The Platter (悦品酒店‧荃灣)

營業中

休息中

半個月前book咗悅品酒店嘅聖誕Lunch Buffet，一入到酒店大堂即刻感受到濃厚嘅節日氣氛，兩米高嘅聖誕樹係個好好嘅打卡位～😆餐廳The Platter 係LG 層，有𨋢直落行多幾步路就到，非常方便。一入到餐廳大堂都幾寬闊，職員帶我哋入座一張四人枱，枱面上有兩個聖誕頭飾同聖誕玩具，即刻感受到愉悅嘅聖誕氣氛。Lunch Buffet嚟講The Platter食物種類都算幾多，唔同種類嘅熟食、刺身、海鮮、冷盤、羊架、牛扒、甜品等等應有盡有。甜品有雪糕、窩夫、朱古力噴泉、唔同款式嘅糕點，味道不錯，而且賣相幾吸引～食到一半有少少驚喜：聖誕老人帶住一個大禮物袋嚟派禮物同影相，相當有節日氣氛，大人同小朋友都好開心～ 餐廳整體感覺良好，食物種類多，環境舒適，又有節日氣氛，職員同聖誕老人都好友善，我地一家人都好開心，期待下年聖誕節再去The Platter 食Buffet！

大時大節 通常都會同屋企人食餐好 聖誕節都唔會例外很少酒店有泰式自助餐上網睇到悅品主打泰式自助午餐串燒 青咖哩 青口 燒牛肉也有很多非泰式食物如魚生，蟹🦀️，鮮蝦，冷盤小食，三文魚種類雖然不多，但味道都不錯！而且都新鮮 質素整體都合格空間上都幾闊落大部分坐位以卡位形式都坐得幾舒服同時見到大枱可以一次坐10人如果一班人一齊黎都唔洗分開坐可以圍住邊食邊傾岀面自助餐比較少咁大張枱整體而言 雖然位於葵興 距離地鐵站都要10分鐘路程 不過唔識行 葵芳都有shuttle bus搭都尚算方便 而且價錢唔貴網上購買仲有優惠認真不錯👍

享受週末放假日子，近近地去了荃灣悅品酒店食自助午餐✨新推出多款泰國美食😋泰.逍遙週末自助午餐🇹🇭（成人$338/小童$238、12:00-14:30）先提一提環境好舒適二人都可以坐四人枱，空間感好足夠，而且服務員好好禮貌👍🏻🥗前菜：泰式青木瓜及泰式酸辣豬肉碎粉絲沙律、煙鴨胸、火腿等。🦐冰鎮海鮮：白蝦，藍青口，翡翠螺，麵包蟹雜錦刺身（三文魚，鲷魚，八爪魚，赤具，吞拿魚）前菜我最鍾意泰式沙律，酸酸甜甜勁開胃🤤海鮮都幾新鮮，但我就食唔到咁多啦，主要留肚喺熱食度😆熱盤🍲沙爹串燒燒頂級紐西蘭肉眼泰式冬蔭功海鲜湯金邊粉、森巴醬焗魚、青咖喱燒豬排骨、冬蔭功炒蜆泰式辣椒糕炒青口、菠蘿海鲜炒飯、蒸扇貝、海鮮意粉等。每樣食物都夠哂熱，除咗蒸扇貝要多少少時間之外，其他refill速度都算快👍🏻每樣試少少就可以試勻咁多嘢🤣甜品🍮班蘭椰汁糕、西米布甸、窩夫🧇聖誕朱古力蛋糕、朱古力噴泉、Haagen-Dazs 雪糕。呢個價錢食到咁多野，味道都唔錯👍🏻食完仲可以上去一層有個戶外環境唞唞氣，好relax✨

聖誕節就快到為免同人迫所以提早咗食聖誕餐，見酒店依家開始推出聖誕半自助同自助晚餐，加上正日要返工請唔到假，所以就試咗半自助餐。餐廳場地唔算大但係座位非常寬敞，一大班人聚餐都相當適半自助餐牌主菜六選一，識揀嘅我當然梗係叫日本岩手縣 A5 頂級和牛肉眼扒，而朋友就揀咗燒羊鞍伴松露薯蓉。海鮮有翡翠螺、蝦、青口同蜆，補貨速度好快，侍應見未滿就已經開始補新。另外沙律幾多款式，每款都試咗啲，味道非常好。部位本身都已經好食，再加上仲要係日本 A5 和牛級數，好味程度更加唔使講，成個口腔都充斥住和牛油脂嘅香味。朋友話份量好多請咗我食兩件，通常出面食羊架都係得兩件左右，估唔到有四件而且又大又厚肉，叫咗七成熟，肉質口感軟腍，羊羶味濃郁。

去葵涌行街，今次唔喺葵廣食。臨近聖誕佳節，朋友突然話想食buffet，搵吓附近酒店先。 搵到附近有間酒店，直接跳上酒店接駁車，8分鐘就到。酒店推出咗一系列聖誕自助餐/半自助餐，今日就有【聖誕和牛海鮮半自助餐】，有多款主菜選擇，價錢由二百幾至四百幾不等。要回本當然要「攻略」自助餐區，海鮮有四款—翡翠螺、蜆、蝦同青口。翡翠螺大大粒，鮮味十足，我哋兩人食咗超過一打；蝦同青口也算大隻爽甜～食完海鮮就食啲沙律幫助消化，有幾款沙律，包括烤雞凱撒沙律配松露、燒野菌松露沙律，最特色係紫薯蘋果沙律，香甜又有益。另外仲有餐湯、小吃等等。亦可以飲橙汁、冰紅茶開胃；即磨咖啡都幾香濃~主菜方面，我哋都點咗【海鹽烤日本鹿兒島A4和牛肩胛扒配紅酒汁】。切落去，外皮烤得香脆，食落去油脂豐富，滿口油香肉香，算係高質。食完主菜，當然要食啲甜品，有應節又香濃嘅【聖誕樹頭蛋糕】、窩夫、雪糕等等，仲有暖胃嘅【老薑番薯糖水】添。

好似好耐都無去酒店食自助餐啦～最近發現葵涌呢間酒店推出松露·和牛半自助餐晚餐，半自助餐形式好適岩我🤩因為可以揀一份自己鍾意食嘅一份主菜，再食其他配菜😋咁樣食法真係剛剛好🤭半自助餐逢星期一至五供應，今期仲有其中一款主菜日本A5和牛呀～🐮前去酒店交通都好方便，喺新都會廣場對出的士站前有免費穿梭巴士🚌大約只需10分鐘車程就到達👍🏻 餐廳環境好舒服座位闊落，半自助吧有冰鎮海鮮、自助沙律、是日餐湯、自助甜品同咖啡橙汁…冰鎮海鮮有翡翠螺、蝦、青口同海蜆，翡翠螺超大隻，肉質新鮮彈牙，我食咗好多😂蝦同樣都好新鮮好彈牙。今期主題係松露，燒雞凱撒沙律配松露、燒野菌松露沙律、松露忌廉湯等等…仲有記得食燒牛肉沙律好好食😋主菜方面，今期主打和牛🤩我哋當然點份和牛嘆下啦😂岩鹽烤日本岩手縣A5頂級和牛肉眼扒配乾葱汁，肉質柔嫩，輕輕用刀一切就切開，油脂豐富肉味香濃，入口即溶感覺。另外一份主菜點左火雞粟米意大利飯伴香煎鵝肝，同樣好出色👍🏻 鵝肝表面煎至微脆皮內裏軟滑，配搭上充滿奶油香味嘅意大利飯，每一口都好幸福❤️食到停唔到口～最後食埋甜品，款式都有好幾款蛋糕、生果同雪糕，我好欣賞佢哋嘅窩夫🧇好香脆👍🏻整體性價比高，朋友

筆者星期日晚上，與家人去了悅品酒店·荃灣的LG層餐廳The Platter 吃自助晚餐。。自助晚餐的主題為牛迷、龍蝦、生蠔 - 海鮮自助晚餐（Beef, Lobster, Oyster - Seafood Dinner Buffet ）。海鮮和所有菜式都是無限任食，母親愛吃生蠔，吃得想當起勁。自助晚餐逢星期六、日及公眾假期也會提供，用餐時間為晚上六時至九時半，可以吃三個半小時，慢慢地用餐。。這是筆者第一輪拿取的食物，更大家分享一下：左上角：野菌忌廉湯左二：雜綿日式刺身 （Amaebi 甜蝦味道鮮甜，肉質飽滿，推薦！）右二：生蠔右上角：雜果繽治大餐碟：～粟米、車厘茄 （沙律吧）～燒澳洲和牛西冷 配燒肉汁～凍蝦～白酒香草忌廉汁燴龍蝦鉗～西蘭花 - 瑤柱扒時蔬順便一提，餐廳的空調頗為充足，食物容易變涼，建議食物多分幾次拿取，食物味道會更佳。。📌前菜～Smoked Duck Breast - 煙鴨胸～Assorted Cold Cut - 雜綿凍肉～Sweet Potato Salad - 紫薯沙律～Thai Hot & Spicy Chicken Feet Salad - 泰式酸辣鳳爪沙

踏入聖誕月，又是狂歡的時刻，不過，今年不知怎的，大家都選擇離港渡過，所有慶祝活動唯有提前進行。這個星期六就來到悅品酒店.荃灣的The Platter吃牛迷•龍蝦•焗蠔自助晚餐來預早慶祝。酒店提升免費穿梭巴士來回接送，可選擇在葵芳或葵興指定地點上車，非常方便。而餐廳佔地相當大，枱與枱之間有一定距離，空間感十足，坐位寬敞。牛迷•龍蝦•焗蠔海鮮自助晚餐成人價錢為$568(另收加一服務費)，可享用自助沙律吧、自助甜品、咖啡或茶。冷盤除了有沙律外，還有大量海鮮，如長腳蟹、海螺、青口、大蝦等等，除此之外，亦有日式冷麵、芝士及餅乾等選擇。甜品方面，西式蛋糕、窩夫、雪糕、水果、朱古力噴泉及奶凍等等，選擇非常多。飲品同樣是以自助型式，橙汁、雜果賓治、冰茶及咖啡等，應有盡有。芝士焗龍蝦是無限量供應，而且補及速度極快，所以不用擔心貨量不足而吃不到。龍蝦是中size，入口有濃郁芝士及燒焗的香味，肉質爽彈鮮甜，頭部位置還有味道甘香的蝦膏，超讚。生蠔都是任食的，肥美新鮮，味道爽甜，口感creamy ，沒有重重的海水鹹味。刺身同樣非常新鮮，個人偏愛三文魚及牡丹蝦，三文魚非常肥美，帶有獨有的油脂香味，而牡丹蝦口感黏黏

大獲！！非洲兒童黎到只可以食雪糕食飽1.炒既熟食上面有層5mm厚既油 我諗係用黎隔絕空氣防止細菌滋生2.海鮮唔新鮮有腥味，生蠔細粒之餘仲係唔新鮮唔知佢有冇5蚊銀咁大呢。長腳蟹冇鮮甜味似係攤左幾個鐘抽干晒d水份咁，睇落好大件但係一食就唔會想食多一舊3.魚生種類得3樣少得可憐，不過唔係食唔落口，但係一轉就唔會想再食多轉。4.全場加埋30樣野食都唔知有冇 野食區30秒咩都睇晒。5.工作人員係有善有禮貌的，但係真係食唔落🥲6.甜品都叫食得但係唔會比幾百蚊入黎食。救命呀！！！！7.全場味道最正宗既就係煙鴨胸，不過如果煙鴨胸呢啲都可以難食既話香港都要落雪了🥲🥲

巴士係屏麗徑一落車就直達酒店門口，餐廳位於酒店地下層，12點開門前已經有不少人在等位。Weekend seafood lunch buffet 成人$338/位、小童$238/位。網上都有coupon買，會更化算。準時12點見到一大盤麵包蟹，麵包蟹充滿橙黃色蟹膏。海鮮類仲有蝦、青口等。有四款刺身，三文魚、吞拿魚等大路刺身都有。芝士有四款，有提子、餅乾等配料。沙律吧除了有鮮蔬果菜，還有五款已調味的沙律，另外都有cold cuts ，擺放得幾靚。熱食有串燒、粉面、蔬菜、蒸扇貝等。有切牛肉，生熟度控制得不錯。有即整的拉麵，可以自己加芝麻、蔥等配料，感覺有點像日本溫泉酒店的拉麵。甜品有朱古力噴泉，朱古力漿比較稀，可以點棉花糖及生果。另有不少蛋款、布甸、泡芙，布朗尼夠濃味。最驚喜有Häagen-Dazs雪糕杯，本來以為只有四款口味，但寶物沉歸底😁在最底下找到了更多口味。

食自助餐唔一定要出尖沙咀，荃灣都有得食，今次就試下荃灣呢間悅品酒店嘅自助晚餐， $568一位😋💗 任食芝士焗龍蝦全晚最開心就係有得任食芝士焗龍蝦，佢真係全晚不停供應，從來冇缺貨過，龍蝦表面有厚厚嘅芝士醬汁，焗得幾香，表面應該有火焯過，賣相唔錯，每次見到佢一大盆一大盆咁拎出嚟，心情十分興奮😋💗海鮮種類多海鮮都有好多種類，有長腳蟹，鮮蝦，麵包蟹，大青口，螺等等，都係全晚不停供應及加添，最欣賞係佢嘅鮮蝦，肉質彈牙，醬汁非常配合。😋💗任食生蠔全晚3號不停加添及供應，生蠔都算大隻，肉質肥美Creamy，每次可以拎兩隻，可以任拎生蠔嘅感覺真係好滿足😋💗燒羊架羊架大約七成熟，入口嫩滑，呈微微嘅粉紅色，燒得唔錯，都幾大份，羊架隔離仲有燒牛扒，大約五成熟，都幾嫩滑😋💗朱古力噴泉而家好多自助餐都冇咗朱古力噴泉，呢個係好多人嘅童年回憶，將唔同嘅生果同埋餅乾放入去，沾滿晒朱古力之後食，真係少女心爆發

今天想輕輕鬆鬆隨意揀自己喜歡的飾品，慢慢品嚐一個美味嘅晚餐。 先去自助位置揀選了沙律和湯品，再吃了小小凍螺和蜆， 開開胃。 竟然有貴價Brie cheese 🧀 食多幾件就回本有突主菜～ 原隻新鮮波士頓龍蝦米多 ， 肉厚鮮甜。 非常大隻。蟹鉗啖啖肉之後再吃熱辣辣豆腐花、椰汁紫米露， 蛋花桂花糕。 蛋糕有咖啡、朱古力、雜果、仲有白色水果，甜品胃非常滿足。仲有雪糕，味道都幾特別嘅，今次試咗沖繩煙味，粉藍色嘅雪糕，好 fancy . 這個晚餐就完美了。

小朋友最鍾意食自助餐， 這家半自助餐的自助食品選擇，也算十分之多， 沙律、湯品、芝士、甜品、糖水、蛋糕、凍海鮮 … 應有盡有，小朋友食得開心。價格也10分實惠。二百幾 一個餐。 凍海鮮選擇有四至五款 小朋友最鍾意呢款 窩夫， 熱辣辣， 外脆內軟。 沙律選擇有超過10款蛋糕賣相靚仔， 若有5至8款選擇仲有 凍切肉， 質素幾好的主菜都有，大概10款選擇，牛扒煎得，剛剛好是小姐想要的六成，切開呈分粉紅色，軟滑有牛味。 而且份量頗大。

是晚屋企人又話要食自助餐😜book咗呢間酒店去歎番餐🍴星期日晚都幾滿座!!(成人$568@位) (另加一) 酒店晚市自助餐嚟計價位都算幾相宜🙌🏻雖然自助餐區域唔算好大😌但環境闊落乾淨且食物種類都幾多選擇！！重點分享吓食咗乜先💁🏻‍♀️💁🏻‍♀️. ✨即開生蠔(西班牙＆法國) 有驚喜😚竟然有即開生蠔任拎！蠔肉連同淡淡海水味一滑入喉🦪✨和牛壽喜燒預五至十分鐘左右…廚師即場預備供應…濃郁壽喜燒汁煮而成！熱辣辣拎埋位享用🔥✨扒波士頓龍蝦鋪滿芝士白汁！賣相吸引又肉質彈牙🦞✨燒澳洲和牛西冷🐂牛魔王唔好錯過！肉質肥美又嫩口！！✨刺身即叫即切嘅刺身！試咗大赤蝦, 三文魚 都鮮味十足👏🏻👏🏻✨麫包蟹, 雪花蟹腳, 蝦, 翡翠螺, 青囗 冷盤海鮮都夠新鮮🤤主力食蟹腳都回到本！✨熟食:蒜香炒鹿兒島和牛粒, 上湯龍蝦伊麵, 中式蒸星斑, 口水雞, 忌廉汁龍蝦鉗, 中西式湯水多元化熱盤熟食體貼埋家中長輩口味需求😁😁✨鮮果, 泡芙, 窩夫, 雪糕, 朱古力噴泉當中Be食咗兩轉自製甜品🍨現製窩夫+朱古力醬+哈根大師雪糕！非常滿意❤️

朋友發掘了一間隱世抵食buffet, 餐廳價錢酒店級數， The Platter位於葵興站一間酒店內餐廳位於酒店內，坐位夠闊落，一進入餐廳，你會被其寬敞的場地和舒適的座位所吸引。餐廳的設計簡約而現代，營造出一種放鬆和愉悅的氛圍。The Platter以semi-buffet形式提供晚餐。主菜，我地二人揀選了原隻新鮮波士頓龍蝦米多士和烤澳洲草飼肉眼扒配紅酒汁。這些菜品帶來了美味的味道和精緻的裝飾，令人垂涎欲滴。新鮮的波士頓龍蝦和嫩滑的草飼肉眼扒加上濃郁的紅酒汁，絕對是一道令人難以忘懷的美食盛宴。除了主菜外，還提供了各種任食自助餐選擇。海鮮，沙律吧，甜品，生果，餐湯和雪糕等無限供應的選項，讓你可以盡情享受各種美食的樂趣。新鮮的海鮮，豐富的沙律吧，精緻的甜品和多汁的生果都是不容錯過的。舒適的環境，美味的菜品和友好的服務絕對會讓你感到滿意。如果你想在一個寬敞而舒適的場所享受半自助晚餐，The Platter絕對是你的首選。