The Mafe Cafe (已結業)

讀完書 出嚟做嘢之後就好少約同學啦 ，今次約左勁耐先夾到時間出嚟 我地去翻讀書時最鍾意既coffee shop 回憶下 ！！ DINNER 系以套餐為主 。 有個玩具櫃 入面好多嘢玩呀 煙肉卡邦你尼意粉 • 卡邦尼醬好夠味 煙肉五會太鹹 岩岩好 味道好夾 ，系麵偏向硬左少少 我鐘意林啲嘅 ！！ 芝士焗吞拿魚天使麵 • 好多芝士 勁好多白汁呀 ， 吞拿魚份量勁多 焗完鮮味仲提升左 ，天使麵夠淋 鐘意 ！！芝士焗薯條 🍟 • 用碗裝幾搞笑下 滿滿嘅一碗 上面好多芝士呀 ，熱辣辣趁熱食 ，番茄醬唔使要都可以 🤣🤣 夠晒鹹 。 跟餐 +28 芝士蛋糕 🍰 • 芝士味幾濃下 又五會太過甜 ，就系五夠凍 凍左會更好食

旺角有幾棟大廈出名多Cafe，方便大家三五知己行完街街想休息下，去傾下偈Hea下玩下boardgame～其中一間位於高氏大廈嘅Cafe，聽朋友講食物質素唔錯～ 呢日蕃薯妹響附近行完街街就嚟食個Lunch休息下～其實蕃薯妹入座嘅時間已經係3點3Tea time🤫 不過未食Lunch，好彩Mafe Cafe嘅Lunch set仲有得叫～枱面有個呼喚店員嘅鐘，呢度嘅空間都唔算細，可能店員冇行入嚟見唔到食客需要幫手，大家就可以禁一禁個鐘叫佢哋嚟我地叫完嘢食就去睇下有咩玩呢度嘅遊戲款式種類勁多，大部份都適合一大班人玩～薄荷朱古力咖啡 $46（跟餐補$8）榛子朱古力咖啡 $46（跟餐補$8）朱古力咖啡唔會好甜，甜度適中，薄荷味可以多少少。Lunch Set-煙肉卡邦尼意大利粉 $64好Creamy，好香濃嘅芝士味，好好食意粉軟硬度好適中，推薦Lunch Set-忌廉煙三文魚配天使麵 $68睇見都覺得好靚好開胃，煙三文魚卷成玫瑰花，美觀🌹煙三文魚有三片，好足料～忌廉汁亦調校得好好特色拼盤 $83 有雞翼、薯角、咖喱角、魷魚圈、洋蔥圈，配上沙律醬同茄汁，完全冇諗過拼盤會咁多，抵食 炸物好香脆～ 唔錯！

 餐廳裝修好簡約，座位係梳化椅坐得好舒服！提議來之前預先Book枱，因為坐下後一直看見有很多人><menu黑松露鮮菌意大利飯芝士和鮮菇配合得很好，易咬食落口也很有粘口及彈牙的感覺，而黑松露的味道也好濃芝士焗呑拿魚天使麵係熱騰騰，芝士味勁香！白汁分量非常多，每條 幼滑的天使麵都能夠掛住濃郁的醬汁呑拿魚再配上白汁同蘑菇，真係好夾好味道!!!《瑞士雞翼出前一丁 》個雞翼就最出色, 仲熱熱地既, 所以佢地menu都有2款味道👍🏼E雞翼係瑞士雞翼, , 仲熱熱地既, 夠入味，雞翼又夠肥美，而且有3隻。 飲品方面有好多選擇，最後我哋揀咗：草莓奶昔甜度剛好，加上cream更滑。 泡沫咖啡晚餐加$35就有心太軟+雪糕不過太飽下次先XDD

曾經光顧很多不同類型的cafe，有的注重裝修，有的提供無數board game，有的著重食材…… 估不到這間cafe竟然 滿足到以上各個願望。Cafe的佈置簡單卻帶點藝術風格，櫥窗有影子貼圖盡顯cafe 優雅、牆身有藝術掛畫、cafe整體感覺很舒適乾淨、座位寬敞，相信最多可以容納百多名顧客，適合三五知己相聚談心，同時足夠親朋好友包場慶祝。晚餐包$38飲品，可補差價選擇其他特色飲品。晚餐款式不多，但飲品種類多不勝數，有花茶、乳酪、 奶昔、咖啡及朱古力等。另外有甜品及小食可供選擇，非常吸引。煙肉卡邦尼意大利粉 $102看上去平平無奇的意大利粉，意想不到地好吃。醬汁超級濃郁，很creamy，芝士片配上煙肉配上熱騰騰的粉非常好吃。黑松露野菌忌廉意大利飯 $108視覺上黑灰灰濕淋淋的意大利飯，同樣出奇地好吃。黑松露很香濃，佈滿整個忌廉飯。份量剛好足夠1人享用。蒜香雞翼 $52一客有6隻雞翼，相比出面cafe份量算多了。外皮香脆可口，肉質嫩滑，不乾身，值得一讚。雪糕心太軟 (跟餐優惠$35)烹調時間需要20分鐘，所以最好預先order. 心太軟很流心超級好吃，還有雲呢拿味雪糕，認真超值。凍薄荷朱古

行街行到又熱又悶，諗住搵間樓下cafe hea下，就黎左依度Made cafe環境唔錯，d枱唔會好近好迫。重點佢有個遊戲櫃，有大量broad games玩😍本人最愛的monopoly deal, d牌都算新！講番野食，我地嗌左兩個dinner set,芝士焗吞拿魚天使麵厚厚既忌廉汁蓋住，面層有微焗焦既芝士，半溶拉絲既，撈埋天使麵食，濃濃芝士味慢慢溢出，天使麵硬度適中，好怕煮耐左既天使麵痴埋一餅，依今次無，所以都幾滿意。黑松露野菌忌廉意大利飯一上枱就聞到好香黑松露味，簡單配野菌已經令成碟飯好香，忌廉汁唔會太稠，撈埋飯食岩岩好，份量都多，一個人食好夠飽。

呢間Mafe cafe之前跟朋友上過嚟一次,俾我感覺幾特別，係旺角呢個熱鬧又繁囂嘅地方入面，呢度就好似清泉一樣。同旺角其他嘅Cafe好唔同，明明餐廳都已經八九成滿，但兩次上嚟呢度比我感覺都好寧靜，可能上得嚟呢度嘅顧客都係比較自律，同特別鍾意呢度咁舒服嘅氣氛。今次上嚟同老公分別叫咗個焗豬扒飯同煙三文魚忌廉天使麵。食物質素係Cafe嚟計絕對係高質，焗豬扒飯上枱熱辣辣，食得出係即叫即焗！正！忌廉三文魚天使麵，個賣相極靚，同樣味道亦都唔錯，醬汁極多！同老公邊食飯，一邊玩童年回憶嘅飛行棋，原來幸福就係咁簡單！❤️

難得早收工放半日假，約左朋友食個lunch，mafe cafe係旺角鬧市，但呢到別有一番寧靜，環境舒服，三五知己可以傾下計，呢到仲有好多遊戲比大家拎黎玩我地叫左2個set lunch，包左杯飲品，相當抵食！黑松露野菌忌廉意大利飯 $68份量估唔到咁多，黑松露香味濃郁，意大利飯煮得剛好，唔會太硬，剛好吸收哂忌廉汁，每啖飯粒都充滿醬汁，就算食哂成碟都唔夠好膩煙肉卡邦尼意大利粉 $64卡邦尼係我最愛，配上煎香嘅煙肉，簡直無得輸，醬汁好creamy，煙肉份量好多，上面仲有大量芝士，超正飲品我地叫左荔枝梳打同加錢Earl grey，都好好飲

今晚嚟咗油麻地的樓上Cafe，大約七八點的時候已經坐滿人，很啱一大班朋友上來。晚餐都有八款選擇，價錢合理，有包一杯$35或以下的飲品。🧡芝士焗肉醬天使麵 $98焗完的芝士肉醬用叉敲一敲是脆身的，裏面還有蘑菇片，味道香濃。🧡日式牛肉粒飯 $114這碟以中式烹調，有三色椒和洋蔥為配菜，牛肉粒份量頗多，而且肉嫩多汁。以黑椒汁作調味，令到成碟飯更惹味。 🧡香蕉奶昔這杯跟套餐加$14就有喇，香蕉奶昔再配上邪惡的cream，味道較甜，奶味很重，如果多點香蕉味會更好。🧡戰車（可樂加雪糕）這杯跟套餐加$12就有喇，好有兒時回憶，好耐冇試過了。但太多冰的情況下，可樂味道太淡。🧡心太軟甜品跟套餐只需要加$35就可以有一份即叫即焗的心太軟。朱古力蛋糕外脆內軟，裏面是香濃的朱古力流心。一啖雲呢拿雪糕加一啖熱辣辣的心太軟，冰火感覺，簡直美味。

旺角區的樓上CAFE多不勝數，裝修格調大同少異，一般都是以悠閒舒適為主，今日試了旺角彌敦道577號高氏大廈3樓的 The Mafe Cafe，感覺最具特色就是玻璃窗的剪影圖案，很美、很有藝術感。除玻璃窗外，餐牌上也印有剪影圖案。餐廳室內環境很舒適，放置了不少綠色小盆栽，另人心曠神怡，除美觀之外，更可以淨化空氣。2人點了兩個午市套餐，焗吞拿魚天使麵$58和黑松露意大利飯$$68，價錢合理，天使麵很細滑，吞拿魚份量也算多，味道適中，不會太咸；黑松露+野菌香氣四溢，飯夠焾身，忌廉汁令整個飯更加Creamy，超正。午市套餐包一杯$38飲品，若過$38只補差價。特濃朱古力原價$45，跟餐加$7。熱朱古力咖啡原價$44，跟餐加$6。甜品芝士蛋糕，跟餐加$28，芝士味道濃郁，質感厚實，美味！

朋友帶路, 原來係油麻地依個位成日經過都唔知樓上有cafe係度, 係外面地下望上去會見到大玻璃入面掛住d閃閃既燈~上到去原來全層都係佢, 一邊係for會員既~ 今次我係坐A個邊, 入面環境都唔錯, 有大玻璃採光幾好, 窗台有d小裝飾感覺幾舒服。我地一人一個set dinner, 另外drink menu都幾多選擇, 其中有成頁係塔羅特飲, 幾得意~芝士焗肉醬天使麵朋友叫既, 我睇賣相就覺得唔錯, 面頭好多芝士天使麵軟硬度都好正常日式黑椒牛柳粒飯初頭見到佢d汁顏色唔同平時食開個d黑椒汁都有d擔心, 但食落去又唔錯喎, 仲撈下撈下食哂全部飯添仲有佢既牛柳粒份量都多而且腍身, 夾埋洋蔥黎食幾好味芒果綠茶 Cappuccino本身dinner set包左兩杯38蚊既飲品, 想叫貴d既只面需要比差價~ 芒果綠茶唔會太甜, Cappuccino梗係我嗌黎配甜品架啦心太軟跟餐加35蚊可以食到心太軟配雪糕依個甜品做得幾好! 心太軟外層焗到少少脆, 再入面係軟熟蛋糕, 然後就係流心朱古力, 層次做得幾好而且即焗熱熱地咁配雪糕黎食勁正, 依個35蚊值得加依度食物唔錯, 環境就幾舒服而且唔會好嘈, 鋪頭亦有

今晚約咗friend喺旺角食飯， 我哋兩個傻更更咁上咗去樓上舖度食晚飯。咁我見朋友有介紹The MAFE CAFE，咁就試下啦!我地叫咗小食瑞士雞翼，忌廉煙三文魚配天使麵同埋黑松露野菌忌廉意大利飯。餐飲我哋叫咗士多啤梨乳酪 同埋藍莓果冰茶。一開波嚟咗個瑞士雞翼🐥，瑞士雞翼整得非常出色，因為瑞士雞翼佢唔係好似某一啲餐廳咁整到好咸 MAFE cafe雞翼 有少少甜甜地。好有酒店级水準。忌廉煙三文魚🐟天使麵 ，煙三文魚都幾新鮮冇乜冷藏過嘅味道，同埋一嚟到成朵花咁樣非常之靚，又可以post去ig度呃like 。天使面偏向幼身好易入喉同埋個cream sauce做得好好唔會太膩。至於黑松露野菌🍄忌廉意大利飯， 佢鋪咗少少芝士喺啲飯度，芝士溶入飯中以及啲飯細細粒又好易入口 ，飯中有好多野菌， 野菌同個飯比例算係非常平均唔係只有飯多， 成個飯食落好有黑松露味同埋佢嗰啲cream source整得好好味。最後我嗰杯藍莓冰茶，好有藍莓茶味 同埋我飲到好似有啲藍莓乾喺杯茶到，係非常特別。出面其他餐廳未必有咁嘅味道。 至於我朋友嗰杯士多啤梨乳酪我想試嘅時候佢都已經飲曬但聽佢講佢話好好飲。🤣My Awesom

今朝同班波友係九龍打完波，落左旺角食野，黎左Mafe cafe呢到有board game玩，而且都幾大，我地多人，坐左張大枱，好似開P咁！Lunch set有成10款選擇，我地每款叫左D share，其中有幾款特別中意芝士焗肉醬天使麵，超多肉醬芝士能夠拉絲，天使麵煮得剛剛好煙肉卡邦尼意大利粉，卡邦尼白汁相當濃厚令意粉掛汁黑松露薯條，剛炸出黎，當然香脆可口，蘸埋個黑松露沙拉醬就更加滋味lunch set大概$50-$75不等，已包一杯飲品

今晚走到旺角彌敦道577號高氏大樓3樓的The Mafe Cafe等朋友，可惜朋友遲大到，我唯有邊吃邊等。這裡地方舒適，又有電視觀看，而且價錢合理，怪不得閒日都有不少食客棒場。看到鄰座的這個《鮮茄焗豬扒飯 $106》很吸引，於是我也點一個。豬扒飯即焗很夠熱度，而且沒有焗得乾乾的，保持汁潤。豬扒有驚喜，厚身但十分軟腍，而且有肉汁，再加上茄肉和茄汁特別惹味。跟餐$38或以上飲品可補差價，於是我補了$6點了一杯《蜜桃乳酪 （原價單點$44）》，味道剛好不會太甜，合我口味。黃金咖哩角 $35小時候最愛食的校園小食，今日回味一下，外皮十分香脆，咖哩味香濃，不錯。跟餐可加$35有即焗《心太軟配雪糕》心太軟和雪糕是一般的雙倍份量，朱古力漿又夠流心，熱烘烘新鮮又好吃。

身在旺角忽然好想去上樓cafe，於是上網搜尋一下發現原來除了旺角，鄰近的油麻地都有間被好評的上樓cafe，而且地點易找，就在油麻地站A4出口旁邊，入口處乾淨，比旺角那些感覺好好多。上到去一開𨋢門即見Mafe Cafe，步進見到裝修比較像西餐廳，所以都見下班男女進餐撐枱腳。職員帶我走到另一個area，那裡的面積較大，又有電視，整齊又不嘈吵。閒日的8時都坐滿了6-7成，我覺得都很不錯。這裡有正餐，dinner set不貴，包$38飲品一杯。點了個《鮮茄焗豬扒飯 $106》兩個人分享。即焗很香口，豬扒又厚又大塊絕不吝嗇，而且很腍身，超出預期的好吃。再點了兩個小食。《黃金咖哩角 $35》脆口不油膩，配沙律醬好味。《瑞士雞翼 $52》夠入味，雞翼又夠肥美，而且有成六隻。《Flavor Mocha $46》拌勻後甜度剛好，朱古力味重是我杯茶，加上cream更滑。《紅莓果茶(熱) 》原價$56，現在補差價就有。跟餐加$38 的即焗心太軟而且仲跟大大球雪糕，正。

很久沒到過樓上cafe，因為覺得大迎部分樓上cafe都比較嘈吵和迫夾，食物又性價比低，但朋友剛巧就約我質油麻地一間樓上cafe飯聚，而這次到Mafe Cafe讓我重新認識，亦改觀，感覺不錯。環境不迫夾坐得舒適，分有兩邊空間，其中一邊有4部電影但完全不會嘈吵，而食客都相比比較成熟，不會喧嘩吵鬧。而樓上cafe當然有遊戲提味。晚市套餐很抵食，沒有過百元，而且質素對得住價錢，沒有交行貨。比如我點的這個《芝士焗肉醬天使麵 $98》份量十足，肉醬夠而且肉粒多，天使麵又掛汁，加上芝士焗更香更有口感，亦更惹味吸引。跟餐配$38飲品，多於$38可補差價，我點了杯：《紅莓果茶(熱) +$18》有蠟燭保溫，花茶微甜，餐牌介紹：「紅莓、芙蓉花、薔薇果和蘋果， 含豐富維他命C,E，滋潤肌膚、消滯解脂。」女生們來到不想喝凍飲的話這會是一個好選擇。甜品《+$35配心太軟+雪糕》，即點即製，記著一定要15-20分鐘前落單～雲呢拿雪糕很大球，雪糕控一定雙眼發光。心太軟高身同樣有份量，切開朱古力溶亦湧出，十分吸引，連同外脆的朱古力外層入口實在令人滿足！