The Platter (悦品酒店‧荃灣)

營業中

休息中

好耐都無食過自助餐啦!今晚約埋屋企人，一齊去The Platter悦品酒店，歎返個半自助晚餐。酒店位於葵涌，提供接駁巴服務，餐廳樓底高，環境寬敞舒適，空間感十足，侍應親切有禮，預定時間到即獲安排入座。半自助晚餐相當抵食，包一個主菜、自助餐湯、海鮮、沙律吧、甜品、飲品等等。燒草飼牛柳配胡椒粒燒肉汁伴雜錦薯條及時蔬牛扒牛味濃郁，肉質結實富嚼勁，富含脂肪，油花分布均勻，甘香細嫩。粗身薯條即叫即炸，入口熱辣辣，外脆內鬆。法式煎封鴨脾伴時蔬法國經典傳統菜式之一，外皮煎得香脆可口，內裡肉質軟滑又油潤，味道酥香結實，脂肪均勻分佈。自助吧乾淨又企理，款款新鮮食物好吸引。沙律吧提供多款沙律菜及自選醬汁，推薦羽衣甘藍，爽脆有咬口；紅菜頭蘋果沙律清甜多汁，口感豐富。海鮮冷盤有齊翡翠螺、藍青口、白蝦等，推薦白蝦鮮甜彈牙，翡翠螺飽滿肥美。刺身方面有吞拿魚、三文魚及鯛魚，款款鮮嫩綿密，魚味濃厚，質素頗佳。餐湯有中式湯及西式湯揀選，推薦忌廉蘑菇湯，濃郁菇菌味，夠哂Creamy。甜品區選擇甚多，有齊大菜糕、檸檬撻、日式和菓子、雪糕等等。推薦Tiramisu Mousee，口感綿滑柔軟，相當滑順，甜度剛好，香濃唔會膩。

星期五跟家人吃好一點，特別挑選鄰近自己的酒店，地點頗便利，經葵興地鐵站十分鐘內也可到，或可選擇坐酒店穿梭巴士，老人家絕對沒有難度。晚市的國際半自助餐正在做八折優惠，本身也很划算。偶然發現外賣自取性價比極高，下次放工可以買回家。選擇一款主食可享用自助海鮮及沙律吧。咖喱大蝦伴白飯及油酥餅 - $288三大隻海虎蝦開邊去腸，肉質紮實，入口鮮韌有勁道，鮮嫩無比。咖喱香料度較重，但不算濃郁，不搶去海鮮鮮味，質地較流質，帶點辛辣。印式油酥餅香脆有層次，咬起來帶嚼勁及微微奶香，沾咖哩一流。燒草飼牛柳配胡椒粒燒肉汁伴雜錦薯條及時蔬 - $248草飼牛一般肉質較富嚼勁，因油脂較穀飼少，但這塊口感非常柔嫩，完全沒有筋。粗身薯條及蕃薯條外脆內軟，蕃薯較香帶甜味。有三款刺身冷藏夠冰涼，補給極迅速三文魚入口結實飽滿，充滿魚油入口即化，很甘香；鯛魚有彈性口感甘甜而鮮嫩；吞拿魚脂肪量較少的赤身，口感清爽。白蝦非常新鮮，去殼極容易，爽脆又鮮甜；田螺緊實肉質具有嚼勁；青口肉厚滑溜，海水味濃。香蕉蛋糕外皮有點像麻糬煙煙韌韌，內裡包著香蕉蓉；牛奶布甸質地濃稠，極濃郁的牛奶味道，極推薦非常惹味；芝士蛋糕濃郁細緻。燒新薯芥末醬

亞女話今個月開始加咗人工，一家人去酒店食自助餐慶祝吓酒店雖然位於工廠區，但喺葵芳地鐵站附近有酒店穿梭巴士可以到達，都算方便餐廳環境明亮簡潔，地方寬敞，坐位舒適，防疫方面都做足，每張枱都有隔板及提供口罩套酒店提供半自助餐，一家三口分別點咗：烤牛腰肉扒配紅酒烤肉汁、炸蕃薯條及時蔬牛腰肉部位出面很少餐廳提供，點了三成熟，肉質粉嫩但不滲血水，火候掌握得好，入口鮮嫩多汁，此部位脂肪含量較低，所以不覺油膩，配搭紅酒烤肉汁味道很夾，配菜有我喜愛的炸蕃薯條，實在驚喜，入口時仲喺熱辣辣，非常酥脆甜美烤羊架配香草燒汁、炸蕃薯條及時蔬羊架點了五成熟，烤得兩面焦香，但內裡仍然粉嫩，入口充滿脂香但不覺羶味，配香草燒汁味道一流鮮蝦炒意粉配黑松露菌忌廉汁意粉爽滑富彈性，大大隻鮮蝦爽脆鮮甜，加上菌香獨特嘅黑松露菌忌廉汁，非常惹味至於其他食品方面海鮮有翡翠螺、青口及大蝦，味道唔錯，都幾鮮甜刺身有三文魚、吞拿魚及鯛魚，件件厚切，絕不吝嗇吝嗇沙律方面有健怡沙律吧，自選沙律菜及醬汁，濃淡輕怡隨你喜好；亦有調製好嘅藜麥什菜沙律、意式吞拿魚沙律及意大利螺絲粉火腿沙律，滿足食菜一族麵包方面都有四款選擇，的的骰骰不會太大個，旁邊仲放

好耐冇食過酒店自助餐咁啱最近加咗人工梗係要請屋企人食餐好嘅慶祝網上見到荃灣悅品酒店半自助餐做緊優惠推廣好似幾抵決定試吓沙律沙律菜爽脆清新仲有幾款沙律醬同埋配料可以任意配搭；快捷簡單啲嘅可以直接選擇預先已經拌搭好嘅沙律；冷盤方面雜錦凍肉同埋醃扒意瓜同茄子都幾好食刺身三款刺身除咗絕對唔少得嘅三文魚外仲有鯛魚同吞拿魚；雖然選擇唔多但係整體嚟講質素唔錯特別係三文魚夠哂肥美好正海鮮三款海鮮包括翡翠螺以及蝦同青口全部都好新鮮仲帶啲海水味都幾上癮唔經唔覺就已經食咗勁多熱湯西式意大利菜湯酸甜微辛蘸埋麵包醒胃刺激；中式雪梨甘筍豬骨湯清甜溫補有助滋陰潤肺主菜四款主菜價錢最貴嘅都唔使三百可以食到酒店半自助餐真心勁抵烤牛腰肉扒配紅酒烤肉汁、炸番薯條及時蔬牛腰肉三成熟肉質依然鮮紅口感保持柔軟細嫩配搭紅酒烤肉汁幾惹味；最驚喜嘅係佢嘅配菜居然有個人最愛嘅炸蕃薯條而且食落酥脆香甜好掂烤羊架配香草燒汁、炸番薯條及時蔬烤羊架要咗五成熟肉質粉嫩軟腍同時羊脂半融甘香配搭香草燒汁唔覺得羶鮮蝦炒意粉配黑松露菌忌廉汁鮮蝦隻隻都好大粒而且肉質爽彈鮮甜配搭黑松露忌廉汁菌香濃郁順滑甜品凍餅以及糕點基本上都唔會太甜尤其係牛奶布甸同埋菊花柚

今日星期五，食好啲，於是去左附近既酒店食半自助晚餐，價錢唔貴，同其他西餐廳價錢差唔多，但可以食到酒店既水準，性價比高😋😋自助餐既食材新鮮，不斷refill，有唔同種類既沙律菜，冷盤既海鮮新鮮，鮮甜😋😋🌟烤牛腰肉扒配紅酒烤肉汁，炸薯條及時蔬上菜時已經見到擺盤好靚，牛腰肉5成熟，牛味濃厚，咬落好軟熟，烤完中間位置唔會過熟，5成熟真係煮得岩岩好，醬汁唔會太咸，好香既烤肉汁，汁既份量都岩岩好，唔會太多或者太少，職員都好有禮貌問需唔需要芥辣，服務態度一流，值得一贊👍🏻👍🏻🌟 烤羊架配香草燒汁，烤薯條及時蔬羊架7成熟，唔會太生，羊架大件，羊味濃但唔羶，咬落多汁，外層烤得好香，有少少脆邊😋😋香草汁同羊肉既味道好夾，黎到必食👍🏻👍🏻薯條即叫即炸，好香脆👍🏻🌟 甜品甜品既種類唔算少，有唔同種類既蛋糕🍰，桂花糕，同埋香港製造既雪糕🍦，雪糕既質素都唔錯，唔會好甜，而且味道特別，小弟都食左幾杯😂😂

上網無意間發現呢間位於工廈區嘅酒店超級抵住，二至三百蚊一晚仲包自助早餐，另外仲有好抵食嘅半自助晚餐，一個main course嘅價錢已經包埋餐湯、海鮮沙律吧、自助甜品同飲品。海鮮吧選擇雖然唔算多，只有海螺、凍蝦同青口，但啱食嘅話絕對可以番本。海鮮質素唔錯，特別係凍蝦，味道鮮甜而且肉質彈牙，難怪枱枱客都密密食。除咗海鮮之外仲有刺身任食，有三文魚、吞拿魚同鯛魚，質素唔錯，而且仲無限供應。嚟到主菜嘅部份當然唔少得先生至愛嘅牛扒，牛腰肉烤到五成熟剛剛好，肉色粉嫩但又唔會有血水，入口牛味香濃，質素唔錯。我點嘅大蝦炒意粉帶有好香嘅黑松露味，意粉軟硬適中，口感彈牙，配上鮮甜大蝦，水準亦係唔錯。沙律同生果吧乾淨企理，食物亦係時令新鮮。甜品方面有忌廉泡芙、瑞士蛋糕、牛奶布甸、桂花糕同mousse cake，質素平均，我同先生都最鍾意食牛奶布甸，口感滑溜，甜度亦適中。除咗自家製甜品，仲有港產雪糕杯可以任食，味道選擇亦唔少。飲品方面除咗咖啡同茶之外，仲有三款果汁可以自取。整體嚟講酒店餐廳嘅食物質素唔錯，自助吧嘅食物雖然選擇唔算好豐富，但勝在食材新鮮，而且性價比好高，係唔傷荷包嘅好選擇。

有一段時間沒食過酒店的半自助餐，太太說想在近近地的酒店請父母去，於是便預定了這家酒店位置：酒店在青嶼公路葵星中心對面，從荃灣開車去非常方便環境：酒店地下一樓的The Platter餐廳環境高尚空間大，沙發座位寛闊舒適服務：餐廳職員勤快，下單上菜快，又能快速收拾食完的餐碟食物：主菜豐富，而自助部分有不少選擇，而且味道不錯先說主菜部分：烤牛腰肉扒配紅酒烤肉汁、炸蕃薯條及時蔬（$288/位連半自助餐）牛腰肉扒有數小片，頗有肉香，而烤肉汁不會太濃掩蓋肉味，處理得宜炸蕃薯條炸的很香脆口感佳，初時還以為是炸薯條呢烤羊架配香草燒汁、炸蕃薯條及時蔬（$248/位連半自助餐）羊架是幾款主菜味道最好的一款，既大件亦能烤出羊肉香，跟燒汁配合很美味而配菜部分跟上一道主菜相同野菌釀雞卷配時蔬（$218/位連半自助餐）這款主要頗有驚喜，把野菌及醬汁釀在雞肉內焗製，香滑的雞肉加上釀入的野菌味道豐富至於主菜外的自助部分：餐湯有中式粉葛湯及白菌忌廉湯選擇，推薦白菌忌廉湯，香濃暖肚，味道不錯前菜區除了有自己烘麵包、火腿片、燒茄子及各式混合沙律或自取沙律菜配醬汁配料，選擇多而且Refill很快海鮮冷盤及刺身海鮮冷盤有鮮蝦、

10月1日的假期 ，知道the platter 的半自助午餐有八折，所以就和家人去試試， 雖然該酒店在工廠區，而且不是很近地鐵站，但當日都坐滿人。一行四人叫了四款主菜，之後就行出去拿食物，食物種類唔算多，補充食物速度也一般。 但相對貴價的食材如羽衣甘藍只見過一次之後就冇再補充變咗其他沙律菜，甜品方面食完一轉之後，見職員補充的時候轉了其他款式，這方面值得讚讚，。價錢有八折抵食扒香草鱲魚柳配蒜香忌廉汁， 魚肉一般但蒜香忌廉汁好味燒穀飼鴨胸配香草燒肉汁，如果自己厚切的話啖啖肉，個人鍾意呢個口感燒紐西蘭羊架配迷迭香燒汁，煮得過熟意式煙火腿三文魚子扁意粉配香濃忌廉汁，合格冇特別

生日以$528超爛價參與了staycation，性價比很高。這個價錢還包括了一頓半自助式晚餐。六時恭候，可以吃到九時半。餐廳位置餐廳雖然位於工廠區，但是在葵芳新都會廣場外有酒店穿梭巴士到達酒店，十分方便。餐廳環境感覺不錯，新淨之餘也嚴格遵守防疫措施。食物方面點了1）烤牛腰肉扒配紅酒烤肉汁、炸蕃薯條及時蔬，並且可以無限量享用自助海鮮吧和甜品區。先說那個自助海鮮吧，主要有(如圖) 1）蝦; 2) 青口；3）東風螺；4）各式刺身；5）沙律吧；6）甜品區。海鮮略嫌有些海水味，但整體感覺還可以。各式刺身，首推三文魚刺身。至於甜品區，只有布郎尼和瑞士蛋糕，比較平凡。反而重點是那個主菜，烤牛腰肉扒配紅酒烤肉汁、炸蕃薯條及時蔬，弄得剛剛好，不「銀」，十分容易入口，啖啖肉，新鮮的牛肉配合紅酒烤肉汁，令人齒夾流香。還有香港製造的雪糕，但吃下味道有點假，當作是支持本地品牌吧。性價比很高，我覺得我會再來。日期: 2020.10.18

老公個妹食個呢間 Lunch 半自餐話抵食又好味今次我地齊齊去試下Dinner 半自餐一去到裝修望落都舒服地方好大好靚幾岩三五知己傾計食野咁今次我地四個人可以叫晒Menu 四個主菜出面自助吧唔算好吸引款式唔算多基本自助吧野食同野飲都算齊海鮮、刺身唔多款海鮮食落都ok刺身都一般主菜黎到買相都唔錯唔知係米冷氣太凍野食唔係好熱變相食落差DD老公妹都有d失望話夜晚差過lunch雪糕得港式奶茶同芒果味我試了芒果味味道有小小假😅好少會覺得雪糕一般值得一讚花心思為壽星的我送上靚靚生日字同靚花花生日蛋糕🎂芝士蛋糕係ok唔難食架呢間酒店service 係ok地方又唔錯食物凍左係會影響味道希望佢地會改善下可以keep 番食物溫度

good luck eating there with the frozen mussels, you can still see ice inside the mussels. I asked to speak to the manager and the waitress said manager is not on duty. For the main course the steak was pretty good, nice flavor and juicy but a bit raw in the inside. Half Chicken was great and crispy.

疫情期間夜晚無happy Friday，提早同同事黎左呢間酒店食個靚lunch🥳午餐食semi-buffet, 每人可order一道主菜。我叫左香煎豬柳配美式芝士及鮮茄醬，賣相雖然好似乾身左啲，但原來係一層凝固左既芝士，切開仲有肉汁流出🤤！芝士完全覆蓋住塊豬柳，令到每啖肉都充滿芝士，而且呢隻芝士味道唔錯，同豬柳好夾😋😋 見到餐牌上寫既係jack cheese, 係奶味較濃既芝士，配上茄醬中和返味道又有開胃感，唔會被芝士味蓋過，滿足到芝士控之餘亦唔會太膩。同事叫呢份燒春雞配燒烤汁，賣相不錯，下次再黎試下！自助區冷盤有薄切凍肉、凍豆腐、醃木耳、酸青瓜、枝豆、冷蕎麥麵，仲有啲醃過既瓜菜等等。沙律方面都有好幾款沙律菜俾客人自由配搭，最估唔到竟然有羽衣甘藍！正呀😆仲有一啲已經準備好既沙律，例如紅菜頭蘋果沙律，味道唔錯，清甜開胃地中海炒野菌沙律，有幾種菇炒埋一齊，好香甜品款式好多，有啫喱、泡芙、芒果布甸、大菜糕、芝士餅、朱古力卷、牛奶布甸、雪糕等等仲有飲品，湯，自助形式總括黎講餐廳環境闊落，坐得舒服，枱與枱之間都有隔板，又有提供口罩套，清毒液。自助區野食全部都有蓋住，出去拎野食都要帶住口罩，又有見

住呢頭同家人諗起就會黎食，有時一個月幫襯兩三次，貪地方乾淨整潔，點知今次6月黎就衰左，多左好多客 (從佢地講野同裝扮應該係住酒店的住包食套餐) 但野食質素一落千丈。牛扒水準ok，和家人點了三份牛扒，今次沒試其他。做到五成熟，肉質ok配菜蕃薯條都ok。但semi buffet的東西實在好趕客，中湯西湯都溝水咁樣冇味，沙律水汪汪放到出水冇人處理，刺身唔夠新鮮，甜品都比平時少好多款式，只有外邊交貨那類的高糖甜卷同泡芙。semi buffet的東西我沒特地拍照了，食完牛扒食幾舊生果急急走人。希望酒店做生意之餘都顧及質素，始終200幾蚊個牛扒都希望有咁上下semi buffet的沙律做前菜。今次星期五去，如果下次一至四還是這樣我們只好跟飯堂say goodbye了

慶祝母親節的晚飯🥣在前一天訂位，幸好訂到4個人位，打算去比較小人的地方食飯慶祝。母親節當天有八折優惠，半自助餐形式：前菜、沙律、甜品、餐湯屬於自助餐，有蝦、刺身、青口、湯任君選擇。進去前要探熱，而出去拿食物的時候也要戴上口罩，雖然有點麻煩，但在這非常時期也是為大家着想。選擇不多Pancake機香港製造的雪糕：玄米茶、奶茶、雲呢拿，三種口味自助餐場地不大Pizza: 個底好硬，同上面d料完全分開, 個邊硬到傻左$288牛骨扒：5成熟，牛扒正常表現，薯條冇薯仔味，絕對唔值288嘅價錢羊肩整到好似羊腩咁，無羊肉該有的嫰😄服務態度良好，裝修新淨☹️整體食物質素偏低，唔會有下次