更多
2023-04-01
935 瀏覽
Happy International Women Day! 3.8 婦女節快樂!😆💖適逢婦女節,梗係要同閨蜜嘆返個靚靚hightea啦~今次就去咗灣仔St Regis嘅 The Drawing Room☕️同其他酒店唔同嘅係,佢哋唔係將所有嘅甜點鹹點放喺一座Tea set架 ,而係分咗喺兩架銀色手推車入邊,每人可以揀八款(你鍾意嘅話可以揀晒八款都係甜點或者八款都係鹹點🤣🤣🤣)因為睇過人哋食評就話鹹點好食啲,所以Food Sec就揀咗五款鹹點三款甜點😂😂(而事實佢哋嘅鹹點的確係出色過甜點🙈🙊)其他兩位friend子都係各揀四款~鹹點整體質素都好高,最記得嘅係個帶子他他,帶子刺身撈埋芒果同木瓜碎,口感鮮甜又清新。鵝肝醬同埋和牛卷都好好食,口感順滑,味道又濃郁。😋😋甜點方面,有幾款都有過分貪心嘅問題,例如係栗子加Blueberry嘅jam,最尾個栗子味一啲都唔出;仲有一道開心果蛋糕上面加咗Candied orange, 但係兩者又好似冇乜火花😅😅仲有一道雲呢拿味嘅甜品非常非常之甜所以如果你問我,我下次可能會揀六款甚至七款鹹加一款甜🤣🤣最後要讚吓佢個Scone,係超級超級好食!(我就未試過文華
今次就去咗灣仔St Regis嘅 The Drawing Room☕️同其他酒店唔同嘅係,佢哋唔係將所有嘅甜點鹹點放喺一座Tea set架 ,而係分咗喺兩架銀色手推車入邊,每人可以揀八款(你鍾意嘅話可以揀晒八款都係甜點或者八款都係鹹點🤣🤣🤣)
因為睇過人哋食評就話鹹點好食啲,所以Food Sec就揀咗五款鹹點三款甜點😂😂(而事實佢哋嘅鹹點的確係出色過甜點🙈🙊)其他兩位friend子都係各揀四款~
鹹點整體質素都好高,最記得嘅係個帶子他他,帶子刺身撈埋芒果同木瓜碎,口感鮮甜又清新。鵝肝醬同埋和牛卷都好好食,口感順滑,味道又濃郁。😋😋
甜點方面,有幾款都有過分貪心嘅問題,例如係栗子加Blueberry嘅jam,最尾個栗子味一啲都唔出;仲有一道開心果蛋糕上面加咗Candied orange, 但係兩者又好似冇乜火花😅😅仲有一道雲呢拿味嘅甜品非常非常之甜
所以如果你問我,我下次可能會揀六款甚至七款鹹加一款甜🤣🤣
最後要讚吓佢個Scone,係超級超級好食!(我就未試過文華個scone 既,但friend就話佢甚至好食過文華嗰個🤣🤣)好鬆軟,而且好香好香🥹🥹除咗有clotted cream,竟然仲有butter!Jam嚟講呢我嘅排名如下:
1. Apricot
2. Strawberry
3. Flowers Honey
4. Orange Marmalade
Afternoon tea-set: $478 per-head
鹹點:👩🏻💻8.5/10
甜點:👩🏻💻5/10
Scone: 👩🏻💻9/10
張貼