TC2 (Tea Coffee Two)

營業中

休息中

早幾年有段日子間中會去太子間 TC2，嗰度由幾個傳媒人開，所以成日都有同行幫襯。除咗食嘢，又試過喺嗰度聽音樂會，感覺好 chill。太子店結業之後，TC2 就剩番新蒲崗店。近排經常到呢區工作，終於有機會一試。新蒲崗店同太子店分別好大，呢度裝修都幾殘舊幾簡陋，應該主要做外賣，堂食全部都係吧檯位，坐得唔算舒服。不過一睇 menu，食物飲品平到笑，所以即使冇乜裝修，又有咩關係呢😂？我叫咗個套餐，包括鮮果沙律，芝士吞拿魚三文治同咖啡。先嚟個沙律，好大盒，入面有蘋果，雪梨，菠蘿同粟米，全部用沙律醬撈勻，超鍾意生果嘅我食得好 enjoy。三文治用咗麥包，入面除咗芝士同吞拿魚之外， 仲有蕃茄同青瓜，所有食材味道正常，唯一係吞拿魚撈咗沙律醬，味道偏酸，如果用蛋黃醬應該更好。呢個餐最正嘅肯定係杯咖啡，又香濃，口感又幼滑，真心高質👍。成個餐四十蚊有找，好抵食。

聽講TC two係一間幾出名嘅coffee Shop小店，咁啱係新蒲崗嘅匯豐櫃員機同日本餐廳隔離，就睇下有咩食有咩飲啦。第一次試吓佢嘅咖啡先。見到佢啲咖啡平均都係十幾二十蚊一杯又唔算好貴，大杯嘅榛子咖啡都係＄24 ,今次一於試吓先。首先我個人覺得有少少太甜，但係榛子味濃咖啡亦都唔錯係應該係香港人鍾意嘅咖啡。另外想講下個舖位其實唔算大，喺店入邊坐就要坐高枱面對住牆唔係個個都咁鍾意，見到佢個餐牌都有唔少嘅選擇包括有意粉麵包同埋甜品等等下次一於要試吓。

外賣的雜果沙律配三文魚，份量少，味度一段，配上幾塊三文魚收30幾蚊，沙律入面只有萍果，梨，粟米，我覺得好吾抵。不過呢間的旦碎牛角包都幾吾錯，大大個，食完都幾包，沙律醬配蛋碎，幾好味！

是日焗到極點，出街好似行走在火爐之中，連係家中都無法多待，唯恐中暑暈低，於是就出街搵個地方，諗住飲杯凍野，有冷氣，坐一個下晝甘. 不幫襯星巴克這些無良僱主，便在街角找了個小店，入內坐下.其實，早在兩個星期以前，已經問過這間鋪頭的營業時間，當時答是到六點多七點，所以我四點半到，便預期自己能夠坐一個半小時到六點多才走，那樣就差不多吃晚飯了.一進店內，便嗅到一陣食物的咸香味，但這股氣味對於想嘆咖啡的我來說，其實不太喜歡. 但點都好，都係先叫一杯咖啡 . 依度既咖啡並不算貴，24蚊就買到一杯凍oreo咖啡. 飲既時候，咖啡柔滑而香，還有不少既oreo 碎， 飲落幾有朱古力香. 雖然叫左大杯，而其實並不是很大杯，但質素還是幾ok. 我覺得好飲.有一點可惜位，就是五點半的時候，老板就話要收工了，於是我就要走，和原本預期有落差，時間表也被打亂 =.=

有時會調去新蒲崗區返工,久唔久會叫依間外賣,但越黎越有D不知所謂叫外賣例牌遲半粒鐘,咁都無所謂,我地做SALES人客唔多可以一邊食野一邊睇舖不過黎到D野食凍曬真係接受唔到經常強調自己係小店,但服務非常態度惡劣不過附近佢最平,所以我地都忍佢,但今次真係忍無可忍沙津唔夠新鮮,唔知係咪因為係星期5所以要清存貨,所以用曬成個星期剩落黎既生果蘋果好乾,菠羅唔新鮮,食落一d鮮味都無剩係落左勁多沙津醬落去掩飾生果唔新鮮係d粟米見得下人相信唔止得我地受到依d氣,附近d office應該都試過唔好再用小店依個名黎呃人啦

唔想落街人逼逼，咁就叫外賣喇！同事又話要食沙律餐，咁就決定叫呢間啦~一點鐘叫6份外賣，點半就送到啦!我點咗呢個照燒雞排配泰式炒天使麵，點知都係送咗個意粉嚟望落色澤尚算吸引，但雞排一咬又柴又實，仲要嚿嚿都係咁個意粉麵質都幾好，唔似預先整定，但味道。。。好似成支泰式雞醬倒落去炒咁，甜到漏，食咗幾啖真係食唔到但值得一讚係個咖啡，我叫咗椰香味咖啡，椰子味香，咖啡又夠濃，係真心好飲嘅

先2日要出去拎文件.順便出街食埋飯,不過唔係好肚餓,所以諗住買個包就算去到TC2,一間算係幾出名既COFFEE SHOP小食店買左一個蕃茄強三文治,幾好食,個包唔硬,軟熟好好咬蛋夠曬新鮮,應該係即整整做,再入落依個外賣盒度蕃茄幾甜,都算係新鮮同埋唔係好貴,15蚊已經夠食

係附近開鋪頭， 每日都搵地方食lunch , 有d已經成日去成為飯堂。但新蒲崗太多好野食，一定要試哂佢！ Openrice 見到好評就去下啦，2:00 幾應該冇乜人。一行到門口外面已經聽到個師奶把聲， 好奇怪， 明明隔住咁厚玻璃都聽到佢把聲～😨一開門，度門好似壞左， 是「趟」門，一開就會好大聲，係人都知你入左去，如果真係壞左， 點解唔整下佢？ 😨入到去好似日本拉麵店咁， 對牆坐， 得4，5 個位，我幾欣賞佢地有自助加水同有雜誌睇既。一去到去其實聞到好大陣好似黑椒定唔知咩的味， 普通抽風系統都做唔好 😨個收銀/點菜係後生女， 好有禮貌，我仲以為入左文青店咖啡室～ 佢個微笑令我覺得個環境冇咁冷清。叫左個煙三文魚意粉同 hazelnut latte , $41 算係咁啦， 叫左個意粉跟白汁，似罐頭湯整，有煙肉碎係入面，汁太多， 好似浸住個意粉咁，如果少d, d意粉應該冇咁淋，意粉份量好細份，一個女仔食岩岩好， 男仔就未必夠lu！ 如果個意粉多返d芝士味 或者香草，就比較香口喇～ 煙三文魚有筋，仲以為係蟲，嚇死～ 咖啡比較香， 平時行過hsbc經過都會聞到， 都幾香， 不過堂食都用紙杯好似冇咁

前兩日去左食午餐叫左個天使麵同榛子奶天使麵好大份~不過個汁一般...如果落少少香草同芝士會更好~榛子奶非常好~回味無窮!!!

中學時,時常跟好友到tc2午膳,回憶很多,記得當時每次都只食那兒的鮫子雞亦天使面。數年後的今天,身邊再沒有那位好友伴我到這談天說地,共進午餐,獨個來到這兒品嚐那一個天使面。記得當年來過無數遍,但除了那個天使面外就沒有嚐過其他了,哈哈只因為它的味道令我不忍心再去寄情於其他菜式了!這個天使面伴有香濃的tomato souse,口感非常好,而主角:鮫子雞亦令煮得入味非常,跟數年前的味道依舊,除了能品嚐最好味的天使面外,還能令我好好回憶一番中學的美好回憶。感謝tc2

今日order了碎蛋corn三文治($10) 加iced mocha ($20)。料多飽肚，好開心嚟區都有間乾淨低食嘅coffee shop。下次再try第二款。By the way, 本人係coffee shop迷。

試過來這間小店吃過2次, 2次都必定ORDER榛子奶, 好香榛子味, 口感好滑.另外, 那裡的煙鴨胸蠻不錯, 好香, 夠滑唔o鞋口雞扒飽夠大份, 材料算新鮮, 味道ok, 15蚊算抵食.下次再試埋d三文治

今朝o係TC2買O左份煙三文魚三文治早餐，配ICED CAPPUCIANO，31蚊，唔算平，但件三文治幾好食，足料，但又唔會多到漏晒出O黎，而且O係呢頭好難食到煙三文魚、煙鴨胸呢類三文治，食O黎食去都係腿旦、餐旦治，有時食到悶悶地轉下口味都OK，而且如果淨要三文治都係15蚊，可以接受囉!仲有要讚就係服務唔錯，一推門就聽到有人同你講早晨，笑容都唔錯，加分！

昨天早上買個珍寶熱狗試試,熱狗內有青瓜,番茄,上面有沙律醬和黃色的醬,應是芥辣醬,但不覺有芥辣味,珍寶腸表面不脆,味道普通,和一般麵包店沒有分別.賣$12一個比較貴,吃chesse cake好過

平時o黎親都好多人，唔好意思影相，驚嚇走d人客~ 星期六返工前心血來潮o黎依度食早餐飲咖啡，見無人，就影o左d 相~~ 早餐我order o左黑椒牛肉三文治($12)同熱咖啡($10)~ 三文治有牛肉，蕃茄，粟米，青瓜同沙律醬，配埋黑椒幾好味~ 咖啡就當然唔錯喇~ 努力呀~~ Photo Album:http://community.webshots.com/album/378922801NVDLsC