SOYmart by 豆乳狂人

營業中

休息中

好多次喺商場經過，都見到好多人係道排隊買嘢飲，一直想搵個機會試下，今次終於試到 ♡ 等我叫多幾樣嚟食下先～✎ 狂人粢飯 個人都幾鍾意食粢飯，之前試過個啲粢飯，入面啲油炸鬼都係腍腍地，而呢個入面嘅油炸鬼好脆！仲要佔成個粢飯都幾多比例下！味道都唔錯 ᵒ̴̶̷͈᷄ᗨᵒ̴̶̷͈᷅ 入面同樣有炸菜、肉鬆。個粢飯都幾大條，可以當lunch食！✎ 吉列豬扒粢蛋飯 材料有撈咗沙律醬嘅青瓜絲、玉子、吉列豬扒、炸菜同肉鬆。青瓜絲新鮮爽口、酸酸地；玉子口感軟綿、充滿蛋香味；吉列豬扒外脆內軟、帶有濃郁嘅豬扒味，整體口感豐富，味道多變，夾埋一齊食都唔會奇怪。✎ 和風七味脆皮木棉豆腐 豆腐都幾大粒，粒粒金黃，濃郁炸物香味。入面口感綿滑，略鹹。表面灑咗少少調味料，更顯惹味。✎ 多芒楊枝甘露 好大碗，好多西柚果肉，大大粒嘅芒果肉。成碗都充滿芒果香味，口感滑溜，清甜爽口～✎ 豆乳抹茶 抹茶味重，溝埋豆漿，非常鮮甜。✎ 奶蓋豆豆杯 豆味濃郁，入面有嫩滑嘅豆花，彈牙嘅珍珠同埋軟腍既芋圓，味道相當清甜。

我真係積左好多相同埋文，已經食過呢間幾次都未出過🫠佢有得堂食或者外賣，不過兩者都係用好厚實既外賣膠兜裝，老實講好似唔太環保♻️而堂食的話係自助，記得要清理好先離開▪️ 煙韌之選 💲45 份量足到等於一個正餐咁😂芋圓、地瓜圓、紫薯圓三款都軟糯煙韌，小丸子同埋珍珠就好有咬口😚豆乳布丁唔會好似一般豆腐花咁散，入口嫩滑既，而且豆味香濃🫘椰奶同黑糖香亦都突出，唯獨係底部會偏甜🙈🔎 整體評分（7.5/10）

今日去開樂富見到咁多人推話好好食，就試吓啦 叫咗一個滋潤自選$45 食咗一啖覺得芋丸好煙韌都幾好食。之後再食多幾啖就覺得好膩，全碗嘢有好多芋泥，芋泥口感棉滑但係唔知點解偏咸，撈埋其他西米、桃膠感覺好奇怪，成兜嘢杰撻撻 唔好食 食到一半已經唔想食 🥲但又好似好浪費 夾硬食埋佢 食完之後好口渴 🙃

收藏左依間都一段長時間， 咁岩經開樂富廣場就試下 。 店舖基本上係地鐵站出左上一層就到 ，唔會太難搵門口有個雪櫃放滿飲品供選擇 包括桃膠豆乳、黑白芝麻豆乳等。除此之外 ，看到menu上都有一啲糖水、小食、栥飯等相當多元素。 飲品款式多到眼花撩亂，最後見到好似好多人簡左「鮮芋泥豆乳」（$32） 就買左佢。 鮮芋泥豆乳賣相相當鮮艷（我認唔多唔少係因為顏色簡左佢）。 店員會細心問需唔需要糖水 ，因為無糖成份。由於我係外賣，店員會提供1盒糖水俾客人打開後自行調教甜度。 如果堂食既話飲品樽會有所唔同，可以留意下 味道方面，無糖成份令飲品其實冇乜味，豆漿味都幾突出（無糖嗰隻） 。 如果飲開甜野既朋友真係一定要落糖水。 攪拌芋泥黎，可能因為自己真係無加糖原因（？） ，成杯野其實真係冇咩味😅。 不過如果係豆漿豆乳愛好者，依間相信都幾岩口味

📍 SOYmart by 豆乳狂人 (荃灣西）呢間最近好hit豆乳狂人試下🙌🏻🙌🏻叫左仙草豆乳同多芒楊枝甘露仙草豆乳 $28 豆乳味好香 唔會甜 不過相比佢其他多種類既選擇好似有啲普通 可以揀下其他抺茶/芋泥豆乳多芒楊枝甘露 $48 好多芒果🥭好好食 芒果唔會酸 價錢唔平但份量好多 超多西米 食完好飽😂 要排隊 大概都等左成15分鐘架等既時候發現佢仲有賣粢飯 豆花 炸雞 豆腐 雞軟雞 炸芋圓😂價錢唔平但幾得意咁 仲見到好多人買！！

自從光顧過沙田店, 感覺甜品用料十足, 值得回味。唯沙田店對我來說位置較遠, 且沒有堂食位置, 因食物不能長時間置於室溫, 需冷凍保存, 外賣回家享用有一定難度。是次路經樂富分店, 可以堂食, 當然不能錯過回味的機會。食物款式蠻多, 選擇困難症啟動。堂食位置舒適, 唯潔淨程度較一般, 可能與店舖採自助形式有關, 客人需自行清理枱面器具, 故部份枱面少不免會較黏笠。店內有簡單介紹食品的製作。三色芋圓豆花 (凍) $32三色芋圓豆花豆味十分濃郁, 質感滑中帶點原始的粗糙, 不是平日吃豆腐花那種滑溜溜的質地, 拌勻糖水才吃到甜味, 感覺健康。三色芋圓Q彈, 吃完整碗頗為飽腹。雖然這店有堂食位置, 但所有器皿均為即棄餐具, 與外賣無異, 實不環保。由於器皿的物料較為硬淨, 建議可帶回家(如有需要可向店員索取碗蓋), 自行洗淨, 用作儲存食物的罐或作其他收納用途, 總比用一次即棄掉更佳, 造成浪費。

❊ 榴連奶蓋豆花❊ 超煙韌Oreo奶蓋❊ 牛油果鰻魚玉子粢飯-豆乳狂人既豆乳產品好有名，鍾意豆漿或豆腐花人士必去🔥最近仲推出榴連系列甜品😍（愛榴連請舉手🙋🏻‍♀️）榴連奶蓋豆花用上D24蘇丹王品種，啖啖榴連果肉，口感綿密，好足料！加上面頭奶蓋，咸咸甜甜，好新奇😆中間有幾粒丸子，底下仲佈滿豆腐花，成個感覺唔太漏。超煙韌Oreo奶蓋面頭係Oreo 碎+奶蓋，底下有滿滿珍珠，小丸子，芋圓，真係好有咬口😆 鍾意煙煙韌韌必叫！牛油果鰻魚玉子粢飯即叫即整，熱辣辣🔥牛油果配鰻魚意外地夾，依個組口出面好少見，好新穎！一個已經飽肚！餐廳裝修似Cafe，座位闊落，舒適，岩哂大家小聚。💲 榴連奶蓋豆花：$74💲 超煙韌Oreo奶蓋：$48💲 牛油果鰻魚玉子粢飯：$55

鍾意飲豆漿的舉手！你必須要認識SOYmart這個豆乳品牌，超濃厚豆漿一喝愛上，仲可以配搭不同口味以至變成珍珠豆奶茶，想食埋甜品仲有芋圓豆花添！SOYmart 有三間分店，我去荃灣店飲過幾次，等一次來到樂富這間。店內有休閒舒適座位可以內用。現場也可以看到豆漿製作過程，黃豆原來來自日本。餐牌都幾令人花多眼亂，純素食者要留意返奶蓋類都係用芝士奶蓋，可以飲豆奶或者豆奶茶。甜品就有豆花和芋圓，芋泥都非常受歡迎。7.6特濃豆乳有多種口味，全部都好吸引，仲有養顏桃膠。豆乳烏龍茶布丁珍珠 HK$32 想飲用豆奶做的珍珠奶茶，這裡就有多款選擇，有布丁又有珍珠好多野咬。我點了走甜剩下茶味豆香，因為珍珠本身甜甜地，所以不會單調。

之前已經飲過幾次，每次都覺得，好飽肚😂我自己飲完一樽就同食咗一餐飯咁差唔多飽（平時食得比較少，其他人可能唔會😂）佢寫豆乳，我仲以為系好似豆漿咁稀，點知原來咁「杰」。口感好奇妙，好似飲緊豆腐花，但系又無豆腐花咁硬喎，系嗰種比豆漿杰又比豆腐花稀嘅感覺🤔試過oreo奶蓋可可豆乳，咖啡奶蓋豆乳， 紫米豆乳，自己都唔系特別鍾意，不過十勝紅豆豆乳就真系好好飲啦雙重豆味真系好得😋超級推薦十勝紅豆豆乳但系飲到最後，啲紅豆好難吸上黎，唯有唔用飲管直接倒落口食埋佢😂😂😂

眼見都有唔同人介紹過，今次特登入樂富食呢間，希望食到令人驚喜既野。鮮芋泥豆乳 2.5/5豆乳好健康，唔甜，有豆味，唔會太浠，芋泥有甜味，一定要撈勻先飲得落，而且佢其實痴住個底，要大力搞勻先得，可惜我唔識欣賞呢杯野。三色芋圓豆花(熱) 4.5/5芋圓都煙銀，冇論芋頭，蕃薯，紫薯，都食得出明顯既味道，豆花都幾滑，送入喉嚨好舒服，加上本身既忌廉奶豆奶，提高層次既享受。地點:樂富既分店係商場入面，應付附近居民生意，都見到有婆婆食，始終軟綿綿岩食。環境:有主題人物既圖畫，仲有植物圍繞沙發餐枱。價錢:平時食30蚊甜品，飲30蚊奶茶既標準下都唔差。服務:自助式，不適用。

較早時睇到人post 介紹「豆乳狂人」大讚豆味濃郁，今次專登去樂富分店試試佢。🧭餐廳位置：易搵、大間🪑座位：闊 、舒適、喺張枱有啲黐立立🧾自助形式：櫃檯落單>>等>>櫃檯取餐（類似大x樂、x心快餐模式）👫兩個人叫左特濃可可豆乳、鰻魚牛油果玉子2個、多芒西米🥤特濃可可豆乳果然豆味濃郁 不錯喲🥑 鰻魚牛油果玉子大份飽肚 味道正常 就係鰻魚/牛油果/玉子/粢飯唔食豬嘅朋友 記得落單時叫職員走肉鬆 佢地應該 即叫即包P.S.女士可以一條share 再叫其他野試 唔係就太飽🫙多芒西米芒果又多又大舊好味 街坊又多個飯後甜店嘅選擇啦

2022.10.28 星期五 3:40pm地方很寬闊，明亮舒適💡店舖內有玻璃房放磨豆機，門口有幾袋宮城縣產大豆，裝修有工房和咖啡廳的感覺🍵本來想點榴槤豆乳芭菲，聽店員說只有星期六日才有，不過餐牌沒有寫。惟有點榴槤系列的其他甜品好了。•••••••••••••••••••• | 榴槤奶蓋豆花 | $74🍼🍧使用馬來西亞D24榴槤，店鋪自家製白玉、豆花。很大杯的分量，濃稠質感，有滿滿的榴槤蓉和白玉。榴槤蓉啖啖濃郁，白玉Q彈，煙煙韌韌。吃到一半時將材料拌混，奶蓋的鹹味令榴槤味更突出，很特別的組合。到剩四分一杯份量，已吃完榴槤肉和奶蓋，只剩下豆花時，吃得出濃濃的黃豆香味，一點苦澀味都沒有，豆香味明顯跟其他豆花的不同，應該就是日本黃豆和自家製豆花的關係了。

又一間Bookmark 左好耐的食店，終於有機會試到平日鍾意運動的我好需要補充蛋白質，豆乳真係好啱我🫶🏻呢度提供無糖輕豆乳/特濃豆乳，仲有芋圓，豆乳茶，豆乳奶蓋，桃膠系列，多芒系列，粢飯系列，小食，雪糕同芭菲，期間限定仲有榴槤系列同Oreo 系列，選擇豐富😉平日4️⃣點幾鐘去到，人唔算多裝修幾靚，座位舒適，好適合同朋友慢慢傾偈或者享受me time店內都有打卡位📷==========🔹鮮芋泥豆乳 $32店員告知係低糖的份量目測約5️⃣0️⃣0️⃣毫升，都幾抵飲芋泥沉哂底，飲的時候可用粗飲管攪拌一下豆味幾香濃，質地偏稠而滑身😋芋泥夠綿夠粉，同豆乳夾得黎，而且正如店員所講只加微糖，甜度適中👍🏻推介指數：9/10==========聽聞佢地的粢飯好正，下次要試下😍

滋潤之選 $45入面的材料勁豐富，有芋泥，芋圓，桃膠，同西米，揀呢款的話係可以一次過食晒比較多的材料！😍 芋泥係好好食， 好綿滑，但芋頭味略嫌唔太出，芋圓就真材實料，食到蕃薯肉碎仲有勁濃郁的蕃薯味😋桃膠放堆落去個甜品入面，令我食呢個甜品的時候覺得勁健康同養生🤓如果可以揀甜品的甜度就會更加好，因為我覺得有啲過甜🤔呢個糖水份量都大的，入面的料都係頂肚的，同朋友share就岩晒啦😁Oreo奶蓋可可豆乳 $48叫果陣以為呢款都係可以用匙羹食的果款糖水，但原來係飲品黎的🙈勁邪惡呀只可以講呢杯飲品，啖啖都會飲到珍珠，而佢的豆乳飲落唔會太甜😁飲品的最頂層係奶蓋，勁香濃！😍咸咸甜甜咁，勁正勁想係咁食，可惜的係呢杯飲料的設計係打唔開個杯蓋，只有一個細細放吸管的位🥺 唔可以用匙羹直接挖啲奶蓋食，飲完杯野飲仲會有好多奶蓋痴實係個杯度，個人覺得有啲浪費啦😫SOYmart by 豆乳狂人 (樂富)樂富聯合道198號樂富廣場 ZoneA 1樓1168-1170號舖

話說我超鍾意飲豆漿，義香、王阿媽、新蒲崗豆漿大王，呢幾間比較地道好鍾意嘅品牌。曾經有一次喺荃灣見到呢間Soymart豆乳狂人好多人排隊，橫掂有時間，就排吓隊，試吓佢咩料，叫左支特濃豆漿，一飲之後，不得了。個種濃烈嘅豆味，久久不能散去。嗰次係荃灣探朋友買咗支俾佢，朋友飲完之後特別WhatsApp我話真係好好飲。一路未有機會再去荃灣，點知經過樂富原來有分店，朋友P小姐話佢哋嘅粢飯係神級好食，不如就地飲番杯豆漿食個簡單晚餐。一支朱古力豆漿同特濃豆漿，真係好有驚喜，如果你都係鐘意濃味嘅話，基本上你冇得抗拒，女士我會推薦飲桃膠，勁滋潤。最大件事未食粢飯前我發現佢有個新Menu ，有幾個甜品都好有驚喜，如果你食榴槤，榴槤奶蓋豆漿同榴槤奶蓋豆花，呢兩樣嘢真係冇得抗拒，前者用上馬來西亞D24嘅榴槤，再加上糯米小丸子同特濃豆乳布甸，加起來嘅口感非常之精彩。後者並唔係豆腐花更簡單，加上白肉，仲要有強勁嘅榴槤係上面，除左IKEA個榴槤雪糕以外，我相信呢個一定不能錯過。當日仲食埋呢個特濃豆乳芭菲，口感超強，因為有紅豆蓉、蕨餅、白肉、糯米糍、十勝、紅豆、粟米片等等加上超滑口感嘅豆乳雪糕，女士必會愛上。朋友介紹嘅