The Mafe Cafe (已結業)

這晚與很久沒見的好姊妹見面，在旺角區想找個可傾計嘅地方不易，搜尋樓上Cafe時，剛巧看到這間新開的Cafe，便與姊妹試下。一坐下我們先點飲品，我選擇了花茶系列，而朋友選擇了熱朱古力。我的花茶很香味濃厚，唔會淡而無味，後來店員更主動問我是否需要添加熱水，服務很周到。除了主餐😛每次也想點小食，姊妹話想食薯條，芝士與黑松露之間，今次選擇了後者。上枱的時候薯條又熱又脆，黑松露極香，如果配黑松露醬汁會更好。主餐點了忌廉煙三文魚天使麵，以及黑松露野菌忌廉意大利飯。兩者也很creamy，醬汁細滑。最後套餐+$28可以食心太軟超值！值得一提，這款心太軟面層加了少許鹽味，完全帶出另一種味道👍🏼

I am at Mafe Because my friend told me that she is the Open rice choice we are on the 3 rd floor look nice 👍 most comments are praising the environment I agree with that truly Great work lunch and dinner sets Fair prices indeed Including a drink of 38$sincere taste and price This steak and rice lunch 60$😂🤑HkAlmost a whole piece of steak Only chopped into pieces Sweet and tender Even the colour pepper vegetables Taste delicious and sweet for the appetite combinations 78$I specially love the curry

今晚閒閒的星期日下午,突然抽筋想去做番中學時候會做既野...所以就去搵下cafe食野加玩board game. 去到高氏前身係Caribbean 而家變左Mafe cafe度打下躉.店內環境好光猛,有日光的cafe真令人舒服! 另外空間同餐廳都寬敞, 唔會同隔離迫住玩唔到. cafe都好先進有按鈴俾我地落單,不過都叫左好耐先有人黎.我地剛剛搭住兩個唔時段,等多15分鐘就可以食下午茶,所以貪心的我們就各叫一半😂 呢兩個係午餐的焗豬扒飯同日式黑椒牛柳粒飯. 豬扒飯要求走芝都焗到好香, 仲要係新鮮蕃茄汁加一層厚豬扒被蓋住飯面, 唯一既可惜係咁香咁好味的豬扒下飯並非炒飯. 但白飯做到呢個效果又真係好唔錯!! 下午茶都唔輸蝕, 份量充足!! 味道好好... 魚手指一向都係貴野,超市買都幾廿蚊! 呢個炸完出黎唔乾唔柴皮仲好好味. 雞翼超入味不過又唔會咸,一個人都可以食到6隻呀. 咁既價位有呢個質素實屬難得!!! 最後我就嘆住杯馬鞭草+薰衣草既花茶, 悠閒又不失貴氣咁玩左一個下午既boardgame啦!

星期日同老公去行街，行到隻腳好攰，咁岩經過cafe樓下，又到左晚飯時間，咁就上去試下😝，上到去個環境非常舒適，地方都好大，服務員非常有禮貌，1）忌廉煙三文魚配天使麵，煮得剛剛好，忌廉味香濃但又不太膩👍🏻，2）日式黑椒牛柳粒飯，買相同味道都好好，牛柳粒好好食，甜甜地，不太靭👍🏻👍🏻，3）特式拼盤，所有食物都炸得好鬆脆，不過不失，4）飲品方面，我就叫左一杯愚者，老公就叫左一杯係戀人😂，唔係好特別，但都幾好飲，，5）最後每一個餐都加左$28要個甜品🍮，心太軟加雪糕，個人覺得朱古力味可以再重少少，另一個係芝士蛋糕🍰，夠實，有芝士味👍🏻👍🏻，整體來講，價錢不算太貴，食物份量亦好大，值得一試😋😋

上次去完孖啡之後 朋友同我對孖啡評價極高又聽店員講有新分店所以又黎試試佢 新分店都係係高氏大廈 係總店下一層前身為加勒比海cafe 黎到個招牌都未拆 新分店主題同總店一樣 以魔法為題呢度裝修比較光猛 眼見有2張大枱 我相信可以坐到10人如果一大班人黎gathering 係好唔錯ga👍🏻坐位闊落 坐得舒服餐牌基本上同總店係一樣ge個set menu有轉到👍🏻同上次黎有所不同 又可以試新嘢啦今次叫左忌廉煙三文魚天使面同芝士肉醬焗天使面加一個芝士蛋糕 野飲就叫左蜂蜜牛奶加薰衣草花茶好快煙三文魚天使面就上左枱係玫瑰花型😍😍忌廉汁香而不漏 每 一口天使面都沾滿忌廉汁加埋咸咸地ge煙三文 絕配焗芝士肉醬天使面岩岩焗出黎上枱仲係出緊煙 芝士焗到岩岩好 金黃色肉同醬比例係3:7 我覺得岩岩好每一啖都有肉碎 個醬ge酸甜度調面一流質素超出我預期芝士蛋糕 相比下比較一般芝士味香濃 野飲又係好正144一個人任傾唔嬲 真係堅扺

成班朋友，喺旺角想搵個地方靜靜的傾吓計，樓上咖啡室真係一個唔錯嘅選擇。環境清靜、氣氛靜宜，而且最好有唔錯嘅飲品同甜品，俾我哋啲女仔享用... 因為這如果一班同學，想玩一玩board game，Mafe係一個唔錯嘅選擇。座位非常闊落，侍應唔會催促你叫菜，慢慢睇、慢慢揀。黑松露薯條（$48）香脆薯條、加上松露香，大大盤，很適合成班朋友一齊分享。黑椒燒牛肉沙律牛角包（$50）聽說這個到幾多人叫，午餐時段都可以食到。鬆軟牛角包，配搭燒牛肉、意大利沙律菜、沙律醬。整體唔錯，一個人食唔晒，可以切開一半同朋友分享！黑松露野菌意大利飯餐（$108）黑松露、忌廉蘑菇香，加上意大利飯纏綿的口感，非常穩打穩扎的一道菜。上面有芝士及香草增加風味，如果不夠味，可以再加上黑胡椒碎。凱撒沙律餐（$88）食咗咁多野，但要叫番啲蔬菜平衡一下。蔬菜清爽、沒有苦味，上面有麵包糠增加咀嚼感。玫瑰乳酪（$46）、蜜桃乳酪（$44）- 跟餐會減價這兩個，是我們今次比較推介的飲品，尤其玫瑰乳酪做得非常出色。玫瑰乳酪，外表少少粉紅。玫瑰味香、少少甜，很溫柔地混合在起泡、蓬鬆的乳酪中。喜歡玫瑰香茶、玫瑰味飲品的女士，記得要嘗試。蜜桃乳

平時自己都好少會上去樓上嘅咖啡店，始終係比以前一啲質素麻麻嘅咖啡店嚇親，所以好少會再幫襯。今日去旺角，想同朋友聚一聚，佢話附近有間新開業嘅樓上咖啡室，可以試吓，咁我都無謂托手踭。入到去咖啡室，裝修都係走型格風，勝在地方闊落，環境幾舒適，適合同朋友相聚傾吓計，一改我對樓上咖啡室十分狹窄嘈吵嘅印象。店員好快都將餐牌遞上，服務都幾親切。btw, 呢度嘅餐牌同樓上嘅孖啡cafe係一樣。首先，我叫左一個黑椒燒牛肉牛角包，好快就已經嚟到。牛角包都好香脆，牛油味香濃，燒牛肉都不過不失，至少冇韌都咬唔開嘅筋，pass!之後點左一杯blueberry yogurt, 都ok架，唔會太甜，飲落係自然嘅水果香甜味，冇落糖水。上面仲有我最鍾意食嘅忌廉，好想瘋狂encore d cream!最後仲叫咗一個心太軟，都幾好食，外層都幾香脆，裏面當然好流心啦，無失望呀。

收工跟女同事黎旺角一間小cafe環境寧靜，裝修都唔錯，都幾啱傾下計，價錢抵食，坐得舒服，職員有禮貌又友善，有誠意有心機，餐廳佈置簡約舒適，坐得又舒服，無論一班人黎，又或者傾野都好岩！煙肉卡邦尼長意粉好大份，好多煙肉碎仲煎得香口，另外勁多芝士，芝士味濃，卡邦尼醬汁系粘稠的，出面好多都會比較稀...意粉軟硬適中，食曬又不會很膩特色拼盤有唔同既炸物，雞翼入面唔會乾晒咁，春卷，薯角炸得好香口，配埋蕃茄醬同沙律醬，好快就全部食晒，咖哩角，手指魚條全部都脆卜卜，炸得乾身但入面唔dry，蟹子魚蛋好食，炸過魚蛋又爆蟹子好正拿男人老狗都可以怕凍，凍冰冰飲返個生薑蜜真係暖好多

約左朋友係最方便嘅旺角，我地揀左一間MAFE cafe，餐廳算大而且有咭game任你玩，餐廳有點新派歐陸風格，感覺舒服唔知係咪大部份既女仔都中意食黑松露，嗌左個黑松露忌廉意大利飯，本身個忌廉汁不會有d膩個種，上枱時幾surprise，味道都調得唔錯，本身都落左少少菇菌，係好食既食完一餐咁好既晚餐，飲返杯蜜桃紅茶最岩，淡淡地蜜桃香，好清新舒服成餐飯食得好開心，難怪朋友大力推薦店員態度值得讚，會與客人傾下食嘅過程同意見

Tonight I went to this upstairs cafe. It is newly renovated and very spacious. There are a wide range of games to choose from as well. The price of the food is very reasonable. Mushroom risotto smelled so good, the portion was quite big as well. The rice was soft and mushy; there were a lot of mushroom within. Smoked salmon angel hair looked very nice, they rolled the salmon into a rose. The angel hair pasta was cooked perfectly, the sauce was creamy. I love the rose tea very much, it was in a g

香港地，租金貴，尤其是在鬧市繁華區地的舖位，所以，衍生出很多樓上舖，café 亦不例外。朋友知道我有些精神分裂，去逛街要去至旺的，吃飯卻要去至靜的，所以，今次帶了我去旺角區樓上 café 吃晚飯。幾經艱辛在彌敦道穿插一番，上到來這間 café，令我想起讀書時讀過陶淵明的 “桃花源記” 裡面一句 「復行數十步，豁然開朗」。餐廳佔去全層，面積非常大，裝修簡潔，從窗外望下去便是繁榮的彌敦道，望見街上人群忙忙碌碌，而我們卻在此間自自在在坐著，享受寧靜，真有些 “高山低谷” 的感覺。餐廳大，固之然，就可以安排不同的座位，例如: 三兩知己的、一家數口的，甚至一大班人的座位都有。不過，晚餐的選擇就少一點，只有8款供選擇。幸好，飲品方面有超過80種選擇，更有十多種小食、甜品提供。 這裡有個頗為特別之處，就是紙巾盒上安裝了一個 “服務按鈕”。按了一下，店員迅速來到，我們點菜了。點了一份小食【特式拼盤 $78】、兩個主食【芝士焗肉醬天使麵 $98】和【日式黑椒牛柳粒飯 $114】、一份甜品【心太軟 + 雪糕 $28】，飲品點了【花茶系列: 薰衣草、茉莉花、檸檬馬鞭草 $56】和【塔羅特飲: 皇帝 (熱情

今日好潮濕，成日都頭重重咁，瞓極都咁攰。朋友約食，都得既，不過我晚餐想食得佗佗佻佻，餐廳你決定。佢話旺角有間樓上 cafe 開左冇耐，帶我試吓。餐廳位於繁忙嘅彌敦道上面，入口響登打士街。上到去之後見到格局唔錯喎，啲枱都好闊落，仲全部都可以望到街景。可能由於新開嘅關係，人唔多，靜靜地真係正到爆！而晚餐主要有一個set dinner menu, 由A 至H任揀。簡簡單單，唔使頭痛。我哋每人揀咗一個set 。餐飲包一杯，貴過$38就補差價。由於近日天氣令人有點滯，我叫左熱紅莓果茶暖暖先。果茶上枱個樣都好得，我估計D餐具都係新的因為好乾淨。紅莓果茶酸酸地好開胃，响個咁寧靜既環境望住個火光閃閃吓，都幾治癒。主菜都上左，我地點左忌廉煙三文魚配天使麵。佢擺盤都幾靚，係用三文魚做的玫瑰花，再舖響雪白的意粉上面，碟邊有點點香草裝飾，好有心思。食落意粉好味好掛汁，裏面仲有磨菇同洋蔥，入曬味，呢個意粉絕對有姿勢有實際。朋友就叫左士多啤梨菠蘿梳打，雖然顔色淡淡但佢話幾好味。不過應該細杯左少少，我見佢轉頭已經飲曬 （可能好口渴）。另一個主菜係日式黑椒牛柳粒飯，上枱已經好香，而且份量不少。牛肉好得，有牛味又夠淋。

行完朗豪坊行雅蘭, 腳仔累到不得了, 又肚仔餓了, 系時候搵間 cafe 坐低休息下, 唞完再行。依間Cafe己經唔系加勒比海餐廳, 原來改左MAFE CAFE, 裝修過, 光猛好多, 裝修格局較新潮及年輕化, 比以前更切合為一間Café, 五點零鐘上到嚟, 時間尚早, 有窗口位梗係揀窗口位坐啦。另一間大房, 大檯SOFA位, 啱大班朋友邊食邊吹水。薰衣草、檸檬馬鞭草、莉花茶 ($56)原本諗住叫咖啡, 怕今晚瞓唔著, 故叫咗薰衣草、檸檬馬鞭草、莉花茶, 據講此配方有安神解鬱及改善睡眠功效。精緻玻璃 tea set, 薰衣草味道較輕, 反而檸檬馬鞭草香味更特出, 喝一口非常舒爽醒神。歎茶又怎能冇小食呢？黑松露醬薯條 ($48) 平時薯條及黑松露醬都係分開上, 薯條拈黑松露醬食, Mafe Cafe 整法系將黑松露醬混合薯條一齊炸, 成條薯條入口都有黑松露香, 薯條炸得乾身, 脆脆的, 口感極似m 記, 不同之處係它大條些, 薯條內還能食到綿綿的薯蓉, 呢個食法都唔錯。瑞士雞亦 ($42)一碟有六隻, 兩個人食每人有三隻, 不多不少剛剛好, 瑞士汁鹹淡適中, 香甜。雞翼其實點整都系冇得輸

今晚同朋友黎到依間cafe 食， 坐得幾舒服， 又有board game 可以玩， 係平價消閒好去處煙三文魚天使麵： 煙三文魚有三塊捲成一朵玫瑰， 好味道。 天使麵略微軟了點。野菌意大利飯： 黑松露味超香口， 好味！心太軟加雪糕： 即叫即整， 心太軟雖然無流心， 但配上雲利拿雪糕仍是好好味！飲品就不過不失.今日吃得趕了點，有空的話真的可以hea 上一晚😊

個人推介指數分7(10分為滿分) - 地方整潔舒適, 很適合一大伙兒知己同事吃飯之餘, 談談天, 玩下些LITTLE GAME. 食物方面, 主菜種類雖不萛太多, 但以我本人品嚐過的樓上咖啡廳作標準, 整体水準也頗高,特別是那個黑松露意大利飯, 不論賣相和味道,特別是味道, 也不比一些高級餐廳遜色. 飲料的選擇相對比較多, 有特色的也有懷舊的, 水準也不錯.在一個優閒的下午, 和知己輕鬆地聊聊天, 也倒真不錯.  今晚的工作早了一點完成, 帶着輕鬆的心情致電太太, 原來她也在附近(旺角) 完成了工作, 我心內便起了個壞念頭, 好讓我們享受完二人世界才回家服待小囡皇. 太太聽了十分讚同, 更說想到留上CAFE 優閒一番. 剛好陣朋友介紹了一所樓上CAFE, 本想沒用武之地, 今天終排用場. 在門外望進去, CAFE 好像有點細, 但經過一條酒廊就是別有洞天, 地方濶大之餘, 坐位還有不同選擇, 不論你是二個人來, 四個人十個人來, 也能找到岩你的位置. 當然如人數太多, 或在黃金時段, 最好也應訂坐. 我和太太來的時間還較早, 剛在下午茶之後, 人流不是太多, 但吃到約七點之後, 坐位也