The Platter (悦品酒店‧荃灣)

營業中

休息中

Lunch同老細係到食自助餐絕對唔會失禮，環境清幽，枱唔算多但自成一角都算大，梳化坐得都幾舒服，至於食物方面，款式唔算多，首先揀一款主菜，主菜都算等得耐。。食咗啲沙律都飽飽地。。不過主菜份量唔多，但味道都不錯，然後再出去自助拎嘢食同飲品。有兩款湯選擇，中或西。沙律吧會不定時轉款式，手快有手慢冇呀，種類唔算多。之後就係甜品區，大概有5款選擇。另外都有2款生果同麵包，烘麵包部機成日都會整跌哂啲麵包落地下。。你試過就明白。

係兩個幾月前新開既 悅品酒店·荃灣 入面既餐廳💁 為慶祝新開幕，餐廳推出左 買二送一半自助晚餐、週末及公眾假期自助午餐同自助晚餐優惠🎉最平三個半自助晚餐連加一只需$386.4，即係人均$128.8❗環境方面，大部分座位為梳化座，好舒服😍枱同枱之間亦都夠寬闊，空間感好足夠😊----------半自助晚餐時間為18:00至21:30，用餐時間非常充足😍餐包、餐湯、沙律、甜品、咖啡茶任飲任食，餐包隔離有個鏈式多士爐可以烘熱個包，餐湯有中湯同西湯選擇😀主菜只有4款，由$168到$268🙂烤雞肉菠蘿薄餅 $168只提供薄批，不過厚過一塊餅乾，所以中間唔脆，邊邊就烘得脆😅餡料方面，綿羊認為水份唔足夠，醬汁可以多啲同埋雞粒都偏乾🤔慢煮三文魚柳配檸檬汁及時菜 $198呢個綿羊真係好推介👍😀三文魚柳上面有一舊仔牛油，塗抹適量係三文魚既表面可以增加牛油香😊留意番佢始終係油膩，所以不宜太多💡慢煮三文魚柳好淋滑，底下有酸酸地既醋，中和番牛油既油膩感😃綿羊唯獨覺得鹹味唔係好夠，檸檬味亦都唔出😅🌟呢個係唯一一個冇澱粉質既主菜任食吧檯選擇唔算多，最推介係脆包粒(超香脆😍)、中湯(超足料)同埋凍蝦(夠新鮮)👍----

家人無意中發現開咗間新酒店，食自助餐買二送一，見咁經濟就諗住試吓點知........伏爆地點位置於工廠區不是很好找，但裏面望落去都算係乾淨整理，餐廳環境衛生都叫OK，但有時候見到啲碗碟杯杯，會有 些未洗乾淨。海鮮: 白蝦 ( 一般，起碼都新鮮）、藍青口（冇乜味道 ）、翡翠螺（有些許腥味）及雪花蟹腳 （鹹味濃度10分足夠）鮮味就一般，重點係 沒有鉸剪，開蟹的工具10分難用，而且一枱六個人 ，都只有一把鉗，問個侍應攞多一把，佢就話一張枱只有一把，佢哋都唔夠用無言.........呢把鉗只可以用來撕開，如果大家真係想食最好自備鉸剪 ！另外自助餐時間係六點至九點，但去到八點鐘嘅時候 ，雪花蟹腳 要問侍應先有機會有！佢地唔會點 refill ! 刺身魚生(八爪魚、三文魚、鯛魚、及甜蝦)算係幾新鮮，但最好算係 三文魚，其他味道一般！全晚我覺得最好食就係呢個燒羊髀： 夠冧夠滑唔會太重羊羶味。至於燒牛肉，太熟太韌太鞋口，亦都食唔出牛味 ！至於熱食，一般 Häagen-Dazs 雪糕任食（有朱古力、士多啤梨、曲奇雲呢拿）起碼有三個口味選擇，算唔錯！至於 dreyer's 雪條，就係雪櫃見到唔會再有，所以

老闆放大假，我同幾個同事就去這間公司附近新開酒店食過半自助餐，吾來個　long lunch 點可以趕走　blue Monday!入到去，裝修好華麗，舒服，亦好靚！因為我地時間早，所以只有一枱客，位置可以隨我地揀！坐好後大家揀一份　main, 我要左牛扒！之後我地都好心急去攞野食，雖然選擇不多，但排列好整齊，好吸晴！個西湯好好飲，好濃蕃茄味，中湯都不錯，無味精！食埋冷盤火腿，日式螺肉，沙律！主菜來了，有點過燶，食時都有點硬，我叫了五成，但應該過火了。同事撈蒙汁調得好恰當，酸度做得比其它餐廳更好，易入口，份量亦好足。另一份海鮮薯蓉，青口完全無味，但餐廳既薯蓉做得非常好，軟熟易入口！

一行六人，其中一位係小童388/每位，兩位免費，話送所謂嘅燕窩……老實講，價錢 388 唔會有咩期望魚生，款式五、六款但唔太新鲜，一般啦熱盤，都係六至八款，味道可以接受啦肉類，有羊扒同西冷牛，切到超薄……羊肉好鞋太熟海鲜，有蝦有蟹腳有螺 (最搞笑係用餐時間係6~9pm, 但蟹脚於 730已無法再供應)燉湯……蟲草燉雞 (係苦嘅)甜品四、五款 (同放題嗰D質素啦)唯有任食haagendaz 雪糕係讚所謂送嘅椰汁燕窩只過係好希嘅椰汁水，燕窩係差唔多見唔到嘅……總結: 酒店係新，環境係 okay 嘅。我寧願你每位收 388 加一，真係捨得比客食好少少，而唔好做到太小家。如果唔係D客伏一次就唔會再幫襯。

知道最近喺葵涌又開咗間新酒店，咁啱我地葵涌之友其中一位成員生日，趁住呢個機會，我地當然一齊去試下呢間新酒店啦。悅品酒店地庫有間西餐廳食半自助餐，新開張仲有8折優惠✌🏻set lunch價錢已包括埋半自助餐，咁嘅價錢出面普通食個西餐都唔止😂而家仲要有8折，真係幾抵。半自助餐嘅食物選擇都唔少，有湯，頭盤小食，沙律，凍肉，麵包，生果，飲品同甜品。海南雞飯賣相同味道都唔錯，但油飯略嫌唔夠油，唔夠味。燒紐西蘭西冷牛肉配燒汁叫咗七成熟，肉質一啲都唔韌，火喉掌握得唔錯，肉質juicy鮮嫩。意粉配鮮蝦肉蟹肉及番茄足料意粉，蕃茄汁酸酸甜甜好開胃。*************整體嚟講都好唔錯，但可能太新開嘅關係，booking安排仍未純熟，其餘都👍🏻

食物水平不錯，有八折值得一試，個主盤一般。新開業，又近我家,我也希望水平不錯，我也想多光顧。午市有3款沙律菜，2款水果，甜品味道亦都可以。西湯一般，希望有多些優惠

我做到第一個寫這間餐廳的食評了。這間酒店剛落成，地點非常近公司，當然要第一時間試試，再加上新張期內做緊　20﹪　off!!星期一至五既係　semi lunch buffet, 無論中午﹠晚上，只有星期六日先係全自助餐。酒店好新，門口還有竹棚未拆，不過這裡周邊大廈其實都經已好殘，住就可能未必選這間！話明半自助餐，出面既選擇吾會太多，但某些款還是會轉，試左個牛肉同火腿頭盤都很好味，好有肉味﹠咬口！甜品都一樣會轉，最後攞吾到朱古力　cake！餐湯有中有西，中湯西洋菜好好味，非常夠熱，好似飲緊媽媽煲既一樣！主菜個牛扒非常好食，肉，根﹠肥比例好好，吾會好瘦好乾，又吾會過肥，而且有根會更有趙口！可能餐廳還是試業階段，都有缺碗﹠食物空了未添既情形，相信慢慢會改善好！

上社交平台發現有新酒店自助餐優惠，所以就和另一半來試試葵涌新開酒店Hotel Cozi Oasis的星期六自助晚餐。優惠只限今個月頭兩星期六日, 買一送一$388+10%, 我和另一半都覺得可試，不過要試過先知在葵興地鐵站前往酒店大約10-15分鐘, 酒店位於工廠區, 但非常不好找, 到達酒店後門, 要再找一段路才到達酒店正門冷盤沒有太多選擇，有蟹腳、凍蝦 、青口、 螺 、小冷麵、 沙律等等，刺身有以上四款, 食物質素普通，主要是不夠新鮮。熱盤食物比較好的是菜心和紹菜，都可以試的是燒牛扒，炒飯就不是很有質素的湯方面，西湯有待改善，中湯可以喝多一碗。還有的是沙律醬都不夠, 職員千辛萬苦才可以籌給幾滴給客人甜品最欣賞這款雪糕，雖然只有曲奇和咖啡兩款選擇。不過，很多雪糕已變水, 很可能是很多客人沒有關好雪櫃門, 這個問題餐廳要正視的。食物來說這個價錢不過不失, 如果正價就有點偏貴。值得讃地方: 環境舒適，價錢尚算合理改善地方: 補給食物速度有待改善, 食物選擇不多總括: 值得一試飯後，另一半提議到酒店平台花園坐搖搖椅才離開，好讓腸胃消化一會，環境非常清優，眼前還可以欣賞一幅美景，相信將會是一