The Platter (悦品酒店‧荃灣)

營業中

休息中

係度住咗3晚，附近又無咩嘢食，唔想周圍行，所以好自然嚟到位於酒店地庫嘅餐廳。酒店算係新開，房間同餐廳設施都好新淨，餐廳座位好多，環境寬倘今朝8點嚟到，可能因為肺炎關係，人唔多。食物種類唔係好多，但基本西式早餐嘅item都有。我最鍾意係炒蛋同薯餅，薯餅啱啱炸起，好香脆。炒蛋就係生生地嘅滑蛋，好好味食咗幾round人都飽晒，即刻去隔離gym room做運動減低自己罪疚感

今日中午見lunch 有2個鐘，同同事傾過不如去食過buffet, 上網搵倒呢間今日有8折，大家都話不如去試試佢。入到黎，因為近排肺炎問題，經理會幫你探熱，門口有酒精消毒酒精搓手液，位置安排會與隔離枱隔多一張枱，內在環境唔錯，我地兩人不約而同都揀左鮮蝦蟹肉蒜蓉意大利寬條麵。唔使好耐，個面就黎到，出餐快。佢份量適中，鮮蝦數過都有成6-7仔。個汁酸甜甜好開胃，好食，我好快就食曬佢，再出去揀野食，出面自助方面，菜式不多，質素正常，但埋單一人100，我地兩人都感覺抵食，值得推介。

The Platter位於葵涌青山公路葵涌段443號悦品酒店‧荃灣LG樓, 一到酒店門口, 一大幅綠化草牆好吸引人眼睛。酒店位置不算太方便,但由觀塘搭KMB 38/ 42C好快就能直到, 酒店門口落車。由荃灣出發更多車可選擇。酒店環境非常不錯, 還有停車場可供泊車。由大堂樓梯向下行一層直望就見到餐廳, 餐廳平時會做半自助餐, 一個主菜,出面有自助沙侓吧, 仲有羽衣甘藍食, 其他酒店自助餐都宗未必有。餐廳今期做全自助餐, 我去食lunch buffet, 全院滿座, 見仲有80人團體慶祝聖誕。門口出面有魚刺生, 隔離有飲品任飲。坐低就出去拎野食, 先拎個沙侓食, 冷盤有凍蝦, 翡翠螺, 藍青口, 味道不錯。沙侓吧有好多蔬菜選擇, 沙侓醬都有三款。我最鐘意食沙侓吧, 起碼食兩盤。熟食都有好多, 同行朋友仲話竟然係菜心好食過沙侓菜。有炸麥樂雞,炸咖哩角,炸春卷, 炸蝦片, 雖然是普通食物,但炸得不錯, 香口。最有驚喜莫過於是海鮮喇沙湯麵, 同行友人讚不絕口, 還要end call。我就最喜歡自助pancake機,隔三秒就可按掣生產一塊, 好像不用一分鐘就有一塊, 還供應牛油,糖漿, 美味非常

呢間係荃灣悅品酒店入面附屬餐廳，雖然位於酒店內，但都對外開放，唔一定話要book房先食得。我同男朋友就book房，有住客優惠，好平晚市$350兩個人，幾抵食講真，呢個價錢，要求就唔會高得去邊，真心覺得呢個價就算係咁，有熱食、炸物、凍海鮮、沙律、冷盤、刺身、湯、飲品、甜品吧選擇都好多，味道都ok，同價錢成正比仲要有 Haagen Dazs雪糕，唔好期待食物會好高質，叫做入得口極推薦片皮鴨，好好食，估唔到會有😍唔記得walk in幾錢，入住優惠1人好似係$208一位食前最好上網睇一睇價錢，我唔係好記得😂

26/10晚我同太太走去食full buffet，佢六點鐘開始，當時除咗太太同我，冇其他客人。我地兩個都鐘意食蟹腳，咁自然就攞多d，有個女侍應似乎唔抵得我地攞咁多。當我攞第二盤(俾我太太)嘅時候，佢直情就企係我旁邊(如附上的照片所示)，想我知難而退。我認為我攞多攞少，都係我嘅權利，冇理由要問准侍應，更加冇理由要睇人面色，何況當時冇第三個客人！我就直情照攞蟹腳，當女侍應冇到，睬佢都傻！第二碟差唔多半滿，個女侍應將一個夾交俾下一個客人，係我面前叫佢快d攞，就快冇啦！單單打打，我當聽唔到！後嚟一位高高壯壯、負責補充蟹腳嘅廚師係櫃台同reception講，叫佢blacklist我地(我太太唔好彩聽到)，當晚我地亦注意到，蟹腳好少、或者好遲先至補貨俾其他客人食。我係度諗，你想話你嘅buffet有蟹腳食，增加吸引力，但實際上又唔捨得拎多d蟹腳出嚟俾多d客人品嘗，有冇咁嘅道理？天下有冇咁嘅free lunch呢？不如收擋唔好做把啦！除咗蟹腳，蒸魚、羊腿、三文魚、芝士蛋糕都幾好食。只不過，如果餐廳嘅management唔掂，乜都係假，打哂折扣……

其實來過都數次了, 雖然食物選擇不多, 但勝在價錢平, 而且環境又夠寧靜, 好適合傾計吹水, 食個 long lunch!今次我地一行4人, 叫咗海南雞飯, 2份豬同牛!海南雞個雞略嫌無味, 不過勝在很大塊, 啖啖雞肉!而個黃油飯係做得不錯, 夠哂香!豬非常厚切, 肉汁足!牛亦很大塊, 5成剛剛好, 肉味重!出面仲有餐湯, 沙律, 數款冷盤, 甜品自助供應還有咖啡奶茶, 檸橡茶等!20% 折扣因為新開張, 超級化算

8月份老公生日，今年我訂左一間新開的酒店餐廳同佢慶祝。果日我地揸車去，跟著Google map的路線，明明見到間酒店了，但唔知點轉入去泊車😆好在老公以前去開呢頭附近做嘢，原來要經大連排入去先可以去到酒店停車場🅿️**酒店有停車場提供，消費滿$300 可以免兩小時泊車優惠**一入到餐廳門口就覺得好新淨光猛，座位也很舒服。呢度午餐係Semi-buffet 的形式，前菜沙律湯甜品等都可以在自助區任食，每位客人就可以自選menu中的主菜一份。先講下佢自助區的食物，有湯、沙律、前菜、甜品等等，每一樣都好精緻，我特別喜歡他的紅菜頭沙律，唔好睇佢個様一盆紅色的東西，其實真係好好食😋仲有一款叫「鴻運大利」，其實是豬利，我第一次食呀，又整得幾好食喎😄跟著到主菜來了，主菜我點了牛排🥩，老公點了石斑魚，兩樣都好好味，配的醬汁也很夾。最後到甜品的時候，我吃了 Tiramisu & 柚子啫喱，Tiramisu 好滑好香，柚子啫喱也不錯吃。佢哋仲有任食雪糕，我只試了一款 玄米茶的味道，好好味呀，好想食多一個但已經太飽了😆另外非常感謝餐廳安排了蛋糕🍰同老公慶祝，非常之完美& 滿足

因為公司要慶祝食飯,所以即日要book位食lunch又估唔到即日都book到喎！葵涌附近都有好幾間半自助午餐嘅酒店, 唯獨呢間未試過所以就決定試下啦！呢間酒店係喺馬路旁都容易搵, 地鐵站行都有一段距離錢財甜品同飲品都係自助嘅, 前菜都有幾款唔同有中式嘅開胃小食, 有日式嘅冷麵凍豆腐, 有西式沙律 仲有一款裡湯同一款西湯主菜就係根據當日餐牌有啲咩而叫嘅我個日餐牌都有唔同肉類, 我就叫左魚雖然百幾蚊, 但一食就食得出係雪藏魚柳, 再加啲濃味汁同薯菜, 個魚本身都無咩味係要加埋啲汁就有啲味甜品就有多啲選擇, 有cake, 自製pancake, 雪糕等等, 好食過個主菜！

Happy Friday 當然要食好D! 見有新開酒店就即管試下佢地嘅餐廳~ 酒店到餐廳都裝修得好靚好開揚，仲有陣陣香氛氣味，餐廳都算大同舒服，呢度嘅午餐係半自助餐，叫完main 可以出去自己拎野食，包括有沙律吧、甜品、水果、湯品同前菜。前菜係冷面、枝豆同一啲通粉沙律，主菜未黎已經差唔多半飽了!甜品做得唔錯，試左慕思同brownie，都唔會好甜而且好濃朱古力味，值得一試，甜品區仲有pancake 機添!🤩🤩主菜叫左西冷牛扒同石斑魚，西冷牛扒五成熟做得剛剛好，燒完好juicy，肉味都濃，淨係掌握幾成熟嘅程度已經做我好好了~😋😋石斑魚好大件，食落冇雪味同腥味，肉質爽滑唔膩🤤🤤百零蚊食到咁嘅水準真係唔錯~依家lunch 仲有20% off, 抵到爆啊!

值得推介是半自助午餐的牛扒及豬扒。而魚扒略嫌味道清淡， 是薄的魚柳。另外， 雖然半自助的食物選擇不多， 但百幾元便有交易， 真心好抵！環境都舒服， 午餐時段唔算多人，不用排隊直接入去。也可即日預約。

生日有人請食飯一定開心嘅，冇期望所以冇失望，座位很坐得幾舒服因為我哋坐sofa, 但係設計上就比較狹窄，出入行去取食物有啲困難。食物款式唔係多一眼睇晒，都好彩有燒牛肉食，質素就普通啦！刺身質素真係唔得，我同朋友share都食唔晒。其他熱食簡直睇唔起興趣，全部賣相都唔吸引，我一樣都冇食，本來想試串燒但係朋友話唔好食所以慳返。冷盤有食到兩片火腿，周圍搵哈密瓜，好彩有隻一齊食更好食。最欣賞係佢啲甜品，因為有哈根大師雪糕成個雪櫃任你食。另外北海道牛乳布甸都幾推介，因為自稱上面有燕窩。朋友請我唔知幾錢，如果唔使$300到OK嘅！

年初四開工大吉！呀姐請食開年飯，我地成日都食Ease，呢間遠公司少少但未試過，今次一於就book呢間試一試！同Ease一樣都係平價酒店內的西式餐廳，環境還可以～Lunch set係以半自助形式，先點一個主菜，價錢包括沙律吧任食。紫薯蘋果沙律！一見到就覺得好特別，忍唔住要影低。味道就還可以，幾fresh~自助頭盤選擇都算幾多，refill得都快，抵讚！仲有麵包的，但我怕太飽肚，無食到，不過見佢牛油/醋/橄欖油都齊全～湯就中西式兩種湯都有，我地都覺得味道正常。沙律都幾新鮮，個蕎麥麵有驚喜，幾好食！主菜到了～我地人人都叫牛所以都無咩點影哈哈落單時佢講明全部七成熟，不過食落都唔算韌，味道普通，無話好好食，但都過得去啦！甜品推薦泡芙！另有蛋糕同水果。呢間比起附近的Ease就係多了水果，但少了Pancake機。野食整體黎講Ease會好味少少，但果間實在食左太多次，今次試下呢間有d新鮮感！而價錢方便又合理，一個set都係大概$140，平時番工lunch time想食好少少算係唔錯的選擇

最近喺葵涌新開左間酒店，裝修都唔錯，喺地庫嗰度有間西餐廳，有午市同晚市供應。雖然佢地已經接待緊好多國內旅行團同遊客，但基本上午市同晚市都係做商務客為主，仲可以book定位，所以呢日Lunch就去試吓呢間新野。價錢唔貴，屬正常西餐價，但呢到埋自助沙律吧自助甜品自助咖啡/茶。自助食品選擇款式都唔少，各種麵包，中湯西湯，冷盤小食，沙律都有。蒜香黑椒和牛粒($148)和牛粒四四方方總共有六粒，但肉質略嫌唔夠嫩，食到第三四粒嗰陣牙骹已經開始有啲攰😂味道唔錯，蒜味香濃。

新年與友人一起去進餐，大家都贊！地點對於我來說就腳，因為酒店對面已有巴士站。酒店新淨空間大，餐廳在酒店底層，門外有大地方，小朋友可自己玩一陣。入到餐廳，地方很大，適合一家大小和有BB車的家庭，出面有沙律吧，甜品，兩款餐湯，任君選擇。頭盤有羊、牛、魚，有素菜選。滿意位是每款的份量都很足，一點也不馬虎，味道十分好。羊架一份有三件，牛扒一份有兩塊，鰻魚有兩件，真是好大件！味道超正，啖啖肉，呢個價錢半自助餐仲要買二送一，抵食呀！

星期日的Lunch Buffet 都沒有坐滿、食物方面真是比較少選擇、有些味道很淡、唯獨菜乾豬骨湯很夠味、飲咗兩碗。飲品是免費自助的、有奶茶咖啡、凍檸茶。雪糕是雀巢公司