The Point - Pizza & Pasta (The ONE)

營業中

休息中

喺 The One 睇完 Aqua Man 🎬 咁啱有人話未食過 the point 所以試試 （平時等唔到，今晚夠夜唔駛等位）🤭 聖誕節規定最少一人一個晚餐，唔係強迫食聖誕餐，只係比平日價錢貴少少，非常好! 👏.🥣 餐湯 ~ 粒星星好靚，係脆脆麵包，不過個湯好酸 😅🍕 seafood Pizza ~ 餅底一如以住的好味道！滿滿的芝士，配上無乜雪味嘅雪藏海鮮!🍝 燉牛肉蜆殼粉 ~ 牛肉超淋，好好味！蜆殼粉軟硬適中，粒粒都裝住好多汁，不過份量略少！ 🍹☕ 餐飲 ~ 病人就無飲特式飲品，熱檸水係最好嘅選擇！.💰是日結帳 $538 仲有禮物送，雖然係 sponsored 不過幾貼心！ 🎅

約咗朋友在尖沙咀食晚飯, 網上睇過一輪, 最後選擇咗呢間之前都想去食既餐廳。 在openrice睇過都覺得相片好吸引想試下。因為我地差唔多9點幾先到, 餐廳唔多人, 可以揀個舒服少少位子坐低。龍蝦芝士通粉 - 之前睇相太吸睛了, 第一時揀咗呢個, 無令我地失望, 色香味都好滿意, 而且已經拆好肉好方便, 加上拉絲芝士, 真係無得頂。想食Ham Pizza, 原本揀咗Roman pizza但呢日無哂, 侍應推介另一款有Ham既pizza俾我地, 有火箭菜同菠蘿, 味道ok, Ham偏鹹但配埋pizza係ok的。Caesar Salad揀咗煙三文煙魚, 我鍾意啲沙律菜細細塊易入口, 煙三文魚加埋煙火腿同麵包粒粒, 仲有魚子, 好快就清哂。最後兩個女仔食唔哂又唔想浪費食物, 店員好細心幫我地打包好食物, 呢點值得一讚👍

上星期四約咗朋友喺尖沙咀食飯, 因為朋友好鐘意食pizza, 所以最後決定黎咗the point一試佢嘅意大利炭烤pizza。我地未夠7點已經到咗餐廳門口, 嗰時餐廳淨返嘅空枱已經唔多, 基本上過咗7點已經接近全滿。如果想試呢間餐廳記得要早啲黎攞位, 另外要注意係用餐時間只有90分鐘。我地叫咗呢到比較出名嘅原隻火焰龍蝦pizza, pizza厚度適中, 邊位有少少焦脆, pizza上面加咗大量芝士, 配埋車厘茄加火煎菜, 食落又唔會太膩。龍蝦殼入面有少少龍蝦肉, 蝦肉食落幾彈牙, 幫pizza增加另一種口感。另外我地亦叫咗openrice上面最多人推薦嘅黑松露芝士蛋黃醬薯條。由於碟嘅底部鋪滿一層油, 所以底部嘅薯條會比較諗身。如果唔鐘意太油膩嘅話, 比較推薦其他食物, 但薯條整體黎講尚算唔錯。餐廳嘅服務水平唔錯, 侍應會主動refill水同埋上菜速度亦算快。下次一定會再黎試其他款式嘅pizza。

說到聖誕節，香港人很多都喜歡食大餐，今天品嚐了尖沙咀The Point手工披薩店以紅為主題的火紅烈焰聖誕晚餐。頭盤是家鄉火雞肉丸伴雜莓醬丶巴拿馬火腿伴無花果意式烤麵包丶小紅莓石榴意式麵包和羽衣甘藍紅菜頭伴香橙片沙律，味道酸甜適中，清香開胃。接著是以蕃茄丶雞湯等材料熬煮而成香草蕃茄濃湯。口感綿滑，味道香濃。主菜是我致愛亦是餐廳主打的手工pizza，原隻火焰龍蝦pizza，龍蝦肉香軟彈牙，令人驚喜的是龍蝦殼內放滿以龍蝦汁炒香的海鮮粒配以菇菌粒，味道香濃美味又平衡健康，不可錯過。另一主菜是香煎帶子扁意粉伴牛油果香草醬，牛油果中和下菜色沒半點油膩感再配以番茄丶烤松子仁提升口感的層次。晚餐配咖啡丶茶或特色飲品一杯或可另加＄38升級為聖誕特色雞尾酒。另加＄38可享餐廳聖誕甜品白朱古力慕絲伴泡芙或意式奶凍伴雜莓醬，我推薦品嚐白朱古力慕絲伴泡芙，白朱古力香濃不太甜，細膩幼滑，喜歡點品一定要試。

位於尖沙咀鬧市中,位置極為便利, 方便返工一族，裝修都好有心思,富有歐洲情調裝飾, 例如一些歐洲裝飾品及掛牆裝飾, 以及一些抽象派。室內寬敞,環境優美。當日中午跟媽媽一起食飯。餐牌比較清晰,主打西餐尤其歐陸餐, pizza, salad, mozarella..今次主菜係 SMOKED SALMON PIZZA WITH MOZARELLA,非常濃郁惹味,再加上各式海鮮，更加錦上添花三文魚生熟度剛好,入口非常嫩滑。北歐的三文魚味道較日本更鮮美,成本更高。知店主比較有心思,作為食客真的有福。連同caprese salad，相得益彰，互補不足。令人食慾大增, 食指大動。同碟嘅沙律，有菜又有小番茄及洋蔥，整體感覺好精神。健康又不油膩。可以解到魚嘅微微油膩感，GOOD！綜合以上所述,這家餐廳的歐洲菜式非常正宗,跟我以前在挪威吃的一樣,尤其主打三文魚。我連機票都可以慳返。😘😘

放工後相約朋友係尖沙咀食晚餐。曾經係美國讀書既朋友表示, 呢間餐廳既pizza係佢係香港食過最好食既pizza。我地叫左最出名既龍蝦pizza同一份單骨雞翼。龍蝦pizza一上枱個賣相已經嬴哂, 令人胃口大開。龍蝦殼入面仲有d蝦肉, 個pizza底厚薄都好適中, 朋友的確冇介紹錯。 雞翼味道幾好, 配左個醬汁味道好搭, 單骨雞翼進食時都好方便。晚餐用餐時間90分鐘, 去到最後15分鐘就會有人叫你埋單。見到外面都有客排緊隊, 生意好好。整體來講價錢唔算平, 但物有所值, 用餐環境舒適, 食物質素有保證。

幾篇文都講過吃自助餐做聖誕大餐，不如又同大家分享一下，如果唔食自助餐有乜嘢選擇。 講下西餐最應節，前幾天行過The one，行得有點累，找一個地方吃午飯，於是，選擇了吃過一次都算幾好食的the point 。 這是間人氣手工Pizza店，之前吃意粉和薄餅覺得好滿足，今天再下一城。 不過來到才發覺，十二月原來已經有火紅烈焰聖誕晚餐供應，應下節，當然要試下好唔好食。 香草蕃茄濃湯，好濃香草味，口感溫暖動人。 叫了一個頭盤，這個小拼盤好精美，有多種食物好多元化，樣樣都好靚做得好仔細。 家鄉火雞肉丸伴雜莓醬，酸甜醒胃，火雞味濃。巴馬火腿伴無花果意式烤麵包同小紅莓石榴意式烤麵包各有粉絲，我就覺得乾身一點，反而羽衣甘藍紅菜頭香橙片沙律就清新可口，又健康，啱減肥的我吃。 原隻火焰龍蝦絕對有聖誕氣氛，火燒得紅紅，又靚又搶眼，上次來吃飯吃不到，熱賣到不行，今次就同佢來個了斷。 原隻龍蝦彈牙得很，加上菇菌，薄薄的薄餅加上面的海鮮粒，口感一流，紅紅綠綠，真係好襯個theme。 另外叫多一個煙三文魚草忌廉芝士醬比薩配溫泉蛋，那溫泉蛋和忌廉芝士醬味道好夾，而煙三文魚塊塊肥美，不油不會太

對 BeautySearch 而言，聖誕節除了是瘋狂掃貨的好時機外，更是品嚐各式美食，與好友相聚的重要時刻。難得聖誕佳節，總有借口讓自己放縱一下！還記得孩童時，BeautySearch 的父母甚少帶我外出吃聖誕大餐，可能因為一般聖誕大餐的價錢也較昂貴，而且我家中有三姐弟妹，對當時收入不高的父母來說，吃聖誕大餐也相當吃力，所以，偶爾會與我們在附近茶餐廳鋸排，已相當高興！ 時至今天，吃聖誕大餐好像已成為港人慶祝佳節的主要環節，而且，除了酒店，各大小餐廳也會花盡心思打造出不同的節日美食。加上物價高漲，連帶酒店的節日自助餐也漲價不少，為了節省一點，BeautySearch 偶爾也會轉戰各大小餐廳，這次便找來位於尖沙咀 The One 商場內的《The Point》。 熟悉《The Point》的朋友都知道，這兒的 Pizza 相當有名，所以，這裡推出的『火紅烈焰聖誕晚餐』當然少不了Pizza 作主角，不過，當然不止於此。 先來前菜兩碟，用上別具 High Tea 特色的雙層架子放置，相當精緻。 上層有兩片特色多士，另外用上小匙盛載兩粒火雞肉丸。多士一件是巴馬火腿伴無花果；另一件是小紅莓石榴，

The One有唔少食肆，每間都各有特色，今次揀呢間係因為外觀感覺舒適，有Pizza食！棒棒雞翼配蜜糖燒烤醬：棒棒，啱洒唔鍾意lur骨的少女，唔使high到個嘴周圍係嘛！唔dry, 夠香口！點埋醬仲惹味！龍蝦芝士通粉：見到menu賣相吸引，於是一試，可以話真實比圖更靚，拉絲芝士令人垂涎三尺！醬汁份量唔會太濃，所以食落唔流，龍蝦肉嘅份量都唔少！香蒜橄欖油炒野菌配温泉蛋：健康之選，根本成個配搭都係健康食品，味道又夾！100分！明明想食鹹Pizza, 點知睇完menu又想食吓其他嘢！見到呢個甜pizza, 好吸引喎！仲要係香蕉朱古力加vanilla雪糕，另一個絕配！Pizza外脆內軟，又暖又凍，好正的口感，一定要食呀:]Hot Lemon Ginger, 開胃之選！]冇揀錯食店呀！款式咁多，下次再去！

慶祝朋友生日，所以專登揀間西餐廳來食！ 我們點了 鴨胸pizza 黑松露芝士薯仔 焗蘑菇 蜆肉意粉 軟榖蟹沙律上菜的速度都好快，野食份量夠多, pIzza 👍🏻👍🏻 餅底唔厚，又夠脆，芝士又拉絲！ 軟榖蟹沙律，很大份，沙律菜🥗新鮮又夠甜 整體都不錯！ 可惜個意粉普通左d, 唔特別好食，連相都冇影到🤪🤪

成日喺the one行街都見到好多人喺度食pizza，終於輪到我會一會佢🥳和牛勒肉份量頗多，肉質軟稔，滲出淡淡嘅紅酒香氣。意粉整成一粒粒蜆殼咁好可愛😛麵質軟硬適中，好易入口。煙三文魚露芛刁草忌廉汁天使麵，除咗面頭有一朵三文魚玫瑰，仲有好多煙三文魚伴住天使麵一齊煮。忌廉汁嘅濃度啱啱好，好creamy又掛麵😋薯條用煎pan上，熱辣辣嘅薯條既卜卜脆，又充滿黑松露同芝士嘅香味，令人停唔到口😂最後梗係要食返個甜品😊Brownie、烤香蕉、合桃同雲呢拿雪糕，哩個冷熱交替嘅組合真係好正。因為有煎pan暖住，brownie可以保持溫度，外脆內軟，朱古力味濃郁。烤香蕉加埋焦糖漿，令人覺得好甜蜜溫暖🤗

今日做到9點先放工 😢好彩個朋友仲肯等我食飯，同埋好彩the point 11點先收，只要10點前order 都ok, 5會趕人走🤗。坐下後點了The point favourite 系列～ 軟殻蟹沙律 ($124) 🥗Posh Hawaiian pizza ($172) 和tiramisu（$5x) .軟殻蟹沙律份量十足，成隻蟹上，同朋友一人半隻,個沙律汁都好夾呢！ Posh Hawaiian pizza 每塊都有Parma ham 卷到成朵🌷花咁好靚！每塊Parma Ham 下都有好甜的菠蘿🍍。個人覺得pizza 有菠蘿是必勝的哈哈😄 最後Tiramisu affogato 🍮作結。希望下次再來是因睇完戲先咁夜食飯啦！

< 聖誕大餐 >就快到聖誕節，又係約朋友出嚟聚會的大日子。 今日去左 The one 食聖誕大餐。 餐廳都比闊落， 擺放左好多酒瓶做裝飾， 聖誕氣氛濃厚，一早已掛滿曬聖誕裝飾。<M5 和牛西冷牛扒> 318hkd西冷牛扒肥瘦適中，唔會堅韌，七成熟， 配搭埋黑椒和牛燒汁食落非常Juicy。<三式沙律分量驚人> 88hkd紅菜頭，水牛芝士，薏麥，南瓜，沙律菜，黑醋等， 呢個沙律真係 cp值高，自家製都冇可能賣到呢個價錢<意大利什菜湯 48 hkd>有蔬菜新清既感覺，但係又唔會寡， 羅宋湯嘅味道，但係又唔會有肉味，鮮甜好飲， 又多材料。Menu

大約3年前我同老公有一日行過登龍街初次同呢間餐廳相遇, 當時俾佢地既店同事HENIZ 既熱情招呼以及食物既質素深深咁吸引住. 即刻我地住響新界區都會專登或者去到銅鑼灣都必定幫襯. 後尾知道尖沙咀THE ONE 開左後, 我地就轉戰THE ONE, 雖然THE ONE既店員真係不及HENIZ 既熱情招待以及對食物既熟悉, 不過食物既味道同質素真係咁耐都冇咩落差. KEEP 到個水準真係好難得.... 呢個係我最鐘意既食物, 每次都必叫! 出面最多既係薯條但我鐘意既就係佢地既蕃薯條, 甜甜地又夠香口. 再配上一個千島醬成件事令到我好滿足!另外我地今日我地有新嚐試...叫左呢個單骨雞翼. 一籠仔有4隻2個人剛剛好... 咬落去香脆又有JUICY既雞肉汁啖啖肉, 一D 都唔乾身! 做得非常好. 呢個熱辣辣出爐既Cajin Chicken pizza. 個D MELTY CHEESE 再加埋小小辣辣地既雞肉同蘑菇. 味道又香濃又野味. 2個人食左4件都真係剛剛夠喉呀!最後我地再叫左一個海鮮PASTA, PASTA都係我地次次必叫不過呢個口味就第一次. 酸酸MAY MAY 同D 海鮮都好夾, 食完

一大班朋友去聚餐，最好就係食西餐啦所以搵左地點好方便既The Point，就係The One上面去到既環境係非常適合傾計、影相同坐耐啲～而且侍應既服務態度都好好，上菜速度快，唔洗要等好耐今次都叫左幾樣野食，煙三文魚薄餅佢面頭有好多塊煙三文魚，而且仲有好多粒既三文魚籽配上薄既餅底，唔會食到太多粉，熱既時候係非常好食呀！但啲芝士醬好似因為薄餅太熱，熱溶左呀！香蒜辣椒白酒大蜆扁意粉味道偏淡，而且唔係好食到香蒜味不過汁係多，可以配埋啲蜆一齊食會好啲而蜆肉酒味比較突出～野菌黑松露卡邦尼意粉呢個意粉係會濃味過上款，而野菌都好多不過黑松露味淡左啲，用多啲醬會比較突出最後叫左啲小食，棒棒雞翼配蜜糖燒烤醬好正呀！因為佢新鮮炸出黎所以熱辣辣好香脆不過個醬有點怪味，食唔慣⋯⋯但一人一枝好過隱～香蒜橄欖油炒野菌配溫泉蛋因為我唔太鍾意食菇類，所以我淨係食左個溫泉蛋煮得剛剛好，佢仲係流心架！！！！我叫左杯MangoTango，好稠身有芒果汁同橙汁，不過我覺得好似味道唔多夾而且好細杯，好快飲完⋯⋯但算清新既一款飲品我覺得性價比高既一間餐廳，好適合同朋友黎吹下水食下野下次黎過再試其他野食先～推介： /5