SuperNormal (淘大商場2期)

營業中

休息中

淘大地下有好多野食，見到呢到有間幾有特色的西餐，一於入去食啦！個裝飾都有BAR台,有D風味。MENU都好多選擇。西班牙海鮮飯 $118見到幾平!又幾大碟, 都唔錯,有蜆、青口、蝦、由魚,飯都夠2個人SHARE。燒黃油春雞 $162點既時間店員話要等40分鐘...好多好耐但都好想試下。食下食下其他野都唔覺等左咁耐,半個中左右就到左。見到隻雞都幾大隻開左邊，有小小配菜。D雞肉真係勁多雞油必出黎！肉都幾嫩，個人覺得幾唔錯架！cocktail幾有特色!推介啦！Pow Wow$58個樽好可愛， Rum 加士多啤梨的cocktail，都幾甜好易入口，同埋都幾大杯。MO MO Cha$58以Rum加ROSE同菠蘿， 仲有椰子味，連埋個椰子杯好有特色。一樣易入口,仲要同POW WOW杯野一對,好打卡。OVERALL都唔貴,食左436蚊,坐得都舒服。

這次在淘大花園覓食，記得朋友介紹過這家所以決定一試😍。午飯時間人頭湧湧，幸好還有位置不用等位。餐廳環境挻美🥰，挻有情調的感覺。餐牌上面有多款選擇，跟餐還可以升級飲品。💥西班牙牛肉漢堡(午餐) HKD$68，這個份量十足的漢堡包賣相不錯，慢慢地看著芝士融化感覺不錯。牛肉肉煙韌有咬感😍，而漢堡包的皮與平常食的有不同，感覺沒太油膩☺️。💥卡邦尼意粉 HKD$60，這款意粉很多時也會點來吃，但每一家的醬汁略有不同。這家的醬汁很香但略為咸了一點，因為我不吃太咸的食物，所以味道會因人而異🤔，但整體來說是不錯的，配料有很多蘑菇和煙肉😍。💥熱榛子咖啡 | 凍榛子咖啡 HKD$8-16(跟餐價)，咖啡味道香濃，榛子糖漿不會放得太多。餐後來杯咖啡醒腦又提神😍，比較喜歡飲熱的版本，因為味道更佳☺️。

今日去開九龍灣，夜晚約咗friend飲吓嘢於是去淘大搵食...經過呢度比佢門口「日本柚子自家釀製麥啤」浸脆皮德國咸豬手吸咗入去😂$168咁大隻真係好吸引😍😍豬手佐酒好正！仲另外叫咗「三重奏芝士牛肉漢堡」🍔d芝士多到漏晒出嚟😋三種芝士嘅香味各有不同，加埋厚厚牛肉漢堡，7成熟咬落好有口感👍🏽伴即炸熱辣辣脆卜卜嘅薯條🍟份量十足😈德國豬手上菜出煙，未食就知脆咯咯啦！食落有柚子嘅香味同微微果酸令豬手肉嫩多汁，外層豬手皮炸到鬆化無比！完全乎合商品說明條例😂絕無老點😋🍹🍹叫咗Sunshine同Pineapple lychee soda，下次再嚟試埋啤酒🍻先得✌🏻餐廳仲做港人抗疫期間🙌🏼外賣自取全單八折，好抵🤩

近日係九龍灣覓食🔍竟然係淘大見到間裝修幾有格調既餐廳所以就決定去試下😌.🧀芝士蟹肉大啡菇啡菇上面鋪滿蟹肉🦀食落啡菇都仲幾juice 味道唔錯.🍚香煎露荀鵝肝牛肝菌意大利飯鵝肝表面煎得香 聞落香味重 而且食落油而不膩意大利飯香味好濃 而且粒粒分明 幾有口感 好好味😋.🦀明太子軟殼蟹漢堡軟殼蟹炸得香脆🔥搭埋明太子同特製醬汁 食落有口感之餘 仲令油膩感大減🥗而伴碟薯條都唔失禮 粗身香脆🍟上面仲撒有調味粉 誠意之作 味道都唔錯.🍹另外仲叫左個飲品pow wow因為係有strawberry grapefruit 果味既cocktail黎 🍓所以飲落甜甜地 好易入口而且用圖騰樣既杯裝住 好飲又呃like📸.總括黎講食店食物整體質素都幾高而且個價位都算親民估唔到細商場都有啲甘高質既食店值得encore 🤙🏻

疫情下大家都唔想出去覓食，難得今日放左工，想同朋友chill一chill，於是係淘大呢邊搵左間唔錯氣氛ge餐廳試下。餐廳雖然叫supernormal,但廳內裝潢、牆上壁畫，加少許背景音樂，環境帶點昏暗，猶如置身於外國當中。我地二人叫左薯條、豬鞍、意粉試下。野食一d都唔簡單，完全唔normal.先上小食黑松露薯條，薯條粗身，又帶香脆。最重要係黑松露痴左係薯條上，發出淡淡香味，與坊間點黑松露醬實屬不同。香辣茄蓉大蝦意粉，意粉硬度適中，而且煮得入味。大蝦雖然得一隻，但十分彈牙，而且仲有蝦球相伴，真係一流。最後係果仁法芥焗西班牙豬鞍，一上檯就聞到香味，豬鞍鮮嫩多汁，外表焗得有少許脆，配以醬汁，十分惹味。

好耐無泥SuperNormal食飯 今日經過有d掛住所以就入左去啦😆 之前介紹過佢哋嘅原隻軟殼蟹漢堡包 今次一於食下其他野😋今日想飲湯 所以就試左佢地既法式鮮蠔湯 仲點左一客蒜蓉包😚 上菜先知原來餐湯已經跟左一片蒜蓉包 但係佢地既蒜蓉包好出色 比想像中更香蒜蓉牛油味 而且好鬆化😍 蠔湯好creamy 亦重蠔味 而且夠熱 好好飲👍🏻 主菜方面我地就揀左黑松露日本和牛漢堡同西班牙海鮮燴飯🤤 漢堡本身已經跟薯條同沙律拌碟 份量十足 漢堡既醬汁除左有黑松露 仲有蜜糖芥末 同和牛好夾 麵包係我鐘意 帶點甜味 整體不錯👅 西班牙海鮮燴飯有唔少海鮮 蝦 魷魚 蜆 青口等等 又creamy又夠濃味👍🏻最後仲想食d甜野 所以仲食左焦糖菠蘿🍍 本來燒菠蘿已經夠哂甜 佢係面頭再加上一層焦糖 令整體味道昇華 外皮香脆 菠蘿超甜又多汁 正🌟

今日約咗朋友去九龍灣食晚餐呢一間餐廳嘅裝修好特別，我覺得係行英國復古風加工業酒吧風咁，係主要食西餐嘅。食物種類都比較多，有漢堡包同埋角色各類嘅意粉，意大利飯等等。亦有好多唔同類型嘅小食。咁我同我朋友就食咗鵝肝意大利飯同埋一個辣嘅蟹肉意粉。我想講兩樣嘢都好好好食。首先我本身好驚好溜嘅鵝肝，但佢哋嘅鵝肝係一啲都唔油膩，入口即溶，同埋飯唔會太鹹超好味！而蟹肉意粉我覺得整得勁香，蟹肉嘅份量都好多。值得一讚！其次我哋叫咗明太子雞翼，好香口：）飲品就叫咗個橙汁，最後埋單除翻開一個人都係兩百蚊左右 但係超好食嘅西餐來講性價比好高！所以極度推薦情侶同朋友聚會嚟食！

今日去完德福買左, 走左去淘大呢間餐廳開餐晚市有提供 2 人套餐, 包前菜、湯、2 款主菜 & 飲品香煎海鱸魚配意大利雲吞海鱸魚嘅皮煎到脆卜卜, 魚肉唔算太柴, 配忌廉汁食都幾夾, 底下有 4  粒意大利雲吞蒜片紅椒蟹肉扁意粉扁意粉口感唔錯, 煮到 Al Dente, 好有咬口, 每條都有香濃嘅蒜香味, 材料有蟹肉同大蝦, 高水準之作英式炸魚薯條無論係炸魚同薯條, 份量都超多, 魚柳炸到外皮酥脆, 肉質嫩滑多汁, 絕對值得大推, 另配有茄汁同他他醬菠蘿荔枝梳打味道係加左菠蘿味嘅梳打, 配有兩粒荔枝肉, 又解渴又開胃

我家住在東九龍區，也喜西餐，今天SUPERNORMAL 是和友人所選的餐廳！叫了白酒煮法國青口，食材新鲜，白酒香濃，再伴有烘得脆脆飽片，而將麵包點酒汁放入口中，有奇妙感覺及配合，是直得推薦！明太子軟殼蟹漢堡，一看好豐盛，滿足之份量！大大隻脆香夠味軟殼蟹和蟹子、嫩蛋夾在漢堡飽中，旁配上靚脆和味薯條，及配有新鲜沙律菜！友人讚這選擇是選對，我們都讚這是很精彩及上佳之選料！好！青芥蜜糖雞翼，也非常出色，外皮甜脆肉質嫩滑，味道剛好，厨師在做雞翼無論內外也兼顧得宜，厨藝高手！來一杯~青瓜薄荷青檸梳打，夏天消暑佳品，清清涼涼，大大吸一口很舒暢！蕉糖菠蘿，甜脆外更加上天然菠蘿蜜味，好味好正，也喜愛此做法，食了一次，下次會再叫！這餐聚舆友都很滿意！而服務態度很好也週到，此好店子在往後日子會多再來！讚啊！

自己本身在九龍灣返工，所以平時都去開淘大花園食午餐。今日決定唔食大家樂，去食一間新野，出面睇到呢間餐廳有午市Set Lunch，$100內，所以試下。一上嚟嘅係餐湯，餐湯係西蘭花忌廉湯，濃濃的幾creamy，仲會食到有一啲西蘭花蓉係湯入面🥰之後嚟到嘅係主菜，主菜我叫咗和牛漢堡，即係咁，午餐可以用$88價錢，食到和牛，雖然份量唔算好大，但勝在夠精緻。肉上面隔咗層芝士，芝士會慢慢在burger內溶化，黐住和牛，然後連埋醬汁，沙律，一啖過一齊食，好juicy又好有肉味。之後要提嘅係佢嘅薯條，新鮮炸起，熱辣辣，非常脆。最後叫餐飲，我叫咗杯青瓜味的梳打，作為解膩之選，以濃味開始，清新作結，這杯飲品有淡淡的青瓜味，而且不會太甜，喝下去會令人幾舒服😌，食完之後，然後又繼續返工。

又有朋友女辭職了，差唔多半年走一位同事，雖然感覺唔太好，但為著同事女有更好發展亦值得慶賀的，因為公司响九龍灣，今晚就揀咗九龍灣淘大呢間細細西餐廳，室內裝飾燈光比較陰暗，但樓底算高都適合幾個朋友傾計食飯，其實已經第3次黎幫襯晚餐，整體食物水準保持，但通常都無第1次食既時候咁大驚喜，今次4個女仔點了牛扒、薯條、德國豬手、帶子意大利飯、炸沙甸魚、蠔湯、沙律，全部都新鮮美味，炸德國豬手尤其保持水準，蠔湯就差咗少少，特飲既裝飾勁適合打卡（哈）雖然特色欠奉，但味道唔會令人失望，價錢又夠經濟，埋單$1仟有找又唔限時，非常超值

迎接假期，喺九龍灣放完工，跟同事去左淘大Supernormal食餐好～有次經過見到裏面有唔少食客，直覺應該唔太差，今晚黎都係差唔多滿場😳鵝肝蘆筍牛肝菌意大利飯 ($128)鵝肝油潤甘香，味道香濃，無臊味，少許筋但入口即化，Risotto較硬身有咬口，飯粒滿有濃厚的牛肝菌味，兩者加埋一齊將香氣提升至另一個層次🤤白酒煮藍青口配蒜蓉包 ($108)雖然平時有整開，但出黎食飯又會忍唔住試下餐廳級數😆如果你鍾意酒香重的忌廉青口，就唔可以錯過呢碟😛!!酒味濃郁，忌廉香滑，青口算新鮮，仲食到香甜的洋蔥。另一加分位係嗰兩塊蒜蓉包， 蒜香十足，香脆可口，3-4人黎建議可以單點一份，食完覺得簡單俐落的菜色都可以整得好好味。水牛雞翼配藍芝士 ($68)太耐無食過Buffalo Wings，傳統美式整法都係將雞翼先炸好後上辣汁，雞翼夠脆口多汁，醬汁酸酸辣辣，醬汁量充足，沾滿整件雞翼，搭配藍芝士中和一下辣味。青瓜薄荷青檸梳打 ($38)叫咗一杯兩個人share飲岩岩好，都幾大杯，入口有青瓜薄荷的清新，亦有青檸梳打的碳酸刺激感，食完Risotto同水牛城雞翼，飲一飲即刻解膩解辣，非常推薦👍🏻

今日收工去左九龍灣IKEA買野, 買完野就去左出名多野食嘅淘大睇下👀有咩好西食😋 行左個圈覺得E間SuperNormal好似唔錯咁就同朋友入去試下😊! 餐廳入面嘅怖置都幾特別, 而且燈光昏黃, 感覺幾relax! 佢嘅MENU都有幾多特別野飲🍸同主食, 仲有唔同嘅串燒🍢同前菜, 幾岩收工飲杯野輕食Chill下😌~Chinese Hua Diao🍸E杯cocktail用左花樽⚱做容器, 淨係個look都已經可以打卡📸📱! Cocktail用左花鵰酒, 蘋果汁, 玉桂同gin而成嘅, 飲落口有淡淡地嘅花鵰味, 其後係甜甜地嘅蘋果汁🍎同玉桂香, 口感清新, 整體味道幾特別!燒安格斯牛肉🐂🍢燒牛柳牛味濃郁, 肉質軟腍, 油脂甘香, 非常juicy!😊麵包卜卜蜆鍋🥘蒜蓉包熱辣辣, 香脆可口, 微微沾一沾d湯一齊食會更好味, 卜卜蜆粒粒都大粒無沙, 肉質鮮甜味美, 唔錯!😋燒墨魚咀🐙🍢燒墨魚咀爽口彈牙, 味道唔錯蛋白蟹肉帶子炒飯🦀🍛炒飯食到幾多一絲絲嘅蟹肉同蟹籽👍🏻, 上面嘅帶子口感鮮嫩, 整體味道不過不失!焦糖菠蘿🍍燒菠蘿外層香脆帶微焦, 咬落去食到脆脆嘅焦糖, 菠蘿香甜多汁, 非常好味, 推介

老爸退休差不多有三年了，但最近收到朋友的通知他可以幫忙做散工,他二話不說就答認了，也許是因為我失業吧？當天約了他7:00 到餐廳，他也是忙於回覆工作，沒有看餐牌，於是我幫他點了一份頂級肉眼扒，而我點了一份明太子原隻軟殼蟹漢堡來好好餵勞他的辛苦。餐廳即叫即整，所以等了一會兒才上菜。肉眼扒份量很足夠，面積比我的面還要大，所以冇飯/意粉/薯菜也夠飽肚。 本身叫了五成，但餐廳職員擔心我們吃不習慣，煮了七成給我們。我試了一口沒有沾任何醬汁，口腔內有淡淡的肉香與肉汁，很不錯呢！至於我的漢堡，我很喜歡它有足夠的沙拉醬，配上一粒粒脆口明太子與鬆軟不油膩軟殼蟹，口感很豐富滋味。這天跟爸吃了一個輕鬆愉快的晚餐。我也要繼續努力！

位於九龍灣嘅SuperNormal，絕對係非常抵食嘅西餐廳！焦糖菠蘿 $34燒菠蘿外層加上香甜脆皮嘅焦糖，既甜美又多汁，超級讚，絕對係必試推介！香煎露筍鵝肝牛肝菌意大利飯 Lobster with rice $128鵝肝外層煎至焦香，內裡軟綿幼滑！加上滿滿牛肝菌香及芝士味嘅意大利飯，令人一口接一口，大滿足！三重奏芝士牛肉漢堡 3 cheese angus beef burger $96牛肉漢堡扒非常厚身，肉味香濃，充滿肉汁，非常正！厚切炸薯條，熱辣辣，脆卜卜，好滋味！菠蘿荔枝流打 Pineapple lychee soda $38好大杯呀，十分超值！清新甜美！ST Bernardus $59非常重嘅麥芽香味，麥味香甜，容易入口！