Table 18 Bar & Restaurant (已結業)

This Seafood Squid spaghetti is extremely tasty, I finished the whole plate, not even a drip of sauce left. The touch of spicy elevates the taste of the whole dish.

餐前點左小食拼盤（餐牌寫住包括雞翼，薯條，炸芝士，炸蝦）。因為我同朋友都想食「炸芝士」，所以點左呢個。黎到食食下發現冇炸芝士，但多左個炸蝦丸。跟住我地問問一個禿頭男侍應係唔係應該有個炸芝士，佢一句「哦係，唔好意思我地改左炸蝦丸」就即走開左。佢呢句唔好意思一啲都冇唔好意思，我地當場呆左，改食物可以唔通知聲？仲理所當然叫你接受咁，不知所謂！其他食物亦普通唔稱得上好食，加上嗰個男侍應咁既服務態度，鐵定唔會再黎。 唯一值得讚既係有一個幫我地落單既女侍應好好禮貌，亦多次主動黎幫我地斟水，係咁多。

同老朋友聚會，去70s老地方食番轉啦專登揀間特色少少既餐廳，不過呢其實雖然話用懷舊七十年代主題，其實成間餐廳都仲係好modern😂見到Menu 有，即刻叫，芝士焗黑松露薯條！芝士醬頗多，薯條亦炸得外脆內軟，而且松露味濃淡適中，perfect卡邦尼薄餅，有煙肉，火腿，大量芝士同埋有兩隻溫泉蛋，配埋薄餅底脆卜卜，開胃又好味建議選擇困難症病患者可揀雜錦拼盤，一次滿足四個願望，有香辣惹味烤雞翼，實肉大隻既吉列蝦，熱辣辣炸薯條同埋重口味炸芝士，佢呢到啲炸野都做得幾出色，炸炒厚度適中，又炸得香脆度剛好另外仲叫左個同圖片相差好遠既黑淑汁牛肉飯，正當有啲失望，點知有驚喜喎原來‼️ 重口味人會極鍾意，佢飯底已經好濃味，可以見到事先有用汁炒過，再淋埋黑椒汁，濃郁度爆燈另外牛肉唔錯，腍既，似牛扒咁厚身，都食到牛肉味，唔會差係鬧市想搵個地方傾計，我會推介呢到，野食唔錯，又坐得幾舒服

今日同成班朋友來觀塘聚舊，大家其實是80-90後，但係就黎到吃table18的70年代主題食物😂table18主要吃多國菜，店內好闊落，是開放式廚房，還有戶外坐，可以飲飲啤酒聊聊天。門口還有70年代的打卡位，大家都拍得好好笑。餐廳逢星期五晚會有live Band，會唱現在的主題： 70年代歌曲，好懷舊呢！可惜我來當天不是星期五。餐牌有好多選擇，小食亦好多種類。生蠔叫了點生蠔一起分享，有南非、愛爾蘭及法國生蠔，十分新鮮而且好大隻，由淡味吃到最濃味， 十分滋味。金必多湯伴蒜茸包 $65我們先叫幾款70年代的食物，金必多湯是以前流行的湯，以前的造法以名貴海味為主，廚師把它改良了用白醬湯製造出相同的味道。俄羅斯牛肉串燒 $255這個串燒超級推薦，是我吃過最好吃的牛肉串，牛肉味香濃，入口好嫩，完全沒有韌的部位，而且充滿肉汁。香草牛油焗田螺伴薯蓉 $105田螺吸收了香草及牛油味，入口沒有鯹味，最好吃的是薯蓉，煮得好溶而且好入味。芝土焗黑松露肉丸薯條 $105超香濃的黑松露味道，薯條炸得香口而且脆，新鮮熱辣的，肉丸肉感十足。黑椒汁美國牛肉飯$118與餐牌上的造型有點不一樣，但牛肉質素很好，入口香腍，

已多次來這間餐廰。場內的裝潢和佈置非常有德國風！以木為主，全場更以黃燈作照明！令整間餐廰好有氣氛架又坐得舒服！大家談天渴杯冰凍啤酒真係人生一大樂事炸雞粒，味道濃郁，雞肉厚而香。作為輕輕的一個小點!也是十分之好另外今次我們order了3款食物當然德國咸豬手和德國腸一定要食啦, 德國腸拼盤伴酸椰菜及燒薯 - 德國腸拼盤一共有3款腸每款2條!另外有酸椰菜、燒薯不知甚麼名腸腸皮屬脆身!整體感覺似脆皮腸大條的也說不出是什麼腸..亦脆皮有些胡椒味，都幾惹味酸椰菜椰菜絲幼細軟身!而且酸度剛剛好!朋友們都喜歡豬手上枱時店員幫你切！豬手皮卜卜脆肉爽嫩又咸香, 配啤酒無得輸！帶子pizza有車厘茄，帶子等等本人覺得味道冇咁濃郁!但批底是軟綿綿的!芝士又夠多，再者，新鮮焗起即食的確可以帶絲的拔出。永遠是最好的。餐廳設計分成兩邊...店外設有不少桌椅作為開放式的茶座!適合大伙兒聚會室內的座位卻有另一種的感覺！屬於高貴優雅路線!適合情侶家庭聚會!

觀塘APM一直都比較少來，不過朋友的囡囡剛剛滿月關係也要踏足此地。探完初生嬰順道覓食一番！途徑Table 18，還記得很久已經光顧過，今次決定懐緬過去。店內的裝潢滿帶懷舊特色，無論餐桌、枱布或是餐具都滿帶70年代。原來餐廳近期推出70載的菜式。一人8人的飯聚，又可以試下新菜式。Grasshopper $60食物未上初嚐新飲料，滿帶薄荷味道相當清新。清新的味道亦可降温消暑，夏天之選。生蠔拼盆 時價首先前菜是生蠔，包括有三種：南非、愛耳蘭及法國。由最淺味吃到最濃味，沒有那麼多的海水味道而且大件及鮮味。香草牛油焗田螺伴薯蓉 $10570年代的餐廳大多以牛油焗田螺最為出名，田螺的肉質肥美與香草牛油互相輝映，薯蓉的味道濃郁美味。芝士焗蟹蓋$95蟹蓋焗出美味感，芝味濃郁。頂層焗出香脆，熱騰騰的關係分外滋味。脆皮德國咸豬手 新薯 洋蔥煙肉汁來到Table 18又點少得佢-豬手，德國的咸豬手脆皮甘香，旁邊更有炸至金黃色脆的新薯。豬手腍軟配合洋蔥煙肉汁，簡直絕配之選。水牛城雞翼$80我的最愛水牛城雞翼，雞翼的濃郁非常惹味，熱愛濃味的你，必然之選。俄羅斯牛肉串燒$255一上桌相當吸晴，兩大串的牛肉相當肥美

尼間餐廳裝潢幾有懷舊特色，坐位亦舒適，燈光氣氛超有feel,現場仲有live band即場演奏。叫左個卡邦尼pizza, 特點係中間有兩隻有蛋汁流出既蛋，望落都忍不住想嘗一口，同pizza上面既煙肉味道好夾，芝士份量都好足拉到絲出來，味道一流。本來想叫牛肋骨，不過當日賣哂。再望落個鐵板雞排加大蝦都好正，就叫左黎食。熱騰騰的雞排和大蝦配上醬汁，食到停唔到口。配菜紅蘿白和小椰菜也煮得幾好食，甜甜地，冇菜青味。

觀塘區充滿林林種種各類美食，由以前的街頭小店，到apm等商場開幕，到隱藏在工廠大廈中的各種餐廳、cafe。在競爭激烈的這一區，多年來，能屹立不倒的餐廳，必定有其過人之處，Table 18，屬其一。又是八人組合，吃這類西餐/多國菜份外過癮，可以試盡多款美食。餐廳最近推出70年代懷舊食物，門外更有道具相框可拍復古照片。先說頭盤，生蠔拼盆(時價)，共八隻，生蠔口味由淡到濃，應順時針品嚐。我吃到的是充滿海水味的法國生蠔，新鮮爽口。朋友配上白酒同享用，更覺滋味。小食水準出眾，其中特別推介70年代經典餐單上的這道香草牛油焗田螺伴薯蓉($105)。田螺非常肥美大隻，份外juicy。薯蓉亦弄的十分好吃，充滿牛油香又creamy，又不會過膩。另一款懷舊餐單上的美食，亦令我們十分驚喜，全部人讚不絕口。所說的是這道俄羅斯牛肉串燒($255)，外層燒得香脆，入面保持肉嫩多汁。大大份的牛肉串燒，能做到這效果確實需要一定的功夫。鴨肝伴芒果沙律($128)，吃大餐之間來一點小清新。煙三文魚伴三文魚籽蕎麥餠($118)，蕎麥pancake塗上忌廉，配上肥厚的煙三文魚和粒粒三文魚籽，充滿口感。卡邦尼薄餠($118)，用

兒時很喜歡和親友去餐廳吃鐵板餐、食火焰班戟等菜式，每一次食都相當興奮，但而家有呢類菜式嘅餐廳真係愈來愈少，而今次與朋友見到有呢啲懷舊菜式，當然要懷舊一吓童年味道啦。餐廳當日更舉行緊時光倒流70年主題活動。除咗主餐牌外，當晚餐廳更融入主題，有以70年代為主題的經典菜式選擇。香草牛油焗田螺伴薯蓉 $105懷舊菜式當然唔小得呢個菜式啦，而且田螺肉質爽彈非常飽滿，加埋啲薯蓉一齊食真係童年回憶番哂嚟。芝士焗蟹蓋$95焗蟹蓋共有兩隻，蟹蓋表面除咗鋪滿金黃嘅芝士之外，內裡有好多鮮味嘅蟹肉，用嚟送酒真係唔錯嫁。俄羅斯牛肉串燒$255推介菜式，首先佢真係用番舊時餐廳的鐵板，而家真係非常少見，而且牛肉串燒個味道相當有水準，牛肉柳厚身之餘相當肉嫩多汁，堅好味。卡bon尼薄餠$118平時卡Bon尼意粉就食得多，用嚟做pizza真係相當少見，食時可以把溫泉蛋在pizza表面拌勻，令每一塊pizza食時口感更加豐富，而且呢個pizza都相當抵食。火焰班戟$65呢款甜品係香港真係買少見少，而且大廚亦會即場製作真係又睇得又食得，味道方面亦唔錯，軟熟班戟被橙酒、橙肉等包圍住，每一啖都有著濃厚嘅果香味道。

黎開apm, 想食西餐都會黎table 18，食過好幾次，質素一般，但價錢合宜。每次黎到都一定要排隊（apm嘅所有餐廳都要排到傻😂），坐出邊嘅bar枱就會快啲，但服務就會差少少，叫極都冇人來落單/加水，但勝在可以坐得耐。最近一次就叫咗酥皮龍蝦湯，蝦味濃郁唔會太腥；水牛雞翼，上菜時唔算好熱，味道一般；芝士薯條同薯角都非常普通，好似普通cafe嘅水平。除非住觀塘搵就腳嘅餐廳同朋友小聚，否則唔推薦特登黎呢度食。

大伙兒的聚會選擇了地點十分方便的 Table 18，最近應該是懷舊主題，門外已有大大個影相的位置。餐廳室內的裝修有特色，環境也頗舒適。一大班人一定會叫一定數量的食物，最初擔心這裡的選擇不夠多，原來餐廳的多國菜選擇豐富，加上70年代主題和甜品餐牌，瞬間變成選擇困難症。Pimms Cup $58色彩繽紛的特飲，內有不同的蔬果，再配上雪碧，味道清新。生蠔拼盆 $238餐廳有提供不同國家的生蠔(南非，愛耳蘭，法國)，而生蠔拼盆就可以一次過嚐到由淡到重海水味的生蠔。芝士焗蟹蓋 $95蟹蓋中間載有滿滿的蟹肉，蟹味香濃又惹味。芝土焗黑松露肉丸薯條 $105碟上佈滿澎湃的芝士黑松露醬，再將拉絲薯條沾滿黑松露醬，去感受濃郁香味。此外，還有黑松露肉丸，一樣出色。卡邦尼薄餠 $118太陽蛋Pizza中間有加拿大火腿，洋蔥，煙肉，雞蛋和芝士。切pizza的時候先篤穿太陽蛋，讓蛋汁佈滿pizza，更香更滑。除了太陽蛋，pizza中還有滿滿的芝士，拿起pizza已經有拉絲的感覺，芝味十足。另外，不得不提pizza批邊，有驚喜，又香又脆，口感一流。俄羅斯牛肉串燒 $255看似價錢高的牛肉串燒，一試難忘。雖然只有兩串

好耐未試過一次咁強烈對比嘅體驗，值得我花少少時間打低呢次咁 “特別” 嘅經驗，分享俾有睇呢篇文章嘅各位。因地點就腳及方便，過去幾年來，已光顧過Table 18 多次，食物質素是OKAY的 (本身我也是為著隻豬手而去)。可惜 ！一粒老鼠屎真係會搞衰一鍋粥！ 試諗吓滿心歡喜去到第一線，遇到個會西口西面嘅職員，6點半到，諗住拎定飛walk-in等埋朋友一齊嚟食飯，竟然收到一個無眼contact 兼不耐煩嘅回覆：「 我地呢度無得拎飛，你鐘意就入去坐低我地即刻計1.5小時用餐，我 無 野 可 以 幫 到 你」！ 食餐飯啫都要受你氣？ 之後好衰唔衰遲來嘅朋友唔知呢單野，跟住 7點3左右去度門口走去拎飛。。。頂！今次門口 竟 然 是 派 緊 飛 ！叫佢地 8點返來入座！ 呢個經驗，如果餐廳負責人有幸有睇到呢篇文章，可以考慮將門口那位 著住恤衫西褲打扮得似模似樣嘅 同事再重新train 過吧，waiter & waitress 個態度就好好多啦，俾埋個日子你做參考睇返更表係邊位員工在門口做登記帶位吧 ：2018年7月17日晚上。抱歉，是晚嘅經驗令我一行5人決定 不 幫 襯，所以我未有用餐經驗。

❬酥皮龍情要翻depp❭肥妹話呢排突然好想飲酥皮湯，尋日臨時臨急揾左間食住先，今日有時間，終於可以試吓呢道😋本來諗住一陣睇戲，唔食咁多野，淨係試佢個酥皮湯，點知都係為食，忍唔住叫多兩味試吓甘荀玉桂蘋果忌廉湯睇落冇咩野，但上枱時已聞到好香蘋果玉桂味！甘荀同蘋果蓉飲落好舒服，又唔會太多忌廉，是真材實料的blend湯呢三文魚腸未試過，這個菜式真不錯，很真實的三文魚肉味啊，好好味，而且不得不提配菜的薯絲，都是非常香口好味溫泉蛋雞肉泡菜飯想試吓佢d飯，但肥妹唔太喜歡吃豬肉，而我又唔太吃牛，結果得呢款選擇，不過冇揀錯，辣辣地，很是惹味，冇咩好彈焗酥皮龍蝦湯佢成為今日嘅主菜，果然冇令人失望，酥皮好靚，絕不是hea焗(個碗有隻獅子都好靚) 篤開佢，龍蝦湯嘅氣味湧住出來，香濃嘅湯夾埋酥皮吃，真是一絕，比起回憶中嘅連鎖意式餐廳(馬記) 味道有過之而無不及，對於有"龍蝦湯情意結"嘅我地，真係有點感動，今次肥仔啦🤤下次要再去試吓佢其他菜式先得

今日約咗 bestie 食 dinner，由於我早到，所以就係 apm 行咗一圈，睇吓有乜好食。最後都係揀咗 Table 18，因為我鍾意佢個格調。由於八點幾 ga 關係，人好多，要等位，不過好快就入得去，服務生話有時間限制，但好彩最後佢哋只係要我地轉枱，冇趕我地走，我哋仲可以傾下計！食完飯之後諗住飲嘢，但係 bestie 要揸車，所以唯有下次啦煎法國鴨肝伴芒果沙律：鴨肝同菜一齊食，冇咁「制」，又冇咁膩半熟吞拿魚茴香番茄汁意大利粉：吞拿魚係厚切，好好味，正

今晚又和相約到table 18聚一聚，hea一hea,輕輕鬆鬆迎接長假期。雖然最近沒有信用卡優惠，無左食500平200,但會員卡就有85折。今次order左雜腸拼盤，有唔同款式嘅香腸，好食，多數嘅香腸入邊都有芝士，其實我都分唔到唔同嘅腸，但係好食既，特別係拼盤裏面嘅酸菜同煎薯餅，正炸魚薯條，炸魚炸得香脆，每舊炸魚都脹卜卜，魚肉唔腥，一碟有3大塊炸魚，份量算多。蜆肉墨魚汁意粉，好重蒜頭味，但係個意粉無乜墨魚味，但個顏色，所以一般般。飲品方面叫左colourful ，不過不失，而友人就叫了英國啤酒，麥味重但唔苦