The Place

成日聽人講生仔之前要好好放肆一下，如果唔係之後無啖好食。所以用asiamiles換左coupon黎the place大食一餐。既然係要食盡佢，我當時食晚餐自助餐啦，因為一定係最多野食既，點知去到大失所望☹️對於愛食生蠔既你，可以不防一試，雖然小妹唔食得生蠔，但老公話啲即開生蠔都幾鮮甜，同埋我見隔離枱每個人都食左十幾隻😂可想而知生蠔應該都真係幾新鮮我今次只可以主攻熟食，芝士焗龍蝦係我既首選，大大隻，芝士味濃，我忍唔住都食左4大隻😝仲有大蟹鉗啖啖肉都幾鮮味總括黎講海鮮選擇唔算多，一般既🦀🦐🐚蠔都有，而且食材新鮮除左龍蝦之外，我最欣賞係個燉湯，雖然材料簡單但清甜又足料，一啲都唔輸蝕俾高級中餐廳，最啱平時缺乏湯水既你，補一補至於其他熟食同沙律bar選擇少，味道還可以沒有什麼驚喜每樣試過之後都無encore既意欲令我最最最失望既係甜品區，雖然有movenpick雪糕，但其他甜品款式少可憐，我差不多9點左右準備啟動我第二個胃時，點知得返2款蛋糕，俾人一掃而空，我問職員會唔會再refill既時候，佢話暫時得返咁多。。。我最期待既環節竟然變成我最最最失望既環節😫點解咁早就會無曬啲甜品架，個個都係最後先食

如果你鐘意食蠔，The Place的宵夜Buffet真的非常抵。佢仲成日有promotion,2個人用open rice book會有85折優惠。宵夜buffet同dinner buffet相比，海鮮種類較少。只有刺身bar同生蠔，不過主攻吃蠔佢不難回本，大概吃一打蠔已值回票價了。這裡的蠔中細size,海水味不太咸，算新鮮好吃。待應還不斷在手refill蠔，所以不用排好久。沙津Bar就算多選擇，有不同的新鮮沙津菜同芝士，火腿，備有多款醬汁供選擇，好開胃。不過這裡的熟食和甜品選擇就較dinner buffet 少。不過勝在價錢合理，值得一試。

食物超過五十種， 例如： 叉燒煎蛋飯， 洋蔥豬扒包， 基本刺身及壽司，沙律， 湯粉， 三文治， 甜品， 仲有特別嘅果茶（橙+菠蘿）見到小朋友食得好開心 好滋味 就覺得好抵食 好值得推介👏🏻👏🏻

早前用Asia miles換左4人下午茶自助餐，呢日就帶屋企人去食。由於早左少少到，要係門口排住隊先，到夠鐘先可以入去。呢日唔算太多人，唔需要等好耐就有得夾野食自家製三文治本來食自助餐唔應該食太多澱粉質，怕頂住個肚，但見到三文治細細件又好似幾吸引，就拎左一舊試。咬落麵包好軟熟，裡面既餡料好豐富，差唔多爆晒出黎壽司之後當然唔少得去拎壽司，選擇都有幾多，而且每件都細細舊，方便一啖食落口，仲唔怕食太多會飽我每款都夾左一舊黎食，還過得去，無乜特別，3個卷物都好似差唔多味道咁，只係外層唔同車仔麵好少可下午茶自助餐都有得食車仔麵，而配料同麵底都有頗多選擇，仲要即叫即整，夠晒熱辣辣我要左矇粉加大量沙爹牛肉配魚片同菜，沙爹味道ok，但鹹左少少，而牛肉就唔太腍，不過整體上都唔錯。

今晚同屋企人一齊dinner, 試下Cordis酒店食自助晚餐， 呢間酒店其實之前食過佢個宵夜自助餐， 今次屋企人唔可以食咁夜咁就試下佢個晚飯自助餐 。酒店提供好多食物例如芝士焗龍蝦、小龍蝦、生蠔、壽司 、咖哩羊、魚生、魚生飯、生果、同各式各樣嘅中式炒飯和西式食物佢都有。 成晚我最鍾意食就係佢嗰生蠔及鵝肝， 佢嗰啲生蠔真係好新鮮 ，有人同你即開生蠔， 鵝肝煎得外脆內軟煮得perfect。同埋酒店亦都有我最鍾意食嘅雪糕movenpick， 同埋佢其他啲cake都好正及好精彩，你哋都可以欣賞下我幫佢哋影嘅相! 因為每一樣都十分好食。

今日約咗朋友等佢放工，佢係做化妝小姐嘅，但係等完之後都大概2130，見到佢返工企左成日，雖然佢話習慣咗，但係睇落都覺得辛苦，喺等候期間，我去咗朗豪坊附近睇睇究竟食乜好，首選坐得舒服環境唔嘈，過去酒店睇吓有冇位先，好彩宵夜仲有最後兩個位，即刻book定啦，我哋去附近都飲咗杯野，之後就可以入座，我哋分別快速去攞咗生蠔，沙律，中湯，刺身，紅豆沙，豆腐花，生蠔好好食喎，見冇乜人就攞多一點，之後我哋就一路食慢慢傾，好快就到午夜過得非常快⋯⋯

今日早左放工，喺公司附近搵嘢食，行勻晒朗豪坊全個food court 我冇睇到想食嘅嘢，行過去酒店嗰邊，今日有胃口就不如食buffet，同朋友分頭行事，我負責由海鮮枱出發，生蠔肥嘟嘟脹卜卜唔係唔攞卦，龍蝦鉗好大隻一定要攞，長腳蟹同青口都要試試，三文魚令立立用嚟自製沙律一流，朋友攞咗湯，點心，蒸魚，炒飯，叉燒同燒肉一齊share，頭先行過甜品櫃見到啫喱同紅豆沙，平時我好少有啱食嘅甜品，但呢兩款好啱我口味。

用積分加錢換2張The Place 既宵夜Buffet，主題係---生蠔 !Buffet 由 10:15pm 開始，10pm 已經有人龍排隊，之后人龍越來越長，食客都幾多。生蠔唔係即開，只有1款，唔算太肥美，普普通通。基本壽司同三文魚刺身都有。熱盤就大概有十多款，既然係生蠔做主題，當然少不了蠔餅同蠔仔粥，不過驚喜唔算太大。除左甜品、生果，重有Movenpick 雪榚。以2百零蚊宵夜算ok，食多幾隻生蠔同幾球雪榚都足以回本。

夏威夷四季如夏，融合多元文化，是個國際美食的渡假勝地，今年暑假位於香港康得思酒店的The Place呈獻「狂熱夏威夷」主題自助餐，品味舌尖上的夏威夷熱帶風情。餐廳環境寬敞，樓底夠高，充滿空間感，坐得舒服自在，店員勤快收碟執拾，食物refill 速度亦夠快。海鮮吧集合各種優質的冰鎮海鮮如蟹腳、生蠔、鮮蜆、龍蝦、鮮蝦、青口等等，全晚源源不絕供應，海鮮控必定能大飽口福！即開生蠔肉身非常肥美，肉質厚實爽滑，海水味濃烈，蠔味留在口腔久久不散。龍蝦鉗碩大肥美，肉質新鮮，爽彈蟹肉雪白細膩，鎖住原始鮮甜海味。夏威夷芝士焗龍蝦表面鋪滿澎湃芝士，配上啖啖肉的開邊龍蝦，芝味與鮮味同時滿瀉。夏威夷蒜蓉炒中蝦炒得夠鑊氣，蒜香撲鼻而來，保留蝦肉的鮮味多汁與爽嫩彈性。夏威夷式蒜香豬柳外層炸得金黃酥脆，夾起時依然皮肉緊扣，豬柳肉質纖細易嚼，肉汁豐滿。烤麵豉三文魚三文魚肉質豐腴細嫩，火候控制得剛好，即使熟透後也不會變得鞋口，配上帶甜的麵豉醬更能提鮮。夏威夷式烤雞扒雞扒肉質嫩滑，沒有絲毫雪味，加入酸酸甜甜的醬汁，是夏日的醒胃之選。油脂豐腴的鵝肝煎得表皮香脆並帶有焦香，內裡軟綿順口，入口即溶，與脆卜卜的多士互相輝映。夏威夷

原本諗住去屋企附近食校長燒肉午市放題，但去到餐廳門口都係決定去食酒店buffet今次去嘅The Place其實已經去過兩次，地點非常方便(港鐵上蓋)，食物都啱食，但就未試過午餐時段Buffet主題係夏威夷，但其實佢唔寫未必感受到，可能多左啲菠蘿？好，介紹午餐時段有咩食先：沙律有3款已經撈好嘅，亦設有不同蔬菜配料可以自己撈。旁邊有餐包、疑似提子方包同餅乾，有一碟碟開左嘅牛油、芝士醬、提子乾同果仁。我自己就撈左一碟生菜、粟米粒、提子乾同果仁，再淋柚子汁，但一食就要抹嘴，因為成口都係油，可能本身自己落嘅配料組合都有啲奇怪，感覺奇妙日本菜有前菜、壽司、刺身，有啲好似幾特別，例如夏威夷午餐肉壽司、夏威夷魚生飯，但我冇食到。我食左三文魚、八爪魚同魷魚刺身，三文魚切得幾厚特色菜仲有生滾粥、粉麵同印度菜，我食左蘭豆咖哩，唔辣，但都幾好味其他熱食有8-9款，仲有3-4款點心同中式包點。煎龍利柳、蓮蓉包、蒜蓉西蘭心都好食，雞扒就冇乜味。另外有海鮮同中、西湯，海鮮除左青口、蝦、蟹腳、小龍蝦，仲有即開生蠔，唔多人排隊，但我都冇試到甜品有雪糕(8款口味)，仲有唔同topping 可以落，有每次限拎兩杯嘅夏威夷梳

食物太少款式 但有蠔食 價錢都可以但係唔可以成日食 因為實在太少嘢食 環境ok 宵夜諗唔到食乜嘢都可以試下 星期六去都冇full, 可以試下walk-in都應該有位 鍾意食蠔嘅可以

有齊長腳蟹同生蠔既Lunch Buffet選擇唔多，仲要價位係$300左右就更加少，依間Lunch Buffet前後幫襯過5-6次。佢既長腳蟹唔係死鹹，帶少少鮮甜，蟹既肉質都算新鮮，任食黎講算係高質！但今次既生蠔就令人有D失望，大細唔係重點，而係佢好死鹹無鮮味，不過公平D講，前幾次食既生蠔質素就比較好。依度每三個月都會轉唔同既美食主題，今次係希臘美食主題，驟眼睇唔算多款，望落同食落都唔太岩我口味，熱盤選擇亦都唔多，反而甜品有驚喜！有即叫即焗既夏威夷果仁梳乎厘，等五分鐘左右就有得食，雖然好細份，一啖幾乎食得哂，但味道就交足功課，好重蛋白香，配埋Movenpick雪糕，簡直一流！如果大家係主力食長腳蟹、生蠔同甜品，我極力推介The Place！

7-8月正直暑假，每日都天氣炎熱，平日見爸爸照顧屋企甘辛苦，就打算周六放假帶他去吃自助餐，上網搜查一輪見這酒店評價不錯且有7折優惠，之前公司聚會都吃過這酒店的自助晚餐，就定位吃這間。lunch都有生蠔等海鮮吃，環境可以，比起吃放題舒服得多

説好的openrice 7折要提醒三次才算到單上,酒店做法不太老實, 付款時要小心.食物: 夏威夷主題完全是失敗之作, 龍蝦以及蟹腳不新鮮, 熱食沒款式, 甜品更失望, 太差了...只有生蠔及牛扒比較可以, 其他説不上是可以,有點難食來形容不過份, 以酒店自助餐來說, 是沒有誠意之作. 環境: 旺角中心地區方便, 晚餐時段不太多人,不用排隊就能拿到食物,亦不用等位.總結: 完全沒有cp值可言, 連放提都不如, 下次一定唔會再光臨.

屋企人各有各忙，難得一齊放假就決定去食buffet👨‍👩‍👧一直都好想試朗豪坊隔離酒店既buffet，聽講好出色，前1日打去book咗晚餐時段。餐廳準時6點半開始入座，平日但都滿座，食物區不算大，但種類都多選擇，而我呢日係夏威夷海鮮主題。海鮮方面有生蠔，長腳蟹，蜆，蝦等等，啱哂中意食海鮮既朋友仔，海洋食落新鮮而且唔會腥👌🏽刺身壽司都好食，刺身新鮮，不過無蝦😭熟食種類唔多，不過樣樣都好有水準。甜品方面款式好多，造型亦都特別，中式西式都有。總括都好食，會再去🤗