SOYmart by 豆乳狂人

營業中

休息中

建議：食完碗裝甜品，可以考慮洗番乾淨個外賣膠兜，重用/回收都得🌎食完#小火焰 下一站就係去搵甜品食😂 行左過隔離舖試下#豆乳狂人 除左唔同口味既樽裝豆漿仲有好多碗裝既豆乳甜品/芒果系列🥭 甚至仲有小食同粢飯。餐牌已經列哂所有產品入面既配搭，不過就無特別寫明樽裝/碗裝。落完單，好快已經可以係櫃台拎。除左落堂食單，仲順手買多左2️⃣款豆品外賣比其他#試伏專員 一戰❤️ 店員好好甘提議可以臨走再去櫃台拎👍🏻今次試左：🍽️堂食▫️桃膠豆乳 (無糖 HK$32)▪️和風白玉 (HK$45)首先講一下豆乳，可能因為價錢上對比普通既豆品舖出既豆漿係貴，所以飲之前預期係比較高🙈 如果講飽肚感係絕對滿足到，但如果講味道就真係不似預期😂豆乳既質感雖然濃郁，但豆味唔重，加埋桃膠反而有少少似糊仔😅 Fd子飲到一半就已經放棄🙈 不過值得一讚既係，豆乳都係無糖，所以額外會比糖漿，自己加可以控制份量👍🏻除左樽裝豆品外，仲試左三色芋圓系列入面既#和風白玉 配料包括有：豆乳布丁、白玉、紅豆同芋圓💜 一打開碗蓋，係真係有驚喜😋 紅豆、芋圓同白玉既份量都好足，係側邊睇紅豆層真係好多👍🏻 整體屬暴甜‼️😅主要係紅豆實在太甜既關係，食左一半

📍芋圓仙草豆花三粒芋圓都唔會一樣味或者冇味，煙韌有咬口😋豆花好好食，係健康嘅味道，配埋一齊食唔會好甜！📍燕麥豆乳好好飲，另外上糖漿，可按照自己喜好加，就算加哂全部糖漿都唔會好甜都係健康嘅味道😋📍粢飯好食！入面有油炸鬼。店員會問洗唔洗切半，可以同朋友share🥳

突然好想食甜品 但係又到咗晚飯時間 唔願落街 所以嗌左外賣速遞叫咗狂人粢飯 芋泥西米露 咖啡奶蓋豆乳 共$130 未連運費整體質素keep到嘅 係爭少少唔夠凍或熱 packaging唔hea 份量偏多 當晚飯食嘅話可能都會留到少少部分 宵夜再食1️⃣ 粢飯送到黎 入面舊油炸鬼竟然仲係好脆 超 級 脆質素好過大部份受人追捧嘅傳統上海餐廳 大推❗️2️⃣ 芋泥西米露啲西米係大粒size但係都煮得透 又唔會太淋 粒粒分明個芋泥冇諗過係濃郁到咁樣 杰撻撻 絕對滿足到我呢個芋泥控 唔會太甜唯一美中不足係佢真係芋泥到一嚿實體芋頭都食唔到 😂 (因為嗌太多嘢食 而芋泥太杰食到尾其實有啲laau)3️⃣ 咖啡奶蓋豆乳本身杯嘢飲應該冇冰 所以個濃郁程度係冇變 奶蓋鹹鹹地正常味道 亦有珍珠同豆花但本身對咖啡有要求嘅就唔好expect太多 如果真係想飲咖啡 建議正正經經去買杯咖啡啦 🫠

以豆乳為主餐廳，用豆乳做出不同食物、飲品和甜品，所以食物種類都好多，而且每種有不同配搭。每日都新鮮製造，食物即叫即做，需要時間等候。———————————————👉🏻吉列豬扒粢蛋飯 $45粢飯好大份好多料，外層糯米包住蛋、青瓜、油炸鬼、吉列豬扒、肉鬆等材料，正餐一定夠飽。豬扒同油炸鬼都炸得好香脆，加上肉鬆口味提升，青瓜和菜脯減低油膩感。👉🏻和風白玉 $45超級足料的甜品，豆乳布丁、白玉、紅豆和芋圓成粒湯圓大的白玉和芋圓有不同煙韌度。豆乳味好香濃，布丁香滑，紅豆同豆乳配搭得好好👉🏻Oreo 奶蓋珍珠豆乳 $48Oreo系統是樂富分店期間限定Oreo和豆乳好濃，配搭和諧。Oreo甜度不會遮蓋豆乳味，比預期中好。味道偏甜，飲到後期比較膩。———————————————價錢算親民，食物都高質職員服務態度就…不是太好整體度：7/10食物：7/10環境：7/10

採用非基因改造黃豆，每日新鮮製造👍🏻👍🏻1️⃣7.6特濃豆乳招牌之一，豆乳本身無糖，可額外自行加糖漿，想試到原味，所以無加到糖漿，豆味香濃，口感較厚身，飲落幾飽肚下2️⃣🫘十勝紅豆豆乳紅豆本身帶甜味，紅豆煮到好腍起沙，紅豆佔左3分1樽，同豆乳混合埋一齊，唔會好甜，甜度岩岩好，有啲似食糖水咁🌟除左豆乳，仲有豆腐花，甜品，粢飯及小食

對於住在九龍人的我, 想要試豆漿狂人的美食, 我需要坐一個小時的車程, 才能到它的店嚐, 基於路途有點遠, 結果令我打消了衝動跑去一試!  但後來得知它在樂富也開了店, 地點近了很多, 而當時我在九龍塘附近, 所以特意坐地鐵過去看看! 我去的時候已經晚上6點了, 而當時晚市還在禁堂食, 所以我們買回家吃!  我買了三樣東西, 分別是十勝紅豆豆乳﹑黑糖桃膠豆花及吉型烈豬扒粢蛋飯!這款吉烈豬扒粢蛋飯 $45, 我買完後不是立即食用, 但口感雖有點硬, 但味道出奇地好味, 我超喜歡, 覺得比傳統粢飯的口味多了一種新鮮感! 而這支十勝紅豆豆乳 $32 豆味十分濃厚, 混合了十勝紅豆味道不會太甜, 而喝每一口都能吃到粒粒紅豆, 連我家大少不太愛甜的飲料, 他都說這款豆乳不太甜, 不錯! 最後, 這款黑糖桃膠豆花 $32, 同樣每一口都吃到香濃的豆味, 豆花入口滑溜即化, 不要以為加了黑糖水會很甜, 其實甜度剛好, 也不會太甜!   這次只買了3 樣食品, 我個人覺得味道不錯, 份量也很足, 就算是外賣, 食物的質素及味道也同樣不差!  吃完了粢飯及濃厚的豆乳後, 肚子也開始有飽肚感覺, 可見食物

看相開飯網朋友仔原來早前也有推介過這一間以豆腐製的甜品舖，所以找上一日沒有下雨的日子終於前來一試。。。位置在於商場的角落內不難找，最重要是可以堂食，現今如果要拿在手中一邊吃一邊食似乎有點難度，住得比較遠拿回家中感覺又不是那一個味道，所以掃完（安心出行）便可以乖乖地入座，對於自己而言實在太方便～當日揀選是【和風白玉】HK$45.內裏有豆腐布丁/芋圓/紅豆/白玉「小丸子」購票完畢乖乖入座正待漂亮的美食，當日是平日中午大概等候時間十分鐘左右，非常漂亮的一杯《和風白玉》就在職員叫（飛）後接上，冇錯雖然是堂食, 但是沒有送餐亦要自行清潔（掉枱上知垃圾）我選擇要少甜，可能自己對於甜嘅態度比較敏感，自己就認為都是（較甜），相信是製作紅豆時店員已經放了糖，所以盡快在自己知道的情形下攪拌與下層的豆花混和～（芋圓煙韌，紅豆粒粒豐盈，小丸子有口感）良久沒有食過這麼夾的一回事，整體上豆花佔整杯份量一半，我覺得這個分佈很平均，如果可以喺其他地區開多更多分店，相信會回頭之慾必大增。★價錢合理此店有八達通服務！★

話說呢幾日分別見到唔同嘅朋友都黎左呢間食佢嘅豆花同飲豆乳飲品，見到朋友影啲相都好正甘，就決定一定要黎試下😗見到個menu好多款豆花都想試，但胃就得一個，所以問左店員邊一款豆花係必叫嘅，店員同我地推介左超煙韌豆花，因為佢咩都有，有奶蓋、豆花、小丸子、芋圓、珍珠，可以一次過滿足晒我😋😋呢個我覺得好好味，好足料，推薦大家一定要試！然後飲品就試左仙草豆乳、芋泥豆乳。2個都唔甜，好健康，飲落都好滑、好香豆奶味。下次都會想再試下其他味道嘅飲品同豆花😝

豆乳狂人，之前都只係試過飲品！從來都未試過堂食，今日終於有機會試啦。樂富商場方便泊車，所以決定黎左呢間分店😝 豆乳狂人，都以豆製品為名今次叫左兩款栥飯、鹹蛋黃炸雞翼、焙茶豆乳和抹茶豆乳。炸雞翼都好味，都能夠符合期望好有鹹蛋味。不過栥飯有少少失望，不過都唔關staff事，只係材料出左問題。兩款栥飯一咬落去都有好重的化學味，有攻鼻的感覺。同staff 講後，都有即時處理。據說最後係油炸鬼出現了問題總括而言，首次堂食有少許失望。不過staff 處理方法已經好好，希望下次有進步啦。

真的好喜歡豆乳，奶蓋，芋頭泥，小丸子之類的東西，然後這次一下子全齊了，之前看到幾次都覺得應該也就是看起來包裝花哨，味道也不過如此吧！不過這次嘗試後發現真的好好吃，豆乳綿密，奶蓋好喝，裏面還有豆腐布丁！！一杯下肚絕了！下次想試試桃膠和黑芝麻也都是我的愛，唯一不喜歡的是易拉罐設計，有點畫蛇添足

近排呢間豆乳狂人好hit, 係IG成日都見到佢啲post今次經過就買黎試下🤤佢既賣相同包裝都真係好吸引😍包裝用左擰蓋既硬膠盒裝，即刻令成個感覺昇華左❣要黎打卡真係冇得輸 🥳🍧鮮芋泥豆花（凍/ $32）芋泥好綿滑，打得好細緻冇乜顆粒😆芋頭味就唔算好重，但係口感就加分👍豆腐花就唔夠甜，但豆味好香😌如果唔好甜既朋友就一定會中意😝🍡三色芋圓豆花（熱/ $32）芋圓就有驚喜，好軟好煙韌👍而且食到芋頭味同蕃薯味，證明真係真材實料🤩熱食既豆味再香濃啲😁不過豆腐花亦都係唔夠味，我偏好甜啲既就覺得冇乜味🤪如果有黃糖或者糖漿俾我地額外加就更好喇🤣/📌SOYmart by 豆乳狂人樂富聯合道198號樂富廣場 ZoneA 1樓1168-1170號舖/😋食物質素：6.5/10💰性價比：6/10👣回頭率：6/10

豆乳狂人果然名副其實，由豆乳奶蓋、豆乳茶、豆花至其他小食糖水都有得賣，店舖裝修同食物包裝都好靚舖頭好有韓式cafe嘅感覺鮮芋泥豆乳$32芋頭好足料，食完已經好飽肚，如果非常鍾意芋頭應該好滿意，略嫌唔夠甜的話可問店員拎糖漿黑白芝麻豆花$28豆味好香濃好滑，同芝麻好夾無得輸奶蓋布丁燒仙草$36奶蓋好creamy味道好濃郁，仙草好滑溜拉絲炸蛋$38聽嗰名覺得幾得意可惜食完好失望，炸粉好厚芝士唔夠多加上外賣拎到返去凍咗就好硬除咗個炸蛋仲有好多款粢飯下次再試埋其他小食同飲品

-🦄豆乳狂人 @soymarthk-豆乳熱潮從未減退の呢排個個都在飲豆乳狂人我都先後2次專登去咗豆乳狂人買咗6樽豆乳第一次飲完原味覺得唔錯有驚喜就再次回購了🤍1️⃣7.6特濃豆乳 Hkd24Rating🌕🌕🌕🌕🌘🖤個人真係最推薦7.6特濃豆乳 質素對得住個價錢黃豆味道香濃 但係未發揮到最香醇嘅最高境界因為都飲過台灣嘅豆乳 佢哋係發揮得淋漓盡致而呢枝7.6特濃豆乳濃稠度高又帶點黏口嘅感覺黏口嘅口感對我而言好有驚喜 對得住7.6呢個名而且佢係無糖就真係零甜度 我都無再另加糖漿~個人比較愛品嘗黃豆嘅原汁原味 先會飲到佢嘅醇7.6特濃豆乳好清幽無負擔 飲完個心境會好平靜所以 暫時飲過咁多枝 7.6呢枝係我最推薦嘅口味🤍2️⃣鮮芋泥豆乳 Hkd32Rating🌕🌕🌕🌗🌑🖤因為始終係少甜 齋飲豆乳都會飲到少少嘅甜味芋泥好綿密帶有顆粒感 甜度我覺得都可以接受會品嚐到芋頭嘅香氣 整體嘅感覺比較純粹天然但係如果有無糖嘅選擇就更加好 畢竟我都怕甜又可以符合返唔同人嘅需要 提供更健康嘅選擇呢一款飲品偏向似甜品多於飲品 同埋都幾飽肚🤍3️⃣7.6豆乳抹茶 Hkd36Rating🌕🌕🌑🌑🌑🖤二次回購嘅時候就順便買埋抹茶同埋

豆乳狂人呢間樂富分店大間好多裝修幾令 可以坐低慢慢飲 慢慢食鮮芋泥西米露個杯好令 硬身 西米露夠多 又香芋會回頭再食不過食食下有啲制都幾飽肚😹Soy mart豆乳狂人 玩得出色 殺出一條血路

之前經過河畔花園個間無買，今次見到有分店就買來試下，是次外賣回家但味道都唔錯。試了黑芝麻豆乳、芋泥豆乳和三色芋圓豆腐花。店舖飲品是預先包裝好，包裝都幾新穎，又算大枝，店員提醒開封後一日內要飲完，因為鮮豆乳所以不能放過夜。首先黑芝麻豆乳，芝麻味非常濃郁，飲到一粒粒碎左既黑芝麻的香味，又冇覆蓋原本的豆乳味，好match. 芋泥豆乳反而覺得麻麻地，因為佢樽裝嘅設計，芋泥沉咗底，就咁飲真係好難飲到，之後室溫放耐啲先令芋泥無咁傑，但我覺得味道不算好突出，反而試到原味豆乳多啲。但原本應該預設為無糖，所以店員會問你需唔需要糖漿，我們本身不好甜，所以覺得豆味好濃郁，值得一試！