The Mafe Cafe (已結業)

星期日同老婆去旺角睇早場，由於冇食早餐，所以一完場我地就急住搵地方開餐醫肚。老婆帶左我去佢中學時經常去的高氏大樓搵食，係多間食店入面我地揀左3樓呢間新裝修的MAFE Cafe。MAFE Cafe的前身係加勒比海咖啡店，我地結婚前都係約兄弟姊妹係呢度開會，今日重遊雖然已經轉左做MAFE Cafe，不過門面的加勒比海咖啡店招牌仍然未改。我地12點到餐廳時，餐廳剛開門，我地係第一組客人，改裝之後餐廳空間感大左好多，大玻璃窗透入充足自然光，擺放的綠色植物亦令環境更加舒適，而且大部份座位都係寬敞嘅梳化，非常適合放假係呢度hea~Lunch set選擇都唔少，而且價錢好相宜，全部都係$60以下，我地揀左一客忌廉煙三文魚配天使麵同黑松露野菌忌廉意大利飯share食。MAFE Cafe的玩具架有好多款board game任玩，我地揀左兩個人都可以玩嘅數字牌遊戲，邊玩邊嘆。😙忌廉煙三文魚配天使麵(lunch set $56)呢個天使麵造型好靚，玫瑰花型煙三文魚配上口感creamy洋蔥味香濃嘅天使麵，非常惹味。😋黑松露野菌忌廉意大利飯(lunch set $56)意大利飯口感外軟內脆，黑松露味濃，加上爽口

陪女朋友去旺角新裝修Café，本來擔心唔夠飽，做好要買杯面準備，點知份量原來好多，全個人安心曬。而呢度有個服務鈴，唔會好似平時D café 舉好耐手都無人理會，而且裝修乾淨舒服，平時拍拖食飯都幾好~首先，叫左個芝士焗薯條，未食已經聞到好香芝士味。我同女朋友同時叉左條薯條，牽曬絲，即刻影低!日式黑椒牛柳粒飯牛超級淋，而且無根唔雌牙，而且有好多牛柳，三色椒賣相好，幫個飯加左好多分！呢個黑松露意大利飯都香氣十足!我特別留意到呢度D飲品個名係同塔羅牌有關係，個combination都幾特別，好似呢杯朱古力咖啡拼左杏仁，味道香左，多幾個層次！而呢杯忍者係士多啤莉屏熱情果，其實D色同塔羅牌都有D似，味道好好~係蘇打來的~最後個甜品不得不讚! 心太軟流出熱朱古力!通常配雲呢那雪糕食，但呢度用朱古力，令到全口都係香濃朱古力味，好食!

約朋友去cafe我鍾意約地點方便、服務好、食物好食，仲有一點好重要，要坐得舒服唔好太嘈！呢間新開MAFE Cafe就符合以上幾點！首先，呢度位於旺角地鐵出口，方便到爆！而且呢度夠光猛，用白色為主調，有情調又乾淨！呢度仲有幾張大檯，鍾意一班人gathering就最適合！而且呢度好多game玩，裝到全個櫃都係啊! 去cafe食飯，通常人多，經常出現食物唔夠，但呢度食物超大件，份量充足！我男朋友見到個芝士焗薯條超級興奮！芝士粉超級多，拉絲薯條超好食！而我對呢個黑松錄意大利飯情有獨鍾。意大利飯要淋得黎有口感先最好食…呢度做得唔錯，口感好好！呢個顏色豐富嘅日式黑椒牛柳粒飯成功取得男朋友歡心！未食已經比顏色吸引喇！三色椒好睇又好食！牛柳超級嫩，無根而且真材實料，超多牛柳啊！甜品食心太軟真係無得輸，大家一定要叫！一切開就好似火山熔岩流出來一樣，而且係熱架！配合朱古力雪糕去食，有冰火感覺~ 我一個人獨享！食物質素唔錯，價錢合理，朋友聚會一流！

旺角樓上cafe集中地非說高氏不可~今次去左3樓既Mafe 原來都係4樓既孖啡既。地方夠闊落, 如果一大班friend 都有大檯可以坐~ 店員安排我地坐窗邊位，可以一邊睇住人來人往既彌敦道一邊食野。去得樓上cafe當然要放慢節拍先點一個特色拼盤先分量十足, 有雞翼,薯角,春卷,咖喱角,魚手指,蟹子魚蛋, 每樣3件 , 炸起好香口 有野食緊係要叫杯野飲吓~  薄荷朱古力香濃既朱古力, 又唔會蓋過薄荷既香味, 加埋上面滑滑既cream~ 唔錯紅莓果茶最近胃口麻麻, 呢個茶可以消滯解脂, 啱哂!  飲完仲可以加水既~一邊食, 我地仲一邊玩吓數字牌Set dinner既主食都黎啦~忌廉煙三文魚天使麵煙三文魚砌成一朵花, 好實淨好大朵,攤開D三文魚真係幾多吓忌廉汁又夠多, 天使麵煮得剛好加埋洋蔥磨菇 , 值得一試日式黑椒牛柳粒飯雖然賣相有D似中式, 不過黑椒汁幾惹味, 牛柳粒又多本來想加$28 食埋心太軟, 但實在太飽了

好朋友要成日見的，今次我們就到了旺角的樓上cafe 一聚啦，一來要吹吹水，二來要計劃我們的旅行大計，所以必須要搵間可以適合傾計的地方！😌環境寬闊，而且還有梳化位，十分舒適！😌放工太肚餓，當然要快d叫野食啦📢📢飲品選擇繁多，有選擇困難的朋友真的會頭暈呢！凱撒沙律🤤先來一個沙律，refresh一下！沙律內的蔬菜很新鮮，一咬下去脆卜卜的！黑松露野菌忌廉意大利飯🤤黑松露味十分香濃，混合忌廉及芝士在意大利飯內，感覺十分豐富！ 黑松露炸薯條🤤薯條同樣脆卜卜炸起，伴上黑松露味覺即是提升，食唔停口呢！紅莓果茶🤤內有紅莓、芙蓉花、薔薇果及蘋果，入口酸酸甜甜，十分醒胃，而且還有消滯解脂及vitamin C&E ! 朱古力心太軟🤤晚餐不能沒有甜品，濃濃的心太軟加上雪糕簡直是絕配呢！心太軟即叫即焗，保證一定令你大滿足！價錢親民，真的很一間CP值高的樓上cafe ，加上環境不嘈吵，真的是聊天的好地方！

中學時代搵樓上CAFE，實會黎過呢棟高氏大廈咁岩見到呢間新開既"孖啡"CAFE原來就係易左手既加勒比海前身，我都有同朋友係度流連過呢A, B室打通左，A室主要係細台，比較岩靜靜地既人傾計B室就真係有以前CAFE感覺啦 好開揚地方又大係呢度望出去幾舒服以前成日覺得CAFE既野食好食極有限但近年黎都開始轉形，知道食客對食物開始有要求啦忌廉煙三文魚配天使麵 $106平時麻麻地天使麵，但估唔到呢個好好味忌廉多得黎唔會膩口，加上2大塊三文魚配洋蔥蘑菇等配料黑松露野菌忌廉意大利飯 $108平時食意大利飯會好怕太膩，呢度煮得唔會油剛剛好黑松露味仲好出2個主菜都包一杯38飲品，我叫左藍莓果茶 補$18芝士焗薯條 $46可能唔夠熱，芝士唔太夠，所以唔係條條薯條都覆蓋到，可以再做好啲，不過好鍾意厚薯條既質感蒜香雞翼 $42有6隻，炸得剛剛好，上面鋪左d炸蒜好有口感

今日同朋友行完旺角，見到有間新開張嘅Cafe ,搭電梯上去嘅時候見到兩間名字相似嘅cafe，一間係孖啡 (double cafe), 另外一間就係我今日去嘅MAFE cafe, 約咗人嘅話，記得睇清楚唔好行錯路啊。見到餐牌嘅飲品都算多，但奇怪嘅係見到menu係用孖啡嗰個，一問之下先知原來呢兩間係姊妹店。我點左一杯藍莓乳酪，上面有幼滑嘅cream，將佢混合之後又有藍莓同乳酪嘅香味，好light 好fresh, 我自己幾鍾意，不過友人話可以甜啲。之後叫咗一個risotto, 好重黑松露同忌廉嘅香味。最鍾意佢嘅飯粒好有口感，韌韌地，有𡁻口，唔會好似有啲餐廳用軟林林嘅飯，完全冇咗食意大利飯嘅風味。總括來講呢餐都幾滿足，以樓上咖啡店嘅水準來講，呢度嘅性價比都幾高。

旺角人來人往，是購物的好地方，剛剛shopping完 要去醫下肚啦。我們喜歡樓上的cafe，因為通常環境比較闊落，可以和三五知己傾下食下，唔怕俾人騷擾。嘩！大大張的sofa 足夠將我哋嘅戰利品好好安置，來吧點菜啦🤣，我哋點咗一個拼盤，𥚃邊有雞翼、薯角、春卷、咖喱角、魚手指和蟹子魚蛋。炸物好吃，但一定要掌握油溫和火候，這裏的控制得非常好，沒有一點多餘的油膩感。雞翼外脆內嫩juicy，我特別喜愛蟹子魚蛋，咬落去感覺非常好，炸了的魚蛋QQ的、空心的，再來是蟹子的味道😋甜品叫了一個心太軟+雪糕，拍照後，你唔可以對它心軟，要狠狠的快速將它完成😂。外層是香脆的，入口即溶化的蛋糕，一切開，流心是濃濃的、暖暖的朱古力醬流出，好味。噢! 如果加粒士多啤梨做裝飾就更好了，因為我愛吃。Order了一杯Latte☕️牛奶咖啡來配合以上食品，今天不加糖了，好好品嚐咖啡的香味。

Mafe Cafe 🎊新開業的 Cafe🎊之前幫襯過彌敦道高氏大樓的Cafe，朋友說有間姊妹店新開張，我哋決定去試吓。樓下水牌仍未做好，我哋差點走錯地方😅 。 一入餐廳，面積頗大，有多張可容納八至十多人的馬蹄形長枱，多人聚會就最適合啦！可能時間尚早，晚餐的顧客就只有幾枱。看看餐牌 現在借用著姊妹店 ‘孖啡’的menu，睇下有啲咩啱食，‘黑松露野菌忌廉意大利飯’正合今天的胃口，再點個塔羅特飲‘節制’ 這個名字代表我的心聲😂店員送上黑松露野菌忌廉意大利飯時，香味隨風飄來，賣相也不錯喔！相機先食，輪到我食。意大利飯其實是用高湯將米粒煮成濃郁 有質感嘅意大利經典食物，Mafe 的廚師做得不錯，每粒飯粒分明充滿着高湯、忌廉、黑松露醬和芝士的味道，非常棒！‘節制’ 內含西柚及菠蘿汁，好好味，賣相都好靚，和我的意大利飯非常相襯。晚了少少，有8人，有11人的組合上來幫襯，一班年青人有說有笑，這兒的座位安排正🈴️他們所需。

今日同朋友黎旺角搵間cafe食lunch，坐下，傾下計這裡環境舒適，適合一大班朋友聚會。點餐同結賬可以㩒紙巾盒隔離個掣!我哋點左2款午餐、2款小食！黑松露野菌忌廉意大利飯好多野菌，非常足料！飯面加了磨碎的芝士，意大利飯很有咬口，有很香黑松露味。日式黑椒牛柳粒飯牛柳粒肉質軟嫩，點濃濃黑椒汁一齊食，這是一道下飯的好菜式。藍莓乳酪飲品顏色好靚，香甜的藍莓味，加埋cream一齊飲，好香滑的乳酪飲品星星（蜜桃鮮打沙冰）蜜桃沙冰顏色好鮮豔，很濃的蜜桃香味黑椒燒牛肉牛角酥好少食牛角包夾那麼多材料，裡面有燒牛肉片，沙律菜和沙律醬，全部味道很配。燒牛肉很香黑椒的味道！蒜香雞翼蒜粒炸得很脆卜卜，雞翼外皮咬落去很香蒜味，內裡肉質嫩滑！

讀書的時候最喜歡到樓上cafe食野，一來價錢較親民適合學生，二來可以坐上一陣子，同朋友們傾計又可以玩board game ，真的是一舉三得！今次相約閨蜜們一起到樓上cafe晚餐順便聚聚舊！Cafe開業不久呢，主打西式食物及有board game 供食客使用！Cafe 走小清新路線，感覺光猛，適合談了聚舊一流呢！食物價錢親民！👍🏻服務還很貼心，竟提供叫人鈴，可以方便食客！忌廉三文魚配天使麵🍝賣相精美但同樣有實際！天使麵軟硬度煮得適中，忌廉也十分creamy!凱撒沙律🥗份量十足，沙律菜十分新鮮，車里茄也多汁鮮甜，蒜蓉麵包糠增強口感，很是滿足！黑松露薯條🍟薯仔新鮮炸起，脆卜卜的，上面灑滿黑松露，真的是充滿菌香味！芒果及士多啤梨乳酪🥤甜度適中，酸酸甜甜十分開胃呢！玫瑰花洋甘菊茶🍵茶味清新芳香，很適合飯後消消滯呢！加上玫瑰花能抗衰老很適合女士！朱古力心太軟配雪糕🍦即叫即製，朱古力味香濃，不會只有死甜的感覺！Cafe 提供多種board game , 當晚我們玩了大富翁，重拾不少讀書的回憶呢！食物質素不錯，鄰近地鐵站，真適合傾計聚舊的好地方！

呢日中午同朋友上左間樓上cafe食晏呢度既環境同裝修都好舒適，整潔企理，坐位寬闊而當中既set仲一啲都唔貴，平均都係五十幾蚊，仲包埋一杯38蚊既飲品個日朋友要左個E餐HKd$52+10%，而我就要左個F餐HKd$56+10%我個忌廉煙三文魚配天使麵既賣相都幾吸引啵而食落既味道都唔差，除左有三至四塊由煙三文魚捲成既玫瑰花之外，天使麵當中仲混合左唔少香甜既洋蔥同磨菇粒添而朋友既鮮茄焗豬扒飯都唔錯咁啵，見到朋友吉起塊豬扒既時候仲有拉絲既效果添除此以外，我地仲每人揀左款小食黎share我揀既係“蒜香雞翼”HKd$42+10%，一碟有六隻，炸得外層香脆而惹味而朋友揀“黑松露醬薯條”HKd$48+10%就份量十足，一大盆灑上黑松露醬既粗薯條，多都好似食極都唔完咁而最後我地仲跟餐加左28蚊，要曬兩款甜品一齊share黎試下個朱古力心太軟係意想不到既出色，流心程度爆燈呀嗰日我地兩個都加跟餐補幾蚊轉飲佢地既乳酪，朋友要既係藍莓味，而我就要左杯士多啤梨味，飲落既味道酸酸甜甜，唔會覺得漏

旺角登打士街同彌敦道交界嘅高氏大廈係出左名嘅cafe集中地，雖然唔算好高，都搵到好多間咖啡室。平時lunch就好少可去cafe，但間中都想搵個靜靜地嘅地方傾下計，呢度不失為一個選擇位於3樓嘅MAFE，應該都係新接手，仲記得上為加勒比海曾經都係舊時好多學生最愛。餐廳係兩個單位打通，燈光充足，枱櫈都好新淨，地方闊落，其中人多更加有啲大型卡座，起碼坐到十零人。平日午市供應套餐，定價$44-60，包一杯$38嘅飲品、亦可以加錢配甜品，套餐基本上同另一分店孖啡係一樣，有沙律、意粉、飯麵等，價錢合理。我地幾個點左兩份午餐，兩份小食，都足足坐左兩個幾鐘，幾舒服悠閒焗吞拿魚天使麵 $48唔算太正宗，係比較幼身嘅意粉，用上吞拿魚、芝士、白汁咁焗成，份量很足，男士都夠哂飽。味道中規中矩，可以接受，40零蚊。黑椒牛柳粒飯 $60比較出色，賣相又吸引啲。黑椒牛柳粒都幾大方，大大話話都有十幾粒，另伴彩椒炒，幾香口。牛粒唔老唔韌，我覺得都幾抵食。炸魚手指 $42正常急凍野，但都炸得幾香脆，魚肉都仲幾滑，唔會過火，配沙律醬合格有餘。蒜香雞翼 $42一份六隻，雞翼醃得幾好食，炸得唔會太油膩，面頭灑左啲蒜蓉，好香口啊。

油麻地A1出口附近的樓上cafe, 搵左好耐先揾到普通cafe裝修, 地方很大,lunch menu選擇唔多,3:00開始下午茶, lunch感覺抵食D,要加一收費,包$38野飲,加$28有甜品F餐忌簾煙三文魚天使麵,有4大塊三文魚, 很多忌簾, 忌簾帶甜味, 天使麵很滑, 份量剛好,B餐芝士三文魚天使麵,很多三文魚, 有點咸,蜂蜜鮮奶, 有淡淡的蜂蜜味,值得一試,蜜桃乳酪, 很多cream,蜜桃味道剛好