SOYmart by 豆乳狂人

營業中

休息中

依間想試好耐，但係每次都係食到超飽先行經，所以都無試到，今日終於個肚有位試🥰💜鮮芋泥豆乳💜💵$32Menu都幾多選擇，今次就試佢依個signature先～佢個樽扁扁地，都幾特別，仲要有好靚嘅漸層😍港女至愛🥰本身以為就咁用手搖勻都得，點知都係要用飲管liu勻先得😂😂飲落去豆乳味都幾出，不過講真芋頭味真係飲唔出🤭完全比豆味蓋過晒，攪勻咗之後口感係厚咗嘅，係有芋泥嘅口感，不過無芋泥味囉都係😂甜度都啱啱好～唔算太推薦🤭

好少見以豆製品做主題嘅餐廳由門口嘅裝修設計到內裏嘅擺設同埋廚房將豆乳製品成個故事帶比客人黑白芝麻豆乳選用7.6特濃豆乳製作純天然食材冇調味加工唔鍾意飲太甜嘅朋友就啱晒啦奶蓋桃膠豆乳茶覺得呢一款好適合女生桃膠仲要對皮膚好好加上面頭嘅奶蓋令成杯飲品更加creamy 狂人粢飯估唔到主打甜品嘅豆乳狂人熟食都咁高質粢飯結實又有口感入面包住嘅油炸鬼竟然係加工過超級好味糯米糍紅豆宇治抹茶豆乳雪糕煙煙銀銀嘅糯米糍配上香港人最鍾意嘅紅豆抹茶味道豆乳雪糕入口即溶全部配料都係最佳配搭特別鍾意食完之後仲可以了解一下老闆開店嘅理念同埋豆乳嘅製作過程又好味又可以學到嘢

早排假日經過donki，見到豆乳狂人，條隊都好狂🤣🤣 今次揀平日黎食，無乜人可以坐低慢慢享受下！******************************❣️拉絲炸蛋完全估佢唔到！初頭以為係傳統粢飯內餡配以芝士同埋蛋! 結果一反傳統，將粢飯變成球狀再炸，表層脆卜卜，有啲似米通，中層嘅糯米仍然煙韌同有咬口！內餡就貫徹傳統加少少創新芝士，有榨菜肉鬆等😎******************************❣️牛油果鰻魚玉子粢飯呢個粢飯真係好好食💗佢有牛油果、鰻魚、玉子同脆卜卜嘅油炸鬼！脆卜卜嘅油炸鬼代表粢飯真係新鮮整嘅🥰 鰻魚汁再加熟透既牛油果🥑原來同粢飯好match🥰大推呀！******************************❣️7.6特濃豆乳（左）淡淡豆香配以好thick既質感，飲完好飽🤣 呢款豆乳係無糖嘅，需要加糖可以問侍應拎糖😆但我覺得唔加糖先飲到真正既豆味💁🏻‍♀️******************************❣️黑白芝麻豆乳（右）味道有啲似芝麻糊，但係係有豆味既芝麻糊😌唔會得個甜字，芝麻香同豆香互相襯托☺️可以一試

已開業2個月有多，仍未可以接受電子收費，非常不方便。前檯收費很慢，做成很長人龍排隊，是宣傳技巧？環境裝修很好很舒適，但員工應多打掃地方，多頻密更換垃圾桶，保持環境衛生。食物質素算是很不錯。

荃灣開咗間專賣豆乳和芋泥的甜品店，我咁鍾意食芋泥甜品點會錯過！Fresh Taro with Peach Resin & Mini Rice Ball 芋泥桃膠小丸子>呢個甜品好啱甜牙齒嘅我！記得攪勻靚靚紫色嘅棉密芋泥先食，個dessert就更香更滑！琥珀色的桃膠量也多，口感滑滑超滋潤！裡面仲有3色芋圓咬落QQ、味道稍淡；還有粉糯紅豆蓉，食完包保個人甜到漏Sticky Rice with Avocado, Eel & Tamago 牛油果鰻魚玉子粢飯 >未見過咁巨型的粢飯！餡料主角有一大切條鰻魚質素okay、牛油果軟熟creamy、油炸鬼係即席炸起先包幾新鮮、還有1條煎蛋、仲圍滿咗鹹香嘅豬肉絲，勁豐富食1個包你夠飽Uji Matcha Parfait宇治抹茶芭菲>當日賣晒豆乳雪糕，咁就轉戰抹茶雪糕。雪糕質地幾幼滑、有茶香微微回甘；另有甜甜紅豆蓉，白玉蕨餅比較淡口、墊底有粟米片等。下次嚟要食佢哋出名的豆乳雪糕

經過荃灣西站見到廣告，先醒起海之戀商場開左間豆乳專門店  SOYmart by 豆乳狂人，見有芋圓食勁吸引，食完飯即刻走去食甜品。豆乳店在商場二樓角落位，行過去先發現咁大間，店外附設好多座位，環境唔錯喎。現場仲特別有個位介紹品牌故事，展出各種回憶小物，好多人經過都會望下。午飯時間過後都幾多人來買豆漿，飲品食品全部用外賣包裝，買左自己搵位坐低食。原來係傳統豆乳家族轉型的品牌。現場仲可以睇到豆品生產過程，都幾有教育意義丫。可以增長知識。不同口味的豆乳用這種扁身橢圓膠樽。第一次來見到個 MENU 咁豐富都睇左好耐，首先要諗好想飲野定食野，除了甜品都有少少鹹食。嘩仲有雪糕食，咩都做晒喎！因為咩都想試下，所以買左兩樣，好飽。豆乳紅茶布丁珍珠 HK$32用豆乳做的奶茶味道醇厚又細滑，黑糖珍珠都幾好咬，中間仲有豆花口感好多層次，非常高質素！和風白玉 HK$45豆乳+豆花+白玉+紅豆+芋圓想食豆花又想飲豆漿要揀這個，一次過滿足好多願望！第一啖已經覺得好好食，白玉勁大粒，仲有好多唔同煙韌野和紅豆咬，值得推薦。好大粒的白玉，食完成碗都幾飽。估唔到這間豆乳專門店真係有點料到，下次要再去試下其他飲品食品先！

豆乳狂人位於海之戀，與Donki同層。豆乳狂人真的很狂，在餐廳五米範圍已經聞到豆香🤯，難怪長期有長長的人龍。豆乳狂人比較像一間快餐店或小食店，客人先到櫃檯下單，然後自行領取食物和飲品。主要賣豆乳飲品、糖水、小食和粢飯。餐廳座位數量多，空間規劃隨意和廣闊。由於第一次到鬥與狂人，我選擇了7.6特濃豆乳🥛，品嚐最原味豆乳。豆乳是無糖的，起初會擔心味道偏淡，出乎意料地豆味非常濃郁😍 ，豆乳質感非常濃厚。是我在香港試過最好喝的豆乳！

吃過晚飯後到Donki逛逛，見到這新開的豆製飲品店大排長龍，想必一定有其特色，那當然要來嚐嚐囉。餐廳設計走簡約年輕風格，一改平時豆製品給予人的傳統感覺。餐牌選擇款式也十分多，除了豆乳、還有豆乳茶飲、芋圓豆花、雪糕及炸物咸食。眼花撩亂完全揀唔落手，最後點了挺多人點的抹茶紅豆小丸子、奶蓋豆豆杯、黑白芝麻豆乳及黑糖桃膠豆花。友人點的抹茶紅豆小丸子抹茶色澤十分鮮艷、且配料十分足料，丸子煙韌；至於奶蓋豆豆杯，其實就好像一杯吃的甜品，有齊奶蓋、丸子、豆腐布丁；這兩杯飲品因有配料關係，甜度會較高。而外賣給家人的黑白芝麻豆乳及黑糖桃膠豆花同樣也十分出色，豆味濃、豆花則十分滑身，很不錯！難怪我們等待飲品的時候，人龍也沒有減退。會encore的！

係海之戀新開左廢水店就梗係要試下啦😋如果你好鐘意豆漿，就一定要黎試下！啲豆漿絕對唔係水稀稀，而係杰撻撻嫁😆我就好鐘意厚身嘅豆漿，因為入口會滿滿香濃豆味🤤芋泥奶蓋小丸子($42)嘩🤤完來入面有好多料嫁🤩有芋泥奶蓋，西米，布丁，豆乳，小丸子😋個芋泥奶蓋入口好綿密，好重芋頭味👍🏻西米同小丸子好煙韌勁好咬，布丁🍮甜甜地，重係有個勁濃厚嘅7.6豆乳，每飲一啖個口感都好豐富🤤推薦？🟡🟡🟡🟡🟡行過絕對要買杯黎飲，但飲完勁飽😂

<Hong Kong🇭🇰•Tsuen Wan>“啜我唷！抹茶紅豆小丸子🍡”聽住沙田嘅朋友講過佢附近有間豆乳狂人，豆乳製品出晒名，長期都排晒隊！咁啱食飽飯行過海之戀先發現，呢度都開咗新一間豆乳狂人分店😍抹茶紅豆小丸子🍡抹茶味香濃，唔會掩蓋左豆乳嘅香味🥰裏面嘅紅豆軟硬適中最開心嘅係可以食埋小丸子😝每一啖都食得到材料鮮芋泥豆乳眼見鮮芋泥佔咗約一半，我想言之將佢同豆乳撈勻，芋頭嘅味道係可以有幾香😍而且豆乳濃稠，豆香味濃！唔會好甜， 味道好天然，唔覺意就飲晒🙈滋潤之選想像唔到原來咁大杯😍全部都是多多料！呢邊有桃膠、三色芋圓、鮮芋泥、西米、豆乳🥰就咁聽落已經好豐富係咪？入口感覺仲豐富唷！整體來講試咗呢幾款豆乳產品，味道都好天然而且唔會好甜，啱晒一家大細嚟食！而且好飽肚添唷😝樣樣份量都好足料，好抵食！對比一般糖水舖，呢度嘅豆乳產品真係性價比高！今次可以預埋乳糖不耐症嘅朋友一齊品嚐啦😋

⋆⁺₊⋆.SOYᴍᴀʀᴛ ʙʏ豆乳狂人..白玉豆乳雪糕/ $40 / 🥨🥨🥨🥨 /呢個豆乳雪糕豆味非常濃厚～而且唔會話好甜！啲白玉丸子好有咬口～抹茶個粒嘅味都意外地好重抹茶味ㅋㅋ本身以為會冇乜味(ˊo̶̶̷ᴗo̶̶̷`).超強芝士醬絹豆腐/ $40 / 🥨🥨🥨 /呢個豆腐外脆內軟！！係超級軟個隻ㅋㅋ外面個層炸左嘅皮唔會話好厚～不過可能芝士粉加得略多所以整體上比較鹹(,,•́.•̀,,)就咁睇個豆腐上面有啲肉鬆～但係食落就唔係好覺有🤣.不過我去個陣等左大概25分鐘出餐ㅠ買完仲有勁多人係比錢個到排隊（末有員工得閒收錢～）整體出餐較慢(；′⌒`).［滿分5個🥨］...⌫ SOYmart by 豆乳狂人 (荃灣)荃灣大河道100號海之戀商場2樓2036號舖.#荃灣咔嚓

叫咗個芝士豆腐同鰻魚粢飯等咗超過半個鐘 等到花兒都謝了職員嘅態度又唔好等咗咁耐點知啲豆腐碎嘅然後個粢飯又凍又硬失望到極致以後絕對唔會再去幫襯。。。。。。。。。。。

經常都一條長龍 啲嘢係幾好食豆味幾濃 但係條長龍嘅主因係間鋪操作混亂 整野食嘅員工手腳慢 員工成日圍埋打牙鉸 個收銀收收下錢無啦啦又走去後邊整嘢食比其中一個客 講緊唔係倒杯雪糕咁簡單 而係好幾個工序整一杯芭菲出嚟 手無消毒 亦無換手套 衛生問題嚴重講番野食 芋泥/芝麻/桃膠/濃豆漿都係相當唔錯 其他甜品 如多芒楊枝甘露 味道亦比得上一般糖水舖至於雪糕類嘅食品 我就唔會搏喇 個衛生情況差到咁 最後希望間舖嘅管理層可以睇到作出改善有好嘅食物質素但欠缺員工培訓 服務質素不足嘥咗間鋪

收工時段，在海之戀商場2樓一個角落看到一個有趣的figure，裏面是一個open area，我去望望這個餐廳是賣什麼的。原來他是賣豆乳製品，他的名字是豆乳狂人。荃灣三蚊豆腐花福來邨很出名，想不到他竟然用豆乳製品來做招來，要一嚐他的滋味。雪櫃擺放在不同味道的豆乳，看見黑白芝麻豆乳已被清空，本只好揀仙草豆乳。下單的時候，我再問店員是不是沒有了，他從雪櫃裏拿出來給我，真好。我們點了兩款熱食。牛油果鰻魚玉子粢飯，粢飯即整by order，有油炸鬼、玉子、肉鬆、青瓜絲和主角鰻魚。油炸鬼好脆，和鰻魚夾得好好，鰻魚夠肥，有魚油香，而且鰻魚醬甜甜地，同牛油果相映成趣，外邊有有少少肉鬆。喜歡他的粢飯比較乾身唔會好冧。天氣凍凍地，食個粢飯，成個人都䁔哂超強芝士醬絹豆腐 ，即炸的超滑豆腐，入口即溶，只可以成功第一粒用叉叉起，點上超濃芝士醬，放入口，豆腐像豆乳一樣，瞬間在口中融化，真是超讚！桃膠非常多每一啖總有一口，比起出麵食一碗桃膠糖水，我寧願飲這個桃膠豆乳。黑白芝麻豆乳，芝麻味香濃，其實也不到嘗不清豆乳的味道，但是是好喝的。我們這樣食，起初以為不夠，以為是小食，但食完起身走的時候，不斷說“我好飽呀！好滿足

( ͡° ͜ʖ ͡°) 𝚂𝙾𝚈 𝚖𝚊𝚛𝚝 𝚋𝚢 豆乳狂人 - 港式甜品❝/ 海之戀全新豆乳概念店/ 啱哂喜歡特濃豆乳嘅狂人🥛❞◉ 三色芋圓豆花 - 熱 $32天氣凍哩度有熱豆乳供應 太好了芋圓好煙韌 唔會太粉香濃豆花夠滑唔會太甜 好味😋◉ 黑糖桃膠豆花 - 凍 $32朋友點左哩個 佢都話好好味都好多桃膠加埋黑糖豆花 好match!哩度有open area可以堂食/外賣裝修整得幾靚 食完飯黎食埋甜品啱哂～同埋都幾欣賞佢個包裝 食完環保啲拎左返屋企放下雜物或者糖都幾好呀╰(*´︶`*)╯♡推介指數：🌟🌟🌟🌟/5📍 SOYmart by 豆乳狂人 (荃灣)荃灣大河道100號海之戀商場2樓2036號舖