The BASE nature (已結業)

即興5點多book 了6點半食飯，有位。可能因為未到大部分人的放工時間！入到餐廳我地係全場第一枱，坐得舒服的。我點了雞肉沙律。食到一半先記得影相。佢處理個沙律處理得非常好！面有條焗得熱熱的長包，有少少牛油味，食落好香。沙律菜mix咗牛油果、藜麥、少少汁。雞肉真係煎得非常嫩，好香，肉同菜嘅比例啱啱好朋友嗌咗牛排三成熟再加鴨肝。我試咗少少鴨肝同牛肉。鴨肝凍得好快所以要一上枱就食呀！食落好香，好重油脂，有種入口即溶嘅感覺。牛排都煎得好靚，平時喺街唔敢叫三成熟，但佢呢到係好好味。煎戈面仲有少少炭香，好有層次感。沙律大概$78，牛排就$200+，晚巿book位仲有85折。我覺得好好好好抵食，令我原諒佢餐廳啲menu, setting 唔算好靚、員工有少少傻下傻下咁😂大力推薦

好耐冇去The Base nature 用餐，今天去吃brunch ，要等了一會才可入座。黑松露雜菌菠菜米形粉63度溫泉蛋巴馬芝士($82）我喜歡吃米形粉，外形有點像意大利飯，但其實是短意粉，因為它非常吸味所以將材料的味道全都吸收了，香濃的黑松露味道加上溫泉蛋的蛋液，整個粉都非常好味，好creamy。Full-Day Breakfast ($118)牛角包🥐香脆，薯餅香脆爽身，我好喜歡他們自家製酸椰菜，配上其他肉類有添味的感覺。烤啡菇、火腿、煙肉、雞肉腸、香草豬肉腸、香草烤蕃茄、菠菜和柚子沙律都做得好，素食蟹餅就太乾身了。叫了一杯 Latte, 一杯Flat White ，我唔喜歡他們用闊口杯為盛具，像拿著個小碗，啡啡香味不能集中。

今次是第二次到餐廳吃假日午餐，之前多數吃雞胸肉沙律，今日嘗試新的菜式「芝士、煙肉、火腿炒蛋牛角包」，原本以為不太大份量的，但原來並非如此，吃完後非常飽，$75的一個假日午餐，再加上14:30後有85折，非常超值，但下次吃這個餐一定要與人分享。

openrice見到做緊promotion$218蚊2人tea set, 見未夠鐘睇戲就入左去試。咸食非常出色，通常出面嘅afternoon tea set, 十居奇九一定係青瓜配煙三文魚三文治，但佢呢一間配上牛油果，牛油果一啲都唔生好好食！其他函咸食例如酥炸蝦🍤(炸野好似唔會難食得去邊🤣)松露將配芝士火腿三文治，仲有hamburger，雖然包類澱粉質比較多，唔算乜嘢值錢野，但都做非常好食，越食越開胃。相反，甜食方面有少少落差感，咁既價錢唔好要求好好食，只係有少少雪硬咗，沒有太特別。咖啡有花叫做幾靚，但味道一般，而且等足30分鐘以上，當日只有一個職員識沖而又走開左所以最後都有少少趕地去飲。總括嚟講，呢個價錢，食到咁既咸食已經算意料之外，甜品咖啡就一般，不過重點都係平而食到tea🤣🤣🤣

晚市四人餐 $788· 忌廉湯· 炸物小食拼盤· 香煎帶子墨汁意大利飯· 西班牙海鮮飯· 澳洲M6和牛西冷 (煙燻岩鹽 & 芥末子忌廉燒汁）· 蜜桃蘋果綠茶· 茉莉花綠茶· 菠蘿梳打鮮花野苺芝士蛋糕 $88忌廉湯好creamy 好濃郁，法包烤得啱啱好～小食拼盤有薯條、薯格同雞鎚，新鮮出爐熱辣辣🤩薯條好多，食完真係有啲驚熱氣😂。雞鎚本身會有少少辣，配埋薑蔥醬食味道幾特別～香煎帶子墨汁意大利飯鋪滿紫菜同木魚絲，一上枱就聞到好香！三粒帶子大大粒好厚肉～飯入面仲有好多海鮮配料添架😆 所有海鮮都好新鮮爽口！另外仲有西班牙海鮮飯，好多嘅海鮮鋪滿喺面頭☺️大蝦、青口、蜆肉同魷魚都好爽口！同行朋友話鍾意呢個飯多啲，我就鍾意墨魚飯多啲哈哈西冷真係好值得推介，肉質嫩又juicy☺️無論係配岩鹽食定係配燒汁都好好味！

$218兩位high tea set邊度搵？質素仲要好過酒店🙈 雖然買餐飲券同walk in價錢係冇分別，但已經咁平就無所謂啦！牛肉漢堡入味、牛油果三文治好fresh、簡單嘅烘底芝腿治都好味😋甜品四款精緻、各有特色唔會死甜（檸檬、紅桑子、咖啡蛋糕、馬卡龍）飲品如果有咖啡奶茶檸檬茶就好😁整個set份量剛剛好唯一不足係炸雞超級無敵辣😅😅但menu冇寫…已經抺走咗醬汁食仍辣到刺痛😵‍💫希望有少少預先警告一下

四人套餐+一份沙律❇️周打蜆海鮮湯❇️小食拼盤（薯格、番薯條、炸雞腿）❇️香煎日本刺身帶子配海鮮墨汁意大利飯❇️澳洲黑毛和牛M6+級西冷❇️西班牙海鮮飯❇️慢煮雞胸沙律🌀整體的食物味道都比較平平無奇，沒有驚喜，卻有點失望，尤其是西班牙海鮮飯，味道奇怪，海鮮不新鮮，有雪味，份量少。

成日經過荃灣荃新天地city walk，今日終於嚟試一試。叫咗兩個main dish，沙律好fresh，醬汁調得好好，蒜蓉包脆到好似食薯片咁😂就係希望份量可以多少少唔夠飽😂burger牛肉有汁好好食，好入味，薯格都好好食，好食過kfc😂飲品方面，菊花青茶我估計佢應該係用M&S嘅茶包，幾好👍👍香橙檸檬冰茶檸檬味較重，完全飲唔到有橙味，不過見到佢係有一粒橙嘅😂下次想試下佢個下午茶，聽人講好似幾好👍

THE Base nature而家西冷牛扒做緊減價，貪平嘅我梗係衝了！估唔到又食到高質野！首先，餐廳嘅上菜速度好快，點左餐唔洗5分鐘就可以開餐！整份西冷牛扒有包埋少量配菜，對於一個人食係非常足夠。 配菜整體都爽口帶甜，菇亦帶汁，味道豐富！牛扒方面，肉質嫩，容易入口同易咬！而且非常juicy! 配埋附上嘅醬汁 非常夾！平平地食到餐呢個質素嘅牛扒，絕對值得！

💛💚💜🧡🍔🍄🥬 “未來” 素漢堡芝士燒香菇 香草烤茄 牛油果 脆薯格 素肉 的 味道是可以的，油量比較多，偏鹹，但都叫鬆軟。大啡菇不乾，夠濕潤，有菇汁，夠厚夠滑。牛油果份量有半個，成熟度剛剛好。 加上用油煎香的麵包。 整個漢堡的口感有脆，滑，濕潤，鹹香集於一身。最好不要分開一層層的吃，要盡量每一啖都有所有材料。 “Beyond” BurgerWith cheese portobello, Grilled Tomato, Avocado & potato waffles The “Beyond” meat is made from bean fibre and its texture is around 90% similar to real meat. But it is a bit salty and oily. The thick portobello is juicy and so smooth. The taste of burger is enhanced with the well ripped avocado and grilled tomato. Eat

下晝兩點幾去，過咗繁忙時間，唔算多人，員工人手可足，可能放飯或者落場掛，服務算不過不失，咖啡拉花有心機，但飲落偏苦，可能咖啡豆品質問題或者沖製上問題，牛扒落單時要求要五成熟，但End Result煎到8成熟，嚡到放唔入口！🥲

我已經第三次去這餐廳吃午餐，每次也是讚不絕口，今日帶姐姐去試，她覺得選擇種類非常多，魚、肉、沙律、意粉、飯也有，她最後試了龍蝦湯海鮮泡飯，非常美味，而且更加上午餐不用加一服務費，價錢抵，食物美味，環境休閑，服務周到，完全沒有不去光顧的理由。

* 慢煮紐西蘭香草西冷扒250g $𝟷𝟶𝟾 (原價$𝟷𝟸𝟾) +10%服務費呢個價錢食到慢煮牛扒的確吸引，於是叫兩客5成熟。上枱有對比有傷害，我個客竟然全熟，朋友個客則剛好5成，肉質軟淋，質素竟然有咁大落差。牛味方面雖然部位是西冷，始終紐西蘭但肉味不重，砵酒汁稍嫌有點咸，覆蓋了牛味慢煮牛來說，比之前其他餐廳食過的，肉汁比較少。薯格、沙律質素一般。* 意式泡沫奶茶 (餐飲)奶味偏重，覆蓋了茶味*冷泡蜜桃蘋果綠茶 (餐飲+$5)用茶包冷泡，由於是朋友點的就沒有嘗

又到日上三竿之時，因當晚想食海鮮，於是往楊屋道街市進發，順便先到這商場來個遲來的午餐。天氣熱又想扮文青，最好先點個冷泡茶，這“冷泡蜜桃蘋果綠茶”不錯，花茶果味濃郁，感覺很清新。娘娘當然點了熱飲，這“有機高山蜜樹茶”，很特別的花茶味，好像還有點薄荷味，入喉舒服。邪惡的上菜了，“炸雞漢堡”，那兩個汁撈在一齊把雞和包一齊食，味道很好，那塊雞排還好嫩滑、juicy，炸的時候，火喉掌握得很好；那個包很軟熟，又香，有點像那些排包；至於麵包上那兩條菜和番茄，都好新鮮；而且薯條是即炸的，這個鷄漢堡，100分。這“All day breakfast”裏那色紫色的酸菜，不知道是什麼，但酸酸甜甜，連那帶一點柚子味的沙律一齊吃，有驚喜；那只大啡菇裏放了點菠菜蓉，口感、味道都很 匹配，不錯；牛角包還好，有麵包香，鬆軟；至於其它的，再沒驚喜了，那只素蟹餅，一口麵粉，我一向也挺討厭茄汁豆的，不comment喇！至於香腸、火腿、烟肉，沒特別，合格。要批評一下的是，桌與桌之間的 partition爛溶溶，用一大堆牛皮膠紙貼完甩、甩完又貼，好寒酸！

今日在貴店用餐，排隊已經用了10分鐘，然後落單後45分鐘我個餐未到，已經禮貌地問店員是否漏單，可否跟跟，因為隔離檯同我同一時間到都已經食曬！之後店員好無禮貌話：繁忙時間係咁！要等等！！到第55分鐘個餐到，我食了10分鐘就趕我走，話用餐時間已經到了！我對貴店既服務態度真係好失望！食物一半，要個半熟蛋，就比個全熟蛋我，最後收加一服務！無服務既店，點解收加一！？希望貴店管理層可以正視同改善下員工既態度！