影片
電話號碼
26119791
開飯介紹
餐廳採用藍白色為主調、拱門設計等意式元素，半開放式設計好開揚。主打石爐烤焗pizza，最巨型pizza足有30吋。
繼續閱讀
營業時間
今日營業
12:00 - 22:00
星期一至五
12:00 - 22:00
星期六至日
11:00 - 22:30
公眾假期
11:00 - 22:30
以上資料只供參考, 請與餐廳確認詳情
有關獎賞計劃
相關文章
放工突然好想好想食pizza屋企附近呢間Pizza Pig永遠都係我首選位置遠離市中心少少地鐵站行5-10分鐘就到其實都方便近海邊 兩口子一邊食pizza小食一邊飲酒平日夜晚人流不多之下 感覺幾chill幾relax//Pepperoni pizza$178//我們點了細size的pepperoni呢度pizza好食在於即叫即焗長條型夠特別而細size 2人分剛剛好 餅底皮薄脆口餡料有辣肉腸、水牛芝士同蕃茄醬海量的芝士好香濃好好味 //Fried Seafood Bites $148//意式炸雜錦海鮮拼盤有白飯魚、迷你八爪魚、青口、軟殼蟹、大蝦份量十足 海鮮經炸過後都仍然保持鮮味灑上香料 好香好惹味另配上檸檬同香辣波蘿醬入口少少香辣又酸酸甜甜甘令味道再提升食下食下停唔到口 //Meatballs & Spaghetti $158//個重點係肉丸 肉味好濃意粉煮得好彈牙番茄醬酸酸甜甜食落好開胃 //Canaletto Pinot Grigio IGT $68//清爽果香型白酒食住炸雜錦海鮮拼盤飲白酒是一大享受
繼續閱讀
呢間就係大家都唔會陌生既豬肉專門店, 呢度既Pizza 都好出名, 臨近聖誕仲有個節日餐牌都好抵食嫁, 包含左前菜, 主菜, 甜品😍Signature Pigge 🐷($198/$368)Pizza餅底好鬆軟, 手撕豬手, 意大利香草肉腸, 辣肉腸, 火腿, 烤燈籠椒, 紅洋葱, 水牛芝士, 蕃茄醬舖滿係餅底上面口感豐富, 啖啖肉好滋味🤤Mexican Shrimp 🍤 ($198/$378)呢款比較特別, 單睇配料就好似Taco 咁, 芫荽辣蕃茄醬更加係超級出味, 鐘意芫茜既朋友一定唔可以錯過🤩Pork Tomahawk 🍖($298)500G既烤斧頭豬扒, 辣肉腸醬, 菠菜, 忌廉, 蒜香蜜糖一齊去烤味道甜甜鹹鹹好特別, 肉質幾嫩再點肉汁, 好好食😋Gnocchi & Stracciatella Cheese🍝 ($128)烤蕃茄青醬芝士馬鈴薯丸子食落好煙韌, 青醬成功令成件事變得清新一啲都唔膩😉呢度既Vibe 好舒服好好笑, 仲可以幫埋寵物一齊黎超正😎
繼續閱讀
將軍澳大橋起左后都未去過. 今日放假一於去行下. 將軍澳海邊環境一流, 又有好多靚餐廳. 午餐去左呢間餐廳食, 見佢裝修好靚又幾CHILL 咁, 又有outdoor位 . 炸雜錦海鮮Fried Seafood Bites $148呢個雜錦真係勁多種類, 有白飯魚, 迷你八爪魚, 青口, 軟殼蟹, 大蝦 配埋香辣菠蘿醬
好開胃. D炸粉薄薄一層口感剛好. 好薄脆.Pepperoni 間野叫得PIZZA PIG, PIZZA 應該係佢地主打強項啦. 咁就要試下佢. 佢地有M size 15吋同L size 30吋兩種選擇, 我地揀咗15 吋 嘅 Pepperoni . 店員上菜時已經覺得賣相好正同好大塊, 係我喜歡嘅薄餅底, 滿滿嘅水牛芝士、蕃茄醬, 辣味意式香腸片 , 口感豐富, 超驚喜太好食. pizza愛好者的絕佳選擇, 我地仲有D后悔只叫M size, 下次要叫L Size 可以兩併兩隻味. Slow-cooked BBQ Baby Pork Rib 慢煮醬燒豬肋骨配椰菜沙律,粟米,薯條. 份量好大份, 豬肋骨肉質超嫩, 配埋BBQ醬 好惹味食. 熱辣辣薯條, 粟米香甜 如果配D牛油就更正. 椰菜沙律好解膩 . 成個菜好完美, 主角都配菜都做得好好. Mango smoothie - 好好飲, 足料! 服務: 主動確認用餐進度,適時添水送餐具. 今餐真係好滿足. 所有食物都好高質. 一定會再黎試其他味嘅PIZZA. The Pizza Pig (將軍澳)將軍澳澳南海岸唐俊街23號MONTEREY Place地下G10-11號舖
繼續閱讀
帶左狗狗去將軍澳海濱散步，咁就當然要搵間Pet Friendly餐廳食嘢兼休息一下，所以就The Pizza Pig食個豐富Lunch。餐廳裝修靚得嚟又幾CHILL，坐得都好舒服。最好就係Outdoor位置都係有蓋位置，所以就算天氣唔好，都唔會影響帶狗狗嚟食嘢嘅興致。佢地巳Set Lunch係有頭盤+主菜同飲品，而且都有好多選擇，所以最後我地就叫左兩份Set再加一個小食啦。頭盤我地分別叫左凱撒沙律同埋蘑菇湯。凱撒沙律嘅份量都幾大，沙律菜新鮮爽口，仲灑左好多芝士碎同煙肉碎，所以整個口感都唔錯。蘑菇湯就好濃蘑菇香味，而且仲好滑身，好啱我口味。飲品方面，除左一杯凍檸檬茶之外，另一杯我就upgrade左做以士多啤梨為主嘅Pink Piggy 紅粉佳人特飲，當中仲有點點番石榴同蘋果汁，酸酸甜甜好解渴呢。一場嚟到就當然要食餐廳嘅主打Pizza，所以主菜就叫左鴨肉燈籠椒煙燻水牛芝士薄餅。Pizza餅底好鬆軟而且焗得剛剛好，鴨肉絲同烤燈籠椒做主角，加埋水牛芝士、芫荽、蕃茄醬同海鮮醬做配料，所以整個口感都好豐富，啖啖肉咁食真係味道一流。另一個主菜就係烤羊林扒配上蕃薯蓉。 好香羊味而不膻，肉質好滑嫩而且外皮微脆，外層嘅肉又剛剛熟，所以入口真係非常juicy。不得不提個蕃薯蓉係超滑身而且甜度又剛剛好，所以真係食唔停呀。小食方面我地就叫左一意式炸雜錦海鮮拼盤，估佢唔到個份量係咁多，有軟殼蟹、八爪魚仔、青口、大蝦同埋白飯魚。最好就係佢個炸粉薄薄一層好薄脆，而一海鮮經炸過後都仍然保持鮮味，再加埋香辣波蘿醬一齊食令到個味道提升唔少，總之就係少少辣又酸酸甜甜加埋好脆口咁啦。最後我Set Lunch我就加左一份Tiramisu，佢個質地非常軟綿順滑，咖啡味香濃之餘又亦帶少少酒香添。值得一提店內嘅哥哥都好愛錫狗狗，除左等食嘅時候同狗狗玩左一陣之外，佢仲俾左個大驚喜我地，就係拎左一大碟雞肉請狗狗食，真係非常貼心。咁好嘅服務真係要再嚟多幾次先得呀！
繼續閱讀
今日中午同朋友去將軍澳 PizzaPig 食飯，一行三人叫咗 Piggie P15（招牌豬肉薄餅）、Tuna Tartare（吞拿魚他他）、1664白啤酒，甜品就揀咗提拉米蘇。薄餅鬆脆香口，豬肉鹹香帶少少煙燻味，配上微甜醬汁好開胃；Tuna Tartare 清新開胃，吞拿魚切得夠細緻，調味輕盈，唔會搶味。飯後提拉米蘇口感綿滑、甜度適中，食完唔會膩，作為收尾啱晒。餐廳環境寬敞，裝潢有格調，服務態度親切，整體出品有水準。係假日中午約朋友傾計嘅好地方，味道同氣氛都令人滿意，會想再嚟試下其他款薄餅或主菜。
繼續閱讀