The Pizza Pig (MONTEREY Place)

營業中

休息中

帶左狗狗去將軍澳海濱散步，咁就當然要搵間Pet Friendly餐廳食嘢兼休息一下，所以就The Pizza Pig食個豐富Lunch。餐廳裝修靚得嚟又幾CHILL，坐得都好舒服。最好就係Outdoor位置都係有蓋位置，所以就算天氣唔好，都唔會影響帶狗狗嚟食嘢嘅興致。佢地巳Set Lunch係有頭盤+主菜同飲品，而且都有好多選擇，所以最後我地就叫左兩份Set再加一個小食啦。頭盤我地分別叫左凱撒沙律同埋蘑菇湯。凱撒沙律嘅份量都幾大，沙律菜新鮮爽口，仲灑左好多芝士碎同煙肉碎，所以整個口感都唔錯。蘑菇湯就好濃蘑菇香味，而且仲好滑身，好啱我口味。飲品方面，除左一杯凍檸檬茶之外，另一杯我就upgrade左做以士多啤梨為主嘅Pink Piggy 紅粉佳人特飲，當中仲有點點番石榴同蘋果汁，酸酸甜甜好解渴呢。一場嚟到就當然要食餐廳嘅主打Pizza，所以主菜就叫左鴨肉燈籠椒煙燻水牛芝士薄餅。Pizza餅底好鬆軟而且焗得剛剛好，鴨肉絲同烤燈籠椒做主角，加埋水牛芝士、芫荽、蕃茄醬同海鮮醬做配料，所以整個口感都好豐富，啖啖肉咁食真係味道一流。另一個主菜就係烤羊林扒配上蕃薯蓉。 好香羊味而不膻，肉質好滑嫩而且外

今日中午同朋友去將軍澳 PizzaPig 食飯，一行三人叫咗 Piggie P15（招牌豬肉薄餅）、Tuna Tartare（吞拿魚他他）、1664白啤酒，甜品就揀咗提拉米蘇。薄餅鬆脆香口，豬肉鹹香帶少少煙燻味，配上微甜醬汁好開胃；Tuna Tartare 清新開胃，吞拿魚切得夠細緻，調味輕盈，唔會搶味。飯後提拉米蘇口感綿滑、甜度適中，食完唔會膩，作為收尾啱晒。餐廳環境寬敞，裝潢有格調，服務態度親切，整體出品有水準。係假日中午約朋友傾計嘅好地方，味道同氣氛都令人滿意，會想再嚟試下其他款薄餅或主菜。

係店舖附近嘅居民 大概半年前假期 因為需要等位嘅關係 戴眼鏡嘅接待員 冇表情冇語氣咁幫我哋登記咗人數同電話 話有位會覆返我哋 結果我行完街 都已經9:30過後 見到間餐廳入邊好多位 但係冇一個店員打電話嚟 當時已經覺得又冇禮貌又冇服務又唔會跟進 短期內唔會再幫襯 到今日 係平日嚟嘅 入座率只有三成 唔使等直接入 接待員照樣都係冇表情冇語氣 咁帶你入座 都算到落order嘅時候 入邊嘅服務員 一直扮望唔到 我大概揮手1分鐘左右 都冇人望到我 我唯有自己行出門口附近 同一個外籍嘅服務員落單 其實係咪真係唔想做生意呢？

呢日黎到將軍澳南既PIZZA PIG, 黎到呢度一定係要食肉肉! 我地叫左一個豬手, 一個PIZZA, 而呢一個PIZZA 係叫meat lover,入面就有好多款唔同既肉, 有cotta ham, 辣肉腸等等! 真係好好食好吸引! 另外我地仲叫左黑松露薯條,大大碟好好味!豬手份量勁多, 個皮勁脆, D肉唔咸, 點埋mustard食真係好好食! 仲有一D 酸菜夾住黎食真係好夾, 黑松露薯條好香黑松露味! 好好食! PIZZA 真係岩哂我地呢D 食肉獸! 仲要勁chessy! 一流!

帶着愛寵最好不過是到將軍澳南澳海岸附近搵食，因為這裏很多pet Frinedly餐廳，行經Donki樓下呢間The Pizza Pig，見到大大個廣告牌寫住🍕逢星期一主食買一送一🍕咁抵一於食pizza🤗我帶着毛孩坐outdoor坐位，都幾chill😊招牌鬼馬“豬意薄餅，要了個細size15吋都好大個，配料超多，有手撕豬手、香草肉腸、辣肉腸、火腿、燈籠椒、紅洋葱、水牛芝士、炸豬皮、蕃茄醬等，味道濃郁，餅底煙靭軟熟，滋味無窮😋Prime Seafood Risott承載着滿滿的海鮮，有蝦、蜆、青口、西班牙辣肉腸、牛油和蕃茄醬等，圓潤的飯粒吸收了海鮮高湯的精華，讓每一口都充滿海鮮濃郁的風味，讓人看見都食慾大開。Oreo曲奇朱古力忌廉奶昔，超香濃嘅朱古力味，好正👍Refreshing Splash，清新水果味還飲到少少薑汁味，好飲之餘又解渴。

今晚在海邊吃飯，這家餐廳環境氣氛都不錯，很適合聚會。⭐️SIGNATURE PIGGIE 薄脆的餅底搭配濃郁的蕃茄醬和拉絲的水牛芝士，口感豐富。招牌手撕豬手帶有煙燻香氣，與義大利香草肉腸和辣肉腸的辛香融合。火腿和烤燈籠椒、紅洋葱的加入，增添了清爽的甜脆感，平衡了整體的油膩感。⭐️雜菌白松露意大利飯這道意大利飯一上桌就散發出濃郁的白松露香氣，令人垂涎三尺。米飯保留了微硬口感，完美吸收了松露油醇厚風味。雜菌炒至焦香，與巴馬臣芝士交融出濃郁的奶香。 ⭐️卡邦尼松露蛋汁煙肉意粉這道意粉是傳統卡邦尼的升級版，麵條掛汁力強，每口都裹上綿密的蛋液與芝士，松露的存在感稍弱，但與煙燻肉香意外和諧。

前排同屋企人嚟咗將軍澳海旁附近嘅The Pizza Pig食Pizza 🍕✨ ，Weekday嘅夜晚嚟到見到餐廳唔係好full，可以直接Walk in入餐廳唔使等🙌🏻Order 咗佢哋menu 推介嘅 Signature Piggie 招牌鬼馬“豬"意薄餅🍕，見到佢menu有得揀vegan cheese 嘅option🌱，幾得意就揀咗，食落又同普通cheese 差唔多，而佢薄餅上嘅材料都好豐富，有招牌手撕豬手、意大利香草肉腸、辣肉腸、火腿、烤燈籠椒同紅洋葱，所以食落去啖啖都口感豐富，而且Pizza Dough 都幾鬆軟，唔錯！👍🏻

帶老去將軍澳食好嘢，就係Pizza Pigmenu好多都吸引，我哋主打Pizza同埋豬慢煮醬燒豬肋骨，雖然係慢煮，但仍然有BBQ燒烤風味，豬肋骨醃度啱啱好，肉質嫩滑，配上脆卜卜薯條，仲有開胃沙律菜。15吋pizza見都開心，薄底pizz入口啖啖真材實料，越簡單pizza越見功夫，超足芝士Oreo曲奇朱古力忌廉奶昔，圖文相符㗎，根本係可以當甜品，哈哈，超正超正Tiramisu 係餐廳重點推介，真係冇呃人！非常順滑,酒味芝士味咖啡味每樣都好平衡。

D 到既pizza 好好味，上次食過d 到既pizza 之後， 我地成日心思思想再黎食話想食pizza, 今日放假尊登一家人出黎再encore .Pepperoni +signature piggie pizza : 上次叫15 吋唔夠食， 今次叫30 吋，仲可以叫2 款👍👍❣️雖然得三個人， 我哋都差唔多食晒🤣🤣所有pizza 即叫即做，人手整， 上枱熱辣辣， 個pizza 底整得唔會太厚， 食落煙煙銀銀， 口感唔錯.蒜香蜆肉意粉： 因為有朋友唔食辣， 所以同咗職員講走辣， 但都好好味， 蒜香味濃，意粉彈牙， 蜆肉新鮮大隻， 如果辣辣地應更惹味.

將軍澳的Pizza Pig菜單超有創意，風味豐富！🍕招牌鬼馬“豬”意薄餅用料超足，手撕豬手、香草肉腸、辣肉腸、火腿，配上烤燈籠椒、紅洋葱、水牛芝士和蕃茄醬，每一口都層次滿滿，餅底酥脆，肉香濃郁但不膩，肉食控必試！🍖慢煮醬燒豬肋骨也超讚，肉質軟嫩到一撕就開，BBQ醬汁甜鹹適中，搭配清爽椰菜沙律、脆薯條和甜粟米，口感超豐富。🍝卡邦尼松露蛋汁煙肉意粉更是驚喜，濃郁蛋汁加松露香，煙肉鹹香十足，吃一口就停不下來！Pizza Pig的菜份量足，傳統與創新結合得剛剛好，絕對值得一試！

Mexican Shrimp~香辣牛油果鮮蝦薄餅，配料豐富，有鮮蝦、牛油果醬、水牛芝士、車打芝士、芫荽辣蕃茄醬等，第一啖食落好似Tabasco 咁，辣得過癮，鍾意芫荽的朋友唔好錯過❤️Prime Seafood Risotto ~富有地中海風味的經典料理，使用左鮮味的蝦、蜆、青口等海鮮，米飯吸收左海鮮的精華，香氣四溢，意大利飯外圓滑內彈牙，和海鮮的鮮嫩形成完美對比😍Linguine Vongole ~微辣，蜆勁鮮甜大隻，蒜超香濃郁，增添左唔少風味，而意粉煮得剛好😋Baked Camembert ~味道十分誘人，外皮酥脆的蒜香蜜糖與內裏的軟滑形成鮮明對比，同酸麵包更是美味創新的配搭👍

之前行過將軍澳海旁，已經好想食呢間The Pizza Pig，終於去食到啦🥳🥳我哋兩個叫咗🩷ྀི 夏威夷 Pizza有15吋同30吋，兩個人叫咗個細黎食，經典口味🥰有火腿、鳳梨、莫札瑞拉芝士、番茄紅醬，酸酸甜甜嘅鳳梨加上濃郁嘅火腿，pizza 皮焗得剛剛好，味道一流 ❤️ྀི 意式炸雜錦海鮮 有炸白飯魚、迷你八爪魚兌、青口、軟殼蟹雞、大蝦🍤檸檬🍋香辣菠蘿醬，非常有驚喜，炸得好鬆脆🥰每款都好好食，重點係個香辣菠蘿醬，清新開胃、真係食唔停口🩷ྀི 海鮮意大利飯口感濃稠，海鮮有青口、蜆、蝦、白酒、牛油、蕃茄醬和西班牙辣肉腸，鮮味十足❤️ྀི Hearty Choco雙重朱古力,牛奶，忌廉，oreo碎，濃郁嘅朱古力🍫，好啱依家天氣飲啊

呢日黎到將南donki 樓下呢間pizza pig! 環境真係好舒服, 因為帶埋小朋友黎, 店員仲安排左個梳化位俾我地坐得舒服D! 店員見有小朋友都俾左D 紙同顏色筆俾我地, 真係好貼心! 野食方面都好令人滿意! 我地叫左豬手同埋pizza! 佢既signature piggie pizza一定要叫, 我地叫左個M SIZE係15吋, 我地見隔離枱6個人就叫左30吋, 真係好巨型, 同埋好靚! 我地呢個15吋既其實都好好睇同埋好食, PIZZA面頭有炸豬皮, 超脆好好食! 仲有手撕豬手, 又有辣肉腸等等,真係岩哂食肉獸! 至於豬手都真係必叫, 因為個皮炸到好脆好好食! D 肉唔會太咸, 上枱已經切好哂超方便食用! 另外仲叫左芝士碎松露醬薯條, 熱辣辣, 超高質!

Pizza pig 同salted pig 係同一集團，salted pig 食豬出名，但係我哋今日黎食其他野。7點到都仲有個靚卡位坐，但其實餐廳都幾乎坐滿。坐位舒適唔逼夾，裝修都幾靚，中間有隻招牌豬。佢冇dinner set全部都係A la carte 單點，我哋就叫左1個Margherita pizza，慢煮醬燒牛肋骨，巴馬臣芝士薯條同埋烤雜菜。Margherita pizza🍕: 佢哋嘅芝士都係長方形，分兩種size中15”/大30”。我哋叫咗中size，切開有8塊，三個人分都好足夠。佢個餅底唔會好厚，但都唔係薄脆批，係薄嘅麵包底。我略嫌蕃茄較少，所以主要都係得水牛芝士嘅味道，而且味道偏淡。慢煮醬燒牛肋骨🍖：原本以為佢哋淨係做豬好食，呢個慢煮牛肋骨非常之出眾。切嘅時候已經感覺塊肉好軟嫩，而且中間有適量嘅肥肉，入口肉汁爆發，加上傳統嘅燒肉酸甜醬，非常之開胃，食到停唔到口。巴馬臣芝士薯條🍟：薯條厚度適中，炸到金黃色，入口非常脆加上面頭加咗芝士粉，另外再配上松露cream cheese醬，令味道再升華。其實好少遇到哩個價位嘅西餐廳能夠每一碟唔同種類嘅菜都整得咁好食，所以💯

海旁餐廳食pizza通常我都會來呢間，地方夠大，約家人朋友一大班人去都坐得舒服。呢排慶祝聖誕節約埋屋企人一齊食pizza，一早book定位夠晒穩陣唔使等，好快已安排入座。✅ Tuna Tartare $148有吞拿魚他他、墨西哥辣椒、牛油果、通藕脆片，前菜食呢款好清新開胃。✅ BBQ Pork Ribs $288慢煮醬烧豬肋骨配有椰菜沙律、粟米同薯條，一大盤幾個人share食剛剛好。✅ Orecchiette Chicken $178香煎雞肉忌廉青醬貓耳朶粉，雞胸肉好嫩滑，青醬貓耳朵粉配忌廉奶香味，我好鍾意食。✅ Pizza-Piggie $198招牌鬼馬“豬”意薄餅，有招牌手撕豬手、意大利香草肉腸、辣肉腸、火腿、烤燈籠椒、紅洋葱、水牛芝士、蕃茄醬。果然係招牌，炸豬皮配pizza好有趣又好食。餐廳12月至1月有新出節慶餐牌，每位$328，有頭盤、主菜同甜品。主菜有4款，可以點8寸節慶pizza都得！