Sodam Chicken (已結業)

雖然未有時間去韓國旅行，但放假都仲可以去食韓國炸雞。同女朋友去完行街，就去左蘭桂坊既sodam chicken度食炸雞。入到去覺得裝飾簡約舒服，我地安排到二樓既窗口位度坐，望到街景。我地叫左2人套餐 (HKD 398)，我地選擇左雙拼炸雞，芝士薯條同埋凱撒沙律。個雙拼味道我地要左黃金咸蛋同埋甜酸。另外仲有韓式，蜜糖芥末，辣味，雪花芝士，檸檬柚子既其他味道選擇。至於個套餐飲品，我地叫左蘋果特飲(加HKD 10)和薑檸蜜 (HKD 6)。先黎既係凱撒沙律，分量都幾大，有好多沙律菜，蕃茄，煙肉同埋芝士，仲附送沙律醬。個人覺得味道唔錯，係一個唔錯既餐前開胃前菜。跟住黎既就係芝士薯條，賣相唔錯，有好多芝士粉係薯條度，薯條就好大條同熱辣辣咁。食落去仲好好味，一啲都唔覺得膩，食指大動。跟住黎既就係我地既主菜炸雞。兩種味道既雞件都非常大件，而且啖啖肉，肉質鮮嫩，外脆內軟。另外，黃金咸蛋個邊有埋咸蛋味既薯片。個人比較喜歡黃金咸蛋既味道，不過甜酸醬既雞件都好好味。蘋果特飲賣相就攞哂滿分，用一個好大既酒杯盛載著富有青蘋果淡淡既味道，非常清新冰涼。另外，仲有一串糖果，感覺多一份童真。 至於個薑檸蜜，好夠薑味，

晏晝諗住去pmq 睇一個今期以環保做主題o既市集，所以同埋兩個朋友o係番上中環呢頭食個lunch 先出發。因為我唔多蒲soho / 蘭桂坊呢面(我o係香港島會蕩失路o架，哈哈……)，所以揀餐廳就任由佢地拍板，於是book o左食呢間韓式炸雞。二人套餐($398 未加一) 有一份炸雞、一份薯條同一份沙律/湯/冷麵。炸雞我地配o左雙併，檸檬柚子拼黃金鹹蛋。芝士薯條好好食，o岩o岩上檯時熱熱的，芝士粉好多亦好甜，等其他o野食到o既時候用o黎頂肚一流呀！我地揀仲o左個魚串湯，淡淡o既魚湯吸收o左白菜o既精華，再加上整o既時候落o左好多胡椒，韓式風味十足。至於跟餐d 炸雞，想講只係麻麻地。檸檬柚子個柚子味有但係唔係好強，變o左食落去好似西檸雞o既味道；而鹹蛋配炸雞我始終覺得唔係好match，兩樣o野都好中式o既調味，但我唔係expect o黎e 度食e d 囉……可能口味問題啦，於是我主張另外叫多一份炸雞，點o左份蜜糖蒜香焗雞($140/standard size)。呢個擺明好食好多，雖然係焗唔係炸，但一樣咁脆口過癮(另外o個兩個則反而比較腍身個皮)，蒜香味濃，仲有好多蜜糖o係底，蘸埋真係甜到入

咸蛋黃熱潮如此厲害，彷彿所有野都可以加上它就會變得美味～我亦是一見到個廣告就拉埋個fd黎，好癲！佢係一個二人餐，可以揀2個味既炸雞，感覺炸野同咸蛋黃就會好襯～叫左咸蛋黃加酸甜雞，哇一炸起即食真係好正！成口都沾滿了蛋黃，雞非常嫩滑淡淡肉～sodam向來都唔差，今次令我再度加分！酸甜醬認真不死，襯咩都好食～上次黎都有食佢，不過如果可以再比多啲汁就好了，會更有回頭光顧的衝動～二人餐仲有薯條同一個菜揀，薯條揀左芝士味，原來係灑上芝士粉，超～級好味！雖然成餐好熱氣但我都食哂個薯條叫了韓式魚蛋配菜，有湯飲下成件事溫和返。

呢晚黎到蘭桂坊諗住搵個一邊傾住計一邊happy hour又可以晚飯嘅地方。結果行到斜路嘅盡頭，就見到呢間sodam chicken。食韓式炸雞嘅地方。晚上7點幾，坐住望住大街嘅 嘅吧台位置。別有一番風味！選了2人套餐，完全滿足左我想食雙併炸雞嘅慾望。啤酒類或其他酒精類都只係加$20-25。+$25 青蘋果啤酒 溝左青蘋果味嘅啤酒泡量減少，較容易入口。+$25 Apple Cider Rita 整體味道菠蘿汁加上apple cider,酒味唔會太濃，適合女仔飲用。紫菜薯條：粗身薯條配上有點似m 字頭shake shake 粉嘅味道，熱辣惹味！雙併炸雞（無骨）：雪花芝士味/黃金鹹蛋味雪花芝士：濃郁嘅芝士配埋紫菜粉超惹味，雞肉咬落juicy嫩滑！黃金鹹蛋係期間限定，仲配左芝士味嘅粟米片。黃金鹹蛋比起芝士入口更creamy濃郁，適合重口味人士。呢度嘅炸雞係標榜無骨，啖啖肉水冷麵：紮紮實實地一大碗，配上口感清新紅蘿蔔絲同青瓜，當然唔少得水冷麵必備嘅蛋。麵質比外面偏粗，口感依然煙韌！酸酸嘅湯底減低炸雞肉嘅膩口感。人均$250就可以係蘭桂坊範圍飲飽食醉，不錯嘅一晚！

星期六都要返工Lunch當然要食好啲放鬆下心情啦！去食韓式炸雞！呢個韓式餐廳喺中環老蘭附近 藝穗會斜對面食物質素高服務態度都好好係約埋三五知己吹水食炸雞嘅好地方個人覺得食過咁多間呢間炸雞同焗雞係最好食！特別係黃金鹹蛋炸雞！絕對係必食推介！全部都係無骨而且內脆外軟水準亦極為高！叫左一款套餐加一款焗雞滋味套餐 2人套餐$398-雙拼炸雞(無骨)(限量供應)揀左黃金鹹蛋同蜜糖芥末味-芝士薯條-水冷麵-飲品2杯+10菊花蜜特飲+10提子特飲黃金鹹蛋拼蜜糖芥末味炸雞(無骨)黃金鹹蛋味炸雞個人認為絕對是本店鎮店之寶首先所有雞件全是去骨雞件十分貼心啖啖肉啱晒我呢種懶人上枱時已聞到陣陣咸蛋香味入口時外脆內軟而唔會比你有種食炸粉既感覺咸蛋既甘香真係令我忍唔住一口接一口但又想試唔同口味 所以雙拼每款只有5件呢款黃金鹹蛋絕對係必食推介！蜜糖芥末味炸雞每一件都係新鮮熱辣炸起所以比一般餐廳的炸雞外層較為酥脆而雞肉特別嫩滑 吃多兩件也不覺油膩蜜糖汁亦很多！正！芝士薯條味道濃郁之餘令人亦無辦法抗拒薯條都係即叫即炸配上芝士粉 味道不錯！韓式涼拌水冷麵夏天光顧韓國菜餐廳當然係唔少得食清涼嘅水冷麵配有泡菜 紅蘿蔔 青瓜

今日天氣都幾熱， 岩岩食炸雞加啤酒😂😂今日去開中環經開， 呢到分上下2層，餐桌上都預備好膠手套& 紙巾，細心體貼👍🏻呢牌上有很多不同口味炸雞， 有濃濃芝士味；辣味；蜜糖芥未味；蜜糖蒜香味；檸檬柚子味;鹹蛋味， 除了炸雞還有pizza , 烏冬。岩哂俾客人有多些選擇😋提提如果要食鹹蛋味炸雞， 只有set 先有。我今次叫左～太陽芝士炸雞（$198）好多芝士， 中間包裝滿濃濃芝士，切開麵包（脆脆的，加埋芝士一齊食，正👍🏻👍🏻）炸雞， 炸得剛剛好， 咬落仲好juicy ,將炸雞件點包中的芝士醬， 滿滿芝士拉絲， 芝士包圍住雞件😋炸紫菜卷（$60）熱騰騰上桌， 咬開啖啖韓國粉絲，加上甜酸醬，特別開胃😊

同幾個好鐘意去韓國嘅朋友聚一聚，又點可以唔食韓國野呢今次就食炸雞！我地黎到中環，舖頭細細，分上下兩層，迫迫地都有十張枱。我地一坐低就睇下個menu，都有好幾款炸雞選擇，花多眼亂，我地三個又叫唔到咁多，最後決定叫個二人餐，再加多一份標準分量嘅炸雞。二人餐我地選擇左黃金鹹蛋炸雞，魚串湯，芝士薯條，仲包兩杯飲品添！另外就加左個蜜糖蒜香焗雞。野食好快就到喇！芝士薯條鋪有滿滿嘅芝士粉，薯條熱辣辣，都不錯呀！之後我杯特飲送上喇！好大杯呀！有成塊面咁大呀佢個味道有少少似有汽嘅菊花茶，適合我依個鐘意飲菊花茶嘅人。魚串湯有兩串魚串，仲有菜添，可以中和一下食炸野嘅熱氣。主角炸雞到！依個黃金炸雞係無骨架，食落啖肉，適合懶惰嘅我食落有鹹蛋嘅香，又唔會太搶，都幾好食呀！仲有蜜糖蒜香味，依個係有骨嘅，有骨嘅會比無骨嘅滑少少，食落甜甜地，又中和一下鹹蛋嘅鹹味，不錯呀！

位於中環蘭桂坊雲咸街31號地下的Sodam Chicken, 主打韓式炸雞。曾經去過銅鑼灣分店的，菜式味道不錯。今次來到風格徹然不同的中環分店，感覺就好像去了酒吧吃炸雞，頗有驚喜。餐廳共有兩層，今次坐在樓下的位置，可以點一杯啤酒來配炸雞。餐廳位於蘭桂坊的範圍，所以也提供頗多種類的酒精飲品。今次則點了一客2人套餐，包一客炸雞、一客薯條、一客指定小食及兩杯飲品。今次選了無骨的雙併炸雞，黃金鹹蛋拼甜酸口味。黃金鹹蛋口味是最新的口味，用鹹蛋黃的份量夠多，所以能嚐到頗重的鹹蛋黃味，夠香口。而且外皮炸得十分香口，脆卜卜熱騰騰。另一款甜酸口味的味道也不錯，廚師先把雞件炸好，再淋上甜酸汁，面頭再加少許京蔥，這款甜酸雞和鹹蛋黃的感覺頗不同，味道夠開胃，而且醬汁份量夠多，雞件不會太乾身。雙併炸雞的組合也是頗不錯，可以多試一款口味的炸雞，更多變化。之後來到的為芝士薯條，薯條熱辣辣脆卜卜，面頭再灑上大量的芝士粉，味道微甜，頗為可口。當中還加力少試紫菜碎，令味道更有層次。指定小食則選了魚串湯，當中的配料包括有兩串魚串、娃娃菜、金菇等，吃完炸雞後能平衡一下呢，蔬菜吸滿了湯，味道十分不錯，如果湯能淡少許便更佳。飲品

台灣朋友來港指定要到蘭桂坊，時間尚早所以L特意安排一間很有名氣的韓國餐廳給他們吃炸雞。餐廳位於老蘭，裝潢當然要走型格路線。先來一客熱帶風情薄餅， 餅底夠薄、香脆可口，薄餅面鋪滿蕃茄醬、菠蘿、火腿、蘑菇及水牛芝士非常豐富。主角出場了，L知道台南人較喜歡吃甜味，所以點了甜酸炸雞。 酸酸甜甜的甜酸醬會想炸雞有種吃咕嚕肉的感覺。當然不能錯過近來大熱的黃金鹹蛋炸雞。 鹹蛋加上炸雞是一種無法抗拒的組合， 相比鹹蛋炸魚皮的口感因為炸雞有嫩滑多汁嘅雞肉， 令口感更加豐富。 嫩滑多汁的雞肉配上鹹蛋及炸雞皮配搭是一種令人心裡上不斷覺得極度邪惡但又很想吃的組合。粗身的薯條比較好吃，配上紫菜有種和風的感覺。魚串湯令L回想於首爾出差時遇着冷冰冰的天氣，吃下熱湯的魚串，再以簡單英語跟其他食客談天說地的情境。 魚肉彈牙配上韓式清湯特別好吃。醫好五藏廟，是時候踏上征途了!😜

芝士控表示.. 呢個韓式芝士雞🐔真係不得了！🌟🌟🌟🌟🌟🌟🌟🌟🌟🌟炸雞🍗可以揀有骨 或 無骨！非常細心！❤️我當然揀無骨啖啖肉la! 😜😜😜 雞肉嫩滑、微辣！ 瘋狂地加左大量芝士.. 我竟然食哂9成的雞！只淨反一件比大少！😛😛😛 .魚串湯清清甜甜的！正好中和炸雞的濃味！螺肉冷麵好惹味！今日甘熱 食呢個喏曬！👍🏻👍🏻👍🏻 我正好坐喺出菜位附近，見到咸旦黃炸雞、柚子檸檬炸雞都好靚仔... 好想試呀！

去蘭桂芳不外乎同三五知己飲番杯，但今次例外，就是食韓式炸雞 ; 在韓國擁有70間分店的 Sodam Chicken，正宗滋味韓式炸雞，而且最新菜式的黃金鹹蛋炸雞，外脆內嫩，非常惹味 ~裝修設計以型格時尚的韓式酒吧 style 為主，環境舒適整潔，空間感足，不會有壓迫感，二樓的窗邊有落地大玻璃，視野廣闊，開揚遠景，令人感到輕鬆寫意。在這餐廳一邊進食一邊聽著勁歌，感覺處身於韓國，好有韓 feel !餐牌上，有2人或3-4人的滋味套餐及其他單點菜式，美食大部分參照韓國分店，除了調製特色的酒類飲品外，還有招牌炸雞或焗雞，精緻的主食、韓式沙律小吃和特製薄餅等，食物款式選擇多及有新意。我們點了 2 人滋味套餐 $398，包括炸雞 (季節限定 - 黃金鹹蛋炸雞、檸檬柚子或蜜糖芥末等口味，單款/雙拼選擇)、薯條、小食及飲品。滋味套餐 ~ 黃金鹹蛋炸雞 (季節限定菜式)最近潮流興食鹹蛋味的零食，我一見到餐牌有黃金鹹蛋炸雞，都急不及待點了，太新穎的。以鹹蛋調味製作成的炸雞，新口味，而且是季節限定菜式，好吸引呀！甘香的鹹蛋味，金黃色的炸雞面層鋪滿鹹蛋碎，炸雞外脆內嫩，鹹香惹味，還伴著脆卜卜的墨西哥脆片一起吃

朋友生日想食炸雞，見到網路介紹黄金鹹蛋炸雞，我地就去Sodam Chicken慶生。滋味套餐combo for 2 $398，好抵食！有咁多口味選擇，真係好難揀。Combo包飲品x 2，加$10 有菊花蜜特飲，超大杯，唔太甜，好啱熱天飲。升級加$25酒精類，西柚燒酒，grapefruit味ok，soju酒味唔會太重，好啱食炸雞飲。凱撒沙律好多芝士，很新鮮。紫菜薯條好吸引，炸得幾脆，配炸雞食一流。雙併炸雞，好大份呀！有黄金鹹蛋和檸檬柚子口味，以為無骨雞口感會好鞋，佢都做到非常嫩滑和juicy。炸雞好crispy，檸檬柚子味道refresh，酸酸甜甜唔會腻，仲可以連柚子肉食，味道好夾。個人十分喜歡黄金鹹蛋，炸雞面都包滿黄金鹹蛋，咸香味誘人，味道好rich又惹味，一試難忘。Combo份量剛好，cp值高，令人滿足的一餐。

餐廳位於中環既蘭桂坊area，隨時玩完去食或者食完再玩都得，仲要播哂Chain Smokers啲歌，啱哂各位party animals🤣 我地坐左係地下個層靠窗既座位，成個落地玻璃望到街外啲人行黎行去👯我哋嗌咗個二人套餐 ( $398 )，揀左雙併炸雞，檸檬柚子味同黃金鹹蛋味，薯條就揀咗芝士薯條，同揀咗一個水冷麵。另外叫左泡菜豬骨湯烏冬和煙肉年糕串。飲品就有檸檬梳打同埋甜橙梳打勁快手五分鐘就上左第一款菜，芝士薯條新鮮熱辣，條條都舖滿芝士粉，個盤底都充滿住芝士粉，芝士味極濃！咬落去外脆內軟，好鬆化。鍾意茄汁嘅朋友都可以問佢攞水冷麵入面配埋泡菜，食落酸酸的勁開胃，啲冷麵好煙韌，會成日覺得好似咬唔斷咁😆 對於我呢啲咁鍾意食煙韌嘢食嘅人特別正！黃金鹹蛋炸雞個味真係超鹹蛋，啲雞肉好嫩滑好易咬，個雞皮超脆超香口，仲加左doritos薯片增加個口感檸檬柚子炸雞都唔弱，成個味真係好fresh，甜甜酸酸地，仲有柚子皮咬下泡菜豬骨湯烏冬個湯底好濃味，自己鍾意啲烏冬，因為都有咬口煙韌既，而家出面除左食烏冬既舖頭之外，好少會有舖頭既烏冬菜式會揀啲煙韌烏冬，值得推薦俾大家！煙肉年糕串加咗蕃茄醬同埋芥末醬，出面有

中式的黃金咸蛋蝦食得多, 但係都仲未試過如果撈係炸雞都到會係咩味,今次朋友就帶左我去食韓國潮流興的炸雞食法: 黃金咸蛋雞!!Sodam Chicken (中環店)係中環雲咸街, 係藝穗會同聖保羅堂斜對面, 去開蘭桂坊飲酒既話實識上去。餐廳面積雖然唔係好大, 但裝潢時尚, 配上一列的落地大玻璃, 感覺光鮮而不局促。我地叫左一個2-3人的套餐($398), 另外有叫多左一款standard size 的焗雞。套餐的雙拼炸雞, 當然揀黃金咸蛋味啦, 而另一款味我地揀左檸檬西柚。個雞上到檯時,我地個個都「嘩」一聲, 因為件件雞都漲卜卜, 新鮮炸起又熱辣辣, 真係不得了。而個黃金咸蛋有的咸蛋味的確唔同中式果D黃金蝦, 韓國式做法唔會死咸, 雖然唔係話好濃味, 但我反而覺得剛剛好。而且最欣賞sodam D 雞肉質地好靚好嫩滑, 一D都唔鞋, 白白滑滑,睇得出sodam 對食材的認真。個套餐又有薯條(原味/芝士/紫菜), 我地揀左芝士味。薯條新鮮鮮炸,薯條上釀滿多多的芝士粉, 食落咸咸香香而且份量又好多, 我同朋友食極都好似食唔完。而個餐仲配一款小食(水冷麵/ 魚串湯/ 凱撒沙律)我地揀左魚串湯。魚

完全抵抗唔到芝士既誘惑，見到太陽芝士炸雞($198) 一個烤好既農夫包放滿咗水牛芝士，車打芝士同秘製芝士醬。。。點樣忍住唔叫先得架！芝士面頭烤到微焦，仲吸引既芝士放舊雞入去芝士溶岩入面係可以瘋狂拉絲，加上舊炸雞外脆肉嫩，絕對係一級既享受。炸雞底都鋪滿哂秘製芝士醬，同埋個脆脆農夫包吸收哂芝士既精華，叫人點捨得唔食埋佢！邪惡指素爆登曼克頓薄餅($138) 冇錯又係芝士喇 有水牛芝士，蕃茄醬，辣肉腸所組成。芝士同辣肉腸份量都幾多，而餅底做得比較薄身，所以食落都比較脆，同埋唔會食完一塊就會覺得漏，味道不錯食咗咁多芝士，梗係要叫番個熱辣辣又有湯既食物消下滯！揀咗泡菜豬骨湯烏冬 ($90) 好暖胃消滯 烏冬仲要係十分之彈牙有幾片豬肉，蟹柳同少量泡菜，唔食得辣既朋友都可以一試，湯底係偏重豬骨湯味~飲品揀咗2樣酒精飲品，其中有飲極都仲有既Apple Cider Rita($78) 同 1664 blanc ($78) 2個酒精含量相對都比較低，飲得既可以試呢度既燒酒，又或者燒酒mix啤酒