Table 18 Bar & Restaurant (已結業)

兩星期前幫襯過見星期五下午冇乜人，以為係一間值得hea吓嘅餐廳。今日過咗午膳煩忙時間再去，上班一族已經走得778，店內有幾張枱冇人坐，揀咗張四人枱坐低，不久店員話要轉枱到店內一角坐，有新客冇枱而要求轉枱可以理解，但冇人又大把吉枱都話要轉枱就係趕客，結果寧願幫襯第二間食店......喺第二間店坐低睇返食評，原來其他食客都領教過侍應同經理差勁嘅服務態度。香港餐廳何其多，要做到一間值得推介嘅餐廳，個人認為食物質素故然重要，但餐廳服務態度都不能忽視

閒日中午與朋友相約午餐，天時暑熱又不時來一陣驟雨，當然是留在有蓋之大型商場商比較舒適妥當。其實於觀塘工廠區這些年來開了許多不同的食店，將陳舊過時的工廠大廈化腐朽為神奇。小的對那些甚具地方特色之小店也頗有興趣，只是下雨不怕，猛烈的陽光才是小的之宿敵。敬而遠之，還是留在觀塘地鐵站毗鄰的apm商場用膳。前一陣子剛嚐過這兒的「一杯」和風居酒屋，故今回挑了西餐「Table 18」。相對於新地商場商戶常轉的情況，這家Table 18屹立apm已有好一段日子。在汰弱留強的競爭環境下，到底這家西餐廳有何優勢，可堅持至今？在很久以前，小的也不時有到Table 18享用晚餐。她們的晚餐水準不錯，食物精緻且甚有風味。而餐廳之至勝關鍵則要數其Happy Hour之暢飲時段。在觀塘這舊式工廠區，不似中環灣仔老外雲集，故而想找一家像樣一點的酒吧於忙裡偷閒喝一杯幾乎苦無去處。及至Table 18的出現便為此提供了一方便舒適，兼之又夠格調的處所。莫以為咱們中國人不似老外般喜歡Happy Hour，受西方文化的影響，Table 18由四、五點鐘打後，於餐廳門外開設的一列高排座椅與矮檯子幾乎是座無虛席。辛勞一天想舒一舒，

今日相約舊同事吃午餐，她就在APM附近工作，而且我去也很方便，APM就在觀塘地鐵站樓上，打風落雨都不怕。這裏吃最好預約，因為樓上辦公室午餐時間，全部都在附近搵食，今次吃龍蝦汁海鮮扁意粉及芝士肉丸焗意粉。其實我覺得主菜是其次，我鍾情自助沙律，除了新鮮蔬菜，還有紅菜頭、薯仔沙律及凍肉切片，很美味，下次會再來！

今晚本身同朋友去工廠區覓食，遇上意外之後諗起好耐無黎過呢間，就決定係度食完再睇戲。之前黎過咁多次都係坐出面，今晚外面滿座，都係第一次被安排坐室內，地方寬闊，燈光柔和舒服，枱面已經有兩條香草餅乾條，微鹹脆口幾開胃。Couleur du Sud白酒有伴酒小食又點可以唔點杯白酒，幾鍾意chardonnay 既酸度，易入口，幾岩餐前飲，預備之後食主菜。香脆炸雞炸雞有10件，香口鬆脆而且炸粉唔算好厚，唔會好膩，雞肉口感滑嫩，唔洗加檸檬已經好惹味。雜錦香腸拼盤有五款不同既香腸，圖林根豬肉腸，煙維也納腸，芝士佳拿腸，煙火腿腸及蘑菇雞肉腸，每一款都各具特色又唔會太鹹，醬汁有泰式甜辣醬，沙律同茄醬，鍾意重口味既人可以點醬提升風味，伴碟有酸椰菜同薯餅，薯餅煎得唔油膩，帶少少鹹香，加埋酸度適中既酸椰菜更加將滯膩感降低，完全唔會有一般食香腸拼盤既飽滯感出現。

今天隨便到APM找一間餐廳吃晚餐，選擇了吃西餐，見呢間不用排隊就直接入去坐底。首先我哋兩個人叫了一個三文魚蘆筍湯，用料十足內有很多三文魚，味道不過不失。另外亦叫了一個芝士烤蘑菇田螺，田螺不多但鮮味十足，亦非常大隻。芝士加蘑菇加田螺這個配搭本來就10分好，這個很好味推薦。之後我哋叫了一個德國菜必點的腸仔，我們選擇了芝士煙肉腸，味道很好，還配了一塊薯餅。不過薯餅皮不夠脆，味道一般。終於來到主菜德國鹹豬手配酸菜加薯條，有三款醬汁可供選擇，我們選擇了黑松露醬。有侍應會將豬手切開，當時已經聽到皮脆的聲音。豬手肉質非常嫩滑，皮脆得卜卜聲，好味重點這個鹹豬手才$200左右，有這個質素真的非常不錯。

成間餐廳個環境都幾舒服唔會話好嘈，好適合二人世界～一開頭未點菜，侍應就比左兩條麵包比我地，男朋友話勁有美國feel因為美國都係落order之後就上麵包。個兩條麵包棒脆脆地，都幾好食！然後我地叫左牛尾羅宋湯（$58），個湯係幾重牛味，不過58蚊加三塊麵包又覺得唔太值哩個價。不過都係好味嘅！之後叫左個蘑菇田螺。本身喺佢同帶子之間掙扎左幾耐，最後揀左田螺。味道方面我expect會有啲蒜香田螺味，不過蘑菇因為太大舊，所以冇乜田螺味。但係都好食嘅最後叫多個豬頸肉飯。個飯汁好好味，不過啲豬就冇乜豬嘅味道，但係整體都好食嘅！但係食完哩度唔太夠，所以就叫左個雜扒（二人份$288），有牛、豬、雞。牛揀左七成熟，但係都係唔太鎖得住肉汁，豬同雞都係冇乜特別，不過都好味比較中意佢係佢真係有心機、有誠意嘅，粒蕃茄仔都有煮過！所以就算食物唔係去到好好好好味，但係都係一間有誠意嘅餐廳，值得一去！

今日和同事食生日飯，揀左Table 18食半自助午餐～ 呢間餐廳午餐時間多數都好Full，最好都係前一日Book定位(尤其是人數多🤣🤣) 其實呢間之前都食過幾次，今次覺得佢有進步，決定寫番份食評比佢😝 Set Lunch套餐包括一份主食、自助沙律吧、餐湯及餐飲。自助沙律吧選擇都算多，女士們細食/減肥中可以單選沙律吧+餐湯餐飲 ($90)主食揀左紐西蘭肉眼扒配焗薯黑椒汁($140)，肉眼扒我點左5成熟，賣相都唔錯～ 雖然汁就少咗啲，但調味用好簡單嘅黑椒同鹽，食到牛本身既鮮味👍🏻 我欣賞佢今次既牛扒煎得剛剛好，唔會過熟所以肉都好啉！因之前試過佢個扒煎得過咗火，乾身同鞋鞋地😂 所以今次再食覺得有進步！

1. 電話是打不到的，像是空號一般（非繁忙聲）2. 帶位的侍應當我選擇非他所帶的一張枱時不甚有禮貌3. 叫咗個最貴的安格斯Brunch，但尐冷盤、沙律才剛剛取完準備食，便問都唔問擺上個扒，叫我食乜先好呢？4. 個扒是要求了五成熟，最後，好似咬毛巾一般，食了一半便放棄了！1. The telephone was not working, seemed like a Dead Number (not busy number)2. The waiter who was guiding me to the table was not polite when I chose a table other than his3. I ordered the most expensive Angus Steak Brunch, but when I just fetched the appetiser and salad, then the steak was served without asking me. What should I eat first?4. I wanted the steak

平時經過都坐滿客，等位等好耐，難得今日早去到可以早D食晚餐。6pm 去到冇人等位，亦有好多位，不過用餐時間限食1.5小時。一坐低就有麵包條食，脆卜卜好香口。大大件新鮮哈蜜瓜配ham真係絶配，小食併盤裡竟然有西班牙白鳯尾魚，配橄欖食，好開胃，再配番杯啤酒 so match!雜錦香腸拼盤腸份量足，再加份量多的伴菜配搭，好抵食呀！最驚喜係芝士腸，咬開即有芝士流出來，正呀！脆皮德國咸豬手皮脆肉嫰，脆到好食到停唔到口！豬皮燒得非常脆口，好似食薯片咁脆卜卜。豬手不肥，肉質又嫰滑，食完一次好難忘，已經加入咗去我心水餐廳list裡面了。配菜份量亦很足，淨食豬手這碟都好飽。

餐廳正正對著港鐵月台, 人來人往, 車來車往, 與輕鬆用餐的食客, 形成強烈對比。入座時, 店員告知交枱時間, 約有75分鐘。Set Lunch 包沙律吧, 餐湯及餐飲。淨食沙律吧只需$90, 多花最少$20便可享用主食, 感覺很抵食。鄰座食客食得更精明, 問店員要了一個盒, 把主食打包, 只食沙律吧, 變相一個價錢分了兩餐, 下次可自備餐盒更環保。沙律吧食物種類不少, 有麵包, 沙律菜, 煙鴨胸, 紅菜頭, 紅蘿蔔絲, cold cut, 芝士等等。淨食沙律吧也可以很飽。是日餐湯: 菠菜蜆肉忌廉湯菠菜蜆肉忌廉湯吃到一絲絲的, 起初以為是頭髮, 幸好只是菠菜。蜆肉被打得碎碎的, 沒有蜆肉的口感。煙三文魚天使麵伴香草忌廉汁 $110 + 10% 天使麵麵條爽身, 香草忌廉醬汁比較膩, 煙三文魚味濃, 加了松子, 口感不錯, 吃畢已飽了大半。沙律吧食物keep住refill, 不用擔心被搶空。麵包條和煙鴨胸略鹹。橋頭和菠蘿的酸可減天使麵的膩。其他食物味道中規中矩。最後點了凍檸檬茶, 為這豐富的一餐劃上句號。

今日跟兩個好朋友去食飯，由於各有各忙，我們很久都沒有見面了！我們去了以前我們常常光顧的 Table 18，不知道水準是否依然。我們 7 點多到達，由於是星期二，不會太多人。一坐呀，就有 Biscuits 手指條，雖然鹹，但好喜歡吃我們點了三個菜：半熟吞拿魚配茴香番茄汁意大利粉 - 吞拿魚很鮮，口感軟綿綿 雜錦小食拼盤 - 拼盤有香辣雞中翼，炸蝦丸，吉列炸蝦及薯條，全是煎炸食物，很邪惡呀，但很香口又脆 香辣雞中翼 - 金黃色，好惹味 帶子鮮蝦蘑菇薄餅 - 每一片薄餅都平均分配得到蝦，帶子，蘑菇跟番茄，但是薄餅就有點鹹！整體來說都沒有失去水準呀，可以再 encore!

是日工作令我有點不快，同事約我在外用餐讓心情放鬆一下😘餐廳地點方便，在APM內，適合附近工作的朋友！同事向我介紹午餐是半自助形式，有沙律吧任食，可點選1份主菜及飲品😋侍應遞上餐牌，見有6款主菜選擇，亦合心水👍我倆點選了1份芝士白汁焗吞拿魚火腿長通粉、1份雜菌炒羊仔柳伴脆薯餅🤓餐湯是煙肉忌廉湯，非常有水準！甫見沙律吧已口水直流，有酒店沙律吧色彩，凱薩沙律、麵包、多款雜凍火腿，還有我至愛的芝士🤤尤其稱讚的是鴨胸及吞拿魚青瓜沙律，一嚐真是有酒店水準！整個沙律吧實在很多款式，我完成2碟後已半飽😅😅半飽狀態下主菜已到，第1款的是芝士白汁焗吞拿魚火腿長通粉，賣相很好🤩見到大量芝士，幸好長通粉份量不多，否則太飽吃不完👍芝士味濃、吞拿魚、火腿份量充足，味道非常好，熱辣辣，簡單的焗長通粉很有水準😉第2款主菜到，雜菌炒羊仔柳伴脆薯餅🥘見羊仔柳份量都頗多，芡汁賣相雖然一般，但一嚐下，羊仔柳肉質嫩滑，芡汁有菇味，亦感覺好像有一點兒腐乳味？味道其實很匹配😋😋再嚐脆薯餅，薯餅是薯仔絲製成煎香，外皮非常香脆，內裡食到薯仔絲很有口感，整個菜式做得非常出色😎其實都在觀塘區工作了差不多半年，竟然不知道有此類餐廳推出午市半

食西餐~ table 18還可以令人滿意。座位舒服，服務員都幾有熱忱。 pizzq都夠熱夠嫩芝士都足夠。飯同飯~~小食拼盤炸野都唔錯。沙律汁或者茄汁，都可以有不同的味道。

生日當天，同事們預早已訂了位在APM跟我午餐慶祝，這裏有半自助沙律吧，種類亦不少，有蔬菜沙律，芝士，麵包，長通粉沙律，豆類等等。《沙律及餐湯》蔬菜都很新鮮爽甜，餐湯creamy，裏面有很多甘筍粒。《香煎鱸魚柳伴蕃茄燴菜及燒薯仔》魚柳煎香至皮脆肉嫩，分量看似很細，但配燒薯仔，飽腹感馬上提升。《菠菜蝦肉意粉伴南瓜忌廉汁》同事們雙雙都點了這款意粉，有幾隻大蝦(已剝殼)，再配少量蔬菜，顏色吸引，意粉香滑有嚼勁。飲料方面我點了檸檬茶，很喜歡這裏的檸檬，一點都不澀，很清新的感覺。

Pizza同奶昔控必定會試哂所有餐廳既pizza同奶昔！呢間既呢兩樣野食都唔錯 pizza上既蛋黃吉爆塗滿成個 睇起好治癒不得不讚係個豬手 好好味 薯仔個人就一般 所以冇咩點食到炸小食普通但作為小食都算好食 好脆口小食拼盤芝士都有兩舊 如果有啲餅乾夾住會好好多 但整體食物係幾好的