成件事即時清新左！一啖飯一啖帶子一啖龍蝦出奇地夾！另外叫咗個黑毛豬五花腩，分量十足，佢個汁好特別，好似係用蘋果芥末蜜糖溝出嚟嘅醬汁，清新得來味道又唔差令到黑毛豬舊腩肉唔肥膩，每夠肉嘅一邊都燒到好鬼脆，但入面煮得啱啱好，夠嫩！仲叫咗個避風塘魷魚鬚，上枱嗰陣熱辣辣，啱晒用嚟送我杯cocktail，佢除咗好多脆脆之外，仲加咗薯片碎，即時令到成件事脆口左，蒜粒又好食，真係想叫多碟食！臨走前見到隔離枱有個拼盤好似好正咁，下次一定會再試，同埋要試埋佢個避風塘蘿蔔糕😆😆😆😆😆

同朋友慶祝生日，搵左間chill chill地既餐廳。依到個氣氛都幾好，背景音樂係啲輕快既歐美英文歌，好多都耳熟能詳，仲有個大 screen播個MV，夠曬relax。🍸Dr. Kitty有芒果，菠蘿，荔枝，yogurt等，飲落去十分fresh，菠蘿味比較岀，好好飲。🍉Seasonal mock tail因為係seasonal，所以餐牌上面係冇嫁。但佢成個西瓜上，真係好驚喜。飲落除左西瓜既甜，仲有青檸既少少酸，解渴一流。🍝蜆肉辣意粉最中意個意粉既質感，有少少彈牙同好滑。蜆係大大隻果種，冇沙，最怕食到有沙既蜆。🐥低溫慢煮燒法國春雞另一最令我地驚喜既就係燒春雞。本身上枱既時候，已經烤得好靚。之後職員仲好貼心甘幫我地切埋隻雞，分得好靚。仲有隻鮑魚，同珍珠麵。雞肉嫩滑，皮薄，好食！

寶勒巷呢一邊一向都比較多酒吧，有樓上，有地舖，每一間都似乎好有特色，而且好令人放鬆。😌😌😌今次黎試咗呢間好特別嘅酒吧，就係用香港懷舊作為主打風格嘅酒吧。裝修富有香港懷舊嘅風味，可以見到佢特登加咗一啲舊式嘅窗花，而且仲貼左啲霓虹燈牌嘅窗貼喺度做裝飾。我十分之欣賞呢一個風格！如果佢真係可以掛埋啲霓虹燈牌喺度，可能會仲好添😍😍😍酒吧餐廳當然就唔少得吧枱啦，望過去都幾整齊企理，Housing嘅酒應有盡有，一定會調到岩心水嘅酒😇呢度除咗裝修風格有種香港懷舊風味之外，連嘢食都有加啲香港嘅風味，係好特別嘅fusion菜，例如有避風塘炒蟹。不過我就揀咗傳統嘅西餐🤪我地嗌左三個嘢食:凱撒沙律加伊比利亞黑毛豬火腿，帕馬臣芝士香蒜松露油薯條，緬因州龍蝦尾北海道鮮帶子意大利飯。嘢飲叫左Teaco甜品就有Tofu pudding Caesar salad 加埋黑毛豬火腿而且上面仲加咗Parmeson cheese，口感好豐富之餘仲夠晒味道用嚟送酒一流😚跟住就到另一個小食，松露油薯條。我真係覺得呢一間鋪頭好有心思，頭先咪話佢係走懷舊路線，仲有一啲細微位，就係佢連裝薯條嘅碟都換咗做蒸籠。大家要知道蒸籠其實有少少窿，

避風塘椒鹽魷魚鬚 $88避風塘式整法 主材料俾大量配料遮哂 影相其貌不揚 食起黎堅惹味好食!呢份魷魚鬚係避風塘系列其中一員 另外仲有四五款選擇 上網都見唔少人推介大量椒鹽灑左係上高 比較特別係仲有薯片碎 望到既果啲乾辣椒其實唔係點辣 椒鹽味更明顯 mix埋好香口魷魚鬚外皮香脆 咬入去唔會咬極都唔斷 同避風塘整法非常match想滿足口癮真係叫得過 我係連配料成兜清哂美國安格斯牛肉芝左漢堡 $138呢度既漢堡包唔算太貴 都係差唔多價錢 叫左份常見既牛肉漢堡試下賣相黎講隻煎蛋幾搶鏡 顏色幾sharp 本來以為整穿蛋黃就會漏汁 點知又剛剛hold到漢堡包皮黑炭色配芝麻 我就對入面果塊漢堡印象唔錯 有一定厚度但肉質又唔會太實或者韌 同埋夠juicy薯條都幾正下 新鮮炸出黎既粗薯熱辣辣 檯有茄汁同蛋黃醬任落 份量都唔少伴碟仲有沙律菜 唔算好多 多少減輕熱下熱氣程度緬因洲龍蝦尾扁意粉 $218平平地既龍蝦選擇諗住食份pasta 見呢款好似影相靚啲就叫左開邊龍蝦 幾有肉地 我就唔覺無左龍蝦頭會少左幾多肉 不過肉質就一般 偏韌 而且意粉整法唔係落重汁果種 顯得龍蝦都乾身左d反而配料同意粉唔錯!配料有腰果

朋友係外國返黎聚舊，去左尖沙咀The right place希望同朋友食餐好，當是洗洗塵。夏日消暑西瓜冰，是夏日限定，沒想到是原個西瓜上，以珠簪一串串起了粒粒的西瓜波波，上面是西瓜冰，入面是西瓜加檸檬汁，非常冰凍，相當消暑。橙漬吞拿魚黑醋沙律，吞拿魚的四邊沾滿了芝麻，吞拿魚很新鮮、帶上芝麻的咸香味，沙律菜是菠菜嫰葉、洋蔥和新鮮無花果，材料新鮮，加上黑醋份外酸甜開胃，味道很好。墨西哥菠菜芝士卷，墨西哥的邊邊好脆，入面是熟左的菠菜、蕃茄、濃味的芝士醬，外面加入了沙律醬，由外到內都好好食。旁邊還有三款醬各有特色，蕃茄莎莎、牛油果蓉和酸忌廉，可以食盡三款不同滋味。脆鱗甘鯛魚柳芝士漢堡，粗薯條炸到熱辣辣非常新鮮，黑漢堡烘得好香，甘鯛魚的魚鱗炸都好似薯片脆卜卜，甘綢魚柳肉質嫰滑，加入漢堡組合新穎得黎真材實料。Tofu Pudding，不過要以為是普通的豆腐花，豆腐花中加入了 Whisky ，店員會在我們面前加入石膏粉入豆腐花當中，之後我們靜待10分鐘，凝固了的豆腐花就出爐了，每一口豆腐花都會品嚐到 Whisky 的酒味，份量好多、質感好滑，2人share都可以每人食到大約2碗。第一次咁食非常特別。

放工約埋三五知己想搵個地方chill下傾下計！友人就提議試下呢間the right place! 一入到去就比佢個大螢幕吸引住，一邊播放著外國流行歌曲，一邊嘅裝修係一幅望香港特色嘅窗畫！比我一種中西合璧嘅感覺！然後一睇個餐牌我就明白啦，呢度主打fusion菜！好多位都睇得出餐廳細心融合中西薈萃！🔥美國安格斯牛肉芝士漢堡呢個漢堡個包選用竹炭麵包，食落軟綿綿，而且安格斯牛肉有得選擇成數，我地揀咗5成熟，食落d肉汁勁多，真係便到5成熟！呢樣好值得讚👍🏻👍🏻🔥燒原隻魷魚筒釀蝦膠上枱嘅時候我地都好驚訝，成隻魷魚有手臂咁大隻，釀滿蝦膠漲卜卜，十分吸睛！個魷魚燒得好香，送啤酒飲一流！旁邊個汁係泰式辣汁，食落都有d辣，不過好惹味！🔥緬因州龍蝦尾北海道鮮帶子意大利飯個意大利飯好rich好creamy，餐廳仲落左咸蛋黃去煮，食落鹹鹹香香，將平時食嘅risotto層次昇華，食得出呢間餐廳用心去創造fusion菜！另外龍蝦尾同帶子都好有鮮味，帶子仲要係半熟，食落非常香滑！🔥烤德國鹹豬手烤德國豬手最重點係個皮，而呢間餐廳就正正烤得岩岩好，皮脆肉嫩！豬手配埋酸菜食真係十分夾！店員仲好細心比埋芥末我地點！🔥Teac

有朋友中意飲酒，今晚就試下呢間有特式cocktails 飲嘅餐廳🙂餐廳唔大，全部都係高嘅櫈，好有酒bar feel而且餐廳仲有好大嘅screen，如果撞正有波睇應該好正👍🏻睇menu都見到餐廳野食行fusion路線😁🍹Drink that culture主要係啤酒成份，面頭仲有陳皮，愈飲甘苦味愈出🍹夏日西瓜特飲我唔飲得酒就唯有試下特式mocktail呢款menu無，係夏日限定原個西瓜上已經好吸引😍入面仲要係西瓜沙冰，加埋少少檸檬汁，莓汁，好清爽👍🏻🥢安格斯牛肉burger嗌左5成熟就真係5成熟👍🏻好多肉汁，生菜亦都好新鮮👍🏻🥢泰式燒原隻魷魚筒釀蝦膠魷魚筒好大隻，燒得啱啱好，而且配埋泰式酸辣汁十分惹味，如果蝦膠更彈牙會更出色😁🥢鹹蛋意大利飯半煎北海道帶子和龍蝦尾餐廳諗到加鹹蛋落意大利飯十分有創意，估唔到鹹蛋同意大利飯都幾夾。至於北海道帶子煎到7分熟啱啱好，龍蝦尾亦都好多肉。🥢海膽鮮蟹肉扭捲粉個長通粉幾彈牙，而且都好多蟹肉，個汁亦都好濃郁。👍🏻🥢德國鹹豬手好大隻，而且侍應會幫我地切埋，好多肉，連埋皮同埋酸菜食簡直一流，但如果個皮脆多少少會更好總括嚟講呢間餐廳嘅cocktails mockt

今日慕名而來 The right place見朋友大力推薦呢間餐廳一有機會就黎左試下-餐廳入面夾雜住中西式既設計仲有一個大屏幕播歌同播片係呢種環境下食飯 好有feel-今次叫左👉🏿避風塘蘿蔔糕👉🏿美國安格斯牛肉芝士漢堡👉🏿墨西哥菠菜芝士卷份量都算多 兩個人食好飽！-👉🏿避風塘蘿蔔糕好特別既做法 辣辣地 好惹味聞到都流哂口水🤤同平時食開既蘿蔔糕好唔同😂帶出不一樣既蘿蔔糕 好有驚喜-👉🏿美國安格斯牛肉芝士漢堡原先以為係細細個點知原來係咁大個見到都無從入手牛扒好大塊好厚同fd share就岩岩好夾住太陽蛋，蕃茄，菜同煙肉好足料既漢堡！仲有另外配香芒薯條 好特別加哂分👍👍-👉🏿墨西哥菠菜芝士卷配3款醬汁 每啖都可以試唔同味但本身個卷已經好夠味好足料既菠菜！

開頭見到咁多個，諗緊會唔會係打手，但見到啲食物同啲食評真係好吸引，不防一試啦！雖然話係酒吧，不過啲食物都好好味。前菜，墨西哥菠菜芝士卷。出面個皮脆，配入面溶溶地既芝士汁好夾。加上入面啲饀除左菠菜，仲有啲蕃茄生菜等，令到唔會好漏。主菜，燒春雞。我相信真係即見即整，要等一陣先到。一上菜，佢既香味已經令我唔記得左等左幾耐。一切開非常juice個皮又燒到脆卜卜。甜品，香蕉酥皮配開心果雪糕。作一餐飯既總結，好滿足😋😋😋