先講講個海鮮飯，成個飯得啲汁好食，入面得三隻青口，仲要其中一個得個殼，冇肉😮💨然後啲飯好似未煮熟咁，勁生勁硬。份量又細，一個細胃口嘅人食應該都只係啱啱好。
諗住12安士嘅肉眼扒都會好大份可以彌補返，結果又係貨不對辦，肉眼唔難食不過好細塊，肯定冇12安士。
最好笑係杯朱古力，收成$45杯好心就唔好咁孤寒咁細杯啦🤣真係少得可憐😮💨一啖冇晒。
朋友生日仲要乜都冇得送，講真呢個價錢一定唔係平㗎啦，但係絕對唔係俾唔起，而係對食品質素或多或少都會有期望，咁嘅質素完全對唔住個價錢。如果唔係多人嚟食pizza嘅話真係絕對唔建議嚟食👎🏻👎🏻👎🏻
